Արամ Մարտիրոսյանն աշխատանքի պահին

Երկու մատով ոսկերչությամբ զբաղվող Արամը տղաներին հորդորում է «դուխը չգցել»

1409
(Թարմացված է 15:21 10.02.2021)
Տարիներ առաջ տեղի ունեցած դժբախտ պատահարի հետևանքով ոտքն ու ձեռքը կորցրած Արամը ոչ միայն չհուսահատվեց, այլև վերարժևորեց կյանքը՝  մարզական հաջողություններ, ընտանիք... Այսօր էլ դժվարություններից չընկրկող երիտասարդը  ոսկերչություն է սովորում:

Արամ Մարտիրոսյանը նպատակ ունի՝ 20 արծաթե խաչ պատրաստել ու նվիրել Արցախյան պատերազմի հետևանքով հաշմանդամություն ձեռքբերած տղաներին: Խաչերից մեկն արդեն կա: Այն ինքնուրույն է պատրաստել՝ ավելի ստույգ՝ երկու մատներով: Առջևում դեռ 19 խաչ կա: Չի վհատվում ՝ վարպետի՝ Հարությունի հետ, ամեն ինչ կստացվի:

Արժե՞ անհանգստանալ Գյումրիում զինտեխնիկայի ու զինվորների տեղաշարժից

Ծնվել ու մեծացել է Շիրակի մարզի Հովհունի գյուղում: «Շատ ակտիվ ու չար տղա էի՝ 13 տարեկան էի, երբ պայթուցիկ գտա ու սկսեցի դրանով խաղալ։ Հետո մուրճով հարվածեցի, ու այն պայթեց: Ամեն ինչ լավ հիշում եմ՝ ինչպես է պայթյունի ալիքը ինձ մի քանի մետր նետում ու վնասում ծունկս ու ձեռքս, հետո տեսա նաև, որ որովայնս ևս վնասվել է։ Ուժերս հավաքելով գոռացի, համագյուղացիները հավաքվեցին ու տեղափոխեցին հիվանդանոց։ Այնտեղ էլ ոտքս անդամահատեցին»,-պատմում է Արամը։ Շատ հաճախ զգացնել են տալիս նաև ամբողջ մարմնով տարածված բեկորները: 

Պայքարող բնավորությունը նախ մարզական ոլորտում է ցուցաբերում՝ բազկամարտ, առագաստային մարզաձև, սեղանի թենիս:

Ոսկերչությամբ սկսել է զբաղվել մեկուկես տարի առաջ՝ վարպետ Հարությունի առաջարկով։ Մինչ այդ համակագչային ծրագրեր է սովորել, բայց անկեղծանում է՝ դա իրենը չէր, իսկ ոսկերչությունն ուրիշ է։

Վարպետի համբերատարությունն ու աշակերտի նպատակասլացությունն իրենց արդյունքը տվեցին՝ Արամն արդեն զարդերին քարեր է տեղադրում, խաչ պատրաստում, իսկ առջևում նաև շղթաներ պատրաստելն է։

«Սկզբում որոշել էի նրան միայն փորագրել ու քար տեղադրել սովորեցնել, ու դա ստացվեց, բայց տեսնելով Արամի նվիրված լինելն ու կամքը՝ որոշեցի այդքանով չսահմանափակվել: Արամի օրինակն այսօր պատերազմի պատճառով հաշմանդամ դարձած շատ տղաների հույս ու լույս կտա, ու դրա համար որոշեցինք խաչեր պատրաստել ու նվիրել տղաներին, որ իրենք էլ տեսնեն, որ ոտք ու ձեռք կորցնելը կյանքի ավարտ չէ»,-ասում է Հարությունը հպարտությամբ նշելով՝ նման խնդիրներով ոսկերիչ Հայաստանում չկա։ Ու ընդհանրապես աշխարհում քիչ են դեպքերը, երբ մարդը ձեռքի 2 մատներով կարողանա ոսկերչությամբ զբաղվել:

Կազակական հետքը Գյումրիում. կվերանորոգվի ՀՀ-ում ամենամեծ ռուսական եկեղեցին

Ձեռնարկելով երիտասարդին ոսկերչության հմտությունները փոխանցելու գործը, վարպետը առաջնային խնդիր էր դրել իր առջև՝ չհիասթափեցնել։ Հասկանալու համար, թե ինչ է զգում աշակերտը այս կամ այն գործիքը բռնելիս, վարպետը նույնիսկ կպչուն ժապավեններով իր մատները կապելով՝ ինքն էր նախ 2 մատով փորձում այդ գործողությունը կատարել:

«Ես ուրիշ աշակերտներ էլ ունեի, որոնք ոչ մի խնդիր չունեին, բայց չունեին նաև Արամի ձգտումն ու կամքը, դրա համար էլ Արամի մոտ ստացվում է: Արամը չի ընկճվել, ընտանիք է կազմել, ունի կին ու որդի ու պայքարում է իր հաջողության համար»,-ասում է վարպետ Հարությունը:

  • Արամ Մարտիրոսյանը ցուցադրում է իր պատրաստած առաջին խաչը
    Արամ Մարտիրոսյանը ցուցադրում է իր պատրաստած առաջին խաչը
    © Sputnik / Armenuhi Mkhoyan
  • Արամի վարպետը՝ Հարություն Հովսեփյանը, հետևում է աշակերտի աշխատանքին։
    Արամի վարպետը՝ Հարություն Հովսեփյանը, հետևում է աշակերտի աշխատանքին։
    © Sputnik / Armenuhi Mkhoyan
  • Արամի վարպետը՝ Հարություն Հովսեփյանը, հետևում է աշակերտի աշխատանքին։
    Արամի վարպետը՝ Հարություն Հովսեփյանը, հետևում է աշակերտի աշխատանքին։
    © Sputnik / Armenuhi Mkhoyan
  • Արամ Մարտիրոսյանն աշխատանքի պահին
    Արամ Մարտիրոսյանն աշխատանքի պահին
    © Sputnik / Armenuhi Mkhoyan
  • Արամ Մարտիրոսյանը հարցազրույցի ժամանակ
    Արամ Մարտիրոսյանը հարցազրույցի ժամանակ
    © Sputnik / Armenuhi Mkhoyan
1 / 5
© Sputnik / Armenuhi Mkhoyan
Արամ Մարտիրոսյանը ցուցադրում է իր պատրաստած առաջին խաչը

Արամը վաճառված գործեր առայժմ չունի, դեռ շարունակում է սովորել։ Նոր մասնագիտության մեջ հմտանալու համար նաև սեփական գործիքներն են հարկավոր, որոնք ձեռք բերելուն խանգարում են ֆինանսական խնդիրները։

Դրանք լինելու դեպքում նա կկարողանա նաև գումար վաստակել. արդեն համագյուղացիները դիմում են զարդի քար կպցնելու կամ կտրված շղթան նորոգելու խնդիրներով։

Բայց մինչ այդ Արամը վստահեցնում է՝ կշարունակի քրտանաջան աշխատել ու խաչեր պատրաստել, որ նվիրի պատերազմից վերադարձած տղաներին՝ նրանց խորհուրդ տալով չկոտրվել ու «դուխները տեղը պահել»:

1409
թեգերը:
Գյումրի, հաշմանդամ, ոսկերիչ
Ըստ թեմայի
Հեքիաթ հայկավանցի Ծովինարի համար, որը ստիպված է Գյումրիում ապրել
«Հույս չունենաք, որ լավ ենք ապրելու». Վազգեն Մանուկյանը Գյումրիում է
Ողբերգական վթար Գյումրիում. փրկարարներն այրված մեքենայից ռուս զինծառայողի դի են հանել
Հայկ Մարությանը կոմպոզիտոր Վլադիլեն Բալյանին է հանձնել Երևանի պատվավոր քաղաքացու կոչում

Հայկ Մարությանը կոմպոզիտոր Վլադիլեն Բալյանին է հանձնել Երևանի պատվավոր քաղաքացու կոչում

7
(Թարմացված է 20:03 26.02.2021)
Երևանի ավագանու որոշմամբ՝ կոչումն ականավոր կոմպոզիտորին էր շնորհվել դեռևս 2020թ. գարնանը, սակայն հաշվի առնելով համավարակով պայմանավորված իրավիճակը, հանդիպումը հետաձգվել էր:

ԵՐԵՎԱՆ, 26 փետրվարի - Sputnik. Երևանի քաղաքապետ Հայկ Մարությանը հյուրընկալվել է կոմպոզիտոր, ՀՀ ժողովրդական արտիստ Վլադիլեն Բալյանի տանը և նրան հանձնել Երևանի պատվավոր քաղաքացու կոչումն ու հուշամեդալը: Այս մասին տեղեկանում ենք Երևանի քաղաքապետարանի Facebook-ի էջից։

Мэр Еревана Айк Марутян вручил медаль почетного гражданина столицы Владилену Баляну (26 февраля 2021). Еревaн
Վլադիլեն Բալյանի հուշամեդալը

«Շնորհավորելով և ընդգծելով հայկական երաժշտարվեստի զարգացման գործում ու մայրաքաղաքի մշակութային կյանքում կոմպոզիտորի ներդրած նշանակալի ավանդը՝ Հայկ Մարությանը քաջառողջություն է մաղթել նրան»,– նշված է հաղորդագրության մեջ:

Мэр Еревана Айк Марутян вручил медаль почетного гражданина столицы Владилену Баляну (26 февраля 2021). Еревaн
Հայկ Մարությանը կոմպոզիտոր Վլադիլեն Բալյանին է հանձնել Երևանի պատվավոր քաղաքացու կոչում

Նշվում է, որ Վլադիլեն Բալյանը շնորհակալություն է հայտնել գնահատանքի համար և ստեղծագործական ավյուն ու լավատեսություն մաղթել ամենատարբեր ոլորտներում քաղաքի ներկան կերտող սերնդին:

Мэр Еревана Айк Марутян вручил медаль почетного гражданина столицы Владилену Баляну (26 февраля 2021). Еревaн
© Photo : Facebook / Երևանի քաղաքապետարան / Yerevan Municipality
Վլադիլեն Բալյան

Հիշեցնենք` Երևանի ավագանու որոշմամբ` կոչումն ականավոր կոմպոզիտորին էր շնորհվել դեռևս 2020թ. գարնանը, սակայն հաշվի առնելով համավարակով պայմանավորված իրավիճակը, հանդիպումը հետաձգվել էր:

Ուշ, բայց ոչ ուշացած. Մհեր Մկրտչյանին շնորհվեց «Գյումրու պատվավոր քաղաքացի» կոչումը

7
թեգերը:
Երևան, Պատվավոր քաղաքացի, Վլադիլեն Բալյան, քաղաքապետ
Ըստ թեմայի
Ազնավուրը, Խանջյանը, Լուկաշենկոն... ինչ սկզբունքով են ընտրվել Երևանի պատվավոր քաղաքացիները
Կոմանդոսին «Գյումրու պատվավոր քաղաքացու» կոչում կշնորհվի
Երվանդ Մանարյանին շնորհվեց Երևանի պատվավոր քաղաքացու կոչում
Մարությանն այցելել է Երվանդ Մանարյանին ու անձամբ հանձնել պատվավոր քաղաքացու հավաստագիրը
Սերժ Սարգսյան, Իլհամ Ալիև

