Արտյոմ Առաքելյան

Հայրենիքի պաշտպանի վերականգնողական կենտրոնում փետրվարին պրոթեզարան կբացվի

331
(Թարմացված է 20:44 30.01.2021)
Պատերազմի մասնակիցներից շատերը պրոթեզավորման կարիք ունեն։ Զինհաշմանդամների մի մասը պետական հավաստագրերի հիման վրա կպրոթեզավորվի, բայց կան տղաներ, որոնք հրաժարվում են պետական միջոցներով պրոթեզավորվելուց։

Արցախյան երկրորդ պատերազմում ծանր վնասվածքներ ստացած տղաներին լիարժեք կյանքին վերադարձնելու համար Հայրենիքի պաշտպանի վերականգնողական կենտրոնում փետրվարին պրոթեզարան կբացվի, որտեղ պրոթեզավորող ինժեներներ կաշխատեն։ Տեղեկությունը Sputnik Արմենիային հայտնեց Հայրենիքի պաշտպանի վերականգնողական կենտրոնի գլխավոր բժիշկ Լուսինե Պողոսյանը։ Նրա խոսքով՝ գերմանական հայտնի OTTO BOCK ընկերության հետ արդեն ունեն պայմանավորվածություն և ծրագիր։

«Մեր մասնագետները պարբերաբար Գերմանիա կգնան ուսուցման և վերապատրաստման համար։ Արտասահմանցի մասնագետները փաստում են, որ մեկ պրոթեզը կարելի է պատրաստել շատ արագ` 1-3 օրում։ Իսկ այժմ ՀՀ-ում ունենք դեռ այն խնդիրը, երբ պրոթեզարանը 15 -30 օր, երբեմն էլ ավելի ուշ է պացիենտին պրոթեզ տրամադրում»,–ասաց բժիշկը։

Նրա խոսքով՝ այս ընթացքում գուցե շատերը պրոթեզարաններ կկառուցեն, խնդիր չէ, բայց կա պրոթեզավորող ինժեների սպասարկում, երբ նա ֆիզիոթերապևտի հետ շաբաթը երկու անգամ անում է իր գնահատումներն ու շտկումները և էականորեն արդյունավետ դարձնում վերականգնողական բուժումը։

Главный врач реабилитационного центра Защитника Отечества Лусине Погосян (14 января 2021). Ереван
© Sputnik / Asatur Yesayants
Լուսինե Պողոսյան

«Տղաները հաճախ են հարցնում, թե պրոթեզները որքանով կփոխարինեն իրենց ձեռքերին կամ ոտքերին, ուզում են լսեն, որ դա դառնալու է իրենց մարմնի մի մասը։ Ցավոք, այդպես չի լինում, ճիշտ բուժումն ու լավ պատրաստված պրոթեզը միայն բարձրացնում են տղաների կյանքի որակը, և նրանք սովորում են ապրել դրանց հետ»,-ասում է բժիշկը։

Реабилитационный центр Защитника Отечества, где проходит лечение участник карабахской войны, солдат-срочник Сейран Согоян (2 декабря 2020). Еревaн
© Sputnik / Asatur Yesayants
Հայրենիքի պաշտպանի վերականգնողական կենտրոն

Նշենք, որ Հայրենիքի պաշտպանի վերականգնողական կենտրոնը պետական ֆինանսավորում չունի։ Այստեղ տղաների կարիքները հոգում են կենտրոնի ֆինանսավորումն ապահովող հասարակական կազմակերպության միջոցներով։

Հասկանալու համար, թե պետությունն ինչ է անում զինհաշմանդամների որակյալ պրոթեզավորումն իրականացնելու համար, Sputnik Արմենիան դիմեց ՀՀ աշխատանքի և սոցիալական հարցերի նախարարություն։

Ըստ նախարարության նախնական գնահատման` պրոթեզավորման կարիք ունեն շուրջ 117 անձինք, որոնք պատերազմում վիրավորվել են և ունեն վերին ու ստորին վերջույթների պրոթեզավորման կարիք:

Նախարարության տրամադրած հավաստագրի շրջանակում վերին վերջույթի մեկ պրոթեզի ֆինանսավորման առավելագույն շեմը 2 545 000 դրամ է, իսկ ստորին վերջույթինը` 1 795 000 դրամ:

Պրոթեզները նախարարության հավաստագրերի հիման վրա տրամադրում են որակավորված կազմակերպությունները: Համապատասխան պայմանագիրը կնքելուց հետո կազմակերպություններն իրականացնում են անձի պրոթեզավորումը:

Իսկ եթե անձի վերջույթը ինչ-ինչ պատճառներով կրկին ամպուտացվել է և նոր պրոթեզ է հարկավոր, ապա պետք է դիմի բուժատեխնիկական հանձնաժողով: Հուսանք` գոնե այս դեպքում անհարկի ձգձգումներ չեն լինի, և զինհաշմանդամների սպասարկումը կիրականացվի բարձր մակարդակով։

Հայաստանում պրոթեզավորման գործընթացի մասին գրեթե ամեն ինչ գիտի դժբախտ պատահարի հետևանքով արդեն 18 տարի ձեռքերը կորցրած 30-ամյա Արտյոմ Առաքելյանը։ Նա սեփական օրինակով փաստում է, որ պրոթեզները հաճախ են սպասարկման, վերանորոգման ու փոփոխման կարիք ունենում։

Արտյոմի խոսքով` վերին վերջույթների (ձեռքերի) պրոթեզները, որոնք Հայաստանում տրամադրվում են պետպատվերի շրջանակում, չափազանց սահմանափակ են իրենց ֆունկցիոնալությամբ, շարժումները թույլ են տալիս կատարել ընդամենը մի քանի գործողություն, որոնք մարդու առօրյա կյանքի գործողությունների փոքր մասն են կազմում։ Այդ պրոթեզները նաև որակական առումով են խիստ խոցելի։ Բացի այդ, միայն 4 տարին մեկ կարելի է դիմել բժկասոցիալական փորձաքննության գրասենյակ (ԲՍՓԳ)` նոր պրոթեզներ ստանալու ակնկալիքով։

«Պրոթեզները շատ ավելի վաղ են շարքից դուրս գալիս, ու կանգնում ես փաստի առաջ։ Հենց հիմա էլ իմ աջ պրոթեզը (ստացել եմ 1 տարի առաջ) արդեն տևական ժամանակ անսարք վիճակում է, ու վերանորոգման համար պետք է դիմեմ ԲՍՓԳ»,-ասում է Արտյոմը։

Նրա խոսքով՝ ամենօրյա շահագործման պատճառով տեխնիկան մաշվում է, փչանում,իսկ որակապես թույլ տեխնիկան շատ ավելի արագ է շարքից դուրս գալիս։Այսինքն` պրոթեզ օգտագործող ցանկացած շահառու ունի մշտական սպասարկման կարիք։

Потерявший обе руки в последствии несчастного случая Артем Аракелян
© Photo : provided by Artyom Arakelyan
Արտյոմ Առաքելյան

Զինհաշմանդամների շրջանում, ցավոք, դեռ կա այն թյուրըմբռնումը, որ եթե պրոթեզը պատվիրեն արտասահմանից և այն թանկ լինի, ապա մեկընդմիշտ կմոռանան կրկին պրոթեզավորվելու մասին։ Հենց այդ պատճառով է, որ տղաներից շատերը նախընտրում են միջոցներ հայթայթել և պրոթեզ պատվիրել արտասահմանից, մինչդեռ հարց է ծագում` ի՞նչ են անելու, երբ մի քանի ամիս անց ինչ-որ մաս խափանվի։

«Միգուցե մտածում են կփաթեթավորեն, կուղարկեն արտասահման, կվերանորոգեն, հետ կուղարկել, լավ, իսկ վստա՞հ են, որ ճանապարհին չի կորչի»,-ասում է Արտյոմը։

