Այս սխալներն անում են գրեթե բոլոր կանայք. Աննա Մաթևոսյանը խոհանոցային գաղտնիքներ է բացում
(Թարմացված է 19:25 09.02.2021)
Ճաշատեսակների պատրաստման գործում առանցքային նշանակություն ունի մթերքի ջերմային մշակումը, որը կարող է ինչպես ընդգծել համը, այնպես էլ փչացնել այն։ ԵՐԵՎԱՆ, 10 փետրվարի - Sputnik. Տնական ուտելիքին ոչինչ չի փոխարինի։ Այս կարծրատիպի հետ մենք ոչ միայն ապրում ենք, այլև շարունակում ենք մեծ համոզմունքով «համեղ և օգտակար» տնական ուտելիք պատրաստել։ Սակայն քչերը գիտեն, որ մեզ համար սովորական ջերմամշակումը կարող է «սպանել մթերքը», և արդյունքում սեղանին կդնենք գուցե համեղ, բայց անօգուտ կերակուր։
©
Sputnik / Asatur Yesayants
«Հայկական խոհարարական ավանդույթների զարգացման և պահպանման» ՀԿ-ի անդամ, խոհարար Աննա Մաթևոսյանը Sputnik Արմենիայի թղթակցի հետ զրույցում պարզաբանեց, որ յուրաքանչյուր մթերք պատրաստման իր եղանակն ունի։ Չի կարելի և անընդունելի է եփել կարտոֆիլը նույն ձևով, ինչ միսը կամ կանաչին։
Ամենատարածված սխալները կապված են բանջարեղենի, մսի, կանաչեղենի հետ։
Եփել, բայց ոչ գերխաշել
Մսի ցանկացած տեսակ, լինի հավի, թե խոզի միս, պետք է նույն ձևով եփել։ Սկզբում ջրով կաթսան պետք է դնել ուժեղ կրակին և եռացնել։ Ապա արդեն եռացող ջրի մեջ դնել միսը և թուլացնել կրակը։
«Եռացող ջրում միսը պատվում է կեղևով, ինչը կարևոր է, քանի որ այդ դեպքում պահպանվում են սննդարար նյութերը»,-ասաց Մաթևոսյանը։
Նա նշեց, որ շատերը միսը դնում են կաթսայի մեջ, վրան սառը ջուր լցնում և դնում կրակին։ Դա սխալ է. այդպես եփելու դեպքում սննդարար նյութերը չեն պահպանվում։
Ինչպե՞ս է եղանակային փոփոխությունն ազդում մարդու օրգանիզմի վրա. պարզաբանում է Մանուկյանը
Ճիշտ սոխառածի մասին
Սոխը տապակելու գործընթացը կարևոր է ինչպես օգտակարության, այնպես էլ կերակրի հետագա համի տեսանկյունից։ Մաթևոսյանի խոսքով` սոխը տապակելուց առաջ պետք է բուսական յուղով թավան դնել կրակին։
«Հենց ձեթը տաքանում է, կտրատած սոխը լցնում ենք թավայի մեջ և անմիջապես թուլացնում կրակը»,-ասաց Մաթևոսյանը։
Նրա խոսքով` սոխն այդ դեպքում կեղևով է պատվում, որը, ինչպես մսի դեպքում, թույլ է տալիս պահպանել մթերքի սննդանյութերն ու համը։ Բացի այդ, որքան երկար տապակեք սոխը, այնքան այն ավելի քաղցր կդառնա։
Բանջարեղեն
Ամբողջ աշխարհում, թերևս, ամենաշատը կարտոֆիլ են եփում։ Մաթևոսյանի խոսքով` ցանկացած բանջարեղեն, այդ թվում կարտոֆիլը եփելու գլխավոր գաղտնիքը նվազագույն քանակությամբ ջուր օգտագործելն է։
«Շատերը սխալ կարծիք ունենք, որ եփելու ընթացքում ջուրը պետք է լիովին ծածկի մթերքը։ Հակառակը` այդ դեպքում սննդարար նյութերը չեն մնում, ջուրը լվանում-տանում է»,-ասաց Մաթևոսյանը։
Բանջարեղենը պետք է եփել թույլ կրակի վրա և նվազագույն քանակությամբ ջրով։ Այդ դեպքում կպահպանվեն համն ու որակը։
Սեզոնային կանաչեղեն
Կանաչեղենը սովորաբար շոգեխաշում են։ Շատերը երկար եփում են` կարծելով, որ այդպես ավելի ճիշտ է։
«Այնինչ սպանախը պետք է եփել տաք ջրում և խաշել ընդամենը երկու րոպե, տեղական հայկական բանջարը` սինդրիկը, շուշանը` 4-5 րոպե»,-ասաց Մաթևոսյանը։
