Եգիպտացի Շեֆ Ամինը

Սաուդյան Արաբիայի թագավորի թիմում աշխատած եգիպտացի խոհարարն իրեն լավ է զգում Հայաստանում

185
(Թարմացված է 17:13 12.02.2021)
Եգիպտացի Շեֆ Ամինն արդեն 8 տարի է ապրում և աշխատում է Հայաստանում։ Ու նույնիսկ հիմա՝ պատերազմից ու տնտեսական ճգնաժամից հետո, նա չի ուզում հեռանալ մեր երկրից։ Ինչն է այստեղ բերել շեֆ-խոհարար Ամինին և ինչու է նա այդքան շնորհակալ ՊԵԿ–ի նախկին ղեկավարին։

Լաուրա Սարգսյան, Sputnik Արմենիա

«Բաց է», աշխատանքային ժամերը՝ 12:00-22:00: Ապակե դռների հետևում մենք հանդիպում ենք տաք հանգված, գլխարկով մի մարդու: Սկզբում զարմանում ենք, բայց հետո հասկանում, որ սենյակում իսկապես ցուրտ է։

«Եկեք, եկեք», - ասում է եգիպտացի շեֆ Ամինը` շեմից բարևելով  ու էքսկուրսիայի հրավիրելով մեզ իր հարմարավետ սրճարանում: Անցնում ենք սեղանների արանքով, մոտակայքում բանվորներն ինչ-որ բան են մոնտաժում։

Еревaнское The Egyptians Cafe
© Sputnik / Aram Nersesyan
Ամինի սրճարանը Երևանում

Շեֆ Ամինը պարզաբանում է, որ սրճարանը դեռ ամբողջությամբ չի բացվել, աշխատանքներն ընթացքի մեջ են։ Մտնում ենք խոհանոց. այն աչքի է ընկնում իդեալական մաքրությամբ։ Ցավոք, միշտ չէ, որ նույնիսկ ամենաթանկ ռեստորաններում կամ սրճարաններում խոհանոցը մաքուր է լինում։

«Ինչ մաքուր խոհանոց է»,  - ասում եմ Շեֆ Ամինին։

Նա գլխով է անում ու բացատրում, որ մաքրությունն իր համար ամեն ինչից վեր է։ Արդեն մի բաժակ տաք սուրճի շուրջ նա սկսում է իր պատմությունը։

Տատի մոտ ավելի համեղ է

Ամինը 50 տարեկան է, ծնվել ու մեծացել է Կահիրեում։ Խոհարարության հանդեպ սերը նրան ներշնչել է մորական տատը, որը մոր կողմից թուրք էր, հոր կողմից՝ եգիպտացի։

«Ես նրա չորս թոռներից ամենափոքրն էի։ Մենք ապրում էինք երրորդ հարկում, տատիկս՝ երկրորդ։ Դպրոցից հետո միշտ բարձրանում էր տատիկի մոտ։ Տուն էի վերադառնում միայն քնելու», - պատմում է նա։

Еревaнское The Egyptians Cafe
© Sputnik / Aram Nersesyan
Եգիպտացի Շեֆ Ամինի սրճարանը Երևանում

Ամինի մայրը Եգիպտոսի կրթության նախարարի օգնականն էր և ճաշ եփելու ժամանակ չուներ, տատն ամբողջ օրն անցկացնում էր խոհանոցում, նրա հետ միասին նաև Ամինը: Տատը շատ մաքրասեր տնային տնտեսուհի էր, նույնիսկ որոշ մթերքներ էր մաքրող հեղուկով լվանում: Մաքրության հանդեպ սերը Ամինը ժառանգել է տատից։ Երբ մայրը հարցնում էր, թե ինչու չի բարձրանում տուն, նա պատասխանում էր. «Մամ, տատի մոտ ավելի համեղ է»։ Նա մինչ օրս հիշում է grandma-ի պատրաստած ուտելիքի համը։ Իսկ մանկության ամենասիրելի ուտեստը սովորական բուտերբրոդն է՝ եգիպտական հացով (աիշ) և բաստուրմայով։

