Էդմոն Մարուքյան

Ավելի շատ հայանպաստ, քան ադրբեջանամետ. Մարուքյանը` ԵԽԽՎ–ում գերիների հարցի պատասխանի մասին

486
(Թարմացված է 13:09 27.01.2021)
ԱԺ «Լուսավոր Հայաստան» խմբակցության ղեկավար Էդմոն Մարուքյանը Sputnik Արմենիայի եթերում անդրադարձել է արցախյան պատերազմի վերաբերյալ ԵԽԽՎ ձմեռային նստաշրջանում հայկական կողմի գործողություններին և նշված կառույցում առկա արձագանքներին։

ԵՐԵՎԱՆ, 27 հունվարի - Sputnik. Եվրոպայում իրազեկվածության մակարդակը շատ ցածր է և տպավորություն կա, թե պատգամավորներն ուղղակի լսել են, գիտեն, որ եղել է պատերազմ, որն արդեն ավարտվել է ու Հարավային Կովկասում տիրում է խաղաղություն։ Sputnik Արմենիայի հետ զրույցում նման հայտարարություն արեց ԱԺ «Լուսավոր Հայաստան» խմբակցության ղեկավար, ԵԽԽՎ հայկական պատվիրակության անդամ Էդմոն Մարուքյանը։

Ըստ նրա` այնպիսի տպավորություն է, որ պատգամավորները չգիտեն, թե ինչպես է սկսվել պատերազմը և ինչ է իրականում տեղի ունեցել, և դա այն դեպքում, որ բոլոր հանձնաժողովներին, պատվիրակություններին պատերազմի ընթացքում հայկական կողմը նամակներով իրազեկել է։

«Համավարակի պատճառով նիստեր չեն եղել, բայց մեր կողմից տարբեր խմբերում ելույթներով և ակցիայի միջոցով հիմա բոլորն իրազեկվել են, որ արցախյան խնդիրը մեզ համար թիվ մեկ հարցն է և կարող եմ ասել, որ համերաշխություն կա շատ պատվիրակների մոտ նշված հարցի առթիվ։ Ինչ վերաբերում է նրան, որ բյուրոյում հարցը քննարկվել է, որպեսզի հրատապ ներկայացվի նստաշրջանում, ապա դա մերժվել է նիստի մեկնարկից առաջ»,– նշեց ԱԺ «Լուսավոր Հայաստան» խմբակցության ղեկավարը։

Գերիների վերադարձը կարող է 1-2 տարի տևել. Սահակյանը ներկայացրեց գործընթացի մանրամասները

Մարուքյանի տեղեկացմամբ` ԵԽԽՎ բյուրոյում հակառուսական տրամադրություններ ունեցող պատվիրակները շատ են, ուստի նրանց համար առաջնային էին Նավալնու ձերբակալությանն ու ներռուսաստանյան զարգացումներին, ցույցերի արդյունքում ձերբակալվածներին վերաբերող հարցերը։

Մարուքյանի պնդմամբ` եթե հայկական կողմն իրեն հուզող հարցը հետևողականորեն չներկայացներ բյուրոյում, ապա խնդրի իրազեկում, լոբբինգ ընդհանրապես տեղի չէր ունենա։ 

«Քանի որ Գերմանիան նախագահող երկիր է, մենք հերթագրվել էինք, որպեսզի հարցեր ուղղեինք արտգործնախարարին կոնկրետ ռազմագերիների վերաբերյալ, սակայն տեխնիկապես այնպես է ստացվել, որ պատվիրակությունից միայն Ռուբեն Ռուբինյանն է կարողացել հարցը բարձրաձայնել` անդրադառնալով նաև ադրբեջանական կողմում կռված վարձկանների խնդրին, և պատասխանը եղել է ավելի շատ հայանպաստ, քան ադրբեջանամետ»,– նշեց ԱԺ «Լուսավոր Հայաստան» խմբակցության ղեկավարը։

Մարուքյանն ընդհանուր առմամբ դրական գնահատեց ԵԽԽՎ ձմեռային նստաշրջանում հայկական պատվիրակության մասնակցությունն ու աշխատանքի արդյունավետությունը` նշելով, որ իրենք անում են այն ամենը, ինչ հնարավոր է։

Հայկական պատվիրակությունն աշխատում է լուծել իրազեկման հարցն ու կոնսոլիդացնել միջազգային ճնշումն Ադրբեջանի վրա։ 

ԼՂ հակամարտության կարգավորում, գերիների վերադարձ. ԱՄՆ դեսպանը հանդիպել է քաղաքագետներին

