Հրանտ Դինք

Հայը Թուրքիայում սպա լինել չի կարող, կամ Հրանտ Դինքի միակ իրավունքը

490
(Թարմացված է 10:11 19.01.2021)
Երբ թուրք ազգայնականները 2007 թ.–ին Ստամբուլում սպանեցին «Ակոս» թերթի գլխավոր խմբագիր Հրանտ Դինքին, աշխարհը ցնցվեց։ 14 տարի անց էլ շատ բան չի փոխվել, և Թուրքիայի մասնակցությունը արցախյան պատերազմին դրա հաստատումն է։

Վերջին հարցազրույցում նա ասել էր, որ վախենում է. «Վախն ինձ ուղեկցում է յուրաքանչյուր օր։ Դուք երբևիցե հետևե՞լ եք աղավնուն։ Նա անդադար պտտում է գլուխը, վեր թռչում ցանկացած ձայնից և պատրաստ է հեռու փախչել յուրաքանչյուր պահի։ Սա չի կարելի կյանք կոչել, պարզապես ի տարբերություն աղավնու, ես չեմ կարող ոչ մի տեղ թռչել»։

Նա ծառայել էր բանակում և կարող էր շարունակել զինվորական կարիերան, սպա դառնալ և երաշխավորված աշխատանք ունենալ բոլոր հասանելիք արտոնություններով։ Կոչում ստանալու համար Դինքը, որն արդեն երկու երեխաների հայր էր, և ընտանիքը սպասում էր երրորդ երեխայի ծնվելուն, բոլորի նման հանձնեց համապատասխան քննությունները։

Սպայական ուսադիրների բոլոր հայցորդներին մեկ առ մեկ կանչում էին, հատուկ նշաններ հանձնում, ու նրանք սպա էին դառնում։ Բոլորին կանչեցին, բացի Դինքից։ Բոլորը թուրքեր էին, նա` հայ։ Աշխարհիկ Թուրքիայում, որը Եվրոպային է ձգտում, հայը չէր կարող սպա դառնալ։ Նա վերջնականապես հասկացավ, թե ինչպիսի պետության մեջ է ապրում։

Միայն հայերը կօգնեն հայերին․ սփյուռքում առաջարկում են Հայաստանից դուրս խորհրդարան ստեղծել

Ուրիշ մեկը կհրաժարվեր ու կմեկներ երկրից, իսկ նա մնաց` ավելի ամրապնդելով աշխարհայացքը։ «Ես ուզում եմ շարունակել պայքարն այստեղ։ Չէ՞ որ դա միայն իմ պայքարը չէ։ Սա բոլոր նրանց պայքարն է, ովքեր ձգտում են Թուրքիայի ժողովրդավարացմանը։ Եթե հանձնվեմ ու լքեմ երկիրը, կխայտառակեմ բոլորին։ Այս երկրում ապրել են նախնիներս, այստեղ են իմ արմատները, և ես իրավունք ունեմ մեռնելու այն երկրում, որում ծնվել եմ», — մի անգամ ասել է նա` պատասխանելով արդեն ձանձրացրած «ինչու է մնացել» հարցին։

Դինքի միակ իրավունքը, որ կարողացավ իրացնել հարազատ երկրում, մեռնելն էր այնտեղ, որտեղ ծնվել էր։ Այդ իրավունքից օգտվելու հնարավորությունն ընձեռեց դռնապանի որդին։

Դինքի սպանողի անունը Օգյուն Սամասթ է։ Բայց ի՞նչ տարբերություն, թե ինչ անուն ունի նա, ով պարզապես իրականացրեց պետական մեքենայի դատավճիռը։ Պետական մեքենա, որն այդպես էլ դարեր շարունակ չկարողացավ բացի բռնաճնշումներից որևէ այլ բան ծնել։ Բռնաճնշումներ, որոնք ժամանակ առ ժամանակ ավարտվում էին սպանություններով, երբեմն էլ նաև ցեղասպանություններով։ Թուրքիայի այսօրվա ղեկավարությունը նախորդներից տարբերվում է միայն նորաձևության միտումների համապատասխան զգեստի ոճափոխությամբ։

