Անահիտ Ավանեսյանը Գյումրիում. 12 փետրվարի, 2021

Մեզ հաջողվել է վարակը կառավարելի շրջանակներում բերել, բայց... նախարար

128
(Թարմացված է 20:35 12.02.2021)
Ճանաչողական այցի ժամանակ նախարարը նշել է, որ վերջնական փուլին են հասել ռուսական «Սպուտնիկ V» պատվաստանյութի ձեռքբերման գործընթացում, փոքր խմբաքանակ արդեն իսկ որպես նվեր ներկրվել է։

ԵՐԵՎԱՆ, 12 փետրվարի - Sputnik, Արմենուհի Մխոյան. ՀՀ առողջապահության նախարար Անահիտ Ավանեսյանն այսօր Շիրակի մարզ կատարած ճանաչողական այցի ժամանակ անդրադառնալով հանրապետությունում համավարակի թվերին վստահեցրեց, որ հաջողվել է վարակը կառավարել:

«Բայց ասել, թե կորոնային հրաժեշտ ենք տվել վաղ է, կանխատեսումներ անելը բավական բարդ է և շատ կարևոր է, որ այն փոքրաթիվ միջոցառումները, որ դեռ առկա են, բնակչության կողմից շարունակվեն հետևել»,-նշեց նախարարը՝ հույս հայտնելով, որ պատվաստումների գործընթացը նորմալ ընթանալու ու բնակչության ռիսկային խմբերի պատվաստման դեպքում վարակի ալիքներ այլև հանրապետությունում չենք ունենա:

Министр здравоохранения Анаит Аванесян во время посещения Медицинского центра Гюмри (12 февраля 2021). Гюмри
© Sputnik / Armenuhi Mkhoyan
Անահիտ Ավանեսյանը Գյումրիում. 12 փետրվարի, 2021

Անդրադառնալով պատվաստումներին՝ նախարարը վստահեցրեց, որ մի քանի հարթակով բանակցություններ են վարում՝ Հայաստանի համար լավագույն պայմաններով պատվաստանյութը ապահովվելու համար:

«Արդեն իսկ վերջնական փուլին ենք հասել ռուսական «Սպուտնիկ V» պատվաստանյութի ձեռքբերման գործընթացում, փոքր խմբաքանակ արդեն իսկ որպես նվեր ներկրվել է, և ավելի մեծ խմբաքանակի սպասում ենք մոտակա ժամանակում»:

Ի դեպ, հանրապետությունում համավարակի դեմ պատվաստվողներ արդեն կան, արդյունքներն, ըստ նախարարի, դրական են. թեև դրա մասին խոսելը վաղ է, բայց այս ընթացքում կողմնակի ազդեցություն պատվաստողների շրջանում չի գրանցվել, ընթացքը հանգիստ է:

Պատրաստ ենք նաև ռուսական պատվաստանյութ գնել. Անահիտ Ավանեսյանն ընդունել է ՌԴ դեսպանին

Առաջնային պատվաստման ծրագրում կլինեն ռիսկային խմբի քաղաքացիները՝ 60 տարեկանից բարձր անձիք, բուժաշխատողներ, խրոնիկ հիվանդություններով տառապող անձիք, փակ հաստատությունների շահառուներն ու աշխատակիցները:

Պատասխանելով լրագրողների հարցին նախարարը նաև անդրադարձավ երեկ Ազգային ժողովում բուռն քննարկվող «Մարդու իմունային անբավարարության վիրուսից առաջացած հիվանդության կանխարգելման մասին» Հայաստանի Հանրապետության օրենքում փոփոխություններ և լրացում կատարելու մասին և Հայաստանի Հանրապետության քրեական օրենսգրքում փոփոխություն կատարելու մասին օրենքների նախագծերի փաթեթի:

«Այո՛, բավական բուռն էր, ինչն անակնկալ էր, քանի որ հանձնաժողովի նիստին նախագիծը քննարկվել էր և որոշակի փոփոխությունների առաջարկներ հնչել էին և մեր կողմից ընդունվել, բայց նորմալ ընթացք է՝ նախագծերը դրվում են քննարկման՝ որոշ դեպքերում մերժվում են, որոշ դեպքերում անցնում՝ խնդիր չկա: Կդիտարկենք, կնայենք, գուցե համալրվի նախագիծը, լրամշակվի և նոր շրջանառության մեջ կդրվի»,-նշեց նախարարը:

Аппарат компьютерной томографии в Медицинском центре Гюмри
© Sputnik / Armenuhi Mkhoyan
Տոմոգրաֆիկ նոր սարքավորումը

Նա անդրադարձավ նաև մարզային բուժհաստատությունների շենքային պայմանների բարելավման և մասնագիտական կադրերով համալրման հարցին:

