Родственники солдат-срочников, проходивших службу в Карабахе, перед Домом правительства (16 января 2021). Еревaн

Ծնողները շարունակում են պահանջել, որ իրենց զավակներն Արցախից Հայաստան վերադարձվեն

123
(Թարմացված է 13:27 16.01.2021)
ՀՀ վարչապետ Նիկոլ Փաշինյանը հանդիպում է ժամկետային զինծառայողների բողոքող ծնողների հետ։

ԵՐԵՎԱՆ, 16 հունվարի - Sputnik. ՀՀ կառավարության շենքի դիմաց հավաքվել են Արցախում պարտադիր ժամկետային ծառայություն իրականացնող զինծառայողների ծնողներն ու հարազատները։ Նրանք բողոքում են ու պահանջում կառավարությունից, որ իրենց որդիները ծառայությունը շարունակեն ՀՀ տարածքում։

«Թող մեր որդիներին վերադարձնեն Հայաստան, այստեղ շարունակեն իրենց ծառայությունը»,- նշում են ծնողները։

Քիչ առաջ հայտնի դարձավ, որ ՀՀ վարչապետ Նիկոլ Փաշինյանը համաձայնել է ընդունել ծնողներից մի քանիսին։ Այս պահին ծնողները դեռ ներսում են, զրուցում են։

Հիմա կառավարության շենքի դիմաց հավաքված հարազատները սպասում են, որ վարչապետի հետ հանդիպմանը մասնակցած ծնողները դուրս գան և հայտնեն արդյունքների մասին։

Դրանից հետո իրենք կորոշեն իրենց հետագա անելիքները։

Բողոքի ակցիա, երթ, լեզվակռիվ. ընդդիմությունը երթով եկավ կառավարության մոտ. տեսանյութ

Հիշեցնենք, որ հունվարի 8-ին էլ ժամկետային զինծառայողների ծնողները բողոքի ակցիա են իրականացրել Վազգեն Սարգսյանի անվան ռազմական ինստիտուտի մոտ։ Նրանք պահանջում էին, որ իրենց երեխաներին արձակուրդից հետո չտանեն Արցախ, քանի որ ճանապարհն անվտանգ չէ և իրենք չեն կարող վստահ լինել, որ երեխաները տեղ կհասնեն։

123
թեգերը:
Բողոքի ակցիա, ծնող, զինծառայող, Նիկոլ Փաշինյան
Ըստ թեմայի
«Իմ Արցախ, իմ հող ու ջուր, իմ Հայաստան». Երևանում մեկնարկել է բողոքի ակցիան
Երևանում բողոքի ակցիայի ժամանակ կոտրվել է ոստիկանի ոտքը, ցուցարարը ձերբակալվել է
Բողոքի ակցիա իրականացնողներից 8-ը բերման է ենթարկվել. Ոստիկանություն
Կալանավոր

4 «օրենքով գողի» ազատություն է տրվել` ընտրությունների վրա ազդեցություն ունենալու համար

155
(Թարմացված է 14:10 14.05.2021)
ԱԱԾ պահեստազորի սպաների միությունը հիշեցնում է, որ քրեական աշխարհի ներկայացուցիչներին տրվող արտոնությունը սրելու է քրեածին իրավիճակը, երկրում խորացնելու առանց այն էլ բևեռացված բաժանարար գծերը։

ԵՐԵՎԱՆ, 14 մայիսի - Sputnik. Այս օրերին քրեակատարողական հիմնարկներում մեծածավալ աշխատանքներ են տարվում քրեական հեղինակություններին ակտիվացնելու, սպասվող ընտրություններին նրանց ազդեցության լծակներից օգտվելու համար։ Այս մասին տեղեկություն է տարածել ԱԱԾ պահեստազորի սպաների նորաստեղծ միությունը։

Նրանց հավաստմամբ` առաջիկա ընտրություններում ընտրազանգվածի համակրանքը շահելու, ձայները ստանալու նպատակով իշխող քաղաքական ուժը չի խորշում պետական լծակներից տիրապետելու հնարավորություններից օգտվելուց, դիմում է հնարավոր ու անհնար բոլոր քայլերին։