Այդ մասին կվկայեն ոչ միայն հայերը, այլև քրդերը, եզդիները, ասորիները, արաբները…

«Ակոսը» ստեղծվել էր, որպեսզի հայերի ու թուրքերի միջև կամուրջ հաստատվեր։ Նա ուզում էր, որ թերթն այն հայելին դառնա, որի մեջ նայելով թուրք հասարակությունը հասնի այն գիտակցման, որ ոչ միայն կոսմետիկ փոփոխություններ անելու անհրաժեշտություն կա, այլ խորքային։

Թուրք–ադրբեջանական զորավարժություններ. նոր պատերա՞զմ, թե՞ քաղաքական ցուցադրություն

Հենց այդպես էլ բնութագրել է իր նախաձեռնությունը. «Թերթն իսկական կամուրջ դարձավ հայ և թուրք հասարակության միջև։ Գնալով ավելի շատ ձայներ էին հնչում ի աջակցություն մեզ, այդ թվում նաև Օրհան Փամուքի ձայնը։ Նրա հետ մեկտեղ մեր ընթերցողների թվում մի շարք թուրք մտավորականության ներկայացուցիչներ կան»։

Դինքը 53 տարեկան էր։ Նրան բազմաթիվ անգամ էին դատական հետապնդումների ենթարկել, 2005 թվականին նույնիսկ կես տարի ազատազրկման էին դատապարտել «թուրք ժողովրդին վիրավորանք հասցնելու համար», սակայն ստիպված եղան հանել մեղադրանքը։ Իսկ 2010 թվականին ՄԻԵԴ-ը միավորեց Դինքի նկատմամբ առաջադրած մեղադրանքը նրա բարեկամների կողմից ներկայացված հայցի հետ։ Եվրոպական դատարանը Թուրքիայի իշխանություններին մեղավոր ճանաչեց կյանքի իրավունքին ու խոսքի ազատությանը վերաբերող կոնվենցիայի 2, 10 և 13 հոդվածները խախտելու մեջ։

«Ամոթ ձեզ». Փայլանը հայտնում է, որ Բուրսայի հայկական եկեղեցին վաճառքի են հանել

490
թեգերը:
հայեր, Հրանտ Դինք, Թուրքիա
Ըստ թեմայի
Ինչպես կարող են Երևանն ու Մոսկվան դիմակայել թուրքական էքսպանսիային. փորձագետների կարծիքներ
ՀՀ բանակի համար նախատեսված համազգեստը Թուրքիայում չի կարվում
Ամենաբարձր մակարդակով մեզ տրամադրում են թուրքերի հետ «սիլի-բիլի» անելու. Իշխան Սաղաթելյան
Ջիգանը կնոջ ու դստեր հետ

Ռեփեր Ջիգանը վագրի ձագ է բերել տուն. լուսանկարներ

9
(Թարմացված է 14:25 08.03.2021)
Երեխաները մեծ ոգևորությամբ ընդունել են նվերը, միանգամից սկսել են շոյել ու խաղալ վագրիկի հետ։

ԵՐԵՎԱՆ, 8 մարտի - Sputnik. Ռուս ռեփեր Ջիգանը վագրի ձագուկ է բերել տուն։  Նրա կինը՝ Օքսանա Սամոյլովան, վագրի մասին տեսանյութեր է հրապարակել Instagram–ի Stories բաժնում։

Միլիարդատեր Ջեֆ Բեզոսի նախկին կինն ամուսնացել է

Կադրերում երևում է` ինչպես են Ջիգանի երեք դուստրերը մեծ ոգևորությամբ մոտենում վագրիկին։ Վերջինս սկզբում վախենում է նրանցից և միայն Ջիգանին վստահում։ Բայց մի քիչ շփվելուց հետո թույլ է տալիս, որ երեխաները շոյեն իրեն։