486
թեգերը:
Ադրբեջան, Հայաստան, գերի, Էդմոն Մարուքյան, Եվրախորհրդի խորհրդարանական վեհաժողով (ԵԽԽՎ)
Ըստ թեմայի
Ինչով են զբաղված ԱՀ իշխանությունները. Դավիթ Բաբայանը` գերիների և Արցախի կարգավիճակի մասին
Գերիների հարցը լուծելու փոխարեն օրենքներն են փոխում. բողոքի ակցիա` ԱԺ–ի դիմաց
ՀՀ ԱԻ նախարարը ՌԴ դեսպանի հետ քննարկել է գերիների վերադարձի հարցը
Татьяна Брухунова

Եվգենի Պետրոսյանի կինը փորձել է արդարանալ «տատիկի զգեստապահարանի» համար

36
(Թարմացված է 13:38 19.04.2021)
Երգիծաբան Եվգենի Պետրոսյանի կնոջը սոցցանցային էջերում հաճախ են քննադատում հնաոճ հագուստի համար։ Տատյանան էլ բացատրել է, թե ինչու է այդպես հագնվում։

ԵՐԵՎԱՆ, 19 ապրիլի – Sputnik. Երգիծաբան Եվգենի Պետրոսյանի երիտասարդ կինը՝ Տատյանա Բրուխունովան, որը հաճախ է բուռն քննարկումների կիզակետում է հայտնվում իր հագուստի ընտրության համար, որոշել է «արդարանալ»։

««Տատիկի զգեստապահարան»․ ավելի հաճախ այսպես են բնութագրում իմ ընտրությունը։ Հիմա ես հաստատ գիտեմ, որ դա ամենևին էլ շատ խելացի լինելուց չէ, այլ սեփական ոճը գտնելու, զգալու անկարողությունից, կարևոր է, թե ինչ ես ուզում հենց դու, այլ ոչ թե նրանք, ովքեր գիտեն` որն է ճիշտը», - Instagram–ի իր էջում գրել է Բրուխունովան։

Ուրիշ կին կա՞ կողքին․ Եվգենի Պետրոսյանը նոր օգնականի հետ է միջոցառումներին այցելում

Նա գրառմանը կից լուսանկար է հրապարակել ու գրել, որ իր հագածը վստահաբար կարող էր վերցրած լինել մորից, քանի որ նրա երիտասարդության տարիներին է այդ ոճը նորաձև եղել։

«Ավաղ, մայրս այդպիսի հագուստ չի պահպանել», - նշել է նա։

Посмотреть эту публикацию в Instagram

Публикация от Татьяна Брухунова (@bruhunova)

Նշենք, որ Եվգենի Պետրոսյանն ու Տատյանա Բրուխունովան ամուսնացել են 2019 թվականի դեկտեմբերին։ Մինչ այդ 33 տարի Պետրոսյանն ամուսնացած էր իր գործընկեր Ելենա Ստեպանենկոյի հետ։ Պետրոսյանն ու Բրուխունովան ունեն մեկ որդի, անունը` Վահան։ Փոքրիկը երգիծաբանի երկրորդ զավակն է, նա նաև 51 տարեկան դուստր ունի` Վիկտորինան։

«Երջանկություն կա»․ փոքրիկ Վահանին գրկած Եվգենի Պետրոսյանի լուսանկարը ցնցել է համացանցը

36
թեգերը:
հագուստ, Կին, Եվգենի Պետրոսյան
Ըստ թեմայի
Եվգենի Պետրոսյանի երիտասարդ կինը փոխել է «այրու կերպարն» ու որոշել գիրք կարդալ
Երիտասարդացած Եվգենի Պետրոսյանը կնոջ հետ հանգստանում է Սոչիում. լուսանկարներ
Քանի՞ ամսական է երեխան. Եվգենի Պետրոսյանի երիտասարդ կինը պատասխանել է օգտատերերի հարցերին
Ծիծեռնակաբերդ

Ծիծեռնակաբերդ այցելողների համար դիմակ դնելը պարտադիր կլինի

34
(Թարմացված է 13:44 19.04.2021)
Ծիծեռնակաբերդից դեպի մայրաքաղաքի տարբեր ուղղություններ կգործեն ավտոբուսային 2 երթուղիներ` 1-ինը` դեպի մետրոպոլիտենի «Զորավար Անդրանիկ» կայարան, 2-րդը` «Բարեկամություն» կայարան։

ԵՐԵՎԱՆ, 19 ապրիլի – Sputnik. Ապրիլի 24-ի միջոցառումներին ՀՀ քաղաքացիների մասնակցության սահմանափակումներ` կապված Հայաստանում կորոնավիրուսի համավարակի հետ, չեն սահմանվի։

Այս մասին այսօր լրագրողների հետ զրույցում հայտնեց ՀՀ վարչապետի գլխավոր խորհրդական Արայիկ Հարությունյանը։

«Ապրիլի 24-ին Ծիծեռնակաբերդ այցելելու հետ կապված որևէ սահմանափակում չկա, ինչպես դա տեղի ունեցավ նախորդ տարի։