Նա վստահ է, որ Հայաստանում պետք է լինի որակյալ պրոթեզարան, որտեղ կաշխատեն լավ մասնագետներ և տեղում կլուծեն պրոթեզների հետ կապված բոլոր խնդիրներն ու իրենց կազատեն ավելորդ քաշքշուկից։

Հավելենք, որ ՀՀ աշխատանքի և սոցիալական հարցերի նախարարության տվյալներով` Հայաստանում պետական հավաստագրերի հիման վրա վերին և ստորին վերջույթների և ակնագնդի պրոթեզներ են տրամադրում «Ինտերօրթո» ՍՊԸ–ն, «Կամար» ՓԲԸ–ն, «Օրթեզ» ՍՊԸ–ն, «ԲԱՐՐԻ ԹՐԵՅԴ» ՍՊԸ–ն, «ԱՉՔ» ՍՊԸ–ն։

2020-ի տվյալներով` պետական հավաստագրերի հիման վրա ստորին վերջույթի համար տրամադրվել է 802 պրոթեզ, վերին վերջույթի 41, ակնագնդի 146 պրոթեզ։

331
թեգերը:
Հայաստան
Ըստ թեմայի
Զինհաշմանդամների համար IT ոլորտում անվճար դասընթացներ կիրականացվեն
«Ռումբն ընկավ, թևերս հետ թռան...». Վարոյի տեսած իրական պատերազմն ու թևավոր երջանկությունը
Պրոթեզավորման կարիք ունի պատերազմի 115 մասնակից. փոփոխություններ` պրոթեզավորման կարգում
Գևորգ Գորգիսյան

Ես վախենում եմ, որ մենք կունենանք նոր Մարտի 1. Գորգիսյան

59
(Թարմացված է 15:33 25.02.2021)
«Լուսավոր Հայաստանի» դիտարկմամբ` ամեն ինչ պիտի արվի բոլոր գործընթացները քաղաքական հուն վերադարձնելու համար։ Արյունահեղությունից խուսափելու մի ճանապարհ կա՝ վարչապետը պետք հրաժարական տա։

ԵՐԵՎԱՆ, 25 փետրվարի - Sputnik. ՀՀ ԳՇ–ի` վարչապետ Փաշինյանի հրաժարականի պահանջի մեջ որևէ հանցակազմ չկա։ Այս մասին Sputnik Արմենիայի հետ զրույցում հայտարարեց «Լուսավոր Հայաստան» խմբակցության պատգամավոր Գևորգ Գորգիսյանը։

«Ամեն ինչ պիտի արվի հիմա, որ բոլոր գործընթացները վերադարձվեն քաղաքական հուն, որովհետև այս ամենը հղի է շատ վատ հետևանքներով։ Դրանից խուսափելու համար կա մի ճանապարհ. վարչապետը պետք է հրաժարական տա, իշխանությունն անցնցում փոխանցի հաջորդ վարչապետին։ ԱԺ–ն պետք է ընտրի նոր վարչապետ, որ անցնցում այս իրավիճակից կարողանանք դուրս գալ»,– ասաց նա հավելելով, որ «Լուսավոր Հայաստանն» այս պահին քննարկում է` ինչպես անել, որ բոլոր պրոցեսները Հայաստանում մնան քաղաքական դաշտում։

Գորգիսյանը նաև նշեց, որ այս ամենի այլընտրանքը կարող է լինել ուղղակի արյունահեղությունը։

«Դրա համար ես հիմա բոորին կոչ եմ անում որևէ կերպ որևէ ցույցի չմասնակցել, դուրս չգալ փողոց։ Դա վերաբերում է բոլոր քաղաքացիներին»,– ասաց նա` վարչապետի կոչը` հրապարակում հավաքվելու մասին որակելով իբրև «հրահրանք» ու «սադրանք»։

