ԵՊՀ

«ԵՊՀ–ն բուհական համակարգի մայրը և հայրն է». նախարարը` բուհին հատուկ կարգավիճակ տալու մասին

61
(Թարմացված է 12:09 10.02.2021)
ԿԳՄՍ նախարարը կարծում է, որ պետք չէ այսօրվանով դիտարկել ԵՊՀ–ն` բուհն արդեն 100 տարեկան է։

ԵՐԵՎԱՆ, 10 փետրվարի - Sputnik. ԵՊՀ–ն մեր բուհական համակարգի լոկոմոտիվն է` և՛ մայրն է, և՛ հայրը։ ԱԺ–ում «Բարձրագույն կրթության և գիտության մասին» և կից ներկայացված օրենքների փաթեթի քննարկման ժամանակ նման կարծիք հայտնեց ԿԳՄՍ նախարար Վահրամ Դումանյանը` պատասխանելով «Իմ քայլը» խմբակցության պատգամավոր Գևորգ Պապոյանի հարցին։

Պապոյանը հետաքրքրվել էր, թե ինչո՞ւ է օրենքում ԵՊՀ–ն հատուկ կարգավիճակ և ֆինանսավորման առանձնահատուկ կարգ տրվում, ի՞նչ միջազգային փորձի հիման վրա է նման որոշում կայացվել` Ֆրանսիայում կամ Անգլիայում կա՞ նման փորձ։

Պատգամավորի կարծիքով` սա խորհրդային ավանդույթ է, որն առանց հիմնավորման է ներառվել օրենքի նախագծում։

«Ամեն ինչ չէ, որ պետք է փնտրել ԱՄՆ–ում, Ֆրանսիայում կամ Անգլիայում։ Օրինակ, Մոսկվայի պետական համալսարանն ունի հատուկ կարգավիճակ։ Աշխարհի բոլոր բուհերն ավանդույթների պատմություն են։ Բացի այդ, պատահական չէ, որ ԵՊՀ–ն անվանում են Մայր բուհ։ Պետք չէ այսօրվանով դիտարկել ԵՊՀ–ն` բուհն արդեն 100 տարեկան է»,–ասաց նախարարը։

Նա նշեց, որ ցավում է` պատգամավորն այդպես ընդհանուրի մեջ է գնահատում ԵՊՀ–ն։

Ի պատասխան Պապոյանը արձագանքեց, որ բուհի որակի մասին փաստում են թվերը` բուհն ավարտածներից քանիսն են աշխատաշուկայում իրենց տեղը գտնում իրենց մասնագիտությամբ։ Իսկ ԵՊՀ–ի դեպքում այդ թվերը պատգամավորը հնչեցնել չուզեց։

Դումանյանն էլ, սակայն, նշեց, որ, այսօր բուհն ունի խնդիրներ, սակայն ինչ վերաբերում է թվերին, ապա ԵՊՀ–ն որևէ խնդիր չունի դրանցից նեղվելու։

Որն է բարձրագույն կրթության մասին օրենքի ամենաաղմկահարույց կետը. մեկնաբանում է փորձագետը

Հիշեցնենք, որ մասնագիտական հանրությունը բավական քննադատեց այս օրենքի նախագիծը։ Ավելին, մի շարք բուհեր` ներառյալ Երևանի պետական համալսարանը և Երևանի պետական բժշկական համալսարանը, պահանջել էին հետ կանչել օրենքի նախագիծը` դրա որոշ կետեր անընդունելի համարելով։

61
թեգերը:
Օրենք, կրթություն, Երևանի պետական համալսարան (ԵՊՀ)
Ըստ թեմայի
Արցախում բարձրագույն կրթությունն անվճար կդառնա
«Բարձրագույն կրթության և գիտության մասին» աղմկահարույց օրենքն ունի բազմաթիվ խութեր
Բժշկական համալսարանը կոչ է անում հետ կանչել բարձրագույն կրթության մասին օրենքի նախագիծը
Արխիվային լուսանկար

COVID-19 տարած մարդկանց մեծ մասը հոգեկան խնդիրներ է ունենում. գիտնականների զգուշացումը

7
(Թարմացված է 23:32 06.03.2021)
Երկարաժամկետ հեռանկարում, ըստ ուսումնասիրության արդյունքների, հոգեվերլուծական խնդիրներն արտահայտվում են աֆեկտիվ խանգարումներով ու հոգնածությամբ:

ԵՐԵՎԱՆ, 7 մարտի – Sputnik. Գիտնականները պարզել են, որ COVID-19 տարած մարդկանց զգալի մասը տառապում է նյարդահոգեբանական ու կոգնիտիվ խանգարումներից: Հետազոտությունը հրապարակվել է Frontiers in Psychology ամսագրում։

