Միջազգային կառույցները հետաքրքրված են պատերազմի բնապահպանական վնասներով. նախարար
(Թարմացված է 16:39 26.01.2021)
ՀՀ շրջակա միջավայրի նախարարը հայտնել է, որ Արցախի պատերազմի արդյունքում մեծ վնասներ են կրել Արծվաբերդի, Գորիսի և Կապանի անտառտնտեսությունները։ԵՐԵՎԱՆ, 26 հունվարի – Sputnik. Արցախյան 44-օրյա պատերազմի հետևանքով Արցախի ու Հայաստանի բնությանը հասցված նյութական վնասի վերջնական հաշվարկ դեռևս չի կատարվել։ Այս մասին լրագրողների հետ հանդիպմանը հայտնեց ՀՀ շրջակա միջավայրի նախարար Ռոմանոս Պետրոսյանը։
«Ֆինանսական հաշվարկ այս պահին չկա։ Իրավասու մարմինը, որը պետք է այդ վնասները հաշվարկի, Բնապահպանական և ընդերքի տեսչական մարմինն է։ Բայց ընդհանուր մասշտաբային վնասներով կարող եմ ասել, որ խոսքը մի քանի հազար հեկտար անտառային տարածքների մասին է։ Մի քանի հարյուր հեկտարը ՀՀ հյուսիսարևելյան հատվածի, մասնավորապես` Արծվաբերդի անտառտնտեսության տարածքներում է, մնացածը` հարավարևելյան` Սյունիքի մարզի 2 անտառտնտեսությունների`Գորիսի և Կապանի անտառներում, որտեղ անմիջապես ռազմական գործողությունների թատերաբեմ է եղել և հակառակորդի հրետակոծության հետևանքով հրդեհվել էին»,– ասաց նախարարը։
Ավելի մեծ վնասներ, սակայն, հասցվել են Արցախի անտառային տարածքներին, որոնք այս պահին արդեն Ադրբեջանի վերահսկողության ներքո են։
©
Photo : Screenshot / Զինուշ Media
Այդուհանդերձ, դեռևս պատերազմի ըթացքում հայկական կողմը բարձրաձայնել է բնությանը հասցվող վնասի մասին` տասնյակ գրություններ ուղարկելով միջազգային կառույցներին։
«Առաջին 2-3-ը հիմնականում ահազանգեր են եղել` պատերազմական գործողությւնների հետևանքով առաջացած բնապահպանական, սանիտարական աղետալի վիճակի մասին։ Նաև հանգամանալից գրություններ են եղել անտառային հրդեհների հետ կապված, այդ թվում` ՄԻՊ–ի կողմից` ֆոսֆորային զենքերի հնարավոր կիրառման արդյունքում անտառածածկ տարածքների լայնածավալ հրդեհների վերաբերյալ։ Իսկ վերջին 1-2 գրությւններով մենք արդեն մեր միջազգային բնապահպանական կազմակերպություն գործընկերների ուշադրութւնը սևեռել ենք մեր հարավային շրջանների, Արցախի հարավային ու հարավարևելյան սահմաններում էկոլոգիական աղետալի վիճակի վրա»,– ասաց Պետրոսյանը։
DFRLab․ արբանյակային լուսանկարներն ապացուցում են, որ Ադրբեջանը ֆոսֆորային զենք է կիրառել
Նախարարը հայտնեց, որ միջազգային կառույցներն արձագանքել են Հայաստանից ստացված ահազանգերին ու վերջին շաբաթների ընթացքում հետաքրքրություն ցուցաբերել ներկայացված փաստերի նկատմամբ։
Ըստ Պետրոսյանի` միջազգային կառույցներից ստացվել են հարցումներ` ներկայացված փաստերի առանձին դետալների մասին։
Հիշեցնենք` 2020թ.–ի սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։ Նոյեմբերի 9-ին ՀՀ վարչապետ Նիկոլ Փաշինյանի, ՌԴ նախագահ Վլադիմիր Պուտինի ու Ադրբեջանի նախագահ Իլհամ Ալիևի միջև ստորագրված հայտարարության համաձայն` ռազմական գործողությունները դադարեցվեցին։
«Անցնելու ենք Փաշինյանի ճանապարհով». Գյումրիից քայլերթով գալիս են Երևան. տեսանյութ
(Թարմացված է 15:50 03.03.2021)
Քայլերթի մասնակիցները Նիկոլ Փաշինյանին խորհդանշական ճամպրուկ են բերում։ Պատրաստավում են մարտի 5-ին հասնել Երևան։ԵՐԵՎԱՆ, 3 մարտի – Sputnik, Արմենուհի Մխոյան. Մարտի 3-ին` ժամը 11:00-ին, Գյումրիում մեկնարկել է ֆլեշմոբ-քայլերթ՝ ՀՀ վարչապետ Նիկոլ Փաշինյանի հրաժարականի պահանջով: Նախաձեռնության համահեղինակ իրավաբան Կարապետ Պողոսյանը Sputnik Արմենիայի հետ զրույցում հայտնեց, որ ինքն ու դերասան Մկրտիչ Վարդանյանը պատրաստվում են անցնել այն ճանապարհով, որով Փաշինյանը երեք տարի առաջ Գյումրիից եկել է Երևան, հասնել մայրաքաղաք ու խորհրդանշական իրեր փոխանցել ՀՀ վարչապետին։