Իրավիճակի հետագա սրումը կործանարար է․ Մայր աթոռը հայտարարություն է տարածել

59
թեգերը:
Հրաժարական, Նիկոլ Փաշինյան, Գևորգ Գորգիսյան
թեմա:
Իրավիճակը Հայաստանում ԶՈւ ԳՇ-ի` վարչապետի հրաժարականի պահանջից հետո
Ըստ թեմայի
Եթե բախումներ լինեն և արյուն թափվի՝ Փաշինյանին այլևս ոչ ոք չի ների. Բոզոյան
Նիկոլ Փաշինյանի աջակիցների և ընդիմադիրների միջև բախում տեղի ունեցավ. տեսանյութ
Եկել է Հայաստանի և Արցախի ապագայի համար վճռական քայլերի ժամանակը. ՀՀԿ
Վազգեն Մանուկյան

Հայրենիքի փրկության շարժումը կոչ է անում քաղաքացիներին չտրվել վարչախմբի սադրանքներին

37
(Թարմացված է 15:30 25.02.2021)
Հայրենիքի փրկության շարժումը կոչ է անում ժամը 15։00-ից հավաքվել Ազատության հրապարակում։

ԵՐԵՎԱՆ, 25 փետրվարի - Sputnik. Հայրենիքի փրկության շարժման խորհուրդը կոչ է անում ՀՀ բոլոր քաղաքացիներին չտրվել վարչախմբի սադրանքներին։ Շարժումը հայտարարություն է տարածել անդրադառնալով Նիկոլ Փաշինյանի` Հանրապետության հրապարակում հավաքվելու կոչին։

«Ողջունում ենք ՀՀ ԶՈւ բարձրագույն հրամանատարական կազմի հայտարարությունը։ Փաշինյանը, կառչելով փրփուրներից, այժմ փորձում է մեր ժողովրդին դրդել քաղաքացիական բախումների ու արյունահեղության։ Կոչ ենք անում համախմբվել երկրի անվտանգության, միասնականության միակ երաշխավոր ՀՀ ԶՈւ-ի և Հայոց Բանակի հրամանատարական բարձրագույն կազմի շուրջ»,–նշված է հաղորդագրության մեջ։

«Հայրենիքի փրկության շարժումը» կոչ է անում ժամը 15։00-ից հավաքվել Ազատության հրապարակում։

ՀՀ ԶՈւ Գլխավոր շտաբն այսօր` փետրվարի 25-ին, պահանջեց ՀՀ վարչապետ Նիկոլ Փաշինյանի հրաժարականը, ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։

Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության Հրապարակում՝ «հեղափոխությունը պաշտպանելու» համար։

Նա հայտնեց նաև, ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, դեռ չի ստորագրել ՀՀ նախագահ Արմեն Սարգսյանը։

37
թեգերը:
կոչ, Հայրենիքի փրկության շարժում
թեմա:
Իրավիճակը Հայաստանում ԶՈւ ԳՇ-ի` վարչապետի հրաժարականի պահանջից հետո
Ըստ թեմայի
Նիկոլ Փաշինյանի ընտանիքը, իմքայլականները միացան երթին. տեսանյութ
Բանակի ղեկավարությունը վստահեցնում է` հայտարարությունը չի՛ ուղղորդվել որևէ մեկի կողմից
Թուրքիան դատապարտում է Հայաստանում հեղաշրջման փորձը
Արթուր Վանեցյան. արխիվային լուսանկար

Ամենանախկինը հենց Նիկոլ Փաշինյանն է. Արթուր Վանեցյանը՝ «նախկիններով» մանիպուլացնելու մասին

14
(Թարմացված է 23:08 25.02.2021)
Վանեցյանը շեշտում է, որ հակաօրինական գործողությունների չեն գնալու, գործելու են բացառապես օրենքի շրջանակում։

ԵՐԵՎԱՆ, 25 փետրվարի - Sputnik. ՀՀ ԱԱԾ նախկին տնօրեն «Հայրենիք» կուսակցության ղեկավար Արթուր Վանեցյանի կարծիքով՝ «նախկինների իշխանության գալու» թեզը մանիպուլացնելու համար է։ Նա նման կարծիք հայտնեց Բաղրամյան պողոտայում ընթացող նստացույցի ժամանակ, լրագրողների հետ զրույցում։  