«Օգնության «փրկարար» ձեռքի հեռանկարով քրեակատարողական հիմնարկներում այս օրերին մեծածավալ աշխատանքներ են տարվում քրեական հեղինակությունների ազդեցության լծակներից օգտվելու համար։ Արդեն իսկ ազատության մեջ է հայտնվել քրեական չորս հեղինակություն, բարելավվում են դեռևս անազատության մեջ գտնվող այդ նույն կոնտինգենտի առանձին ներկայացուցիչների պայմանները, որոնք ուղեկցվում են նրանց, այսպես ասած, «ՑԲ» տեղափոխելով, կեցության ավելի հարմարավետ պայմանների ստեղծումով»,–ասված է հաղորդագրության մեջ։

Ըստ նրանց ունեցած տեղեկությունների` համակարգված աշխատանք է տարվում, նախապատրաստվում է մեծաթիվ կալանավորների, այսպես ասած, արձակուրդի շնորհումը՝ պայմանով, որ ինչպես նրանց ազդեցության տակ գտնվող, այնպես էլ բարեկամական ու մերձ շրջանակներից ապահովվեն երաշխավորված քվեներ։

Նշվում է, որ քրեական աշխարհի ներկայացուցիչներին տրվող արտոնությունն ու ազատությունը մեծապես սրելու են քրեածին իրավիճակը, երկրում խորացնելու են առանց այն էլ բևեռացված բաժանարար գծերը։ «Քրեական աշխարհի ներկայացուցիչներին այսօրինակ ազատություն շնորհող պաշտոնյաները, նրանց հետ համագործակցող դատական կառույցի ներկայացուցիչները պարտավոր են իրենց հաշիվ տալ, որ անպատժելիությունը բումերանգի էֆեկտով հարվածի տակ է առնելու իրենց և որ երկրում քաղաքական իրավիճակի փոփոխությունն այդ նույն օրենքի տրամաբանությամբ իրենց կանգնեցնելու է լրջագույն խնդիրների առաջ»,–ասված է հայտարարության մեջ։

Ընտրությունների հետ կապված դատախազությունում ձևավորվել է աշխատանքային խումբ

«Ազգային անվտանգության պահետազորի սպաների միություն» հասարակական կազմակերպությունը լիազորված է հայտարարելու, որ իրեն հասանելի բոլոր միջոցներով իրավիճակի հսկողությունը պահելու է ակնդետ ուշադրության տակ, գործուն քայլեր է ձեռնարկելու ի շահ երկրի անվտանգության ու կայունության, յուրաքանչյուր փաստի կտրվածքով տալու է իրավական գնահատական։

Հիշեցնենք` 2021թ–ի մարտի 18-ին վարչապետ Նիկոլ Փաշինյանը հայտարարել էր, որ հունիսի 20-ին Հայաստանում ԱԺ արտահերթ ընտրություններ կկայանան: Ավելի ուշ Ազգային ժողովը հաստատել էր Ընտրական օրենսգրքի փոփոխությունների նախագիծը, ըստ որի՝ խորհրդարանական ընտրությունները տեղի կունենան միայն համամասնական ընտրակարգով։

Ապրիլի 25-ին Նիկոլ Փաշինյանը հայտարարեց իր հրաժարականի մասին։

ՀՀ նախագահ Արմեն Սարգսյանը մայիսի 10-ի հրամանագրով խորհրդարանական արտահերթ ընտրությունների օր է նշանակել հունիսի 20-ը։

155
թեգերը:
Սպա, ՀՀ ազգային անվտանգության ծառայություն. ԱԱԾ, օրենքով գող, Ընտրություններ, Հայաստան
Ըստ թեմայի
Հայտնի է «օրենքով գող» Ռեզո Լոտկինսկու՝ Շաքրո Մոլոդոյի նախկին փեսայի մահվան պատճառը
Ձերբակալել են «Դեդ Հասանի» մտերիմներից մեկին` «օրենքով գող» Կաշչեյին
Ոստիկանությունը հերքում է «օրենքով գող» «Պզոյի» ձերբակալության լուրը
ԵՊՀ

ԵՊՀ հոգաբարձուների խորհրդի նիստը չկայացավ` քվորում չկար. ի՞նչ են առաջարկում կառավարությանը