Խաշելուց հետո կանաչեղենը պետք է պահել սառը ջրի տակ, հակառակ դեպքում եռման ջերմաստիճանը կպահպանվի և կփչացնի կերակրի գույնն ու համը։
Բարի ախորժակ։
Վիտամին D-ի պակասն օրգանիզմում ցավեր է ծնում, որոնք ուժգնանում են գիշերը
Բանակը ճիշտ է արել, և վարչապետն իրավունք չունի հետապնդելու հրամանատարներին. Սեյրան Օհանյան
(Թարմացված է 19:48 01.03.2021)
Պաշտպանության նախկին նախարարը նշում է, որ միայն երկու հոգի են ԳՇ–ի հայտարարությունը հեղաշրջման փորձ որակում։
ԵՐԵՎԱՆ, 1 մարտի - Sputnik. Բանակը ճիշտ է արել, և վարչապետ Նիկոլ Փաշինյանն իրավունք չունի բանակի հրամանատարությանը ո՛չ պաշտոնից ազատելու, ո՛չ էլ ճնշելու։ Բաղրամյան պողոտայում Հայրենիքի փրկության շարժման հանրահավաքի ժամանակ ասաց պաշտպանության նախկին նախարար Սեյրան Օհանյանը։
©
Sputnik / Aram Nersesyan
«Ինչ է` բանակը պետք է նայի, թե ինչպե՞ս են մաս–մաս հանձնում թուրքերին ու ադրբեջանցիներին մեր հողերը։ Ասում են` բանակը պետք է քաղաքական չեզոքություն ցուցաբերի, ինչն էլ անում է բանակը, քանի որ չի մասնակցում այս հանրահավաքներին»,–ասաց Օհանյանը։
Նրա խոսքով` միայն Նիկոլ Փաշինյանն ու Թուրքիայի նախագահն են որակել գլխավոր շտաբի հայտարարությունը որպես ռազմական հեղաշրջման փորձ, իսկ մյուսները հասկացել են, որ ԳՇ–ն իր կարծիքն է հայտնել։
Օհանյանն ասաց նաև, որ թվում է, թե երիտասարդ բանակ ունենք, սակայն իրականում այդ բանակի խորքում մեր դարավոր պայքարի ոգին է։ Օհանյանը հայտնեց նաև, որ հանրահավաքին մասնակցում են նախկին 3 գլխավոր շտաբի պետեր` ինքը, գեներալ–գնդապետ Յուրի Խաչատուրովը և գեներալ–գնդապետ Մովսես Հակոբյանը։
Հիշեցնենք, որ այս րոպեներին Երևանում 2 հակընդդեմ հանրահավաքներ են. Հանրապետության հրապարակում ընթանում է իշխանությունների կողմնակիցների, Բաղրամյան պողոտայում՝ ընդդիմության հանրահավաքները։
Ներքաղաքական իրավիճակը Հայաստանում սրվեց այն բանից հետո, երբ ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը, ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։
Մարտի 1-ին իշխանությունը բանակը հանեց սեփական ժողովրդի դեմ. Նիկոլ Փաշինյան
Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ «հեղափոխությունը պաշտպանելու» համար։
Նա հայտնեց նաև, որ ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, ՀՀ նախագահ Արմեն Սարգսյանը չստորագրեց և հետ ուղարկեց փետրվարի 27–ին։ Նույն օրը վարչապետը կրկին առաջարկությունն ուղարկեց ՀՀ նախագահին։
թեգերը:
«Տավուշ տեքստիլը» միացել է Փաշինյանի հրաժարականի պահանջին. Գեղամ Մանուկյան
(Թարմացված է 20:01 01.03.2021)
Երևանում 2 հակընդդեմ հանրահավաքներ են. Հանրապետության հրապարակում ընթանում է իշխանությունների կողմնակիցների, Բաղրամյան պողոտայում՝ ընդդիմության հանրահավաքները։ԵՐԵՎԱՆ, 1 մարտի - Sputnik. «Տավուշ տեքստիլի» տնօրինությունը նույնպես միացել է ընդդիմության` վարչապետ Նիկոլ Փաշինյանի հրաժարականի պահանջին։ Բաղրամյան պողոտայում մեկնարկած ընդդիմության հանրահավաքի ժամանակ ասաց ՀՅԴ ԳՄ ներկայացուցիչ Գեղամ Մանուկյանը։
©
