Արխիվային լուսանկար

24 միլիոն դրամ՝ գազելներին «պլյոնկա» փակցնելու համար. հետպատերազմական երկրի շքեղ ծախսերը

168
(Թարմացված է 10:31 14.01.2021)
«Ժողովուրդ» թերթն անդրադարձել է նաև Հակակոռուպցիոն կոմիտեի ստեղծմանը, որը հետպատերազմական երկրի բյուջեի վրա միլիարդներ է արժենալու։

ԵՐԵՎԱՆ, 14 հունվարի — Sputnik. Չնայած արցախյան պատերազմից հետո Հայաստանում և Արցախում առկա սոցիալ-տնտեսական խնդիրներին՝ Հայաստանում իշխանությունները շարունակում են այնպիսի ծախսեր կատարել, որոնք զարմանք են առաջացնում այս իրավիճակում: Այս մասին գրում է «Ժողովուրդը»` ներկայացնելով այդ ծախսերից մի քանիսը։

«Նախ, Ազգային ժողովը մտադիր է հունվարի 18-ին մեկնարկող նստաշրջանում քննարկել Հակակոռուպցիոն կոմիտեի ստեղծման հարցը, և միայն երկու տարվա համար այդ կառույցին 8 մլրդ դրամ է հատկացվելու: Այդ գումարից մոտ 5,1 միլիարդը՝ աշխատավարձի, կոմունալ և գրասենյակային ծախսերի, ավելի քան 5 միլիարդը՝ շենքային պայմանների, 285,5 միլիոնը՝ տեխնիկական հագեցվածության, իսկ 192 միլիոն դրամն էլ՝ տրանսպորտային հագեցվածության համար»,–գրում է թերթը, հավելելով, որ կոմիտեի աշխատակիցների աշխատավարձը մոտավոր կկազմի 650 հազար՝ առանց հարկերի, կոմիտեի նախագահինը՝ 700 հազարի չափ, և ստացվում է`նոր քննչական մարմինը, որը պետք է զբաղվի կոռուպցիոն գործերի բացահայտմամբ, արժենալու է 8 մլրդ դրամ։

Դավիթ Սանասարյանը ՊՎԾ պետի պաշտոնից ազատվելու դիմում է գրել

Թերթը, հղում տալով Երևանի ավագանու «Լույս» խմբակցության ղեկավար Դավիթ Խաժակյանին, գրել է նաև, որ Երևանի քաղաքապետ Հայկ Մարությանի որոշմամբ՝ «Երևան» հիմնադրամի միջոցներից 24 միլիոն դրամ է հատկացվում «Անահիտ Սուքիասյան» Ա/Ձ-ին 100 գազելներ «մշակված դիզայնին համապատասխան թաղանթապատելու նպատակով»։

«24 միլիոն դրամ՝ գազելներին «պլյոնկա» փակցնելու համար: Իսկ Երևանի քաղաքապետ Հայկ Մարությանը «քրոնիկ» արձակուրդում է, և չկա բացատրություն, թե ինչու հենց այդ անհատ ձեռնարկատիրոջը փոխանցվեց կլորիկ գումարը»,–գրել է թերթը։

«Ժողովուրդն» անդրադարձել է նաև ՀՀ Քննչական կոմիտեի աշխատակիցներին հատկացված ճոխ պարգևավճարներին, որոնք 2020թ.–ին կազմել են 2.663.320 ԱՄՆ դոլար։

Նոր գործիքակազմն ընդդեմ կոռուպցիայի. ի՞նչ անել, որ այն առավել արդյունավետ «աշխատի»

168
թեգերը:
պարգևավճար, Արցախյան պատերազմ, Հայաստան, Հակակոռուպցիոն կոմիտե
Ըստ թեմայի
Ավագանին հաստատեց Երևանի 2021-ի բյուջեն. ինչքան ծախս, եկամուտ և պարգևավճար է նախատեսվում
Ոչ թե պարգևավճար, այլ 13-րդ աշխատավարձ. ինչ են ստացել ԱԺ աշխատակիցները
ՀՀ ֆինանսների նախարարության աշխատակիցները հոկտեմբերի համար պարգևավճար չեն ստացել
Պարգևավճարի փոխարեն` բարձր աշխատավարձ. Երևանի ավագանու անդամները նոր առաջարկ ունեն
Հայ զինծառայողներ Սյունիքի մարզի Դավիթ Բեկ գյուղի մոտ