28
(Թարմացված է 13:12 14.05.2021)
ԵՊՀ–ում արդեն որերորդ անգամ է` հոգաբարձուների խորհրդի նիստերը չեն կայանում, քանի որ խորհրդի անդամների կեսը հրաժարական են տվել։ ԵՊՀ–ն վստահեցնում է` ամեն ինչ ուղղորդվում է։

ԵՐԵՎԱՆ, 14 մայիսի- Sputnik. Այսօր հերթական անգամ ԵՊՀ հոգաբարձուների խորհրդի նիստը չի կայացել, քանի որ քվորում չի եղել։ Տեղեկությունը հայտնում է ԵՊՀ պաշտոնական կայքը։

ԵՊՀ ռեկտորի ժամանակավոր պաշտոնակատար Գեղամ Գևորգյանը հրաժարական էր տվել, և այսօր նիստին պետք է այդ հարցը քննարկվեր։

Մինչ այդ ԵՊՀ-ի հոգաբարձուների խորհրդի 16 անդամները հրաժարական էին տվել, սակայն, ըստ Գևորգյանի, նրանց լիազորությունները դեռ դադարեցված չեն։ Այսօր հոգաբարձուների խորհրդի նիստի չկայացման վերաբերյալ հոգաբարձուների խորհրդի անդամները հայտարարություն են տարածել։

«Հաշվի առնելով, որ խորհրդի անդամների հրաժարականների դիմումները ստացվել են այնպիսի հանգամանքներում, որոնք ուղղակիորեն մատնանշում են դրանց կազմակերպված և ուղղորդված լինելը, կարծում ենք, որ հոգաբարձուների խորհրդի աշխատանքների խափանումը հանդիսանում է հիմնադրի և ԿԳՄՍՆ–ի գործողությունների արդյունքը: Տպավորություն է, որ հոգաբարձուների խորհրդի նոր կազմ ձևավորելու գործընթացը պայմանավորված է լիազոր մարմնի համար նախընտրելի թեկնածու խորհրդի նախագահի պաշտոնում ընտրելու և լիակատար վերահսկողություն հաստատելու ցանկությամբ»,–նշված է հայտարարության մեջ։

Ասվածի լրացուցիչ վկայությունն է այն, որ «Բարձրագույն կրթության և գիտության մասին» օրենքի դրույթները նախագահի կողմից ՍԴ–ում վիճարկելուց հետո ԿԳՄՍՆ–ի առաջարկով կառավարությունն իր որոշմամբ փոփոխություն է մտցնում ԵՊՀ կանոնադրության մեջ՝ նպատակ ունենալով կազմավորել իր վերահսկողության տակ գտնվող հոգաբարձուների խորհուրդ:

ԵՊՀ հոգաբարձուների խորհուրդը կոչ է անում կառավարությանը՝ վերանայելու նախ իր որոշումը, իսկ հրաժարական տված անդամների փոխարեն նշանակելու խորհրդի նոր անդամներ և չխոչընդոտելու խորհրդի բնականոն գործունեությանը: Միևնույն ժամանակ ԵՊՀ դասախոսներին, ուսանողներին և մայր բուհի խնդիրներով մտահոգ այլ անձանց  կոչ են անում համախմբել ջանքերը ստեղծված իրավիճակից դուրս գալու համար։

Հիշեցնենք, որ ըստ կառավարության ընդունած որոշման` հաստատվել է պետական բուհերի կառավարման խորհուրդների ձևավորման կարգը փոփոխելու վերաբերյալ նախագիծը։ Այսպիսով, կառավարման խորհուրդների անդամների թիվը 32-ից հասցվել է 20-ի, որից 55 տոկոսին նշանակելու է կառավարությունը, 10 տոկոսին՝ ԿԳՄՍ-ն, հաջորդ 10 տոկոսին՝ բուհի պրոֆեսորադասախոսական կազմը, իսկ վերջին 25 տոկոսին էլ՝ ուսանողական կազմը։

Նշենք նաև, որ ԵՊՀ նախկին ռեկտոր Արամ Սիմոնյանը հրաժարական էր տվել 2019-ի մայիսի 23–ին։ Դրանից շուրջ մեկ ամիս անց` մայիսի 30-ին, ԵՊՀ հոգաբարձուների խորհրդի նիստում ռեկտորի ԺՊ է ընտրվել Գեղամ Գևորգյանը։

