Գյումրիում Ռուսական գիտության ու մշակույթի կենտրոնը, «Ռուսսոտրուդնիչեստվոյի» նախաձեռնությամբ, սկսել է Սբ. Արսենի եկեղեցու նորոգման ու ամայի տարածքի բարեկարգման նախնական աշխատանքների ուսումնասիրությունը: Արդեն կա եկեղեցու ու կից տարածքի բարեկարգման ու համալիրի ստեղծման էսքիզային առաջարկությունը: Ավելի քան 1 հա տարածքում, ըստ նախագծի, վերանորոգման աշխատանքներից բացի, կկառուցվեն կազակական հյուղակներ ու թանգարան, տարածքը նաև այգի կունենա:

6 տարի անց Գյումրիում կրկին բացվեցին Ավետիսյանների տան դռները. հարազատները պահանջներ ունեն

«Երկար ժամանակ եկեղեցին բարձիթողի վիճակում է եղել։ Նախատեսվում են կառույցի վերականգնման ու տարածքի բարեկարգման աշխատանքներ՝ կից կառուցելով թանգարան, կազակական ստանիցաներ, կադետական դպրոց։ Ստեղծվելու է կազակական միջավայր, ինչը կնպաստի նաև քաղաքում զբոսաշրջության զարգացմանը»,-նշում է քաղաքի գլխավոր ճարտարապետ Հենրիկ Գասպարյանը:

© Sputnik / Armenuhi Mkhoyan

Ռուսական Սբ. Արսենի եկեղեցին Գյումրիի «Կազաչի պոստ» թաղամասում

Եկեղեցական համալիրի վերակառուցման նախագիծը քննարկման փուլում է: Այն հայ-ռուսական համատեղ ծրագիր է, ու ֆինանսավորումն էլ նախատեսվում է ինչպես 2 երկրների պետական, այնպես էլ մասնավոր սեկտորի կողմից: Ժամանակացույցի ու պահանջվող գումարի մասին այս պահին ծրագրի նախաձեռնողները վաղ են համարում խոսել:

© Sputnik / Armenuhi Mkhoyan

Ռուսական Սբ. Արսենի եկեղեցին Գյումրիի «Կազաչի պոստ» թաղամասում

Հայաստանում ամենամեծ ռուսական՝ Սբ. Արսենի Եկեղեցին կառուցվել է 1870-ական թվականներին և օծվել է 1910 թ.-ին։ Այն կառուցվել է որպես զինվորական եկեղեցի կազակական հետևակային զորքի համար այն թաղամասում, որտեղ տեղակայված են եղել կազակական ջոկատները։

© Sputnik / Armenuhi Mkhoyan

Ռուսական Սբ. Արսենի եկեղեցին Գյումրիի «Կազաչի պոստ» թաղամասում

Եկեղեցին ունեցել է 2 հիմնական գմբեթ, որոնցից մեկը՝ զանգակատանը, կոնաձև էր՝ հայկական ճարտարապետությանը բնորոշ, իսկ մյուսը՝ սոխուկանման։ Ճարտարապետական նմանատիպ կառուցվածք ունեցող եկեղեցիներ նույնիսկ ՌԴ-ում քիչ են հանդիպում: Ի տարբերություն նմանատիպ մյուս եկեղեցիների, որոնք կառուցվել են աղյուսով, Ալեքսանդրապոլինը (ներկայիս Գյումրի) կառուցվել է քարով:

1930-ական թվականներին եկեղեցու գմբեթները քանդել են։ Շինությունը սկսել են օգտագործել նախ որպես որբերի կացարան, ապա՝ կինոակումբ ու ախոռ։ Տարիների ընթացքում եկեղեցին դարձել է վթարային:

© Sputnik / Armenuhi Mkhoyan

Ռուսական Սբ. Արսենի եկեղեցին Գյումրիի «Կազաչի պոստ» թաղամասում

Ըստ որոշ տեղեկությունների՝ հենց այս եկեղեցում է իր առաջին կնոջ՝ կազակուհի Նադեժդա Իվանովնայի հետ պսակվել ռուս հայտնի զորավար Սեմյոն Բուդյոննին:

«Այդ փաստի մասին գրավոր փաստաթուղթ չունենք, ավելի շատ բնակչության խոսքերն են, բայց այն, որ զորավարն այստեղ ծառայել է, դա հաստատ է, իսկ եկեղեցում այդ տարիներին եկեղեցական ծեսեր ու պսակադրություններ են կատարվել»,-նշում է Գյումրիում Ռուսական գիտության ու մշակույթի կենտրոնի տնօրեն Հարություն Համբարձումյանը:

© Photo : provided by Henrik Gasparyan

Ռուսական Սբ. Արսենի եկեղեցին Գյումրիի «Կազաչի պոստ» թաղամասում

Եկեղեցում 2010 թվականին ռուսական ռազմաբազայի հոգևոր հովիվ Հայր Անդրեյի նախաձեռնությամբ, հավատացյալների և բարերարների հանգանակած միջոցներով, որոշակի կոսմետիկ նորոգումներ են կատարվել. ամրացվել է ծածկը, տեղադրվել են պատուհաններ, որից հետո եկեղեցին վերաօծվել է, սկսել են պատարագներ մատուցել ու ժամերգություններ կատարել։ Հայաստանից հոգևոր հոր մեկնելուց հետո եկեղեցին կրկին «մենակության» է մատնվել:

Հավելենք, որ եկեղեցին նորոգվելու է՝ պահպանելով իր նախկին տեսքը:

Պետական եկամուտների կոմիտեի մաքսանենգության դեմ պայքարի վարչության աշխատակիցները բացահայտել են թմրանյութի տեղափոխման բացառիկ դեպք: Տեղեկությունը հայտնում է ՊԵԿ մամուլի ծառայությունը։

Երևանի մաքսային պահեստներից մեկում կատարված մաքսային հսկողության արդյունքում որպես խմորիչ հայտարարագրված 18600 կգ բեռի կազմում հայտնաբերվել է հերոինի առանձնապես խոշոր խմբաքանակ` 33 արկղ։

«Փաթեթավորման հետ միասին շուրջ 365 կիլոգրամ կշռող հերոինի շուկայական արժեքը մոտ 45 մլն ԱՄՆ դոլար է: Սա 2014 թվականից հետո Հայաստանի իրավապահ մարմինների հայտնաբերած խոշորագույն դեպքն է, որն իր բնույթով աննախադեպ է ամբողջ տարածաշրջանում: Խմորիչի փաթեթավորմամբ հերոինն Իրանի Իսլամական Հանրապետությունից Հայաստանի տարածքով նախատեսված էր տեղափոխել Արևմտյան Եվրոպա»,–ասվում է հաղորդագրության մեջ: 

Նշվում է, որ հանցավոր սխեման բացահայտվել է լայնածավալ և բազմակողմանի վերլուծական աշխատանքների ու համալիր օպերատիվ-հետախուզական միջոցառումների արդյունքում:

Youtube / ՀՀ ՊԵԿ RA SRC

ՊԵԿ–ը հայտնաբերել է մաքսային հսկողությունից թաքցված 2030 ադամանդե քար. տեսանյութ

Ապօրինի թմրաշրջանառության դեմ պայքարում իրենց դերն են կատարում ՊԵԿ շնագիտական կենտրոնի կինոլոգներն ու ծառայողական շները, ովքեր նույնպես ներգրավվել են այս խոշոր դեպքի բացահայտման աշխատանքներում: Օպերատիվ-հետախուզական միջոցառումների անցկացման փուլում ակտիվ մասնակցություն են ունեցել նաև ՀՀ ոստիկանության և Ազգային անվտանգության ծառայության աշխատակիցները:

Դեպքի առթիվ ՊԵԿ քննչական վարչությունում հարուցվել է քրեական գործ` ՀՀ քրեական օրենսգրքի 267.1 և 266 հոդվածների (Թմրամիջոցների, հոգեմետ (հոգեներգործուն) նյութերի և դրանց պրեկուրսորների ապօրինի շրջանառությունն իրացնելու կամ պատրաստելու նպատակով կամ դրանց ապօրինի իրացնելը) հատկանիշներով: Տարբեր քաղաքացիություններ ունեցող 6 անձ ձերբակալվել է։

ԱԱԾ–ի հետ լայնածավալ օպերատիվ-հետախուզական միջոցառումների անցկացումը շարունակվում է` գործի հետ առնչություն ունեցող հնարավոր այլ անձանց շրջանակը պարզելու նպատակով:

Թմրանյութը`հարսի շորի ծալքերի մեջ. 2020–ին մաքսանենգության բացահայտման դեպքերն ավելացել են