Կասեցրել են հակառակորդի գրոհը, թշնամուն զգալի կորուստներ պատճառել․ նորօրյա հերոսները

20
(Թարմացված է 18:09 18.01.2021)
Այս պատերազմում հերոսական բազմաթիվ դրվագների կենտրոնում շարքային զինծառայողներն են։

ԵՐԵՎԱՆ, 18 հունվարի – Sputnik. Արցախի Պաշտպանության բանակի մամուլի ծառայությունը շարունակում է «Ճանաչենք մեր հերոսներին» շարքը՝ ներկայացնելով Արցախյան 44-օրյա պատերազմում հերոսական դրվագներով աչքի ընկած զինվորներին։

Վարորդ-սանիտար, կրտսեր սերժանտ-պայմանագրային Հովիկ Սերգեյի Մուսայելյանը մարտական բարդ իրավիճակներում դրսևորել է սառնասրտություն։ Նա վտանգել է կյանքը՝ վիրավոր զինծառայողներին տեղափոխելու համար:

«Բարձր մակարդակով որակավորված բուժօգնություն են ցուցաբերել և մասնագիտական պարտքը բարեխղճորեն կատարել բուժծառայության մայորներ Նարեկ Արմենի Մեսրոպյանը, Արմեն Ալբերտի Հարությունյանը, Գեորգի Էդուարդի Մանուչարյանը, կամավորական Հրանտ Անդրանիկի Աշճյանը, պահեստազորայիններ Արթուր Ալիխանի Հակոբյանը, Ալիկ Արտիկի Հայրապետյանը, ավագ ենթասպաներ Մանուշակ Շահենի Աղաջանյանը, Կարինե Շիրինի Սահակյանը»,- ներկայացնում է ՊԲ-ն։

Վիրավոր զինվորները կկարողանան քայլակ կամ սայլակ ստանալ առանց հաշմանդամության կարգի

Մարտական դիրքում հակառակորդի գրոհը կասեցնելիս աչքի է ընկել կապիտան Սեյրան Սլավայի Գրիգորյանը: Իսկ ինտենսիվ մարտերի ընթացքում կապիտան Դավիթ Հովհաննեսի Սաժումյանը զորամասի մարտնչող ստորաբաժանումներին ապահովել է կապով և տեսադիտարկման համակարգով:

Փորձառու զինվորականներից շատերը շարքային զինծառայողների կողքին մարտնչել են ու բազմաթիվ կորուստներ պատճառել թշնամուն։ Օրինակ՝ մայոր Լենդրուշ Նորայրի Խաչատրյանի հմուտ ղեկավարման շնորհիվ թշնամական ուժեը զգալի կորուստներ են կրել։

Բազմաթիվ հերոսական պատմությունների գլխավոր դերակատարները շարքային զինծառայողներն են դարձել։ Այդպես, հյուսիսային ուղղությամբ թշնամու գրոհները կասեցրել և հակառակորդին մեծաթիվ կորուստներ են պատճառել շարքայիններ Վաղինակ Հակոբի Սարգսյանը, Սպարտակ Իշխանի Խաչատրյանը, ավագ լեյտենանտ Գեղամ Արսենի Ղազիյանը, սերժանտ Մհեր Սայաթի Գասպարյանը, կրտսեր սերժանտ Տիգրան Սուրենի Ավանեսյանը:

Կապիտան Արամ Արթուրի Խաչատրյանը հմտորեն ղեկավարել է հրետանու կրակը՝ թշնամուն զգալի կորուստներ պատճառելով:

Հիշեցնենք` 2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Եռակողմ հայտարարության մեջ մասնավորապես նշվում է, որ մինչև նոյեմբերի 15-ը Ադրբեջանին է վերադարձնում Քելբաջարը (ավելի ուշ այդ ժամկետը 10 օրով երկարաձգվեց-խմբ.), մինչև նոյեմբերի 20-ը՝ Աղդամի շրջանը, մինչև դեկտեմբերի 1-ը՝ Լաչինի շրջանը` թողնելով միջանցք 5 կմ լայնությամբ, որը ապահովելու է Հայաստանի կապը, սակայն չի շոշափելու Շուշին։ 