ԵՊՀ ռեկտորի` 2020-ի մարտի 23-ին նախատեսված ընտրությունը չկայացավ երկրում կորոնավիրուսով պայմանավորված արտակարգ դրություն սահմանելու պատճառով։

Նպատակն արդարացնո՞ւմ է միջոցները. ինչ ակնկալիքներ կան ԵՊՀ ռեկտորի ընտրություններից

28
թեգերը:
հայտարարություն, Երևանի պետական համալսարան (ԵՊՀ)
Ըստ թեմայի
«ԵՊՀ հոգաբարձուների խորհուրդը չպետք է քաղաքականացվի՝ ծառայելով տարբեր խմբերի». Էմին–Տերյան
«Դարձ ի շրջանս յուր». ով է կրկին ընտրվել ԵՊՀ հոգաբարձուների խորհրդի նախագահ
ԵՊՀ Հոգաբարձուների խորհրդի սկանդալային նիստն ավարտվեց. Սիմոնյանը մնում է իր պաշտոնում
Ջեյհուն Բայրամով

Ադրբեջանն ԱՄՆ-ին տեղեկացրել է, որ բանակցում է Հայաստանի հետ

0
(Թարմացված է 16:35 14.05.2021)
Բաքուն ու Վաշինգտոնն ընդգծել են կարգավորման անհրաժեշտությունը խաղաղ բանակցությունների միջոցով։

Ադրբեջանի արտգործնախարար Ջեյհուն Բայրամովը ԱՄՆ-ի պետքարտուղարի օգնական Ֆիլիպ Ռիքերի հետ քննարկել է Հայաստանի սահմանին տիրող իրավիճակը, տեղեկացնում է ՌԻԱ Նովոստին՝ հղում անելով ադրբեջանական արտգործնախարարությանը։

Հեռախոսազրույցի ժամանակ Բայրամովը հայտնել է, որ պաշտոնական Բաքուն հավատարիմ է կայունությանը, ու բանակցություններ է վարում Հայաստանի հետ սահմանային լարվածությունը վերացնելու համար։

«Բաքուն սահմանապահ ծառայության ղեկավարությանն ուղարկել է Հայաստանի հետ սահման՝ «իրավիճակը հանգուցալուծելու համար»։ Ադրբեջանը բանակցում է Հայաստանի հետ՝ լարվածությանը վերջ դնելու համար»,-նշված է Ադրբեջանի արտաքին քաղաքական գերատեսչության հայտարարության մեջ։

Նշվում է նաև, որ Բաքուն ու Վաշինգտոնն ընդգծել են կարգավորման անհրաժեշտությունը խաղաղ բանակցությունների միջոցով։

Հիշեցնենք` ՀՀ ՊՆ մամուլի ծառայությունը հայտնել էր, որ մայիսի 12-ի առավոտյան ադրբեջանական զինուժը, «սահմանների ճշգրտման» հիմնավորմամբ, փորձել է որոշակի աշխատանքներ իրականացնել Սյունիքի սահմանային հատվածներից մեկում, սակայն հայկական ստորաբաժանումների ձեռնարկած միջոցառումներից հետո ադրբեջանական զինվորականները դադարեցրել են այդ աշխատանքները։

Գուցե հայկական կողմը չի՞ ուզել «իր ունեցած բոլոր փամփուշտները կրակել». Էդմոն Մարուքյան

Նույն օրը ՀՀ վարչապետի պաշտոնակատար Նիկոլ Փաշինյանն Անվտանգության խորհրդի նիստում հայտարարեց, որ սա Արդբեջանի կողմից դեվերսիայի փորձ է, և որ խնդիրը պետք է կարգավորվի բանակցությունների միջոցով։

ՊՆ–ն մայիսի 13-ին հայտնեց, որ Ադրբեջանը հերթական սադրանքն է իրականացրել Վարդենիսի և Սիսիանի սահմանային հատվածներում։

ԱԽ նիստ կայացավ նաև մայիսի 13-ին։ Փաշինյանը հայտարարեց, որ հանձնարարել է ՀԱՊԿ պայմանագրով նախատեսված խորհրդակցություններ սկսել։

0