Փաստաբանները դիմել են դատարան. բողոքարկում են դատախազության ու ՀՔԾ–ի անգործությունը
(Թարմացված է 12:48 15.02.2021)
Դատական նիստն անցնում է դռնփակ ռեժիմով։ Դատարանի որոշմանը դատարանի շենքի դիմաց սպասում են փաստաբանական համայնքի տասնյակ ներկայացուցիչներ ու քաղաքական ընդդիմադիր որոշ գործիչներ։
ԵՐԵՎԱՆ, 15 փետրվարի – Sputnik. Երևանի Ավան Նոր Նորք վարչական շրջանի դատրանում այսօր մեկնարկում է Փաստաբանների պալատի շուրջ 100 անդամների բողոքի քննությունը, որով նրանք վիճարկում են ՀՔԾ–ի և դատախազության անգործությունը և դատրանից պահանջում բեկանել ՀՔԾ–ի որոշումը։
Վտանգված է Հայաստանի ինքնիշխանությունը. 150 փաստաբաններ պահանջում են Փաշինյանի հրաժարականը
2020 թվականի դեկտեմբերի 22-ին ավելի քան հարյուր փաստաբաններ հաղորդում էին ներկայացրել ՀՀ գլխավոր դատախազին, խնդրելով քրեական գործ հարուցել ՀՀ քրեական օրենսգրքի 299-րդ հոդվածով (պետական դավաճանությունը) նախատեսված հանցավոր արարքի կատարման փաստի կապակցությամբ։ Հաղորդումը վերաբերում էր ինչպես 44-օրյա պատերազմի ընթացքում, այնպես էլ մինչև պատերազմը և պատերազմից հետո տեղի ունեցած որոշ իրադարձությունների:
Դատարանի շենքի դիմաց լրագրողների հետ զրույցում մեկնաբանելով փաստաբանների ներկայացրած հաղորդումը, ՓՊ նախագահ Արա Զոհրաբյանը մասնավորապես ասաց.
«Օրինակ` Նիկոլ Փաշինյանի հայտարարությունները`«Արցախը Հայաստան է և վերջ», ինչպես նաև կորոնավիրուսով պայմանավորված կառավարության նիստում հրապարակում է մեր պարենային պաշարների, ինչպես նաև պահեստազորում գտնվող որոշակի տարիքի քաղաքացիների մասին։ Մենք այս փաստերը առաջարկել ենք դիտարկել այն անկյան տակ, որ միգուցե այստեղ եղել է պետական դավաճանություն։ Մենք, իհարկե, անմեղության կանխավարկածը չենք խախտում, ուղղակի ասում ենք, որ կա այսպիսի հիմնավոր կասկած, խնդրում ենք գործ հարուցեք և ստուգեք»։
Փաստաբանների ներկայացրած փաստերը ՀՀ գլխավոր դատախազն ուղարկել էր ՀՔԾ։ Իսկ ՀՔԾ–ն այն կցել էր արդեն իսկ հարուցված մեկ այլ քրեական գործի։
Արա Զոհրաբյանի մեկնաբանմամբ, ՀՔԾ–ի այս որոշումը հակասում է ՀՀ Քրեադատավարական օրենսգրքին։
«Ընթացակարգն այսպիսին է. եթե քրեական գործ հարուցելու առիթը և հիմքը կա, ապա ՀՔԾ–ն պարտավոր էր քրեական գործ հարուցելու մասին որոշում կայացնել, հարուցումը մերժել կամ ուղարկել ըստ ենթակայության։ Դրա փոխարեն ՀՔԾ–ն հայտնել է, որ մեր ներկայացրած հաղորդումը կցել է Մովսես Հակոբյանի հայտարարությունների առիթով հարուցված քրեական գործին և քննելու են այդ գործի շրջանակներում»,– ասաց Զոհրաբյանը,– և մենք հիմա բողոքարկել են իրենց անգործությունը և դատարանից խնդրել ենք պարտավորեցնել ՀՔԾ–ին պատշաճ որոշում կայացնել։ Եթե մեր ներկայացրած փաստերն առևրեույթ չեն վկայում դավաճանության մասին, ապա պետք է քրեական գործի հարուցումը մերժվի»,– պարզաբանեց Զոհրաբյանը։
Փաստաբանները պահանջում են քրեական գործ հարուցել Նիկոլ Փաշինյանի դեմ
Փաստաբանների պաատի նախագահը միաժամանակ նաև հիշեցրեց, որ 2020 թվականի նոյեմբերի 19-ի ՊՆ ռազմական վերահսկողության ծառայության նախկին պետ Մովսես Հակոբյանի ասուլիսից հետո քրեական գործը հարուցվել էր ՀՀ ՔՕ 308-րդ հոդվածի 2-րդ մասով (Պաշտոնեական լիազորությունները չարաշահելը), մինչդեռ իրենց հաղորդումը վերաբերում է պետական դավաճանության հնարավորությանը։
Դատական նիստն անցնում է դռնփակ ռեժիմով։ Դատարանի որոշմանը դատարանի շենքի դիմաց սպասում են փաստաբանական համայնքի տասնյակ ներկայացուցիչներ ու քաղաքական ընդդիմադիր որոշ գործիչներ։
Դա կարող էր տեղի ունենալ միայն ու միայն Ալիևի երազում. Սերժ Սարգսյանի արձագանքը
(Թարմացված է 19:15 26.02.2021)
Սերժ Սարգսյանի գրասենյակի տարածած հայտարարության մեջ նշվում է, որ շատ պարզ ու հասկանալի է, թե ինչու է Ալիևը հենց հիմա իր մասին նման սուտ հայտնում։