Instagram story Оксаны Самойловой
Ռեփեր Ջիգանը վագրի ձագ է բերել տուն

Դրանից հետո ընտանիքն այգի է դուրս գալիս, որտեղ երեխաները վագրի հետ խաղում են ձների մեջ ու անգամ գրկում նրան։

Instagram story Оксаны Самойловой
Ռեփեր Ջիգանի կինն ու վագրի ձագը

«Խնդրում եմ զերծ մնալ մեկնաբանություններից առ այն, որ մենք տանջում ենք կենդանուն, եթե տեղյակ չեք նրա պատմությունից», – գրել է Սամոյլովան։

Instagram story Оксаны Самойловой
Ռեփեր Ջիգանը վագրի ձագ է բերել տուն

Վագրի ձագը ընդամենը երեք տարեկան է։

Սկանդալային հարցազրույց․ Մեգան Մարքլը՝ ռասիզմի և արքայական ընտանիքի հետ «պատերազմի» մասին

9
թեգերը:
վագր, Ջիգան, երեխա
Ըստ թեմայի
«Մի՞թե սա վագրիկ է». տուլունցի փոքրիկի նվերը Պուտինին. տեսանյութ
«Սա է երջանկությունը». երգչուհի Լիլուն ցույց է տվել, թե որդին որքան է սիրում քրոջը
Այս հայի մասին գիտի ամբողջ Սիբիրը. ինչպես վագրը սկսեց մայր համարել բժիշկ Դալլաքյանին
Արամ MP3

Արամ MP3-ն ու Գուրգեն Դաբաղյանը ներկայացրել են «Թամզարայի» իրենց տարբերակը. տեսանյութ

131
(Թարմացված է 12:50 08.03.2021)
Երկու ժամ է, ինչ ստեղծագործությունը հայտնվել է YouTube-ում և արդեն ավելի քան 4000 դիտում ունի։

ԵՐԵՎԱՆ, 8 մարտի - Sputnik. Արամ MP3-ն ու Գուրգեն Դաբաղյանը նոր մեկնաբանությամբ են ներկայացրել ժողովրդական «Թամզարա» ստեղծագործությունը:

Հանրության դատին ներկայացրած ստեղծագործության գործիքավորումն իրականացրել է Նիկ Եգիբյանը, իսկ տեսահոլովակի անիմացիայի հեղինակն Արամայիս Հայրապետյանն է:

Ստեղծագործությունը երկու ժամ է, ինչ հայտնվել է YouTube-ում և արդեն ավելի քան 4000 դիտում ունի։

Դե պարի քոչարի. Արամ MP3-ի չելենջին միացել են հայեր աշխարհի տարբեր մասերից

Նշենք, որ «Թամզարան» Սուքիաս Էփրիկյանի «Պատկերազարդ բնաշխարհիկ բառարանում» հանդիպում է որպես հայկական բնակավայրի անվանում: Ըստ Կոմիտասի՝ «Թամզարան» հարսանեկան երգ-պար է, որտեղ գլխավոր դերը վերապահվել է գյովնդբաշուն (պարագլուխ) ու նրա օգնականին: Իսկ հարսն անպայման կանգնում էր քավորի` կնքահոր կողքը: Այժմ «Թամզարան» կորցրել է իր երբեմնի ծիսական նշանակությունը և կատարվում է գրեթե բոլոր համայնքային միջոցառումների ու խնջույքների ժամանակ:

Աշոտ Ղազարյանի թոռնուհին հիացրեց «Ну-ка все вместе!» շոուի ժյուրիին. տեսանյութ

 

131
թեգերը:
երգ, Արամ MP3, Գուրգեն Դաբաղյան
Ըստ թեմայի
16–ամյա երգիչ Գարիկ Զաբելյանը փայլեց «Ну-ка все вместе» վոկալային շոուի ժամանակ
Նոր ձևաչափ, նոր կանոններ. հայտնի են «Եվրատեսիլ 2021» երգի մրցույթի անցկացման պահանջները
«Ի սրտե». Ավետ Բարսեղյանը Ռիտա Սարգսյանի հիշատակին նվիրված երգ է գրել. տեսանյութ