Sputnik / Aram Nersesyan
Ընդդիմության հանրահավաքը Բաղրամյան պողոտայում. 1 մարտի, 2021
Նշենք, որ միաժամանակ Հանրապետության հրապարակում վարչապետ Նիկոլ Փաշինյանն է ելույթ ունենում։
«Մի շարք մարդիկ են միանում մեր հանրահավաքին։ Ավելին, տարբեր մարզերից մարդիկ են եկել ու միացել մեզ։ Մի խումբ ռուսաստանաբնակ տավուշցիներ, այդ թվում՝ Տավուշի ամենախոշոր ձեռնարկություններից մեկի՝ «Տավուշ տեքստիլի» սեփականատերը, հանդես է եկել հայտարարությամբ` ասելով, որ կանգնած է բանակի կողքին»,–ասաց Մանուկյանը։
©
Sputnik / Aram Nersesyan
Ընդդիմության հանրահավաքը Բաղրամյան պողոտայում. 1 մարտի, 2021
Նշենք, որ «Տավուշ տեքստիլ» ընկերության տնօրենը Սուրեն Երիցյանն է։
Հիշեցնենք, որ այս րոպեներին Երևանում 2 հակընդդեմ հանրահավաքներ են. Հանրապետության հրապարակում ընթանում է իշխանությունների կողմնակիցների, Բաղրամյան պողոտայում՝ ընդդիմության հանրահավաքները։
Ներքաղաքական իրավիճակը Հայաստանում սրվեց այն բանից հետո, երբ ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը, ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։
Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ «հեղափոխությունը պաշտպանելու» համար։
Նա հայտնեց նաև, որ ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, ՀՀ նախագահ Արմեն Սարգսյանը չստորագրեց և հետ ուղարկեց փետրվարի 27–ին։ Նույն օրը վարչապետը կրկին առաջարկությունն ուղարկեց ՀՀ նախագահին։
2021թ.–ի հոկտեմբերին Հայաստանում կանցկացվի սահմանադրական հանրաքվե. Փաշինյան
(Թարմացված է 20:02 01.03.2021)
Այդ գործընթացն առաջարկվում է իրականացնել կառավարության, ԱԺ–ի, ՀՀ նախագահի, քաղաքական ուժերի ու քաղաքացիական հանրության հետ սերտ համագործակցության պայմաններում։ԵՐԵՎԱՆ, 1 մարտի - Sputnik. 2021թ–ի հոկտեմբերին Հայաստանում կանցկացվի սահմանադրական հանրաքվե, որով Հայաստանը կանցնի կիսանախագահական կառավարման համակարգի։ Այս մասին այսօր Հանրապետության հրապարակում հրավիրված հանրահավաքի ժամանակ հայտարարեց ՀՀ վարչապետ Նիկոլ Փաշինյանը։
©
Sputnik / Asatur Yesayants
«Այս գործընթացը մենք պետք է իրականացնենք կառավարության, ԱԺ–ի, ՀՀ նախագահի, քաղաքական ուժերի ու քաղաքացիական հանրության հետ սերտ համագործակցության պայմաններում»,– ասաց նա։
Փաշինյանը նաև նշեց, որ ՀՀ Սահմանադրության մեջ կան հոդվածներ, որոնց փոփոխությունը չի ենթադրում հանրաքվե, այլ դրանք հնարավոր է փոխել ԱԺ–ում քվեարկության միջոցով։
«Մեր մեծագույն խնդիրը պետք է լինի Սահմանադրության այնպիսի կառուցակարգերի ստեղծումն ու ձևավորումը, որը կերաշխավորի կայունությունը, անվտանգությունը ՀՀ–ում և կբացառի այսպիսի ճգնաժամերի ձևավորումը»,– ասաց նա։
Հիշեցնենք` Սահմանադրության 2015 թվականի փոփոխությունների արդյունքում սահմանված կարգով 2018 թվականի ապրիլի 9-ից՝ ՀՀ նախագահ Արմեն Սարգսյանի պաշտոնը ստանձնելու օրվանից, Հայաստանի Հանրապետությունը կիսանախագահական կառավարման ձևից անցել է խորհրդարանական կառավարման ձևի:
«Ես շատ եմ մտածել, թե որտեղ ենք մենք սխալվել». Նիկոլ Փաշինյանը ներողություն խնդրեց