ԵՐԵՎԱՆ, 26 փետրվարի - Sputnik. ՀՀ երրորդ նախագահի գրասենյակն արձագանքել է Ադրբեջանի նախագահ Իլհամ Ալիևի` այսօր կայացած մամուլի ասուլիսում հնչեցրած ստերին։ Մասնավորապես, Ալիևն ասել է, որ իբրև թե Սերժ Սարգսյանը 2016 թվականին իրենից երկու շաբաթ է խնդրել զորքը գրավյալ տարածքներից դուրս բերելու համար:
©
Sputnik / Asatur Yesayants
«Դա կարող էր տեղի ունենալ միայն ու միայն Ալիևի երազում: Որևէ մեկը մտածե՞լ է, թե ինչու այդպիսի «խնդրանքն» Ալիևը մինչև հիմա տարբեր առիթներով չի բարձրաձայնել սեփական լսարանի առջև ու գլուխ չի գովացել. այդ գայթակղությանը հաստատապես և ոչ մի դեպքում նա չէր դիմանա: Իսկ ինչո՞ւ 2016թ. Սանկտ Պետերբուրգի բանակցային փաստաթղթում այդ մասին ոչ մի խոսք չկա»,–նշված է Սարգսյանի գրասենյակի արձագանքի մեջ։
Ալիևին հիշեցնում են նաև, թե ի՞նքը չէր, որ 2016 թվականին իր կառավարության նիստում նեղսրտած հայտարարում էր, որ փակ դռների հետևում իրեն ստիպում են ճանաչել ԼՂ անկախությունը, սակայն Ադրբեջանը երբեք չի համաձայնի գնալ այդ քայլին:
«Սակայն, պետք է նկատել, որ նա իր հայաստանյան ներկայիս գործընկերոջից հետ չի մնում անամոթաբար ու անպատասխանատու ձևով ստելու գործում: Շատ պարզ ու հասկանալի է, թե ինչու է դա հիմա անում՝ դժվար պահին օգնության է
շտապում գործընկերոջը: Հավանաբար երկուսի մոտ էլ տարբեր ժամանակահատվածներում պարտվածի բարդույթը ծանր հետևանքներ է ունեցել»,–նշված է հայտարարության մեջ։
Հիշեցնենք, որ Ալիևը նաևհայտարարել էր, թե Բաքուն բոլոր ռազմագերիներին հանձնել է Երևանին:
Ադրբեջանը փորձում է գերիների հարցը սակարկել. ՀՀ փոխվարչապետի խոսնակ
Կասեցվել է ալրային հրուշակեղեն արտադրող արտադրամասերի աշխատանքը
ԵՐԵՎԱՆ, 26 փետրվարի - Sputnik. Կասեցվել է ալրային հրուշակեղեն արտադրող «ԱՏՈՄՄԻԼԵՆ» ՍՊԸ արտադրամասերի աշխատանքը: Տեղեկությունը հայտնում է ՀՀ սննդամթերքի անվտանգության տեսչական մարմինը։
Նշվում է, որ հրուշակեղենի արտադրությունը կասեցվել է Երևանի կենտրոնի տեսուչների վերահսկողական գործողությունների արդյունքում։
«Ուսումնասիրությունները ցույց են տվել, որ այս արտադրամասերում խախտվել են օրենսդրությամբ նախատեսված սանիտարահիգիենիկ նորմերը, վարչատնտեսական, կենցաղային և օժանդակ տարածքները առանձնացված չեն եղել սննդամթերքի պահպանման հատվածից, իսկ սարքավորումները, գործիքները և պարագաները, որոնք անմիջական շփման մեջ են գտնվում սննդամթերքի հետ, չեն պահվել նորոգ վիճակում»,–նշված է հաղորդագրության մեջ:
ՀՀ սննդամթերքի անվտանգության տեսչական մարմինը սահմանել է ժամկետ խախտումները վերացնելու համար:
թեգերը:
Իրական բարեկամները դժվարության պահին են ճանաչվում. ՀՀ նախագահը հանդիպել է Բեռնար Քուշներին
ԵՐԵՎԱՆ, 26 փետրվարի - Sputnik. Հայաստանի Հանրապետության նախագահ Արմեն Սարգսյանն այսօր հյուրընկալել է Ֆրանսիայի նախկին արտգործնախարար, «Բժիշկներ առանց սահմանների» կազմակերպության հիմնադիր Բեռնար Քուշների գլխավորած պատվիրակությանը: Տեղեկությունը հայտնում են ՀՀ նախագահի մամուլի ծառայությունից։
Հայաստանի Հանրապետության նախագահ Արմեն Սարգսյանն այսօր հյուրընկալել է Ֆրանսիայի նախկին արտգործնախարար, «Բժիշկներ առանց սահմանների» կազմակերպության հիմնադիր Բեռնար Քուշների գլխավորած պատվիրակությանը
Նշվում է, որ հանդիպմանը ներկա է եղել նաև Հայաստանում Ֆրանսիայի արտակարգ և լիազոր դեսպան Ջոնաթան Լաքոտը:
«Իրական բարեկամները դժվարության պահին են ճանաչվում»,-ասել է նախագահը՝ ընդգծելով, որ հայ ժողովուրդը բարձր է գնահատում բարեկամ Ֆրանսիայի կողմից աջակցության ջանքերը:
Հավելենք, որ Բեռնար Քուշները Հայաստան է ժամանել «Ավրորա» մարդասիրական նախաձեռնության հրավերով և այցելել է նաև Արցախ:
Քուշները նախագահին տեղեկություններ է ներկայացրել Արցախ կատարած այցի, իր տպավորությունների, ինչպես նաև իրականացվող մարդասիրական նախագծերին օժանդակելու մտադրության մասին:
թեգերը: