Արխիվային լուսանկար

Սա առանձնացնում է պատվաստանյութը մյուսներից. մասնագետը նշել է Սպուտնիկ V–ի առավելությունը

73
(Թարմացված է 15:36 04.02.2021)
Ռուսաստանի վաստակավոր բժիշկ Վլադիմիր Կրուգլին նշեց, որ «Սպուտնիկ V» պատվաստանյութը միջազգային հանրության կողմից անվտանգ ու արդյունավետ է ճանաչվել։

ԵՐԵՎԱՆ, 4 փետրվարի — Sputnik. «Սպուտնիկ V» պատվաստանյութի հիմնական առավելություններն են ցածր գինը, փոխադրման համար ծախսատար սառնարանների բացակայությունն ու արտադրության պարզ գործընթացը: Sputnik Արմենիա մուլտիմեդիոն մամուլի կենտրոնում Մոսկվա – Բիշքեկ — Երևան – Մինսկ — Նուր-Սուլթան տեսակամրջի ժամանակ նման կարծիք հայտնեց Դաշնության խորհրդի սոցիալական քաղաքականության հանձնաժողովի անդամ, Ռուսաստանի վաստակավոր բժիշկ Վլադիմիր Կրուգլին։

Կրուգլիի խոսքով՝ «Սպուտնիկ V»–ն մի շարք չափանիշներով առաջ է անցել գլխավոր մրցակցից՝ Pfizer-ից։

«Պատվաստանյութի ամենամեծ առավելությունն այն է, որ դրա փոխադրման համար թանկարժեք սառնարանային սարքավորումներ չեն պահանջվում։ Դրա համար բավական է կենցաղային սառնարանը, որը պահպանում է + 2, + 8 ջերմաստիճանը: Հիմնական մրցակցի՝ Pfizer-ի տեղափոխման համար անհրաժեշտ է -70 աստիճան», - ասաց Կրուգլին։

Նա նշեց, որ նման ջերմաստիճանի պահպանման համար մեծ միջոցներ են անհրաժեշտ։ Կրուգլիի խոսքով՝ «Սպուտնիկ V»-ի մեկ չափաբաժինը 10 դոլար է արժենում, իսկ Pfizer-ինը՝ 30 դոլար։

«Սպուտնիկ V»-ի ևս մեկ առավելությունն է արտադրության պարզ գործընթացը։ Պատվաստուկը ստեղծվում է ադենովիրուսի հիման վրա, որն ավելի քան 60 տարի օգտագործվում է պատվաստանյութերի արտադրության մեջ ու շատ լավ ուսումնասիրված է: Pfizer-ի հիմքում բարդ գաղափար է դրված։

Ինչպե՞ս պատրաստվել պատվաստմանը

Կրուգլին նշել է, որ պատվաստումից առաջ առանձնապես պատրաստվել պետք չէ։ Պատվաստանյութը հակացուցված է երեխաների, հղի կանանց, աուտոիմունային հիվանդություններով (օրինակ ՝ ռևմատիզմով, - խմբ.) տառապող մարդկանց, ինչպես նաև լուրջ ալերգիկ ռեակցիաների առկայության դեպքում, մասնավորապես՝ անաֆիլակտիկ շոկի ժամանակ:

«Նման դեպքերում պետք է զգուշորեն պատվաստվել։ Ցանկալի չէ դա անել հիվանդությունների սրման ֆոնին: Եվ ընդհանրապես պետք է պատվաստվել բժշկի զննումից հետո»,-ասել է Կրուգլին։

Նրա խոսքով՝ պատվաստումից մի քանի օր առաջ ու դրանից հետո չի կարելի ալկոհոլային խմիչքներ օգտագործել։ Նա նաև ընդգծեց, որ մինչ օրս պատվաստումից հետո որևէ կողմնակի ազդեցություն չի արձանագրվել:

Վլադիմիր Կրուգլին հիշեցրեց, որ «Սպուտնիկ V» պատվաստանյութը միջազգային հանրության կողմից անվտանգ ու արդյունավետ է ճանաչվել: Առաջին փուլում պատվաստված 10 հազար կամավորներից միայն 78-ի մոտ է կորոնավիրուսի հաստատված դեպք եղել։ «Սպուտնիկ V»  պատվաստանյութը 100%-ով արդյունավետ չէ հիվանդության կանխարգելման առումով, սակայն պատվաստանյութը կպաշտպանի հիվանդության ծանր ընթացքից: Ընդ որում, 98%-ի մոտ հումորալ (ոչ բջջային) իմունիտետ է ձևավորվել, իսկ 100%-ի մոտ՝  բջջային իմունիտետ։

«Սպուտնիկ V»-ն հասել է Աֆրիկա. ինչո՞ւ են վստահում ռուսական պատվաստանյութին

Պե՞տք է արդյոք պատվաստվել, եթե հիվանդացել ու լավացել եք

Արյան մեջ հակամարմինների թիվը միշտ չէ, որ կախված չէ այն բանից, թե որքան ծանր է ընթանում հիվանդությունը վարակվածի մոտ։

«Կարծիք կա, որ հակամարմինները մոտ երկու տարի են պահում օրգանիզմում։ Հետևաբար, այն մարդիկ, որոնք արդեն հիվանդացել ու ապաքինվել են, ավելի լավ է հետաձգեն պատվաստումը», - ասաց Կրուգլին։

Նրա խոսքով՝ պատվաստումն առաջին հերթին անհրաժեշտ է ռիսկի խմբի մեջ մտնող տարեց մարդկանց։ Կրուգլին ընդգծեց, որ, ըստ որոշ ուսումնասիրությունների, պատվաստանյութն արդյունավետ է կորոնավիրուսի մուտացիաների դեպքում։

Ո՞րն է այլ պատվաստանյութերի համեմատ «Սպուտնիկ V»-ի «ինովացիոն» տարբերությունը

73
թեգերը:
բժիշկ, պատվաստանյութ, Սպուտնիկ V
Ըստ թեմայի
Ռուսական «Սպուտնիկ V» պատվաստանյութն ուղարկվել է Արգենտինա. տեսանյութ
Ղազախստանում սկսում են «Սպուտնիկ V» արտադրել
Բրիտանական AstraZeneca-ն COVID-ի դեմ պատվաստանյութը կփորձարկի «Սպուտնիկ- V»-ի հետ համատեղ
«Սպուտնիկ–V»–ից Թորոսյանի և մյուսների մոտ հետպատվաստումային խնդիրներ չեն եղել
Քիմ և Քորթնի Քարդաշյան. արխիվային լուսանկար

«Իմ հայ թագուհի Քորթնի Քարդաշյան». Քիմը շնորհավորել է քրոջ ծննդյան տոնը. լուսանկարներ

125
Քիմ Քարդաշյանը գրել է, որ Քորթնին միշտ գիտի, թե ինչ է ուզում այս կյանքում։

ԵՐԵՎԱՆ, 18 ապրիլի – Sputnik. Ամերիկահայ հեռուստաաստղ Քիմ Քարդաշյանը յուրահատուկ կերպով է շնորհավորել ավագ քրոջը` Քորթնի Քարդաշյանին ծննդյան օրվա առթիվ։ Նա Քորթնիի հետ տարբեր ժամանակներում արված լուսանկարներ է հրապարակել, որոնց մեջ կա նաև Հայաստան կատարած այցը։

«Ծնունդդ շնորհավոր, իմ հայ թագուհի Քորթնի Քարդաշյան։ Մոլորակի այն մարդն ես, ում ես շատ երկար ժամանակ է ինչ ճանաչում եմ։ Քո նմանը չկա։ Դու միշտ գիտես ինչ ես ուզում այս կյանքում, և երբեք չես համապատասխանում ուրիշների իդեալներին, ես այնքան եմ հիանումքեզնով: Դու միշտ ճշտի կողմից ես և դարձել ես լավագույն հոգեթերապևտը, որի մասին կարող է երազել ցանկացած աղջիկ։ Ես սիրելու եմ քեզ մինչև վերջին շունչս։ Քեզ լավագույն տարեդարձն եմ մաղթում, դու արժանի ես այս ամենին»,– գրել է Քիմը։

Նշենք, որ այսօր Քորթնին նշում է իր ծննդյան 42–րդ տարեդարձը։ Նա Instagram-ում հրապարակել է նախօրեին իր նոր ընկերոջ՝ ամերիկացի երաժիշտ Թրևիս Բարքերի մատուցած օրիգինալ անակնկալը և երկրպագուներին ցույց տվել տան անկյունում կակաչների ահռելի փունջն ու առաստաղից թելով կախված բազմաթիվ գարդենիաները։