Ինչպե՞ս է որոշվում, թե ովքեր են նախկին՝ նրանք, ովքեր եղել են 2018-ից առաջ, թե նաև նրանք, ովքեր 2018-ից հետո էլ հրաժարական են տվել ու հեռացել զբաղեցած պաշտոններից անհամաձայնության պատճառով, ինչպես, օրինակ, հենց ինքն է արել։

«Ովքե՞ր են նախկինները․ նրանք, ովքեր նախկին իշխանությունների ժամանակ բարձր պաշտոն են զբաղեցրել։ Եթե այս տրամաբանությամբ գնանք, ամենանախկինը Նիկոլ Փաշինյանն է, որովհետև նախկինների ժամանակ ունեցել է շատ լավ կարիերա, երկու անգամ ընտրվել է պատգամավոր, մեկ անգամ վարչապետ, թող չփորձեն մանիպուլացնել»,- նշում է Վանեցյանը։

Շեշտում է՝ այս պայքարը հանուն իշխանության չէ, սա պայքար է հանուն հայրենիքի։

Վանեցյանի խոսքով՝ ընդդիմությունը հաստատակամ է՝ հակաօրինական գործողություների չեն գնալու, գործելու են օրենքի շրջանակներում։ Նշում է, որ դա հաճախ նաև հարուցում է մարդկանց դժգոհությունը, սակայն իրենք չեն պատրաստվում շեղվել որդեգրած ճանապարհից։

Վանեցյանը վստահ է՝ եթե լինեն ներքին բախումներ, ապա դա լինելու է Հայաստանի պետականության վերջը։ Իշխանությունն է այսօր պատասխանատու երկրում բախումներ չհրահրելու համար։ Լուծումը քաղաքական դաշտում է, քաղաքական լուծումների պետք է գնան և՛ իշխանությունը, և՛ ընդդիմությունը։

ՀՀ ԶՈւ Գլխավոր շտաբն այսօր` փետրվարի 25-ին, պահանջեց ՀՀ վարչապետ Նիկոլ Փաշինյանի հրաժարականը, ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։

Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ «հեղափոխությունը պաշտպանելու» համար։

Նա հայտնեց նաև, ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, դեռ չի ստորագրել ՀՀ նախագահ Արմեն Սարգսյանը։

Նույն օրը Երևանում զուգահեռ հանրահավաքներ ու բողոքի երթեր անցկացվեցին։ Նիկոլ Փաշինյանն ու իր կողմնակիցները հավաքվել էին Հանրապետության հրապարակում, իսկ ընդդիմադիրները` Հայրենիքի փրկության շարժման նախաձեռնությամբ Ազատության հրապարակում պահանջում էին Նիկոլ Փաշինյանի հրաժարականը։

Նրանք հայտարարել են, որ Բաղրամյան պողոտայում` ԱԺ-ի դիմաց, անժամկետ նստացույց են իրականացնելու։

14
թեգերը:
Հրաժարական, Նիկոլ Փաշինյան, նստացույց, Բողոքի ակցիա, ընդդիմություն, Հայաստան, Արթուր Վանեցյան
թեմա:
Իրավիճակը Հայաստանում ԶՈւ ԳՇ-ի` վարչապետի հրաժարականի պահանջից հետո
Ըստ թեմայի
Իրարամերժ ուժերի հանրահավաքներ նույն օրը, նույն քաղաքում. այսօրվա Երևանը` լուսանկարներում
Ձեր անկեղծ մղումն օգտագործել են ու ձեզ դավաճանել․ Մանուկյանը՝ «Իմ քայլի» պատգամավորներին
Այն, ինչ տեսնում ենք Հայաստանում, մեզ չափազանց անհանգստացնում է. ՄԱԿ ներկայացուցիչ