Այցի շրջանակներում նախարարի գլխավորած պատվիրակությունը Գյումրու բժշկական կենտրոնում մասնակցել է թթվածնային կայանի և ռենտգեն կոնտրաստային նոր համակարգչային տոմոգրաֆիայի կաբինետի բացմանը։ Թթվածնային կայանը կառուցվել է կառավարության ֆինանսավորմամբ՝ 100 մլն դրամի շրջանակներում, այն կապահովի ոչ միայն բժշկական կենտրոնի թթվածնի պահանջարկը, այլև անհրաժեշտության դեպքում բուժհաստատությունը թթվածին կմատակարարի այլ հիվանդանոցների ևս։ Իսկ տոմոգրաֆիկ նոր սարքավորումը կենտրոնը ձեռք է բերել լիզինգային ծրագրի շրջանակներում. դա հնարավորություն կտա մարզի ազգաբնակչությանը անհետաձգելի մի շարք հետազոտություններ անցնել Գյումրիում և չմեկնել մայրաքաղաք։ 

128
թեգերը:
Շիրակի մարզ, կորոնավիրուս, Նախարար
թեմա:
Կորոնավիրուսը Հայաստանում և Արցախում (1761)
Ըստ թեմայի
«Կաթվածաբեր» պատվաստանյութը. Հայաստանը պատրաստվո՞ւմ է կորոնավիրուսի դեմ պայքարել Pfizer–ով
Հրապարակվել են «Սպուտնիկ V» պատվաստանյութի հետազոտությունների երրորդ փուլի արդյունքները
Ո՞ր դեպքում Թուրքիան կգրանցի ռուսական «Սպուտնիկ V» պատվաստանյութը
Արխիվային լուսանկար

COVID-19 տարած մարդկանց մեծ մասը հոգեկան խնդիրներ է ունենում. գիտնականների զգուշացումը

17
(Թարմացված է 23:32 06.03.2021)
Երկարաժամկետ հեռանկարում, ըստ ուսումնասիրության արդյունքների, հոգեվերլուծական խնդիրներն արտահայտվում են աֆեկտիվ խանգարումներով ու հոգնածությամբ:

ԵՐԵՎԱՆ, 7 մարտի – Sputnik. Գիտնականները պարզել են, որ COVID-19 տարած մարդկանց զգալի մասը տառապում է նյարդահոգեբանական ու կոգնիտիվ խանգարումներից: Հետազոտությունը հրապարակվել է Frontiers in Psychology ամսագրում։

Օքսֆորդի Բրուքսի համալսարանի մասնագետների տվյալների համաձայն՝ կարճաժամկետ հեռանկարում COVID-19-ով կլինիկապես կայուն հիվանդների 95 տոկոսը տառապում է հետտրավմատիկ սթրեսային խանգարումից: Միևնույն ժամանակ, հիվանդների 17-ից մինչև 42%-ը զգացել են աֆեկտիվ խանգարումներ, օրինակ՝ դեպրեսիա։

«Հիմնական կարճաժամկետ կոգնիտիվ խանգարումներն են ուշադրության խախտումն (45 %) ու հիշողության վատթարացումը (13-ից մինչև 28%)», - նշել են գիտնականները:

Նոր հիվանդություն. հնարավոր է` երեխաները մահացած են ծնվել կորոնավիրուսի պատճառով

Երկարաժամկետ հեռանկարում, ըստ ուսումնասիրության արդյունքների, հոգեվերլուծական խնդիրներն արտահայտվում են աֆեկտիվ խանգարումներով ու հոգնածությամբ: Այնուամենայնիվ, հիվանդները նաև բողոքել են կենտրոնանալու (44%) ու հիշողության (38 - 50%) հետ կապված խնդիրներից:

ԱՀԿ-ի վերջին տվյալներով` աշխարհում 115,2 մլն վարակակիր կա, իսկ Հոպկինսի համալսարանի հաշվարկով՝ նրանց թիվն արդեն գերազանցել է 116 միլիոնը:

Կորոնավիրուսի դինամիկան հասել է 16 տոկոսի. վերահսկողությունը կխստացվի

17
թեգերը:
հոգեբուժարան, սթրես, գիտնական, կորոնավիրուս
թեմա:
Կորոնավիրուսը աշխարհում
Ըստ թեմայի
Գիտնականներն ասել են` ինչ գույներ ունի կորոնավիրուսը
Գիտնականներն ասել են, թե մարդկությունը քանի տարի է կորցրել կորոնավիրուսի պատճառով
Ո՞վ է ավելի թեթև տանում համավարակը. իտալացի գիտնականների հետազոտությունը
Արխիվային լուսանկար

Դարձյալ կցրտի. եղանակի տեսություն

61
(Թարմացված է 23:04 06.03.2021)
ԱԻՆ հաղորդագրության համաձայն` քամին կլինի հարավարևմտյան՝ 5-10 մ/վ արագությամբ:

