Գագիկ Ջհանգիրյան

Դատավորը պետք է «գողականներից», ընդդիմությունից և իշխանությունից անկախ լինի. Ջհանգիրյան

78
(Թարմացված է 12:45 22.01.2021)
Ազգային ժողովում արտահերթ նիստ է ընթանում, որի շրջանակներում ԲԴԽ անդամներ են ընտրում։ Զուգահեռ ԱԺ դիմաց բողոքի ակցիա է` վարչապետ Նիկոլ Փաշինյանի հրաժարականի պահանջով։

ԵՐԵՎԱՆ, 22 հունվարի - Sputnik. ԲԴԽ դատավորը պետք է անկախ գործի, որպեսզի կարողանա ապահովել դատարանների և գործի անկախությունը։ Ազգային ժողովում իր ելույթի ժամանակ այս մասին հայտարարեց ԲԴԽ անդամի թեկնածու Գագիկ Ջհանգիրյանը։

ԱԺ–ում արտահերթ նիստ է ընթանում, որի շրջանակներում ԲԴԽ անդամներ են ընտրում։ Ազգային ժողովի «Իմ քայլ» խմբակցությունը Բարձրագույն դատական խորհրդի անդամի թեկնածու է առաջադրել Դավիթ Խաչատուրյանին և Գագիկ Ջհանգիրյանին։ Զուգահեռ ԱԺ դիմաց բողոքի ակցիա է` վարչապետ Նիկոլ Փաշինյանի հրաժարականի պահանջով։

«ԲԴԽ–ի սահմանադրական և օրենսդրական երաշխիքները բավարար են այդ մարմնի անկախությունն ապահովելու համար։ Տարածված կարծիք կա, որ եթե դատավորներն անկախ են գործադիր և օրենսդիր իշխանությունից, ուրեմն անկախ են։ Բայց դատավորները պետք է անկախ լինեն նաև ֆինանսական խոշոր կարողություններ ունեցողներից, քրեական և գողական համակարգերից, ընդդիմադիրներից և իշխանությունից նույնպես»,–ասաց Ջհանգիրյանը։

Նրա խոսքով` 2017-ին ընդունված դատական օրենսգիրքը երկրում դատարանների բուրգ է հաստատել, և բուրգի վերևում նստածը կարողանում է մյուսներին պարտադրել ցանկալի որոշում։ Ջհանգիրյանը նշում է, որ այդ բուրգը 2008-ի մարտիմեկյան դեպքերի ժամանակ աշխատեց և շատերն անտեղի պատիժ կրեցին։ Այդ բուրգը, ըստ նրա, հիմա էլ գործում է։

Ջհանգիրյանը նշեց, որ գործող դատական համակարգը զտման կարիք ունի, և իշխանության եկած քաղաքական ուժն այդ ուղղությամբ գործնական քայլեր չի կատարել։

Գերիների հարցը լուծելու փոխարեն օրենքներն են փոխում. բողոքի ակցիա` ԱԺ–ի դիմաց

Հիշեցնենք նաև, որ ԲԴԽ անդամի պաշտոնում ընտրվելու համար թեկնածուին անհրաժեշտ է ԱԺ պատգամավորների թվի 3/5-ից ավելի «կողմ» ձայներ:

78
թեգերը:
թեկնածու, Բարձրագույն դատական խորհուրդ (ԲԴԽ), Գագիկ Ջհանգիրյան
Ըստ թեմայի
«Իմ քայլը» խմբակցությունը ԲԴԽ անդամի պաշտոնում կառաջադրի Գագիկ Ջհանգիրյանին
«Գագիկ Ջհանգիրյանը տվել է սպառիչ, անկեղծ պատասխաններ». ԼՀԿ–ն հանդիպել է նրա հետ
«Իմ քայլն» առաջադրեց Գագիկ Ջհանգիրյանի ու Դավիթ Խաչատուրյանի թեկնածությունները
Արամ MP3

Արամ MP3-ն ու Գուրգեն Դաբաղյանը ներկայացրել են «Թամզարայի» իրենց տարբերակը. տեսանյութ

8
(Թարմացված է 12:50 08.03.2021)
Երկու ժամ է, ինչ ստեղծագործությունը հայտնվել է YouTube-ում և արդեն ավելի քան 4000 դիտում ունի։

ԵՐԵՎԱՆ, 8 մարտի - Sputnik. Արամ MP3-ն ու Գուրգեն Դաբաղյանը նոր մեկնաբանությամբ են ներկայացրել ժողովրդական «Թամզարա» ստեղծագործությունը:

Հանրության դատին ներկայացրած ստեղծագործության գործիքավորումն իրականացրել է Նիկ Եգիբյանը, իսկ տեսահոլովակի անիմացիայի հեղինակն Արամայիս Հայրապետյանն է:

Ստեղծագործությունը երկու ժամ է, ինչ հայտնվել է YouTube-ում և արդեն ավելի քան 4000 դիտում ունի։

Դե պարի քոչարի. Արամ MP3-ի չելենջին միացել են հայեր աշխարհի տարբեր մասերից

Նշենք, որ «Թամզարան» Սուքիաս Էփրիկյանի «Պատկերազարդ բնաշխարհիկ բառարանում» հանդիպում է որպես հայկական բնակավայրի անվանում: Ըստ Կոմիտասի՝ «Թամզարան» հարսանեկան երգ-պար է, որտեղ գլխավոր դերը վերապահվել է գյովնդբաշուն (պարագլուխ) ու նրա օգնականին: Իսկ հարսն անպայման կանգնում էր քավորի` կնքահոր կողքը: Այժմ «Թամզարան» կորցրել է իր երբեմնի ծիսական նշանակությունը և կատարվում է գրեթե բոլոր համայնքային միջոցառումների ու խնջույքների ժամանակ:

Աշոտ Ղազարյանի թոռնուհին հիացրեց «Ну-ка все вместе!» շոուի ժյուրիին. տեսանյութ

 

8
թեգերը:
երգ, Արամ MP3, Գուրգեն Դաբաղյան
Ըստ թեմայի
16–ամյա երգիչ Գարիկ Զաբելյանը փայլեց «Ну-ка все вместе» վոկալային շոուի ժամանակ
Նոր ձևաչափ, նոր կանոններ. հայտնի են «Եվրատեսիլ 2021» երգի մրցույթի անցկացման պահանջները
«Ի սրտե». Ավետ Բարսեղյանը Ռիտա Սարգսյանի հիշատակին նվիրված երգ է գրել. տեսանյութ
Դիլիջանի թունել, արխիվային լուսանկար

Դիլիջանի թունելում երթևեկության խոչընդոտ է առաջացել. բեռնատարի կցորդ է փչացել

35
(Թարմացված է 12:16 08.03.2021)
«Ճանապարհային դեպարտամենտը» վարորդներին հորդորում է զգոն լինել Դիլիջանի թունելի հատվածում։

ԵՐԵՎԱՆ, 8 մարտի - Sputnik. Դիլիջանի թունելում կցորդի անսարքության պատճառով առաջացել է երթևեկության խոչընդոտ։ Տեղեկությունը հայտնում է ՏԿԵՆ «Ճանապարհային դեպարտամենտը։

Ողբերգական ավտովթար Երևանի Հալաբյան փողոցում. վարորդն ու ուղևորը մահացել են

«Թունելը սպասարկող ընկերության անձնակազմն իրականացնում է երթևեկության կազմակերպման աշխատանքներ, մինչև խնդրի կարգավորումը։ Հորդորում ենք վարորդներին տվյալ հատվածում լինել զգոն և պահպանել երթևեկության կանոնները»,–նշված է հաղորդագրության մեջ։

«Ճանապարհային դեպարտամենտն» ավելի վաղ տեղեկացրել էր, որ մարտի 8-ին՝ ժամը 10։30-ի դրությամբ, Թալինի, Արթիկի, Ախուրյանի, Աշոցքի, Աբովյանի, Հրազդանի, Սևանի, Իջևանի, Նոյեմբերյանի, Բերդի, Թումանյանի, Սպիտակի, Դիլիջանի, Գավառի, Ապարանի, Վանաձորի, Տաշիրի տարածաշրջաններում թույլ ձյուն է տեղում։

Դիլիջանի ոլորանները և Վարդենյաց լեռնանցքը փակ են կցորդիչով տրանսպորտային միջոցների համար։ Գորիսի տարածաշրջանի ավտոճանապարհներին մառախուղ է, տեսանելիությունը՝ 30 մետր։

Միջպետական և հանրապետական նշանակության մյուս ավտոճանապարհները բաց են։

Խոշոր վթար Սամարայի մոտակայքում. 7 մարդ է մահացել, հայտնի են դեպքի մանրամասները

35
թեգերը:
երթևեկություն, բեռնատար, Դիլիջանի թունել, Հայաստան
Թագավորական ընտանիք