«Ինձ քար է պետք»․ հայ խոհարարուհին եթերում տոլմա պատրաստելով զարմացրել է ամերիկացիներին

Լոզանի դպրոցում Ամինին խոհարարական արվեստ են սովորեցրել ֆրանսիական լավագույն խոհարարները։ Վերջում նա սու շեֆի աշխատանքի է անցել Կահիրեի «Մարիոթ» հյուրանոցում, իսկ հետո արդեն աշխատել է Սաուդյան Արաբիայի թագավորի թիմում։

Египтянин Шеф Амин в еревaнском The Egyptians Cafe
© Sputnik / Aram Nersesyan
Եգիպտացի Շեֆ Ամինը

Այդ տարիներն Ամինը հիշում է որպես իր կյանքի լավագույն տարիներ։ Նա ապրում էր, ինչպես և արքայական ընտանիքը` երկու երկրում՝ Սաուդյան Արաբիայում և Անգլիայում։ Նրանք հաճախ էին Լոնդոնում լինում, որտեղ թագավորական ընտանիքն ապրում էր լյուքս դասի հյուրանոցում, իսկ սպասարկող անձնակազմը՝ կողքի հյուրանոցում, որտեղ մեկ գիշերակացն արժեր մոտ 415 ԱՄՆ դոլար:

Ճանապարհորդություն դեպի Հայաստան

Թագավորական ընտանիքին հրաժեշտ տալուց հետո, մինչև Հայաստան գալը, գրեթե 30 տարի շեֆ Ամինն աշխատել է ինը երկրում։ Նա մեզ խոստացավ, որ հաջորդ անգամ կպատմի այլ քաղաքներում իր գործունեության մասին։ Խոստովանում է`     եթե հիմա սկսի, դա երկար կտևի։

Շեֆ Ամինը Հայաստան է եկել 2013 թվականին, Ամանորից առաջ`Ծաղկաձորի «Մարիոթ» հյուրանոցը բացելու։ Առաջին բանը, որ զարմացրել է նրան, առատ ձյունն է եղել։

Египтянин Шеф Амин в еревaнском The Egyptians Cafe
© Sputnik / Aram Nersesyan
Եգիպտացի Շեֆ Ամինի սրճարանը Երևանում

«Մինչ այդ իսկական ձմեռ տեսել էի, բայց նման քանակությամբ ձյուն` դեռ ոչ։ Փողոցում -13 աստիճան սառնամանիք էր, մի քանի օր անց ջերմաստիճանը իջավ մինչև 20 աստիճան զրոյից ցածր։ Դա ինձ համար շոկ էր», - ասաց շեֆ Ամինը։

Նրան զարմացրել է նաև այն, որ ամանորյա օրերին խանութները չեն աշխատում, նման բան նա չի տեսել իր եղած ոչ մի երկրում։

Անվճար շաուրմա՝ 5 ստացողների համար․ հայ սրճարանատերը հիացրել է Չելյաբինսկի բնակիչներին

 «Մարիոթից» հետո շեֆ Ամինն աշխատանքի է անցել «Գազպրոմ Արմենիա» ՓԲԸ-ում, նրան առաջարկել են սննդամթերքի որակի գծով տնօրենի պաշտոնը։ Առաջարկը ստացել է ընկերության այն ժամանակվա ղեկավար Վարդան Հարությունյանից։ Եգիպտացի խոհարարն անկեղծորեն շնորհակալ է Հարությունյանին, ասում է, որ շատ բաների պատրաստ է հանուն նրա։ Դրա հիմքում ուշագրավ միջադեպ է ընկած։

Египтянин Шеф Амин в еревaнском The Egyptians Cafe
© Sputnik / Aram Nersesyan
Եգիպտացի Շեֆ Ամինը Երևանում

«Մի անգամ «Մարիոթի» պատշգամբում ընթրիք էի պատրաստում Կարապետյանի (նախկին վարչապետ Կարեն Կարապետյան), Հարությունյանի ու նրանց կանանց համար։ Եգիպտական քյաբաբը մատուցելիս յուղը պատահաբար կաթաց է Հարությունյանի կնոջ զգեստին։ Կինը զայրացած արդեն ուզում էր արտահայտվել, բայց Վարդանը հայացքով կանգնեցրեց նրան», - ասում է Ամինը։

