Ոստիկաններ, արխիվային լուսանկար

Օպերայի բակում ոստիկանը «հարձակվել» է Կադաստրի կոմիտեի նախկին նախագահի վրա. տեսանյութ

1739
(Թարմացված է 14:01 13.02.2021)
Պարզվում է`երեխաներին արձանների պատվանդանների վրա չի կարելի բարձրանալ, բայց պապիկներին կարելի է։

ԵՐԵՎԱՆ, 13 փետրվարի – Sputnik. ՀՀ կադաստրի պետական կոմիտեի նախկին նախագահ Սարհատ Պետրոսյանը Facebook-ում տեսանյութ է հրապարակել, որտեղ ներկայացրել է Ազատության հրապարակում իր և ոստիկանության ծառայողի միջև տեղի ունեցած վիճաբանությունից մի հատված։

«Այսօր իմ մանկահասակ աղջիկների ներկայությամբ հարձակման եմ ենթարկվել ոստիկանության 04023 կրծքանշանով աշխատակցի կողմից։ Երկուշաբթի պաշտոնապես դիմելու եմ ծառայողական քննություն անցկացնելու պահանջով։ Հողատուի ոստիկանությունն անտեր մնացած երկրում իրեն զգում է երկրի տեր ու տիրական»,– տեսագրությանը կից գրել է Պետրոսյանը։

Նրա խոսքով` խնդիրը ոստիկանի հետ ծագել է այն բանի պատճառով, որ երեխաները բարձրացել են Ազատության հրապարակում տեղադրված արձաններից մեկի պատվանդանի վրա։

«Պարզվում է`օպերայի հրապարակի արձանների վրա չի կարելի բարձրանալ, բայց դա չի կարեւորը։ Կարեւորն այս էակի պահվածքն է»,– ավելացրել է Պետրոսյանը։

Տարօրինակ պատահականությամբ երեկ Ազատության հրապարակի նույն արձանի պատվանդանին բարձրացել էր այդ նույն երեխաների պապիկը, բայց ոստիկանությունը դա հասարակական կարգի խախտում չէր որակել։

Հիշեցնենք` փետրվարի 12-ին Ազատության հրապարակում կազմակերպված հանրահավաքի ժամանակ ՀՀ նախկին վարչապետ, ընդդիմության միանական թեկնածու Վազգեն Մանուկյանը և հանրահավաքի այլ բանախոսներ ելույթ էին ունենում արձանի պատվանդանից։ Իսկ Վազգեն Մանուկյանը Սարհատ Պետրոսյանի աներն է` նրա փոքրիկների պապիկը։

Տղամարդկանց ծեծել են ՃՈ տեսուչները. ՀՔԾ–ն հրապարակել է նրանց անունները

1739
թեգերը:
տեսանյութ, արձան, ոստիկան, Սարհատ Պետրոսյան, Հայաստան
Ըստ թեմայի
Փաշինյանը կարևորել է ոստիկանության բարեփոխումները. ՆԳՆ–ն իրականություն պիտի դառնա այս տարի
Իշխանությունը քաղաքականացնում է ոստիկանության համակարգը. Կոստանյանը` ՆԳՆ ստեղծելու մասին
Գողությունները պակասել են, սպանությունները` ավելացել. ՀՀ ոստիկանությունն ամփոփել է 2020-ը
Լևոն Արոնյան

«Խոստումների իրագործմանը սպասելուց հետո հասկացա` ստիպված եմ հեռանալ երկրից». Լևոն Արոնյան

15
(Թարմացված է 13:09 26.02.2021)
Լևոն Արոնյանը Հայաստանը լքելու ու ԱՄՆ շախմատիստների թիմակիցը դառնալու որոշում է կայացրել։

ԵՐԵՎԱՆ, 26 փետրվարի - Sputnik. Շախմատի գրոսմայստեր Լևոն Արոնյանը Հայաստանը լքելու ու ԱՄՆ շախմատիստների թիմակիցը դառնալու որոշում է կայացրել։ Արոնյանն իր որոշման հայտնել է ֆեյսբուքյան էջում գրառում անելով։

«Անցյալ տարին չափազանց ծանր էր բոլորիս համար՝ համաճարակ, պատերազմ, իմ դեպքում նաև՝ անձնական դժբախտությունն ու պետության բացարձակ անտարբերությունը հայկական շախմատի նկատմամբ: Ես հայտնվել էի ընտրության առջև՝ թողնել կյանքիս գործը կամ տեղափոխվել այնտեղ, որտեղ ինձ գնահատում են: Մեկ տարուց ավելի ներկայիս կառավարության խոստումների իրագործմանը սպասելուց հետո հասկացա` ստիպված եմ կայացնել բեկումնային որոշում և հեռանալ հարազատ երկրից»,–գրել է Արոնյանը։

