ԵՐԵՎԱՆ, 13 հունվարի – Sputnik. «Բարձրագույն կրթության և գիտության մասին օրենքում փոփոխություններ և լրացումներ» անելու մասին աղմկահարույց նախագիծն այսօր չքննարկվեց Ազգային ժողովում։ ԱԺ կրթության, մշակույթի, սփյուռքի, երիտասարդության և սպորտի հարցերի հանձնաժողովի նախագահ Մխիթար Հայրապետյանն ասաց, որ քանի որ խոսքն օրենքի և հարակից օրենքների փոփոխությունների 22 փաթեթների մասին է, դեռևս աշխատելու տեղ կա։

«Իմ և ԿԳՄՍ նախարար Վահրամ Դումանյանի միջև համաձայնություն է ձեռք բերվել օրենքի քննարկումը երեք շաբաթով հետաձգելու վերաբերյալ։ Գիտեք, որ մայր օրենքն է, մեծ ծավալի աշխատանքներ են պահանջվում։ Այդ հիմքով հարցի քննարկումը հետաձգվում է», – ասաց Հայրապետյանը։

Նշենք, որ օրենքի նախագծի հիմնական զեկուցողը պետք է լիներ հենց Դումանյանը, սակայն նա նիստից բացակա էր։ Նիստին ներկա, օրենքի հարակից զեկուցող ԱԺ «Իմ քայլը» խմբակցության պատգամավոր Հովհաննես Հովհաննիսյանը, սակայն, խոսք խնդրեց նախագահից և խորհուրդ տվեց օրենքը քննադատողներին ձեռնպահ մնալ օրենքի հպանցիկ քննարկումներից։

© Sputnik / Mikhail Chernyakovsky

Բուհ–աշխատաշուկա կապի տեմպերը մտահոգիչ են. ինչ է ցույց տալիս ուսումնասիրությունը

«Մենք մեկ ամսից ավելի է` լուրջ քննարկումներ ենք իրականցնում փորձագետների հետ։ Եթե հանձնաժողովի անդամները կամ հանձնաժողովից դուրս մարդիկ առաջարկներ ունեն, եկեք քննարկենք դրանք», – ասաց նա։

Նրան լրացրեց նույն խմբակցության պատգամավոր Վահագն Թևոսյանը` ասելով, որ քննադատությունը պետք է լինի կոնստրուկտիվ, այսինքն` քննադատողը պետք է աշխատի ուղիղ կոնտակտի դուրս գալ նրանց հետ, ում աշխատանքում թերացում է տեսնում և փորձի տեղ հասցնել իր մտքերը։

Արժե՞ վստահել վարկանիշներին. ինչ անել, որ հայկական բուհերն էլ լավագույնների շարքին դասվեն

«Լուսավոր Հայաստան» խմբակցության պատգամավոր Աննա Կոստանյանը, որին և ուղղված էին վերոհիշյալ մեկնաբանությունները (վերջինս նիստից առաջ քննադատական գրառում էր կատարել Facebook–ում), ասաց, որ օրենքի վրա տարվող աշխատանքների հաշվետվություն է ուզում տեսնել։

Կոստանյանն այն կարծիքին է, որ նախագիծն ուղիղ հարված է բուհական ինքնավարությանը և ստեղծում է բոլոր բարենպաստ պայմանները բարձրագույն ուսումնական հաստատությունները դարձնել «օրվա կառավարության ձեռքի անձնական օգտագործման գործիք»։

Նշենք, որ մի շարք բուհեր` ներառյալ Երևանի պետական համալսարանը և Երևանի պետական բժշկական համալսարանը, պահանջել էին հետ կանչել օրենքի նախագիծը` դրա որոշ կետեր անընդունելի համարելով։

Մխիթարյան. «Օրենքը պետք է նպաստի, որ բուհի ինքնավարության աստիճանը հնարավորինս մեծ լինի»

ԵՐԵՎԱՆ, 17 հունվարի - Sputnik. Հայաստանում կորոնավիրուսով վարակվածների թիվը վերջին մեկ օրում ավելացել է 351–ով և դարձել 164586։ Տեղեկությունը հայտնում է Հիվանդությունների վերահսկման և կանխարգելման ազգային կենտրոնը:

Այս պահին փաստացի բուժում է ստանում 8093 մարդ (+188), կատարվել է 623311 թեստավորում (+2607), առողջացել են վարակվածներից 152772-ը (+157)։ Գրանցվել է մահվան 2992 դեպք (+5)։ Կորոնավիրուսով վարակված, բայց այլ պատճառով մահացածների թիվը վերջին մեկ օրում ավելացել է 1–ով և դարձել 729։

Հիշեցնենք` 2020թ.–ի մարտի 16–ից Հայաստանում արտակարգ դրություն էր սահմանված, որը մի քանի անգամ երկարաձգվեց և տևեց մինչև սեպտեմբերի 11–ը։ Երկարաձգված արտակարգ դրության պայմանները որոշակի փոփոխությունների ենթարկվեցին։

© Sputnik / Aram Nersesyan

Կորոնավիրուսը տարածվում է. Արցախի մի քանի համայնքներում ելումուտը սահմանափակվում է

Տնտեսական շատ գործունեություններ թույլատրվեցին, բայց սահմանվեցին պարտադիր պահանջներ։

Հանրային բաց տարածքներում դիմակ դնելը պարտադիր էր։ Դիմակ կարող էին չդնել միայն մինչև 6 տարեկան երեխաները, հեծանիվ վարողները, ֆիզիկական վարժություններ անողները և խրոնիկ շնչառական հիվանդություններ ու սրտային անբավարարություն ունեցողները։

2020թ.–ի սեպտեմբերի 11–ին ՀՀ կառավարությունը որոշեց, որ երկրում սեպտեմբերի 12–ից մինչև 2021թ.–ի հունվարի 11–ը կգործի կարանտինի ռեժիմ։ Որոշ սահմանափակումներ մեղմացվեցին, բայց հասարակական վայրերում դիմակ դնելու պահանջը շարունակեց գործել։

Հաշվի առնելով կորոնավիրուսի 3–րդ ալիքի գոյությունն աշխարհում և այն փաստը, որ Հայաստանում վարակակիրների թիվը շարունակում է բարձր մնալ` 2021թ.–ի հունվարի 11–ին ՀՀ կառավարությունը որոշեց երկրում կարանտինային ռեժիմը երկարաձգել ևս 6 ամսով։ Այն կտևի մինչև 2021թ.–ի հուլիսի 11–ը։