Ուտել միայն ձեռքերով

Շեֆ Ամինն ունի ուտեստ պատրաստելու և այն ուտելու իր փիլիսոփայությունը։ Նա պատրաստում և ուտում  է բացառապես ձեռքերով։ Խոհարարն ասում է, որ ձեռքերի միջոցով սնունդին էներգետիկա է փոխանցվում։ Բացի այդ, նա եկել է այն եզրակացության, որ պետք է ձեռքերով ուտել՝ ճաշատեսակի իրական համը հասկանալու համար:

Տարիների ընթացքում նա եկել է այն եզրակացության, որ պետք է եփել առանց շտապելու, քանի որ, երբ շտապում ես, նյարդայնանում էր, դա փոխանցվում է նաև ուտեստին։

Еревaнское The Egyptians Cafe
© Sputnik / Aram Nersesyan
Եգիպտացի Շեֆ Ամինի սրճարանը Երևանում

Բացի այդ, Շեֆ Ամին ունի սկզբունք՝ նրան ոչ ոք ուղղակի անունով չի դիմում։ Նա բացատրում է, որ չափազանց շատ տարիներ, ջանք ու եռանդ է ներդրել իր մասնագիտության մեջ, ուստի արժանի է, որ իրեն անվանեն իր կարգավիճակով՝ «Շեֆ», ճիշտ այնպես, ինչպես վիրահատարանում վիրաբույժին դիմում են ոչ թե անունով, այլ ասում են «բժիշկ»։

Շեֆ Ամինը կարծում է, որ հայերն ու եգիպտացիները նման են խառնվածքով ու որոշ խենթություններով։ Նա դեռ չգիտի՝ ինչ է անելու 5, 10 կամ 15 տարի հետո։ Կյանքի այս փուլում նա իրեն միայն Հայաստանում է տեսնում։

Еревaнское The Egyptians Cafe
© Sputnik / Aram Nersesyan
Եգիպտացի Շեֆ Ամինի սրճարանը Երևանում
185
թեգերը:
սրճարան, խոհարար, Հայաստան, Երևան, Եգիպտոս
Ըստ թեմայի
Ծուխը չի հարցնում, թե որ կողմ կարելի է տարածվել. սրճարաններում ծխելը կարգելվի բոլորին
Համեղ ու օրիգինալ. Երևանում ո՞ր ռեստորաններն են արտասովոր ապուրներ մատուցում
Հնդիկ ընտանիքն իր ռեստորանում պատերազմի օրերին կերակրել է 500 արցախցու. տեսանյութ
Արխիվային լուսանկար

Դարձյալ կցրտի. եղանակի տեսություն

45
(Թարմացված է 23:04 06.03.2021)
ԱԻՆ հաղորդագրության համաձայն` քամին կլինի հարավարևմտյան՝ 5-10 մ/վ արագությամբ:

ԵՐԵՎԱՆ, 7 մարտի - Sputnik. Հայաստանի Հանրապետության տարածքում այսօր գիշերը, մարտի 9-ի ցերեկը, 10-ին սպասվում է առանց տեղումների եղանակ: Մարտի 7-ին՝ կեսօրից հետո, 8-ին, 11-ին շրջանների զգալի մասում, 9-ի գիշերը՝ Վայոց Ձորում, Սյունիքում և Արցախում, սպասվում են տեղումներ՝ լեռնային շրջաններում՝ ձյան տեսքով։ Տեղեկությունը հայտնում է ՀՀ ԱԻՆ մամուլի ծառայությունը։

Հաղորդագրության համաձայն` քամին կլինի հարավարևմտյան՝ 5-10 մ/վ արագությամբ:

Օդի ջերմաստիճանը մարտի 8-ի ցերեկը կնվազի 5-7 աստիճանով։

Եղանակի կանխատեսում
Եղանակի կանխատեսում

Երևան քաղաքում նույնպես մարտի 7-ի գիշերը, 9-10-ը սպասվում է առանց տեղումների եղանակ: Մարտի 7-ի երեկոյան ժամերին, 8-ին, 11-ին սպասվում են տեղումներ:

Ջերմաստիճանն այսօր ցերեկային ժամերին կլինի +9...+11, գիշերը` 0...+2 աստիճան։

Երևանի մանկապարտեզներում ընդունելություն կլինի՞. պատկան մարմինների արձագանքը

45
թեգերը:
Երևան, Հայաստան, ձյուն, օդի ջերմաստիճան, եղանակ
թեմա:
Եղանակը Հայաստանում
Ըստ թեմայի
Անակնկալ արդյունք. հայազգի ջութակահարուհին` Իսպանիայի միջազգային մրցույթի դափնեկիր
Ի՞նչ պետք է ուտել քնելուց առաջ. բժիշկը խոսել է վտանգավոր սննդի մասին
«Ի սրտե». Ավետ Բարսեղյանը Ռիտա Սարգսյանի հիշատակին նվիրված երգ է գրել. տեսանյութ
Ինչպե՞ս մաքրել Հայաստանն ու տաքանալ. լիբանանահայն աշխատող տարբերակ է առաջարկում
Դալմա

Ահազանգ. «Դալմա գարդեն մոլ» առևտրի կենտրոնում ռումբ է տեղադրվել

631
(Թարմացված է 22:35 06.03.2021)
Առևտրի կենտրոն են ժամանում ինչպես փրկարարները, այնպես էլ ոստիկանները։

ԵՐԵՎԱՆ, 6 մարտի - Sputnik. Քիչ առաջ ՀՀ արտակարգ իրավիճակների նախարարության Փրկարար ծառայության 911 և ոստիկանության Երևան քաղաքի վարչության օպերատիվ կառավարման կենտրոններ ահազանգ է ստացվել, որ «Դալմա գարդեն մոլ» առևտրի կենտրոնում ռումբ է տեղադրված: Տեղեկությունը հայտնում է shamshyan.com–ը։

Առևտրի կենտրոն են ժամանում ԱԻՆ հրշեջ-փրկարարական ջոկատներից և ոստիկանության Մալաթիայի բաժնի ծառայողները:

Այլ մանրամասներ դեռ հայտնի չեն։

Զանգել, ասել է` «Ավան» հոգեկան առողջության կենտրոնում ռումբ կա․ ո՞վ է ահազանգի հեղինակը

631
թեգերը:
Դալմա գարդեն մոլ, ահազանգ, ռումբ
Ըստ թեմայի
Ռումբի մասին կեղծ ահազանգեր. փրկարարական ու ոստիկանական գործողությունները՝ տեսանյութով
Ռումբ չի եղել. Արմավիրի 3 վայրերի մասին ահազանգը կեղծ էր
«Կապույտ մզկիթում» ռումբի տեղադրման մասին ահազանգը կեղծ էր
Հովհաննես Մկրտչյան

«Փորի, ախպեր ջան, փորի». ինչպես համշենահայ երիտասարդը հայտնվեց Թաղավարդում ու ողջ մնաց

0
(Թարմացված է 18:13 04.03.2021)
2020 թվականի 44–օրյա պատերազմը ինքնությունը պահելու պայքար էր ոչ միայն Արցախի ու ՀՀ հայերի, այլև Արևմտյան Հայաստանի մեր հայրենակիցների համար։ Հովհաննեսը համշենցի երիտասարդ է, որը պատերազմի ընթացքում Արցախի Թաղավարդում էր։

Հովհաննես Մկրտչյանը Հայաստան է եկել 2020-ին՝ ֆիլմ նկարահանելու, բայց դա զուգադիպել է նախ կորոնավիրուսի, ապա արցախյան 44–օրյա պատերազմի հետ, ինչի հետևանքով համշենահայ երիտասարդը մնացել է մայր հայրենիքում։ Պատմում է, որ պատերազմի ժամանակ ձգտում էր մեկնել Արցախ, բայց մշտապես ստանում էր մերժումներ։ Չլինելով Հայաստանի քաղաքացի` հնարավորություն չի ունեցել կռվել թշնամու դեմ, առաջարկել է թիկունքային աշխատանքներ, կրկին մերժվել է։