Նա նշել է նաև, որ անկեղծորեն հպարտանում է, որ պատիվ է ունեցել զգալի ներդրում ունենալու հայկական շախմատի մեծագույն ձեռքբերումներում․ օլիմպիական երեք ոսկի, ոսկիներ աշխարհի և Եվրոպայի առաջնություններում, աշխարհի երկու գավաթ, մի շարք անհատական և թիմային հաղթանակներ: Արոնյանը նշել է, որ մեր շախմատային հաջողություններում էական գործոն էր Հայաստանի երրորդ նախագահ Սերժ Սարգսյանի անձնական ուշադրությունը: Նրա խոսքով` 2018 թվականի հեղափոխությունից հետո նոր կառավարությունը խոստացավ շարունակել այդ գիծը, սակայն խոստումը սահմանափակվեց ընդամենը մեկ տարի մասնակի օժանդակությամբ, որից հետո դա էլ դադարեց:

Շախմատիստն ասում է, որ այդպես էլ ներկայիս իշխանությանը չկարողացավ փոխանցել այն պարզ ճշմարտությունը, որ պետական աջակցություն խնդրում է ոչ թե անձամբ իր համար, այլ այդ հաջողություններով հայրենիքին ծառայելու և փառք բերելու հնարավորության, ինչը տասնամյակներ շարունակ Հայաստանը հնարավոր է այլևս չունենա: Դրա դիմաց նրան պատասխանել են.«Մեր փորձագետները գտնում են, որ Լևոն Արոնյանը այլևս պոտենցիալ չունի»:

«Անմիջապես այս «դատավճռից» հետո Ստավանգերի հեղինակավոր մրցաշարին ես պարտության մատնեցի և՛ աշխարհի չեմպիոնին, և՛ աշխարհի թիվ երկու խաղացողին: Տարիներ շարունակ ես տարբեր երկրներից հանդես գալու բազմաթիվ գրավիչ առաջարկներ եմ ստացել, այդ թվում՝ ամերիկացի մեծ բարերար և շախմատի սիրահար Ռեքս Սինկեֆելդի կողմից... Ուզում եմ երախտագիտությունս հայտնել հարգարժան Ռեքս Սինկեֆելդին, որ այսօր էլ շարունակում է հավատալ ինձ: Շնորհակալ եմ նաև Ֆաբիանո Կարուանային, ով լինելով Ամերիկայի ուժեղագույն խաղացողը, աջակցում է ինձ և կիսում թիմակիցներ լինելու որոշումս»,–գրել է նա։

Արոնյանն իր խոսքն ամփոփել է` ասելով, որ համոզված է` կանցնի ժամանակ, և շախմատը Հայաստանում կվերադառնա իր կարգավիճակին. փակվող շախմատային դպրոցների և հեռացած նվիրյալների փոխարեն կրկին կտեսնենք հարգանք այն սպորտաձևի նկատմամբ, որտեղ մենք՝ որպես ազգ և երկիր, ունեցել ենք և դեռ կունենանք մեր կայուն տեղը:

Հիշեցնենք, որ 2018 թվականի հոկտեմբերի սկզբից շախմատային դպրոցի ֆինանսավորումը դադարեցվեց, թեև մարզումները շարունակվեցին։ Հայաստանի շախմատի ֆեդերացիայի նախագահը Հայաստանի արդեն նախկին նախագահ Սերժ Սարգսյանն է: Ու հենց նրա օրոք էլ հիմնվեց ու սկսեց գործել Լևոն Արոնյանի ու Գաբրիել Սարգսյանի անվան գրոսմայստերների դպրոցը:

15
Թևան Պողոսյան

«Զորքը մտե՞լ է քաղաք». Թևան Պողոսյանը պնդում է` եղածը ռազմական հեղաշրջման փորձ չէր

28
(Թարմացված է 12:50 26.02.2021)
Թևան Պողոսյանը նշում է, որ պետք է մանիպուլյատիվ հայտարարություններին չտրվել, քանի որ ԳՇ–ի արածը հայտարարություն է, ոչ թե հեղաշրջման փորձ։

ԵՐԵՎԱՆ, 26 փետրվարի - Sputnik. Գլխավոր շտաբի երեկվա հայտարարությունը ռազմական հեղաշրջման փորձ անվանելը մանիպուլյատիվ արտահայտություն է։ Sputnik Արմենիայի հետ զրույցում նման կարծիք հայտնեց Մարդկային զարգացման միջազգային կենտրոնի ղեկավար Թևան Պողոսյանը։

Փետրվարի 25-ին ԳՇ–ն հայտարարել էր, որ պահանջում է վարչապետ Նիկոլ Փաշինյանի հրաժարականը, ինչը վարչապետը որակել էր ռազմական հեղաշրջման փորձ։

«Ես` որպես անվտանգության ոլորտի փորձագետ, մեկ անգամ չէ, որ տեսել եմ և գիտեմ` ինչ է նշանակում ռազմական հեղաշրջում։

