ԵՐԵՎԱՆ, 14 հունվարի – Sputnik, Արամ Գարեգինյան. Տավուշի մարզի Բերդ սահմանամերձ քաղաքում գործող ձեռնարկությունը մտադիր է ընդլայնել անտառային հատապտուղներից պատրաստվող մուրաբաների իր արտադրությունը։ Sputnik Արմենիայի հետ զրույցում Բերդ քաղաքի կանանց կենտրոնի հիմնադիր Անահիտ Բադալյանն ասում է, որ հատապտուղներին նվազագույն քանակի շաքարավազ են ավելացնում և օգտագործում են բացառապես վայրի պտուղներ։

© Sputnik / Aram Gareginyan

Բերդ քաղաքի կանանց կենտրոնի հիմնադիր Անահիտ Բադալյանը` ամուսնու հետ

«Մենք այնքան շաքարավազ ենք ավելացնում, որ մուրաբան չթթվի ստերիլիզացումից հետո։ Արտասահմանում այսօր դա շատ պահանջված է, պարզապես մեր արտադրության մասին դեռ քչերը գիտեն, – պատմում է Բադալյանը` հավելելով, որ  սկզբում փորձել են հապալասն իրենք աճեցնել։ Այն իհարկե ավելի խոշոր է, սակայն համն ու հոտն այն չեն, ինչ անտառայինինը, անտառայինը, եթե սեղանին լցնես, հոտը տարածվում է ամբողջ սենյակով։

© Sputnik / Aram Nersesyan

Արցախյան արտադրողները լուրջ խնդիրներ ունեն. ինչո՞ւ է «մերժվում» էժան ու որակով ապրանքը

ՄԱԿ–ի զարգացման ծրագրով (UNDP) կանանց կենտրոնը սարքավորումներ է ստացել մուրաբայի պաստերիզացման և տարաների ստերիլիզացման համար։ Սակայն տարաներում մուրաբաները լցնելն ու փակելը ձեռքով է իրականացվում, հատապտուղները հավաքելը` ևս։ Հավաքողներին փոցխ են բաժանել, որով բույսն այնպես են փոցխում, որպեսզի ճյուղերը չվնասվեն, փոխարենը հին տերևները մաքրվում են։ Դա օգնում է հատապտուղներին ավելի լավ աճել։

 2019 թվականին նման «սանրումից» հետո 2020 թվականի աշնանը բերքը  տնայնագործական կոլեկտիվի համար ահագին էր` մեկուկես տոննա։

«Մեզ այնքան էին բերում, որ նույնիսկ գումարը չէր բավականացնում` ամբողջ բերքը գնելու համար», – պատմում է Անահիտը։

Berd Berries. այսպես է կոչվում ապրանքանիշը, որը ստեղծվել է մի քանի տարի առաջ։ Այն իր արտադրանքը Երևանի մի քանի խանութների է մատակարարում։ Միլիոններ դեռ չեն վաստակում, սակայն արդեն առանց կողմնակի օգնության վճարում են աշխատակիցների ծառայությունների և բերքահավաքի դիմաց։

Նոր ծրագիր Տավուշում, կամ ինչ են ասել Իտալիայում, երբ տավուշցի պատանին հորովել է երգել

Բերքահավաքի ու հատապտուղների մշակման գործընթացում Բերդից ու մերձակա գյուղերից 40 ընտանիք է ներգրավված։ Ոչ միայն հապալաս են հավաքում, այլև ազնվամորի և մոշ ու կրկին` միայն վայրի։ Անցած տարի հապալասով թեյ են սկսել արտադրել, իսկ այս տարի ուզում են փորձել նաև կծոխուրով թեյեր արտադրել։

ԵՐԵՎԱՆ, 17 հունվարի - Sputnik. Այսօր հանրապետության ամբողջ տարածքում, այդ թվում՝ մայրաքաղաք Երևանում սպասվում է առանց տեղումների եղանակ։ Տեղեկությունը հայտնում են ՀՀ ԱԻՆ «Հիդրոմետ» ծառայությունից։

Հունվարի 18-19-ը, 20-ի գիշերն ամենուրեք սպասվում են տեղումներ, լեռնային գոտում ձյան, նախալեռնային և հովտային գոտում թաց ձյան և ձնախառն անձրևի, իսկ 19-ին՝ ամենուրեք ձյան տեսքով: Հունվարի 21-ի ցերեկը սպասվում է արդեն առանց տեղումների եղանակ։

official site of the MES of RA

Եղանակի կանխատեսում

Քամին հարավային է՝ 5-8 մ /վ, առանձին վայրերում սպասվում է քամու ուժգնացում՝ 18-23 մ/վ:

Առաջիկա օրերին սպասվում է նաև ցուրտ եղանակ։ Ըստ օդերևութաբանների՝ հունվարի 19-21-ն օդի ջերմաստիճանն աստիճանաբար կնվազի 12-15 աստիճանով։

Երևանում առանց տեղումների եղանակ է սպասվում հունվարի 20-ի ցերեկը, 21-ին: Իսկ հունվարի 18-19-ը, 20-ի գիշերը ժամանակ առ ժամանակ սպասվում են տեղումներ, 19-ին՝ ձյան տեսքով։

Ծրագրեր են սկսվել Արցախի վերահսկողությունից դուրս մնացած համայնքների բնակիչների համար

Մայրաքաղաքում հունվարի 17-ի ցերեկը սպասվում է +7...+9, երեկոյան՝ +3... +5 աստիճան ջերմություն։