Ованнес Мкртчян
© Photo : provided by Hovhannes Mkrtchyan
Հովհաննես Մկրտչյան

«Ընկերս եկավ, ես նրան ասացի, որ պետք չի սպասել, թե հնարավորություն կունենանք առաջնագիծ գնալու։ Չեն թողնի։ Բայց նա հաջորդ օրը կազմակերպեց, որ կարողանանք մեկնել Արցախ։ Գնեցինք համազգեստ, ժամը 7-ին մեկնեցինք։ Սկզբում շատ դժվարություններ կային։ Մեզ տարան Կարմիր Շուկայի մոտ, հետո Թաղավարդ։ Շատ ամուր տղաներ կային ջոկատում։ Տարբեր երկրներից եկել էին կամավորներ, որոնք իրենց հնարավորության սահմաններում օգնում էին Արցախի պաշտպանության գործին։ Ամենակարևորը՝ մենք ունեինք կարգապահություն։ Որևէ մեկը չէր փորձում ինքնահաստատվել մյուսի հաշվին։ Մենք բոլորս դարձանք մեկ մարդ»,-պատմում է Հովհաննեսը։    

Ованнес Мкртчян
© Photo : provided by Hovhannes Mkrtchyan
Հովհաննես Մկրտչյան

Նրանց ջոկատում հիմնականում եղել են տարբեր ոլորտների մասնագետներ։ Հովհաննեսն ասում է՝ մարդիկ մեկը մյուսի նկատմամբ շատ հոգատար էին, քանի որ համարում էին՝ իրենց գործունեությունը պակաս կարևոր չէ։ 

«Մենք երկու օր չէինք քնել։ Ամբողջ գիշեր փորում էինք։ Ծանր օրեր էին, կռիվները չէին դադարում։ Մեր հրամանատարն ուժեղ, թիկնեղ տղա էր։ Գիշերն ասում էր` փորի, ախպեր ջան, փորի։ Ինքն ամբողջ գիշեր փորում էր։ Մեր հրամանատարն ասում էր` Հովհաննես, փորո՞ւմ ես, տեսնո՞ւմ ես, թե մեր դիմաց ովքեր են, դե փորի։ Նա լավ օրինակ էր, թե ինչպես է հնարավոր մեկ մարդ դառնալ, մեկ մարմին»։

Համշենահայերը Թուրքիայում էլ համարվում են մարտաշունչ էթնիկ խումբ։ Նախնիներից պահպանված բարբառով Հովհաննեսը ներկայացնում է Արցախի, Հայաստանի ու հայրենակիցների մասին իր վերաբերմունքը։

«Հայրս սովորեցրել է, որ երբ խոսում ես հայերեն, պետք է հայերեն մտածել։ Մեր մշակութային արժեքները, մեր պատմությունը պետք է միավորող գործոն լինեն։ Ես այդպես եմ դաստիարակվել»,–ասում է նա։

Համշենցի Հովհաննեսը պատրաստ է հաստատվել Հայաստանում և այստեղ ներդրում ունենալ պաշտպանության ոլորտում, զարգանալ իր մասնագիտության մեջ։

Հիշեցնենք` Արևմտյան Հայաստանի Համշենի տարածաշրջանում տարբեր հաշվարկներով ապրում է 700-800 հազար հայ։

Ցեղասպանության ժամանակ համշենահայերը համեմատաբար խուսափել են կոտորածից, սակայն հետո նրանցից շատերը հեռացել են Թուրքիայից՝ տեղափոխվելով Ռուսաստան կամ Հայաստան։

Վերջին անգամ Շուշիում՝ մահվան հետ դեմ հանդիման, կամ ինչպես ընկավ թշնամու ինքնաթիռը

0
թեգերը:
Թաղավարդ, Պատերազմ, հայ, համշենահայերեն
Ըստ թեմայի
Թե ինչպես մշեցի հայն իր որդուն ուղարկեց հայկական բանակ
Իմ տեսած պատերազմը․ ինչպես հայ կամավորներն օդային հարձակման ենթարկվեցին Շուշիում
Թուրքը նահանջում է, երբ տեսնում է կռվող հայի. Սասունում ապրող հայի պատգամը