Դա կարող էր տեղի ունենալ միայն ու միայն Ալիևի երազում. Սերժ Սարգսյանի արձագանքը

225
(Թարմացված է 19:15 26.02.2021)
Սերժ Սարգսյանի գրասենյակի տարածած հայտարարության մեջ նշվում է, որ շատ պարզ ու հասկանալի է, թե ինչու է Ալիևը հենց հիմա իր մասին նման սուտ հայտնում։

ԵՐԵՎԱՆ, 26 փետրվարի - Sputnik. ՀՀ երրորդ նախագահի գրասենյակն արձագանքել է Ադրբեջանի նախագահ Իլհամ Ալիևի` այսօր կայացած մամուլի ասուլիսում հնչեցրած ստերին։ Մասնավորապես, Ալիևն ասել է, որ իբրև թե Սերժ Սարգսյանը 2016 թվականին իրենից երկու շաբաթ է խնդրել զորքը գրավյալ տարածքներից դուրս բերելու համար:

«Դա կարող էր տեղի ունենալ միայն ու միայն Ալիևի երազում: Որևէ մեկը մտածե՞լ է, թե ինչու այդպիսի «խնդրանքն» Ալիևը մինչև հիմա տարբեր առիթներով չի բարձրաձայնել սեփական լսարանի առջև ու գլուխ չի գովացել. այդ գայթակղությանը հաստատապես և ոչ մի դեպքում նա չէր դիմանա: Իսկ ինչո՞ւ 2016թ. Սանկտ Պետերբուրգի բանակցային փաստաթղթում այդ մասին ոչ մի խոսք չկա»,–նշված է Սարգսյանի գրասենյակի արձագանքի մեջ։

Ալիևին հիշեցնում են նաև, թե ի՞նքը չէր, որ 2016 թվականին իր կառավարության նիստում նեղսրտած հայտարարում էր, որ փակ դռների հետևում իրեն ստիպում են ճանաչել ԼՂ անկախությունը, սակայն Ադրբեջանը երբեք չի համաձայնի գնալ այդ քայլին:

«Սակայն, պետք է նկատել, որ նա իր հայաստանյան ներկայիս գործընկերոջից հետ չի մնում անամոթաբար ու անպատասխանատու ձևով ստելու գործում: Շատ պարզ ու հասկանալի է, թե ինչու է դա հիմա անում՝ դժվար պահին օգնության է
շտապում գործընկերոջը: Հավանաբար երկուսի մոտ էլ տարբեր ժամանակահատվածներում պարտվածի բարդույթը ծանր հետևանքներ է ունեցել»,–նշված է հայտարարության մեջ։

Հիշեցնենք, որ Ալիևը նաևհայտարարել էր, թե Բաքուն բոլոր ռազմագերիներին հանձնել է Երևանին:

Ադրբեջանը փորձում է գերիների հարցը սակարկել. ՀՀ փոխվարչապետի խոսնակ

225
թեգերը:
Իլհամ Ալիև, Սերժ Սարգսյան
Ըստ թեմայի
Ալիևը հայտարարել է, թե բոլոր ռազմագերիներին հանձնել է Հայաստանին
Ղարաբաղի վերաբերյալ բոլոր պայմանավորվածություններն առայժմ իրագործվում են. Կրեմլ
Արցախի հարցով համակարգող խմբի հանդիպումը նախատեսված է անցկացնել փետրվարի 27-ին
Առողջապահության նախարարի առաջին տեղակալ Լենա Նանուշյանն ՀՀ ԱՆ «Ինֆեկցիոն հիվանդությունների ազգային կենտրոնում» հանդիպել է Հայաստանում ԵԴ արտակարգ և լիազոր դեսպան Սերգեյ Կոպիրկինին և ՌԴ դեսպանության խորհրդական Պավել Կուրոչկինին

ՀՀ առողջապահության փոխնախարարը հանդիպել է Ռուսաստանի դեսպանին. քննարկել են նոր ծրագրերը

