ԵՐԵՎԱՆ, 27 հունվարի - Sputnik. Սոցիալական ոլորտում գործող 4 պետական մարմինները՝ սոցիալական ապահովության ծառայությունը, ընտանեկան նպաստների համակարգը, հաշմանդամության ու զբաղվածության ոլորտները համակարգող կառույցներն
առաջիկայում կմիավորվեն մեկ միասնական մարմնի կազմում: Նոր մարմինը կկրի «Ինտեգրված սոցիալական ծառայություններ» անունը: Այս մասին այսօր ՀՀ կառավարության նիստում հայտնեց ՀՀ աշխատանքի և սոցիալական հարցերի նախարար Մեսրոպ Առաքելյանը՝ ներկայացնելով կառավարույան որոշման նախագիծը:

«Նախագծի նպատակը սոցիալական պաշտպանության բնագավառում ՀՀ կառավարութան որդեգրած քաղաքականության իրականացման արդյունավետ մեխանիզմների ներդրումն է: Մասնավորապես՝ ՀՀ կառավարությունը սոցիալական պաշտպանության բնագավառում որդեգրել է ինտեգրված սոցիալական ծառայությունների համակարգի ներդրման քաղաքականությունը, որը պետք է հիմնված լինի սոցիալական կարիքի գնահատման միասնական համակարգի վրա»,- ասաց նախարարը:

Նոր համակարգը ներդրվելու է ս.թ. ապրիլի 1-ից:

ՀՀ վարչապետ Նիկոլ Փաշինյանը նախագծի քննարկման ընթացքում շեշտեց, որ բարեփոխումներն իրականացվում են ոչ միայն սոցիալական, այլև քաղաքացիական ծառայությունների արդյունավետության ու որակի բարձրացման համատեքստում:

© Sputnik / Aram Nersesyan, Lilit Harutyunyan

«Մեկ կանգառ, մեկ պատուհան». Հյուսիսային մաքսատանը կարվեն անհրաժեշտ բոլոր գործարքները

Նրա խոսքով` կառավարությունն այսկերպ փորձում է ազատել մարդկանց ավելորդ քաշքշուկներից, և ամեն ինչ արվում է, որ մարդիկ իրենց թղթերը հանձնեն մեկ տեղում ու այդտեղից էլ դրանք հետ ստանան:

«Մարդիկ ինչ-որ սոցիալական խնդիրներ լուծելու համար ստիպված են լինում այս գրասենյակից գնալ մյուս գրասենյակ, մյուս գրասենյակից՝ երրորդ գրասենյակ, հետո պարզվում է, որ այնտեղ ինչ-որ բան մոռացել են, ստիպված են լինում վերադառնալ առաջին գրասենյակ: Խնդիրն այն է, որ մենք այնպիսի համակարգ ձևավորենք, որ մարդիկ հնարավորինս քիչ տեղեր գնալու կարիք ունենան»,- ասաց Փաշինյանը:

Նշենք, որ համաձայն ՀՀ կառավարության կայքում հրապարակված տեղեկանքի` առաջարկվող բարեփոխումների արդյունքում մեկ կառույցի ներքո են գործելու ՀՀ աշխատանքի և սոցիալական նախարարության բժշկասոցիալական փորձաքննության, զբաղվածության պետական գրասենյակների և մարզային ենթակայության սոցիալական աջակցության 38 գործակալություններն ու համայնքային ենթակայության սոցիալական աջակցության 17 բաժինները:

ԵԱՏՄ–ն դյուրացնում է մաքսային գործընթացը. «մեկ պատուհան» և էլեկտրոնային համակարգ

Բարձր տեխնոլոգիական արդյունաբերության նախարար Հակոբ Արշակյանն էլ հայտնեց, որ հարցը քննարկվել է «Հայփոստի» ղեկավարության հետ և չի բացառվում, որ սոցիալական ծառայությունների միասնական մարմնի ֆունկցիան իր վրա վերցնի հենց «Հայփոստը»:

««Հայփոստը» 850-ից ավելի բաժանմունքներ ունի ՀՀ տարածքում: Մենք առաջարկել ենք այս հարցը քննարկել ինչպես ծառայությունների, այնպես էլ գրասենյակների որակի առումով, և քաղաքացիների հետ շփման իրավասությունը վերապահել «Հայփոստին»»,- հայտնեց Արշակյանը: 

Կառավարությունում քննարկման ընթացքում փոխվարչապետ Տիգրան Ավինյանն էլ հայտնեց, որ առաջիկա 3 տարում նախատեվում է թվայնացնել ՀՀ քաղաքացիական բոլոր ծառայությունները: Այս դեպքում, նրա խոսքով, քաղաքացին այլևս ոչ մի տեղ գնալու կարիք չի ունենա և բոլոր անհրաժեշտ ծառայությունները, որոնք նրա ներկայությունը չեն պահանջում, քաղաքացին կստանա իր տանը՝ համակարգչի առաջ նստած:

«Հայփոստը» մտնում է զարգացման նոր փուլ. նախատեսվում է վերակառուցել կենտրոնական փոստի շենքը

Պետական եկամուտների կոմիտեի մաքսանենգության դեմ պայքարի վարչության աշխատակիցները բացահայտել են թմրանյութի տեղափոխման բացառիկ դեպք: Տեղեկությունը հայտնում է ՊԵԿ մամուլի ծառայությունը։

Երևանի մաքսային պահեստներից մեկում կատարված մաքսային հսկողության արդյունքում որպես խմորիչ հայտարարագրված 18600 կգ բեռի կազմում հայտնաբերվել է հերոինի առանձնապես խոշոր խմբաքանակ` 33 արկղ։

«Փաթեթավորման հետ միասին շուրջ 365 կիլոգրամ կշռող հերոինի շուկայական արժեքը մոտ 45 մլն ԱՄՆ դոլար է: Սա 2014 թվականից հետո Հայաստանի իրավապահ մարմինների հայտնաբերած խոշորագույն դեպքն է, որն իր բնույթով աննախադեպ է ամբողջ տարածաշրջանում: Խմորիչի փաթեթավորմամբ հերոինն Իրանի Իսլամական Հանրապետությունից Հայաստանի տարածքով նախատեսված էր տեղափոխել Արևմտյան Եվրոպա»,–ասվում է հաղորդագրության մեջ: 

Նշվում է, որ հանցավոր սխեման բացահայտվել է լայնածավալ և բազմակողմանի վերլուծական աշխատանքների ու համալիր օպերատիվ-հետախուզական միջոցառումների արդյունքում:

Youtube / ՀՀ ՊԵԿ RA SRC

ՊԵԿ–ը հայտնաբերել է մաքսային հսկողությունից թաքցված 2030 ադամանդե քար. տեսանյութ

Ապօրինի թմրաշրջանառության դեմ պայքարում իրենց դերն են կատարում ՊԵԿ շնագիտական կենտրոնի կինոլոգներն ու ծառայողական շները, ովքեր նույնպես ներգրավվել են այս խոշոր դեպքի բացահայտման աշխատանքներում: Օպերատիվ-հետախուզական միջոցառումների անցկացման փուլում ակտիվ մասնակցություն են ունեցել նաև ՀՀ ոստիկանության և Ազգային անվտանգության ծառայության աշխատակիցները:

Դեպքի առթիվ ՊԵԿ քննչական վարչությունում հարուցվել է քրեական գործ` ՀՀ քրեական օրենսգրքի 267.1 և 266 հոդվածների (Թմրամիջոցների, հոգեմետ (հոգեներգործուն) նյութերի և դրանց պրեկուրսորների ապօրինի շրջանառությունն իրացնելու կամ պատրաստելու նպատակով կամ դրանց ապօրինի իրացնելը) հատկանիշներով: Տարբեր քաղաքացիություններ ունեցող 6 անձ ձերբակալվել է։

ԱԱԾ–ի հետ լայնածավալ օպերատիվ-հետախուզական միջոցառումների անցկացումը շարունակվում է` գործի հետ առնչություն ունեցող հնարավոր այլ անձանց շրջանակը պարզելու նպատակով:

Թմրանյութը`հարսի շորի ծալքերի մեջ. 2020–ին մաքսանենգության բացահայտման դեպքերն ավելացել են