Պատերազմին մասնակցած եզդիները միացել են Փաշինյանի հրաժարականի պահանջին. Այսեր Իսոյան
Նշենք, որ քայլերթից առաջ Պողոսյանն ու Վարդանյանը խորհրդանշական ակցիա են իրականացրել՝ Նիկոլ Փաշինյանի ուսապարկը խորհրդանշող պայուսակից հանելով իրեր՝ փուչիկ, ծաղրածուի և բժշկական դիմակներ, կախարդական փայտիկ, նոթբուք, ելակ, նուռ, Հայաստանի քարտեզը, Ադրբեջանի նախագահ Իլհամ Ալիևի նկարը։ Նրանք վստահեցրին, որ հենց այս ամենն էր Փաշինյանն իր հետ բերել Երևան։
Ֆլեշմոբի մասնակիցները նշեցին, որ այդ ամենից բացի, իրենք այլ իրեր էլ են տանելու Փաշինյանին` պարան, օճառ, մարզական կոշիկներ, հերոս տղաների շիրիմների լուսանկարը և այլն:
Մի շարք քաղաքացիներ էլ առաջարկել են պայուսակում ավելացնել նաև 2020 թվականին իմքայլականների նախաձեռնված «Սահմանադրական» հանրաքվեի «Այո» քարոզչության բուկլետը, «Հպարտ քաղաքացու անձնագիրը», Շուշիի տան բանալիներ և այլն։
«Հենց նույն ճանապարհով, որով 2018 թվականին Փաշինյանը Գյումրիից շարժվել է Երևան, մենք ենք անցնելու, լինելու ենք նույն բնակավայրերում, փորձելու ենք հասկանալ մարդկանց դիրքորոշումը, լսել նրանց կարծիքները։ Ամենայն հավանականությամբ, արդեն ուրբաթ օրը ճամպրուկը կհասցնենք կառավարություն», - ասաց Կարապետ Պողոսյանը` քաղաքացիներին հորդորելով միանալ իրենց:
Sputnik Արմենիայի տեղեկություններով` նրանք արդեն հասել են Սպիտակ։
Սպիտակի ղեկավարը միանում է Փաշինյանի հրաժարականի պահանջին և աջակցում ԳՇ–ին
Մահացել է համաշխարհային ճանաչում ունեցող թավջութակահար Մեդեա Աբրահամյանը
(Թարմացված է 14:57 03.03.2021)
Աբրահամյանն առաջին թավջութակահարն էր, որ պատուհան բացեց դեպի միջազգային հեղինակավոր բեմեր:
ԵՐԵՎԱՆ, 3 մարտի -Sputnik. Մահացել է հայտնի թավջութակահար, ՀԽՍՀ ժողովրդական արտիստ Մեդեա Աբրահամյանը: Այս մասին հայտնել է Արամ Խաչատրյանի տուն-թանգարանի տնօրեն Արմինե Գրիգորյանը:
Նշենք, որ Մեդեա Աբրահամյանի նվագացանկում ընդգրկված է եղել թավջութակի ավելի քան 300 ստեղծագործություն, որոնցից շուրջ 120-ը գրված հենց նրա համար և նվիրվել են նրան։ Նրա լեգենդար անունն այսօր դարձել է դասական կատարողական արվեստի խորհրդանիշ:
Աբրահամյանն առաջին թավջութակահարն էր, որ պատուհան բացեց դեպի միջազգային հեղինակավոր բեմեր:
Նրան ծափահարել են աշխարհի բազմաթիվ երկրներում՝ Ամերիկայի Միացյալ Նահանգներում, Կանադայում, Ֆրանսիայում, Գերմանիայում, Իսլանդիայում, Արգենտինայում, Ուրուգվայում, Սիրիայում, Լիբանանում, Կորեայում, Ռումինիայում, Հունգարիայում, Բուլղարիայում, Լեհաստանում, Բելգիայում, Լյուքսեմբուրգում, նախկին խորհրդային հանրապետություններում և այլ երկրներում։
Մեդեա Աբրահամյանն արժանացել է բազմաթիվ մրցանակների, դրանք են`
- Պրահայի Հ. Վիհանի անվան թավջութակահարների միջազգային մրցույթի դափնեկիր (երկրորդ մրցանակ), 1955
- Հայաստանի երիտասարդության առաջին փառատոնի դափնեկիր (առաջին մրցանակ), 1957
- Մոսկվայի երաժիշտ-կատարողների համամիութենական մրցույթի դափնեկիր (առաջին մրցանակ), 1961
- ՀԽՍՀ վաստակավոր արտիստ, 1963
- Բուլղարիայի Ռուսե քաղաքի պատվավոր քաղաքացի, 1968
- ՀԽՍՀ պետական մրցանակ, 1973
- ՀԽՍՀ ժողովրդական արտիստ, 1980
- Երևանի Կոմիտասի անվան պետական կոնսերվատորիայի պրոֆեսոր, 1983
- ԽՍՀՄ Գերագույն խորհրդի նախագահության կողմից «Աշխատանքի վետերան» մեդալ, 1987
- Հայ արվեստի ասպետ, 2007
- «Հայրենիքին մատուցած ծառայությունների համար» 1-ին աստիճանի մեդալ, 2012
- ՀՀ վարչապետի ոսկե հուշամեդալ, 2016
- «Նաիրի» համահայկական երաժշտական փառատոնի գլխավոր մրցանակ «Դասական լարային նվագարաններ» անվանակարգում, 2017[6]
- Հայաստանի երաժշտական ընկերության «Կոմիտաս» հուշամեդալ, 2018
1956 թվականից մինչև 1990-ական թվականների վերջը Մեդեա Աբրահամյանը եղել է Հայֆիլհարմոնիայի մենակատար։