0
(Թարմացված է 20:25 26.02.2021)
Լենա Նանուշյանն բարձր է գնահատել Ռուսաստանի կողմից Հայաստանին պարբերաբար տրամադրվող աջակցությունը, հատկապես` ՁԻԱՀ/ՄԻԱՎ-ի և այլ վարակիչ հիվանդությունների դեմ պայքարում:

ԵՐԵՎԱՆ, 26 փետրվարի - Sputnik. Առողջապահության նախարարի առաջին տեղակալ Լենա Նանուշյանն աշխատանքային այցով եղել է ՀՀ ԱՆ «Ինֆեկցիոն հիվանդությունների ազգային կենտրոնում», որտեղ հանդիպել է Հայաստանում Ռուսաստանի Դաշնության արտակարգ և լիազոր դեսպան Սերգեյ Կոպիրկինին և ՌԴ դեսպանության խորհրդական Պավել Կուրոչկինին:Տեղեկությունը հայտնում է ԱՆ մամուլի ծառայությունը։

Замминистра здравоохранения Лена Нунушян и Чрезвычайный и Полномочный посол России Сергей Копыркин посетили Национальный центр инфекционных болезней (26 февраля 2021). Еревaн
Առողջապահության նախարարի առաջին տեղակալ Լենա Նանուշյանն ՀՀ ԱՆ «Ինֆեկցիոն հիվանդությունների ազգային կենտրոնում» հանդիպել է Հայաստանում ԵԴ արտակարգ և լիազոր դեսպան Սերգեյ Կոպիրկինին և ՌԴ դեսպանության խորհրդական Պավել Կուրոչկինին

Նշվում է, որ «Ինֆեկցիոն հիվանդությունների ազգային կենտրոնի» տնօրեն Հովհաննես Մադոյանի ուղեկցությամբ հյուրերը շրջել են կենտրոնի կազմում գործող ՊՇՌ-ի, մանրէաբանության, վիրուսաբանության և գենետիկային լաբորատորիայում, ծանոթացել հագեցվածությանն ու կարողություններին:

«Բժշկական անձնակազմը ներկայացրել է լաբորատոր և ախտորոշիչ սարքավորումների հնարավորությունները, դրանց կիրառությունը: Միաժամանակ, մանրամասն խոսվել է ՌԴ-ի կողմից ֆինանսավորվող ծրագրերից, կատարման ընթացքից, ընդլայնման հնարավորություներից և արդյունքներից»,–նշված է հաղորդագրության մեջ:

Замминистра здравоохранения Лена Нунушян и Чрезвычайный и Полномочный посол России Сергей Копыркин посетили Национальный центр инфекционных болезней (26 февраля 2021). Еревaн
Առողջապահության նախարարի առաջին տեղակալ Լենա Նանուշյանն ՀՀ ԱՆ «Ինֆեկցիոն հիվանդությունների ազգային կենտրոնում» հանդիպել է Հայաստանում ԵԴ արտակարգ և լիազոր դեսպան Սերգեյ Կոպիրկինին և ՌԴ դեսպանության խորհրդական Պավել Կուրոչկինին

Կողմերը ներկայացրել են նոր մտահղացումները, քննարկել առաջիկա անելիքներն ու նոր ծրագրերը:

Լենա Նանուշյանն բարձր է գնահատել Ռուսաստանի Դաշնության կողմից Հայաստանին պարբերաբար տրամադրվող աջակցությունը, հատկապես` ՁԻԱՀ/ՄԻԱՎ-ի և այլ վարակիչ հիվանդությունների դեմ պայքարում, շեշտադրել ծրագրերի ընդլայնման և արդյունավետ համագործակցության շարունակականության կարևորությունը:

0
թեգերը:
ՀՀ Առողջապահության նախարարություն, Լենա Նանուշյան (առողջապահության փոխնախարար), Սերգեյ Կոպիրկին, Ռուսաստան, Հայաստան