Օդային տագնապ, բնակչության պատսպարման կազմակերպում. Նոր կյանքում «արտակարգ» իրավիճակ է
(Թարմացված է 18:55 21.01.2021)
Նորկյանքցիներից շատերը հետաքրքրությունից դրդված, մյուսները՝ հետևելով ցուցումներին, օդային տագնապ ազդանշանից հետո փորձեցին պատսպարվել: Խուճապը բացառելու համար օդային տագնապի մասին բնակչությանը տարբեր հարթակներով տեղեկացրել էին:ԵՐԵՎԱՆ, 21 հունվարի – Sputnik. Այսօր` հունվարի 21-ին, ժամը 12-ին Նոր Կյանք համայնքում մեկնարկեց հատուկ տակտիկական ուսումնական վարժանք` «Պատսպարման կազմակերպումը «Օդային տագնապ» ազդանշանի դեպքում» թեմայով:
Նոր Կյանքի բնակիչների համար այս վարժանքը նոր չէ՝ սովոր են, Sputnik Արմենիայի վստահեցնում է համայնքի ղեկավար Արա Սուքիասյանը:
«Մենք ամեն տարի ուսումնական վարժանք արել ենք, նախորդ տարիներին երկրաշարժի հետ կապված, հիմա էլ` ռազմական իրավիճակի: Սա նորություն չէ»,-նշեց համայնքի ղեկավարը, տեղեկացնելով, որ վարժանքներն արվում են ՀՀ ԱԻ նախարարության ու Կարմիր խաչի հետ համատեղ:
Մոտ 400 ընտանիք ունեցող Նոր Կյանքն այն երջանիկ համայնքներից է, որը արտակարգ դեպքերի համար ունի ոչ միայն անհրաժեշտ ազդարարման սարքավորումներ՝ շչակներ, այլ նաև տարհանման պաստառներ, պատսպարման տարածքներ: Գյուղի դպրոցն ունի մոտ 200 քառակուսի մետր նկուղային հատված, որը պատրաստի վիճակում է՝ ապահովված է օդափոխության սարքով, ջրով, լույսով: Ինչ վերաբերում է է շչակին՝ դրա ձայնը նույնիսկ հարևան համայնքներում են լսում:
««Կոմունիստների ժամանակից» եղել է, մենք վերանարոգել ենք, աշխատանքային տեսքի բերել, փորձարկել, բացի այդ, պատերազմի ժամանակ շատ հրատապ բնակիչների նկուղները հաշվառեցինք ու բնակիչների հետ տուն առ տուն ներկայացրել ենք արտակարգ իրավիճակի դեպքում իրենց գործողությունները»,–նշեց Սուքիասյանը:
Նա հավելեց, որ անհրաժեշտության դեպքում նկուղ ունեցող ընտանիքները կպատսպարեն նաև չունեցողներին։
Օդային տագնապ, բնակչության պատսպարման կազմակերպում. Նոր կյանքում «արտակարգ» իրավիճակ է© Sputnik / Armenuhi Mkhoyan
Օդային տագնապ, բնակչության պատսպարման կազմակերպում. Նոր կյանքում «արտակարգ» իրավիճակ է© Sputnik / Armenuhi Mkhoyan
Օդային տագնապ, բնակչության պատսպարման կազմակերպում. Նոր կյանքում «արտակարգ» իրավիճակ է© Sputnik / Armenuhi Mkhoyan
Օդային տագնապ, բնակչության պատսպարման կազմակերպում. Նոր կյանքում «արտակարգ» իրավիճակ է© Sputnik / Armenuhi Mkhoyan
Օդային տագնապ, բնակչության պատսպարման կազմակերպում. Նոր կյանքում «արտակարգ» իրավիճակ է© Sputnik / Armenuhi Mkhoyan
©
Sputnik / Armenuhi Mkhoyan
Այս առումով իրավիճակը, սակայն, մարզի ոչ բոլոր համայնքներում է բավարար մակարդակի վրա։ Շիրակի մարզի փրկարարական վարչության տվյալներով` մարզում ընդհանուր առմամբ անհրաժեշտ է 159 շչակ, մինչդեռ առկա են 65–ը: Բարվոք չէ նաև քաղաքային համայնքերում բազմաբնակարան շենքերի նկուղների վիճակը։ Նկուղային հարկերը «կազմ–պատրաստ» պահելու ուղղությամբ աշխատանքեր տանելու հրահանգ ունեն բոլոր համայնքները, սակայն ոչ բոլորն են այդ հրահանգին հետևում: Միայն Գյումրիում թվով 69 բազմաբնակարան շենքերի նկուղներ անմխիթար վիճակում են:
Ինչպե՞ս է հնչում «Օդային տագնապ» ազդանշանը, ի՞նչ է պետք անել այն լսելու դեպքում
«Անցնելու ենք Փաշինյանի ճանապարհով». Գյումրիից քայլերթով գալիս են Երևան. տեսանյութ
(Թարմացված է 15:50 03.03.2021)
Քայլերթի մասնակիցները Նիկոլ Փաշինյանին խորհդանշական ճամպրուկ են բերում։ Պատրաստավում են մարտի 5-ին հասնել Երևան։ԵՐԵՎԱՆ, 3 մարտի – Sputnik, Արմենուհի Մխոյան. Մարտի 3-ին` ժամը 11:00-ին, Գյումրիում մեկնարկել է ֆլեշմոբ-քայլերթ՝ ՀՀ վարչապետ Նիկոլ Փաշինյանի հրաժարականի պահանջով: Նախաձեռնության համահեղինակ իրավաբան Կարապետ Պողոսյանը Sputnik Արմենիայի հետ զրույցում հայտնեց, որ ինքն ու դերասան Մկրտիչ Վարդանյանը պատրաստվում են անցնել այն ճանապարհով, որով Փաշինյանը երեք տարի առաջ Գյումրիից եկել է Երևան, հասնել մայրաքաղաք ու խորհրդանշական իրեր փոխանցել ՀՀ վարչապետին։
Պատերազմին մասնակցած եզդիները միացել են Փաշինյանի հրաժարականի պահանջին. Այսեր Իսոյան
Նշենք, որ քայլերթից առաջ Պողոսյանն ու Վարդանյանը խորհրդանշական ակցիա են իրականացրել՝ Նիկոլ Փաշինյանի ուսապարկը խորհրդանշող պայուսակից հանելով իրեր՝ փուչիկ, ծաղրածուի և բժշկական դիմակներ, կախարդական փայտիկ, նոթբուք, ելակ, նուռ, Հայաստանի քարտեզը, Ադրբեջանի նախագահ Իլհամ Ալիևի նկարը։ Նրանք վստահեցրին, որ հենց այս ամենն էր Փաշինյանն իր հետ բերել Երևան։
Ֆլեշմոբի մասնակիցները նշեցին, որ այդ ամենից բացի, իրենք այլ իրեր էլ են տանելու Փաշինյանին` պարան, օճառ, մարզական կոշիկներ, հերոս տղաների շիրիմների լուսանկարը և այլն:
Մի շարք քաղաքացիներ էլ առաջարկել են պայուսակում ավելացնել նաև 2020 թվականին իմքայլականների նախաձեռնված «Սահմանադրական» հանրաքվեի «Այո» քարոզչության բուկլետը, «Հպարտ քաղաքացու անձնագիրը», Շուշիի տան բանալիներ և այլն։
«Հենց նույն ճանապարհով, որով 2018 թվականին Փաշինյանը Գյումրիից շարժվել է Երևան, մենք ենք անցնելու, լինելու ենք նույն բնակավայրերում, փորձելու ենք հասկանալ մարդկանց դիրքորոշումը, լսել նրանց կարծիքները։ Ամենայն հավանականությամբ, արդեն ուրբաթ օրը ճամպրուկը կհասցնենք կառավարություն», - ասաց Կարապետ Պողոսյանը` քաղաքացիներին հորդորելով միանալ իրենց:
Sputnik Արմենիայի տեղեկություններով` նրանք արդեն հասել են Սպիտակ։
Սպիտակի ղեկավարը միանում է Փաշինյանի հրաժարականի պահանջին և աջակցում ԳՇ–ին
Մահացել է համաշխարհային ճանաչում ունեցող թավջութակահար Մեդեա Աբրահամյանը
(Թարմացված է 14:57 03.03.2021)
Աբրահամյանն առաջին թավջութակահարն էր, որ պատուհան բացեց դեպի միջազգային հեղինակավոր բեմեր:
ԵՐԵՎԱՆ, 3 մարտի -Sputnik. Մահացել է հայտնի թավջութակահար, ՀԽՍՀ ժողովրդական արտիստ Մեդեա Աբրահամյանը: Այս մասին հայտնել է Արամ Խաչատրյանի տուն-թանգարանի տնօրեն Արմինե Գրիգորյանը:
Նշենք, որ Մեդեա Աբրահամյանի նվագացանկում ընդգրկված է եղել թավջութակի ավելի քան 300 ստեղծագործություն, որոնցից շուրջ 120-ը գրված հենց նրա համար և նվիրվել են նրան։ Նրա լեգենդար անունն այսօր դարձել է դասական կատարողական արվեստի խորհրդանիշ:
Աբրահամյանն առաջին թավջութակահարն էր, որ պատուհան բացեց դեպի միջազգային հեղինակավոր բեմեր:
Նրան ծափահարել են աշխարհի բազմաթիվ երկրներում՝ Ամերիկայի Միացյալ Նահանգներում, Կանադայում, Ֆրանսիայում, Գերմանիայում, Իսլանդիայում, Արգենտինայում, Ուրուգվայում, Սիրիայում, Լիբանանում, Կորեայում, Ռումինիայում, Հունգարիայում, Բուլղարիայում, Լեհաստանում, Բելգիայում, Լյուքսեմբուրգում, նախկին խորհրդային հանրապետություններում և այլ երկրներում։
Մեդեա Աբրահամյանն արժանացել է բազմաթիվ մրցանակների, դրանք են`
- Պրահայի Հ. Վիհանի անվան թավջութակահարների միջազգային մրցույթի դափնեկիր (երկրորդ մրցանակ), 1955
- Հայաստանի երիտասարդության առաջին փառատոնի դափնեկիր (առաջին մրցանակ), 1957
- Մոսկվայի երաժիշտ-կատարողների համամիութենական մրցույթի դափնեկիր (առաջին մրցանակ), 1961
- ՀԽՍՀ վաստակավոր արտիստ, 1963
- Բուլղարիայի Ռուսե քաղաքի պատվավոր քաղաքացի, 1968
- ՀԽՍՀ պետական մրցանակ, 1973
- ՀԽՍՀ ժողովրդական արտիստ, 1980
- Երևանի Կոմիտասի անվան պետական կոնսերվատորիայի պրոֆեսոր, 1983
- ԽՍՀՄ Գերագույն խորհրդի նախագահության կողմից «Աշխատանքի վետերան» մեդալ, 1987
- Հայ արվեստի ասպետ, 2007
- «Հայրենիքին մատուցած ծառայությունների համար» 1-ին աստիճանի մեդալ, 2012
- ՀՀ վարչապետի ոսկե հուշամեդալ, 2016
- «Նաիրի» համահայկական երաժշտական փառատոնի գլխավոր մրցանակ «Դասական լարային նվագարաններ» անվանակարգում, 2017[6]
- Հայաստանի երաժշտական ընկերության «Կոմիտաս» հուշամեդալ, 2018
1956 թվականից մինչև 1990-ական թվականների վերջը Մեդեա Աբրահամյանը եղել է Հայֆիլհարմոնիայի մենակատար։
Սադրանքների չենք գնալու, շենքեր չենք գրավելու. Իշխան Սաղաթելյան
(Թարմացված է 16:14 03.03.2021)
Քիչ հետո Բաղրամյան պողոտայում կմեկնարկի Հայրենիքի փրկության շարժման հանրահավաքը։ Միաժամանակ, ԱԺ պետք է ժամանի վարչապետ Նիկոլ Փաշինյանը` կառավարության անդամների հետ պատգամավորների հարցուպատասխանին մասնակցելու։ԵՐԵՎԱՆ, 3 մարտի - Sputnik. ՀՅԴ Հայաստանի ԳՄ ներկայացուցիչ Իշխան Սաղաթելյանը վստահեցնում է` Բաղրամյան պողոտայում այսօր նախատեսված հանրահավաքի ժամանակ որևէ սադրանք չի լինելու` ընդդիմությունը սադրանքների չի գնալու։ Սաղաթելյանը հանրահավաքի մեկնարկից առաջ լրագրողների հետ զրույցում նման կարծիք հայտնեց` անդրադառնալով ոստիկանության հաղորդագրությանը։
©
Photo : official site of the MoD of RA
Ոստիկանությունը հայտարարություն էր տարածել` ասելով, որ տվյալներ են ստացվել, որ մարտի 3-ի ժամը 16։00-ին նախատեսված հանրահավաքի ժամանակ հնարավոր են սադրանքներ։
Նշենք, որ դրանից հետո մամուլում, սոցցանցերում լուսանկարներ հայտնվեցին, որ ԱԺ դարպասները զոդում են, իսկ դարպասների ողջ երկայնքով ոստիկանական հսկողությունն ավելացել է։
«Ես ստացել եմ բազմաթիվ նամակներ, թե` մենք չենք գալիս ձեր ճառերը լսելու, դուք գործողություն չեք անում։ Այդ մարդիկ ուզում ենք, որ մենք հորթով այս կամ այն շենքերը գրավենք։ Սակայն շենքն իշխանությունը չի` երկիրը չպետք է տանենք ցնցումների»,–ասաց Սաղաթելյանը։
Նրա խոսքով` Փաշինյանն օրեցօր կորցնում է իր իշխանությունը։
Նշենք, որ քիչ հետո ԱԺ պետք է ժամանի ՀՀ վարչապետ Նիկոլ Փաշինյանը` կառավարության անդամների հետ պատգամավորների հարցուպատասխանին մասնակցելու։