Օքսֆորդի Բրուքսի համալսարանի մասնագետների տվյալների համաձայն՝ կարճաժամկետ հեռանկարում COVID-19-ով կլինիկապես կայուն հիվանդների 95 տոկոսը տառապում է հետտրավմատիկ սթրեսային խանգարումից: Միևնույն ժամանակ, հիվանդների 17-ից մինչև 42%-ը զգացել են աֆեկտիվ խանգարումներ, օրինակ՝ դեպրեսիա։

«Հիմնական կարճաժամկետ կոգնիտիվ խանգարումներն են ուշադրության խախտումն (45 %) ու հիշողության վատթարացումը (13-ից մինչև 28%)», - նշել են գիտնականները:

Նոր հիվանդություն. հնարավոր է` երեխաները մահացած են ծնվել կորոնավիրուսի պատճառով

Երկարաժամկետ հեռանկարում, ըստ ուսումնասիրության արդյունքների, հոգեվերլուծական խնդիրներն արտահայտվում են աֆեկտիվ խանգարումներով ու հոգնածությամբ: Այնուամենայնիվ, հիվանդները նաև բողոքել են կենտրոնանալու (44%) ու հիշողության (38 - 50%) հետ կապված խնդիրներից:

ԱՀԿ-ի վերջին տվյալներով` աշխարհում 115,2 մլն վարակակիր կա, իսկ Հոպկինսի համալսարանի հաշվարկով՝ նրանց թիվն արդեն գերազանցել է 116 միլիոնը:

Կորոնավիրուսի դինամիկան հասել է 16 տոկոսի. վերահսկողությունը կխստացվի

7
թեգերը:
հոգեբուժարան, սթրես, գիտնական, կորոնավիրուս
թեմա:
Կորոնավիրուսը աշխարհում
Ըստ թեմայի
Գիտնականներն ասել են` ինչ գույներ ունի կորոնավիրուսը
Գիտնականներն ասել են, թե մարդկությունը քանի տարի է կորցրել կորոնավիրուսի պատճառով
Ո՞վ է ավելի թեթև տանում համավարակը. իտալացի գիտնականների հետազոտությունը
Արխիվային լուսանկար

Դարձյալ կցրտի. եղանակի տեսություն

56
(Թարմացված է 23:04 06.03.2021)
ԱԻՆ հաղորդագրության համաձայն` քամին կլինի հարավարևմտյան՝ 5-10 մ/վ արագությամբ:

ԵՐԵՎԱՆ, 7 մարտի - Sputnik. Հայաստանի Հանրապետության տարածքում այսօր գիշերը, մարտի 9-ի ցերեկը, 10-ին սպասվում է առանց տեղումների եղանակ: Մարտի 7-ին՝ կեսօրից հետո, 8-ին, 11-ին շրջանների զգալի մասում, 9-ի գիշերը՝ Վայոց Ձորում, Սյունիքում և Արցախում, սպասվում են տեղումներ՝ լեռնային շրջաններում՝ ձյան տեսքով։ Տեղեկությունը հայտնում է ՀՀ ԱԻՆ մամուլի ծառայությունը։

Հաղորդագրության համաձայն` քամին կլինի հարավարևմտյան՝ 5-10 մ/վ արագությամբ:

Օդի ջերմաստիճանը մարտի 8-ի ցերեկը կնվազի 5-7 աստիճանով։

Եղանակի կանխատեսում
Եղանակի կանխատեսում

Երևան քաղաքում նույնպես մարտի 7-ի գիշերը, 9-10-ը սպասվում է առանց տեղումների եղանակ: Մարտի 7-ի երեկոյան ժամերին, 8-ին, 11-ին սպասվում են տեղումներ:

Ջերմաստիճանն այսօր ցերեկային ժամերին կլինի +9...+11, գիշերը` 0...+2 աստիճան։

Երևանի մանկապարտեզներում ընդունելություն կլինի՞. պատկան մարմինների արձագանքը

56
թեգերը:
Երևան, Հայաստան, ձյուն, օդի ջերմաստիճան, եղանակ
թեմա:
Եղանակը Հայաստանում
Ըստ թեմայի
Անակնկալ արդյունք. հայազգի ջութակահարուհին` Իսպանիայի միջազգային մրցույթի դափնեկիր
Ի՞նչ պետք է ուտել քնելուց առաջ. բժիշկը խոսել է վտանգավոր սննդի մասին
«Ի սրտե». Ավետ Բարսեղյանը Ռիտա Սարգսյանի հիշատակին նվիրված երգ է գրել. տեսանյութ
Ինչպե՞ս մաքրել Հայաստանն ու տաքանալ. լիբանանահայն աշխատող տարբերակ է առաջարկում