ԵՐԵՎԱՆ, 7 մարտի - Sputnik. Հայաստանի Հանրապետության տարածքում այսօր գիշերը, մարտի 9-ի ցերեկը, 10-ին սպասվում է առանց տեղումների եղանակ: Մարտի 7-ին՝ կեսօրից հետո, 8-ին, 11-ին շրջանների զգալի մասում, 9-ի գիշերը՝ Վայոց Ձորում, Սյունիքում և Արցախում, սպասվում են տեղումներ՝ լեռնային շրջաններում՝ ձյան տեսքով։ Տեղեկությունը հայտնում է ՀՀ ԱԻՆ մամուլի ծառայությունը։

Հաղորդագրության համաձայն` քամին կլինի հարավարևմտյան՝ 5-10 մ/վ արագությամբ:

Օդի ջերմաստիճանը մարտի 8-ի ցերեկը կնվազի 5-7 աստիճանով։

Եղանակի կանխատեսում
Եղանակի կանխատեսում

Երևան քաղաքում նույնպես մարտի 7-ի գիշերը, 9-10-ը սպասվում է առանց տեղումների եղանակ: Մարտի 7-ի երեկոյան ժամերին, 8-ին, 11-ին սպասվում են տեղումներ:

Ջերմաստիճանն այսօր ցերեկային ժամերին կլինի +9...+11, գիշերը` 0...+2 աստիճան։

Երևանի մանկապարտեզներում ընդունելություն կլինի՞. պատկան մարմինների արձագանքը

61
թեգերը:
Երևան, Հայաստան, ձյուն, օդի ջերմաստիճան, եղանակ
թեմա:
Եղանակը Հայաստանում
Ըստ թեմայի
Անակնկալ արդյունք. հայազգի ջութակահարուհին` Իսպանիայի միջազգային մրցույթի դափնեկիր
Ի՞նչ պետք է ուտել քնելուց առաջ. բժիշկը խոսել է վտանգավոր սննդի մասին
«Ի սրտե». Ավետ Բարսեղյանը Ռիտա Սարգսյանի հիշատակին նվիրված երգ է գրել. տեսանյութ
Ինչպե՞ս մաքրել Հայաստանն ու տաքանալ. լիբանանահայն աշխատող տարբերակ է առաջարկում
Շտապօգնություն

Ողբերգական ավտովթար Երևանի Հալաբյան փողոցում. վարորդն ու ուղևորը մահացել են

0
(Թարմացված է 10:15 07.03.2021)
«BMW» մակնիշի ավտոմեքենան բախվել է Զորակոչային և զորահավաքային համալրման ծառայության թիվ 1 տարածքային ստորաբաժանման ճաղավանդակին և հայտնվել բակում։

ԵՐԵՎԱՆ, 7 մարտի - Sputnik. Ողբերգական ավտովթար է տեղի ունեցել Երևանի Հալաբյան փողոցում։ Մեքենայի 33–ամյա վարորդը տեղում է մահացել, իսկ 33–ամյա ուղևորը հիվանդանոցում ուշքի չգալով է մահացել։ Տեղեկությունը հայտնում է Արտակարգ իրավիճակների նախարարության մամուլի ծառայությունը։

Նշվում է, որ այսօր` մարտի 7–ին, ժամը 04:35-ին, Ճգնաժամային կառավարման ազգային կենտրոն ահազանգ է ստացվել, որ Երևանի Հալաբյան փողոցում` Զորակոչային և զորահավաքային համալրման ծառայության թիվ 1 տարածքային ստորաբաժանման մոտակայքում, տեղի է ունեցել ՃՏՊ․ կա տուժած։

Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից երկու մարտական հաշվարկ և Ճգնաժամային կառավարման ազգային կենտրոնի օպերատիվ խումբը։

«Պարզվել է, որ «BMW» մակնիշի ավտոմեքենան (վարորդ՝ Ա․ Ղ․, ծնված 1988 թ.) բախվել է Զորակոչային և զորահավաքային համալրման ծառայության թիվ 1 տարածքային ստորաբաժանման ճաղավանդակին և հայտնվել բակում։ Փրկարարները վարորդի դին և ուղևորին (Ա․ Խ․, ծնված 1988 թ․) դուրս են բերել ավտոմեքենայից և մոտեցրել շտապօգնության ավտոմեքենային։ Ա․Խ․-ն հոսպիտալացվել է «Արմենիա» ՀԲԿ, որտեղ, գիտակցության չգալով, մահացել է»,–նշված է հաղորդագրության մեջ։

Փրկարարներն ավտոմեքենան տեղափոխել են ավտոքարշակի վրա։

0
թեգերը:
Երևան, Մահ, վարորդ, ավտոմեքենա, ավտովթար