Նշենք, որ վերջերս հայտնի դարձավ, որ Քորթնին նոր ընտրյալ ունի։ Օրեր առաջ նա հանգստյան օրերն անցկացրել էր Թրևիս Բարքերի հետ։
Ընտանեկան հանգստից լուսանկարներ են հրապարակել ինչպես Քորթնի Քարդաշյանը, այնպես էլ հայտնի երաժիշտը։

Նշենք, որ Քորթնին նախկինում հանդիպում էր Սքոթ Դիսիքի հետ, որից ունի 3 երեխա, իսկ Բարքերն իր նախորդ ամուսնությունից մեկ դուստր և մեկ որդի ունի։ Զույգն իր ժամանակի զգալի մասն անց է կացնում երեխաների հետ։

«Ամենաթույն մորաքույրը»․ Քիմ Քարդաշյանն ու զարմիկը խախտել են Քորթնիի սահմանած «կանոնները»

125
թեգերը:
Ծննդյան օր, Քորթնի Քարդաշյան, Քիմ Քարդաշյան
Ըստ թեմայի
Քիմ Քարդաշյանը միլիարդատեր է դարձել և ընդգրկվել աշխարհի ամենահարուստ մարդկանց ցուցակում
Արմենչիկ և ոչ միայն. Քորթնի Քարդաշյանը գաղտնազերծել է իր հայկական «փլեյլիստը»
Ինչո՞ւ վճարել պրոֆեսիոնալ լուսանկարիչներին․ Քորթնի Քարդաշյանը որդուն գործի է դրել
Քիմ և Քորթնի Քարդաշյանները գովազդում են ռուս գործարարի ստարտափը
Վանդալիզմ Նոր Երզնկա համայնքում

Վանդալիզմ Նոր Երզնկա համայնքում. խաչքարեր են ջարդել. լուսանկարներ

263
(Թարմացված է 20:12 18.04.2021)
Պատմական միջավայրի պահպանության մարզային ծառայության պատասխանատուները վանդալիզմի փաստն արձանագրելուց հետո համապատասխան միջոցներ են ձեռնարկել։

ԵՐԵՎԱՆ, 18 ապրիլի – Sputnik. ՀՀ Կոտայքի մարզի Նոր Երզնկա համայնքում գտնվող խաչքարերից երկուսը ջարդել են։ Տեղեկությունը Facebook–ի իր էջում հայտնում է ՀՀ ԿԳՄՍՆ Պահպանության ծառայություն ՊՈԱԿ-ը։

««Պահպանության ծառայություն» ՊՈԱԿ-ի Պատմական միջավայրի պահպանության (ՊՄՊ) Կոտայքի մարզային ծառայության աշխատակիցը, հուշարձանների տարածք կատարած հերթական շրջայցի ժամանակ, վանդալիզմի դեպք է արձանագրել։ Նոր Երզնկա համայնքում գտնվող խաչքարերից երկուսը ջարդված են եղել», – նշված է հաղորդագրության մեջ։

Մարզային ծառայության պատասխանատուները փաստն արձանագրելուց հետո համապատասխան միջոցներ են ձեռնարկել, չնայած խաչքարերն ընդգրկված չեն ո'չ նորահայտ հուշարձանների, և ո'չ էլ հուշարձանների պետական ցուցակում, և չեն գտնվում կազմակերպության պահպանության ներքո։

Վանդալիզմ Երևանում. Կոմիտասի անվան պանթեոնից գողացել են Շուշանիկ Կուրղինյանի կիսանդրին

263
թեգերը:
Լուսանկար, խաչքար, վանդալիզմ
Ըստ թեմայի
«Հուսով ենք` Բաքուն միջոցներ կձեռնարկի». Զախարովան՝ Քարինտակի ու Շուշիի վանդալիզմի մասին
Արձան կոտրելու արվեստը կամ ժապավենով փաթաթված վանդալիզմը Երևանում
Ոչ մի վանդալիզմ էլ չի եղել. վիրահայոց թեմի հոգևորականը վստահեցնում է` ամեն ինչ կարգին է