Հայաստանն ապահովում է տրանսպորտային կապ Ադրբեջանի արևմտյան շրջանների և Նախիջևանի Ինքնավար Հանրապետության միջև։ 

Ինչ տվեց Արցախի վերաբերյալ եռակողմ հայտարարությունը․ քարտեզ

Շփման գծի երկայնքով Լեռնային Ղարաբաղում և Լաչինի միջանցքում հաստատվում են ռուսական խաղաղապահ ուժեր, որոնք մնում են հինգ տարի ժամանակով` ավտոմատ երկարացման հնարավորությամբ, եթե հաջորդ հինգ տարվա համար կողմերը ժամկետի լրանալուց վեց ամիս առաջ չեն հայտարարում այս դրույթի կիրառությունը դադարեցնելու մասին։

Նշվում է նաև, որ ներքին տեղահանվածները և փախստականները վերադառնում են ԼՂ և հարակից շրջաններ, իրականացվում է ռազմագերիների փոխանակություն և մյուս պահվող անձանց փոխանակություն, ապաարգելափակվում են բոլոր տնտեսական և տրանսպորտային կապերը տարածաշրջանում։

20
թեգերը:
Զինվոր, հերոս, Արցախյան պատերազմ
թեմա:
Ադրբեջանական ագրեսիան Արցախում - 2020
Ըստ թեմայի
Ճանաչենք մեր հերոսներին. Արցախի ՊԲ–ն հայտնել է նրանցից ևս 8–ի սխրանքի մասին
«Դեդոն-Բաբոն»` օնլայն հերոսներ․ հուշարձանի կերպարները պատերազմին ժպիտ բերեցին մարդկանց
Տղամարդկանց կողքին ու նրանց հավասար կռվել են նաև կանայք. մերօրյա հերոսները
Արսեն Թորոսյանը կառավարության նիստում. 26 նոյեմբերի, 2020

Խնդրում եմ ձեզ շարունակել աշխատել նույն նվիրումով և ջանասիրությամբ․ Թորոսյանի հրաժեշտը

18
(Թարմացված է 17:48 18.01.2021)
Նախկին նախարարը նորանշանակ նախարարին շնորհավորել է ու պատրաստակամություն հայտնել աջակցելու ուժերի ներածին չափով։

ԵՐԵՎԱՆ, 18 հունվարի – Sputnik. Նոր պաշտոնին անցնելուց առաջ առողջապահության արդեն նախկին նախարար Արսեն Թորոսյանը դիմել է առողջապահական ոլորտի ներկայացուցիչներին՝ իր երախտագիտությունը հայտնելով։ Facebook-ի էջում նա հրաժեշտի ու շնորհակալության տեքստ է հրապարակել։

Հատուկ շնորհակալություն է հայտնել առողջապահության նախարարության և դրա ենթակա հիմնարկների բոլոր աշխատակիցներին` անձնական և մասնագիտական նվիրումի համար:

«Առանց ձեզ հնարավոր չէր լինի իրականացնել վերջին գրեթե 3 տարիների փոփոխությունները առողջապահության ոլորտում, որոնք վստահաբար լայն թափով շարունակվելու են: Ձեր շնորհիվ վերջին տարվա ընթացքում առողջապահական համակարգը արդյունավետ պայքար մղեց համաճարակի դեմ` որակյալ և ժամանակին բուժօգնություն ցույց տալով մեր տասնյակ հազարավոր քաղաքացիների, ինչպես նաև օպերատիվ կերպով կազմակերպեց ռազմական գործողությունների ժամանակ վիրավորված զինծառայողների բուժօգնություն»,- գրել է Թորոսյանն ու խնդրել նրանց շարունակել աշխատել նույն նվիրումով և ջանասիրությամբ։

Արդեն նախկին նախարարն իր երախտագիտությունն է հայտնել նաև համակարգի ավելի քան 40.000 աշխատակիցներին, «ովքեր օրուգիշեր կատարում են իրենց մասնագիտական պարտքը՝ հատկապես մեր երկրի և առողջապահական համակարգի համար նման բարդ ժամանակաշրջանում»։ Թորոսյանը վստահություն է հայտնել, որ նաև այդ նվիրված մասնագետների շնորհիվ մեր երկիրը կհաղթահարի ներկա և ապագա բոլոր մարտահրավերները:

Արսեն Թորոսյանը նաև շնորհավորել է նորանշանակ առողջապահության նախարար Անահիտ Ավանեսյանին, հաջողություն մաղթել և պատրաստակամություն հայտնել աջակցելու ուժերի ներածին չափով։

Մի ձևախեղեք օրակարգերը. Արսեն Թորոսյանը պատասխանել է ՀՀ էկոնոմիկայի նախարարին

Հիշեցնենք՝ ՀՀ վարչապետ Նիկոլ Փաշինյանի որոշմամբ՝ Էդուարդ Աղաջանյանն ազատվել է վարչապետի աշխատակազմի ղեկավարի պաշտոնից, մեկ այլ որոշմամբ այդ պաշտոնում նշանակվել է Արսեն Թորոսյանը, որն ավելի վաղ ազատվել էր առողջապահության նախարարի պաշտոնից։ ՀՀ առողջապահության նորանշանակ նախարարն Անահիտ Ավանեսյանն է, որը նախկինում զբաղեցնում էր առողջապահության նախարարի առաջին տեղակալի պաշտոնը։

18
թեգերը:
շնորհակալություն, Նախարար, Արսեն Թորոսյան
Ըստ թեմայի
Պատվաստվելուց հետո մի փոքր թույլ էի. Արսեն Թորոսյանը պատմում է իր ինքնազգացողության մասին
Վերականգնողական նոր կենտրոն կբացվի. Արսեն Թորոսյանը հայտնեց ազգային ծրագրի ստեղծման մասին
Էդուարդ Աղաջանյանն ազատվեց պաշտոնից, նրան կփոխարինի Արսեն Թորոսյանը

Շիրակում հրշեջ-փրկարարական ջոկատի 2 մասնաշենք է կառուցվում. տեսանյութ

0
(Թարմացված է 18:28 18.01.2021)
Նախարարի հանձնարարությամբ՝ փրկարարների ֆիզիկական պատրաստվածությունը ստուգելու համար հաճախակի ստուգարքներ կանցկացվեն։

Շիրակի մարզում հրշեջ-փրկարարների համար կառուցվող 2 նոր մասնաշենքերի շինարարությունը շուտով կավարտվի։ ՀՀ արտակարգ իրավիճակների նախարարության մամուլի ծառայությունը տեղեկացնում է, որ տարվա կեսին Գյումրու թիվ 2 և Ախուրյանի թիվ 53 հրշեջ-փրկարարական ջոկատների շենքերն ամբողջությամբ պատրաստ կլինեն: Արտակարգ իրավիճակների նախարար Անդրանիկ Փիլոյանը ծանոթացել է իրականացվող շինարարության ընթացքին։

Նոր աշխատանքային տարվա օրակարգում մարզային փրկարարական ջոկատների խնդիրներն են։Նախարարի վերջին այցերը եղել են Շիրակի, Արագածոտնի, Գեղարքունիքի, Կոտայքի մարզային փրկարարական վարչություններ։

«Անդրանիկ Փիլոյանը շրջել է ջոկատներում, ճգնաժամային կառավարման մարզային կենտրոններում։ Նախարարը ներկա է գտնվել մարտական հաշվարկների կանչի վայր մեկնելու գործընթացին։ Նրան զեկուցվել են առկա խնդիրները. հիմնականում տեխնիկայի համալրման վերաբերյալ հարցեր են բարձրացվել: Նախարարը վստահեցրել է, որ կարճ ժամանակում խնդիրներին լուծումներ կտրվեն»,- նշված է հաղորդագրության մեջ։

Անդրանիկ Փիլոյանը պատրաստ է ցանկացած խնդրի առանձին լուծում տալ

Փիլոյանը կարևորել է փրկարարների ֆիզիկական պատրաստվածության մակարդակի բարձրացումը։ Նրա հանձնարարությամբ նաև հաճախակի մարզական ստուգարքներ կանցկացվեն։

Նախարարը պահանջել է, որ բոլորը բարեխղճորեն և ազնվորեն կատարեն պարտականությունները՝ նպաստելով համակարգի զարգացմանը։

«Տարածքը, որտեղ մենք  էինք, մնացել է Արցախի կազմում». գյումրեցի փրկարարները պարգևատրվեցին

0
թեգերը:
տեսանյութ, Անդրանիկ Փիլոյան, Շիրակի մարզ, Հայաստան