Սկանդալային հարցազրույց․ Մեգան Մարքլը՝ ռասիզմի և արքայական ընտանիքի հետ «պատերազմի» մասին

0
(Թարմացված է 13:06 08.03.2021)
Սասեքսի դքսուհին որոշել է բացահայտել արքայական բոլոր գաղտնիքները և ընտանեկան որոշ գաղտնիքներ է պատմել։

ԵՐԵՎԱՆ, 8 մարտի – Sputnik. Բրիտանիայի թագավորական ընտանիքին անհանգստացրել է արքայազն Հարրիի և նրա կնոջ՝ Մեգան Մարքլի ապագա երեխայի մաշկի մգությունը։ Մեգանն այդ մասին պատմել է Օփրա Ուինֆրիին տված հարցազրույցում։

Նրա խոսքով` իր առաջին հղիության ժամանակ արքայազն Հարրին իրեն պատմել է, որ ընտանիքի ներկայացուցիչներից ոմանք անհանգստացել են, թե որքան մուգ կլինի երեխայի մաշկի գույնը։ Միաժամանակ Մեգանն ակնարկել է, որ իրենց որդին հենց այդ պատճառով տիտղոս չի ստացել։ Սասեքսի դքսուհին պատմել է, որ իրենք Արչիի տիտղոսից չեն հրաժարվել, բայց երեխան ոչ միայն չի ստացել այն, այլև զրկվել է թագավորական ընտանիքի պաշտպանությունից։

Այդ ֆոնին Մեգանն ընդգծել է, որ թագուհու՝ Եղիսաբեթ 2-րդի և Քեյթ Միդլթոնի հետ ինքը լավ հարաբերություններ ունի անգամ ընտանիքից հեռանալուց հետո, իսկ Հարրին շարունակում է սիրել Ուիլյամին ու Չարլզին, սակայն չի ուզում համակարգի անդամ լինել։ Ի դեպ, Մեգանը բազմաթիվ անգամ ասել է, որ արքայական ընտանիքի անդամները շատ բարեհոգի են և շատ են տարբերվում թագավորական ինստիտուտի կառավարիչներից։

Հարցազրույցի ընթացքում դքսուհին խոստովանել է նաև, որ արքայական ընտանիքի անդամի պարտականություններն իրեն ոչ ոք չի սովորեցրել, և նա հաճախ ստիպված է եղել «գուգլել» (փնտրել համացանցում), որպեսզի չխայտառակվի։
Բացի այդ, նա ընտանեկան գաղտնիք է բացահայտել․ պարզվում է՝ Մեգն ու Հարրին ամուսնացել են հրապարակային արարողությունից երեք օր առաջ։ Արարողությանը հյուրեր չեն եղել, ներկա է եղել միայն Քենթրբերիի արքեպիսկոպոսը։ Բայց հենց այդ երդումն են ամուսինները իրական պսակադրություն համարում։

Մեգան Մարքլի վրա ճնշում է գործադրել ոչ միայն թագավորական, այլև սեփական ընտանիքը։ Պարզվում է՝ մեկ տարի առաջ Մեգանը հետապնդման պատճառով անգամ ինքնասպանության մտքեր է ունեցել։ Սակայն հղիությունը դրական է ազդել նրա ինքնազգացողության և տրամադրության վրա։ Մարքլն ակնարկել է նաև, որ իրենց երկրորդ երեխան աղջիկ է լինելու։

Հարցազրույցը բաղկացած է երկու մասից՝ Օփրայի զրույցը Մեգանի հետ և համատեղ զրույց Հարրիի հետ։ Նկարահանումները տեղի են ունեցել մոտավորապես այն օրերին, երբ զույգն առաջին անգամ աշխարհին հայտնեց, որ իրենց ընտանիքում համալրում է լինելու։ Այդ լուրից և հարցազրույցի ծանուցման հրապարակումից հետո Բուքինգհեմյան պալատը պաշտոնապես հայտարարեց, որ Հարրիին ու Մեգանին զրկում է պաշտպանությունից։

Արդեն նախկին դուքսն ու դքսուհին ի պատասխան հայտարարեցին, որ պատրաստվում են ծառայել հանրությանը՝ անկախ իրենց պաշտոնական դերից և բնակավայրից։

0
թեգերը:
Մեծ Բրիտանիա, Արքայազն Հարրի, Մեգան Մարքլ