Բայց կրկին կուզեմ շեշտել, որ յուրաքանչյուրս մեր հերթին զգոնություն ցւցաբերենք և առավելագույնս փորձենք պահպանել այն կանոնները, որոնք սահմանվել են դեռևս անցած տարի մարտին։ Հնարավորության դեպքում (իհարկե, սա բարդ կլինի) սոցիալական հեռավորությունը պահպանել, դիմակները պատշաճ կրել, ինչը մեծապես կանխարգելու է կորոնավիրուսի տարածումը»,– ասաց Հարությունյանը։

Ասուլիսին մասնակցող ՀՀ ԱՆ Հիվանդությունների վերահսկման և կանխարգելման ազգային կենտրոնի վարակիչ և ոչ վարակիչ հիվանդությունների համաճարակաբանության վարչության պետ Ռոմելա Աբովյանն էլ հայտնեց, որ թեև հիվանդացության իրավիճակն այս պահին կայուն է, բայց թվերը շարունակում են բարձր մնալ։

«Ունենում ենք օրական 800-1000 դեպք, ինչը ՀՀ–ի համար լուրջ ցուցանիշ է, և ծանրաբեռնում է առողջապահական համակարգը»,– ասաց նա։

Աբովյանը նաև հայտնեց, որ մահճակալային ֆոնդը բոլոր հիվանդանոցներում սպառված է, բայց ի հաշիվ անընդհատ կատարվող դուսգրումների ու նոր հիվանդների ընդունման, հերթեր չեն կուտակվում։

Ծիծեռնակաբերդի խճուղում կանգնած ավտոմեքենայում 61–ամյա տղամարդու դի է հայտնաբերվել

Նշենք, որ ապրիլի 24-ին Ծիծեռնակաբերդից դեպի մայրաքաղաքի տարբեր ուղղություններ կգործեն ավտոբուսային 2 երթուղիներ` 1-ինը` դեպի մետրոպոլիտենի «Զորավար Անդրանիկ» կայարան, 2-րդը` «Բարեկամություն» կայարան։

Մետրոպոլիտենն այդ օրը կգործի մինչև ապրիլի 25-ի ժամը 01։00–ն։

34
թեգերը:
դիմակ, Ցեղասպանություն, Ծիծեռնակաբերդ
Ըստ թեմայի
Էրդողանի մահակը, կամ նա Բայդենին ակնարկում է`Ցեղասպանության ճանաչումը թանկ կնստի ԱՄՆ–ի վրա
Ցեղասպանության հերթական տարելիցի նախաշեմին Երևանից ռևերանսներ են արվում դեպի Թուրքիա
Ցեղասպանության օրվա միջոցառումների շրջանակում կներկայացվի նաև Արցախի մշակութային եղեռնը
Boeing737

«Boeing»-ը հարկադիր վայրէջք է կատարել Նովոսիբիրսկում. օդաչուն կաթված է ստացել

5
(Թարմացված է 15:56 19.04.2021)
Ինքնաթիռի թռիչքը նախատեսված է երեկոյան, օդանավի անձնակազմը 18-ժամյա հանգստի մեջ է։

ԵՐԵՎԱՆ, 19 ապրիլի – Sputnik․ Փարիզից Տոկիո չվերթ իրականացնող «Boeing» բեռնատար ինքնաթիռն արտակարգ վայրէջք է կատարել Նովոսիբիրսկում։ Տեղեկությունը հայտնում է ՌԻԱ Նովոստին՝ հղում անելով Արևմտյան Սիբիրի տրանսպորտային դատախազությանը։

Նախնական տվյալներով՝ օդանավի հրամանատարն ուղեղի կաթված է ստացել, ինչի պատճառով օդանավն արտակարգ վայրէջք է կատարել:

«<Global Aviation Consulting> ավիաընկերության բեռնատար ինքնաթիռը, որն իրականացնում էր Փարիզ-Տոկիո չվերթը, վայրէջք է կատարել Նովոսիբիրսկի «Տոլմաչևո» օդանավակայանում։ Օդանավի հրամանատարը տեղափոխվել է հիվանդանոց»,- հայտնել է ՌԻԱ Նովոստիի աղբյուրը։

Ռուսական ՄիԳ–ը թույլ չի տվել, որ ամերիկյան հետախույզ ինքնաթիռը խախտի սահմանը. տեսանյութ

Նրա խոսքով՝ օդանավում ուղևորներ չեն եղել։ Ինքնաթիռի անձնակազմը, այդ թվում՝ փոխարինող (ռեզերվային), գտնվում է 18-ժամյա հանգստի մեջ։ Դրանից հետո ինքնաթիռը կմեկնի Տոկիո։

Ինքնաթիռի թռիչքը նախատեսված է Մոսկվայի ժամանակով 21: 00-ին:

Թուրք նախարարին տեղափոխող ինքնաթիռն արտակարգ վայրէջք է կատարել Մալաթիայում

5
թեգերը:
ինքնաթիռ, Ռուսաստան