Եթե պետք է մարդկանց հիշեցնել, ապա, կարծում եմ, 2016-ին հուլիսին Թուրքիայում տեղի ունեցածը կարող են մտաբերել։ Իսկ Երևանում տեսե՞լ ենք ռազմական տեխնիկա` տանկ, ԲՏՌ և այլն։ Տեսե՞լ ենք զորք մտնի քաղաք։ Բացի այդ, այնպես չէ, որ հայտարարում և հետո նոր ռազմական հեղաշրջում են անում»,–ասաց Պողոսյանը։

Նրա խոսքով` ռազմական հեղաշրջման փորձ ընդհանրապես չի եղել` պարզապես հայտարարություն է արվել։ Այնպես որ, այդ մանիպուլյացիաներին, ըստ Պողոսյանի, պետք չի ենթարկվել։

Նա կարծում է, որ հիմա կառավարությունը պետք է առաջին քայլն անի դեպի խաղաղ հանգուցալուծում, որպեսզի քաղաքական ուժերը դրանից հետո միասնական ձևով նստեն, լուծում գտնեն. դրա առաջին քայլն իշխանության հրաժարականն է։

Թևան Պողոսյանը վստահ է` հրաժարականից հետո կլինեն ինստիտուտներ, որոնք կմիավորեն բոլորին, հիմա միայն պետք է գիտակցված ու խաղաղ հեռանալ։ Իշխանությունը պետք է հեռանա, ըստ նրա, հանուն հայրենիքի, որպեսզի չխորացնեն ճգնաժամը, իսկ ապագայում նրանք էլ են մասնակցելու հայրենիքի հզորացմանը։

«Միրզոյանը ոչինչ չի կարողանում անել»․ Ազգային ժողովի խորհրդի նիստը չի կայացել

«Բոլորի մոտ կա մեկ բան, որը կարմիր գծով անցնում է` այս իշխանությունները պետք է հրաժարական տան, որից հետո կբացվի քաղաքական բանակցային սենյակը, որտեղ քաղաքական ուժերը կհավաքվեն ու կփորձեն գտնել այն լուծումը, որն ընդունելի կլինի բոլորի համար։ Գուցե պետք լինի ժամանակավոր հակաճգնաժամային կառավարություն, որին զուգահեռ քաղաքական ուժերն ինչ–որ ժամկետ հետո արտախորհրդարանական ընտրության կպատրաստվեն»,–ասաց Պողոսյանը։

Նա անդրադարձավ նաև այն խնդրին, որ մի շարք մարդիկ «ահազանգում» են` չկա՞ երրորդ հրապարակ, որտեղ կհավաքվեն նրանք, ովքեր ո՛չ ներկայիս իշխանության, ո՛չ էլ ընդիմության կողմնակիցներն են։ Պողոսյանն ասաց, որ երեկ, օրինակ, «Քաղաքացիական որոշումը» հայտնել էր, որ նման հավաք է անցկացնում նրանց համար, ովքեր դուրս են մնացել այդ երկու խմբերից։ Սակայն, ըստ նրա, կարող են ձևավորվել նաև չորրորդ և հինգերորդ հրապարակներ, սակայն պետք է նկատի ունենալ, որ ինչքան հրապարակ ձևավորվի, այնքան մենք գործ ենք ունենալու բաժանման հետ։

Հիշեցնենք, որ երեկ` փետրվարի 25-ին, ԶՈւ Գլխավոր շտաբը պահանջեց Փաշինյանի հրաժարականը։ Դա տեղի ունեցավ այն բանից հետո, երբ վարչապետը պաշտոնից հեռացրեց ԳՇ պետի առաջին տեղակալ Տիրան Խաչատրյանին։

Ի պատասխան Փաշինյանը հայտարարեց ռազմական հեղաշրջման փորձի մասին և Հանրապետության հրապարակում հավաքվելու կոչ արեց իր համակիրներին։ Նա հայտնեց նաև, ստորագրել է ԳՇ պետ Օնիկ Գասպարյանին պաշտոնից հեռացնելու փաստաթուղթը, որը, սակայն, դեռ չի ստորագրել նախագահ Արմեն Սարգսյանը։

28
թեգերը:
ընդդիմություն, Հեղաշրջում, Թևան Պողոսյան
Ըստ թեմայի
Ամենանախկինը հենց Նիկոլ Փաշինյանն է. Արթուր Վանեցյանը՝ «նախկիններով» մանիպուլացնելու մասին
Արցախի նախագահ Արայիկ Հարությունյանը Օնիկ Գասպարյանի հրաժարականը չի պահանջում
«Իսկանդերի» մասին խոսելով՝ Նիկոլն ավելի նվազեցրեց ՀՀ-ի անվտանգության մակարդակը. Մանուկյան