Արցախցի երեխաները «Մտորումների թատրոնում»

Հեքիաթ հայկավանցի Ծովինարի համար, որը ստիպված է Գյումրիում ապրել

295
(Թարմացված է 12:25 12.01.2021)
Երեխաների նախասիրությունները տարբեր են, բայց ցանկությունը մեկն է՝ պատերազմ չլինի։

10-ամյա Ծովինարն իր 8 քույրերի ու եղբայրների հետ Գյումրի է տեղափոխվել Արցախի Հադրութի շրջանի Հայկավան գյուղից: Ճիշտ է, հայրը ծնունդով գյումրեցի է, բայց Գյումրին մինչ այս երեխաները չէին տեսել։ Ծնողները տարիներ առաջ բնակության էին մեկնել Արցախ, իսկ հիմա, քանի որ թշնամին գրավել է գյուղը, ստիպված վերադարձել են հայրական ծննդավայր ու ժամանակավոր ապաստան գտել նախկին թիվ 1 գիշերօթիկ հաստատությունում:

«Ճիշտ է, հայրս գյումրեցի է, բայց բարբառը չէի հասկանում, դրա համար էլ սկզբում չէի սիրում Գյումրին, հիմա արդեն հասկանում եմ ու նաև շատ ընկերներ ունեմ այստեղ»,-ասում է Ծովինարի եղբայրը՝ 15-ամյա Ռազմիկը:

Сестры Цовинар (справа) и Ани в Театре мыслей в Гюмри
© Sputnik / Armenuhi Mkhoyan
Ծովինարն ու իր քույրը

Երեխաները Գյումրիում ոչ միայն հասցրել են ընկերներ ձեռք բերել, այլև՝ սիրած զբաղմունք:

Արդեն մի քանի օր է, ինչ քրոջ, եղբոր ու մի քանի այլ արցախցի երեխաների հետ Ծովինարը հաճախում է Գյումրու «Մտորումների թատրոն». մի քանի օրից պատրաստվում է առաջնախաղի Հովհաննես Թումանյանի «Պոչատ աղվեսը» ստվերային ներկայացման մեջ, որտեղ ոչ միայն որպես հերոս է ներկայանալու, այլև, մի քանի ընկերների հետ, որպես դեկորների հեղինակ։ Ի դեպ, Ծովինարը երազում է նկարչուհի դառնալ։

«Արի պոնչո էնեմ». «Գյումրիկը» ժպիտներ է պարգևում

Բեմադրությունն իրականացվում է «Երիտասարդներն Արցախի փախստականների համար» ծրագրի շրջանակներում։

Մինչև Գյումրի տեղափոխվելը երեխաները թատրոն չեն գնացել, ներկայացումներ չեն դիտել, իսկ հիմա միաժամանակ թե' դերասան, թե' հանդիսատես են դառնում։ Նրանց դերասանական հմտությունները բացահայտել օգնում է ՀՀ վաստակավոր արտիստ Հովհաննես Հովհաննիսյանը:

Сестры Цовинар (справа) и Ани и другие дети из Арцаха в Театре мыслей в Гюмри
© Sputnik / Armenuhi Mkhoyan
Դերասանական հմտությունները բացահայտել օգնում է ՀՀ վաստակավոր արտիստ Հովհաննես Հովհաննիսյանը (աջից)։

Ներկայացման մեջ զբաղված երեխաների նախասիրությունները տարբեր են, բայց ցանկությունը մեկն է. «Ուզում եմ բոլորն ուրախ լինեն, պատերազմ չլինի, եթե լինի էլ՝ միայն ներկայացման մեջ, իսկ երեխաներն էլ միշտ մուլտեր նայեն»,-շիկնելով ասում է պատերազմ տեսած, հարազատ տունն ու բակը թշնամուն թողած Ծովինարն ու մաղթում աշխարհի երեխաներին խաղաղ երկինք ու անհոգ մանկություն։

Ու այդ մաղթանքը որպես աղոթք է հնչում:

295
թեգերը:
Թատրոն, Գյումրի, Արցախյան պատերազմ
Ըստ թեմայի
ՀՀ պաշտպանության նախարարն այցելել է Գյումրիի ռուսական ռազմակայան
Արա Այվազյանն ընդունել է Գյումրիում ՌԴ գլխավոր հյուպատոսին
1989-ին Նոր տարի չնշվեց, էրեխեքը նվեր չուզեցին. նրանց մաղթանքը պատերազմ տեսածներին
Միջոցառում «Այբ» կրթական հիմնադրամում

«Դատախազությունը շտապում է». «Այբ» կրթական հիմնադրամն անդրադարձել է հարուցված քրգործին

61
(Թարմացված է 21:13 15.01.2021)
«Այբ» կրթական հիմնադրամում կարծում են, որ հարուցված քրգործը 2.5 տարվա ամենատարբեր ջանքերի ու փորձերի հերթական դրսևորումն է իրենց դեմ։

ԵՐԵՎԱՆ, 15 հունվարի – Sputnik. Դատախազությունն այսօր շտապեց` հայտարարելով 2014-2018թթ. «Կրթության գերազանցության ազգային ծրագրի» շրջանակներում 8.3 մլն դրամի չափով թույլ տրված «հնարավոր չարաշահումների» մասին։ Facebook սոցցանցի իր էջում անդրադառնալով դատախազության հայտարարությանը, նման կարծիք է հայտնել «Այբ» կրթական հիմնադրամի Հանրային կապերի և մեդիայի հարաբերությունների համակարգող Նվարդ Առաքելյանը։

Դատախազությունը հայտնել էր, որ քրեական գործ է հարուցվել «Այբ» կրթական հիմնադրամի կողմից իրականացվող ծրագրի շրջանակում առերևույթ հափշտակություն կատարելու դեպքի առթիվ։ Խոսքը պետբյուջեից նվիրատվությամբ հատկացված միջոցներից 8.3 մլն դրամ ենթադրաբար վատնման եղանակով հափշտակելու մասին է։

«Ծրագրի ընդանուր արժեքը շուրջ 2.5 մլրդ դրամ է։ Սա երկուսուկես տարվա ամենատարբեր ջանքերի ու փորձերի հերթական դրսևորումն է «Այբ» կրթական հիմնադրամի դեմ, և ինչպես նախկինում չի հաջողվել ներկայացնել որևէ չարաշահման հիմնավորում կամ փաստ, այնպես էլ հիմա, վստահ ենք, որ ցանկություններից ստեղծված այս գործը չի կարող երկար կյանք ունենալ»,–նշված է Առաքելյանի գրառման մեջ։

Նա հայտնել է նաև, որ հիմնադրամը պատրաստ է ամբողջությամբ ներկայացնել վերոհիշյալ պնդման հիմքերը և պայքարել անօրինական գործողությունների դեմ։

Առաքելյանի խոսքով` շատ բարձր են գնահատում, որ երկրի առջև ծառացած բազմաթիվ խնդիրների ու ակնհայտ ապօրինությունների համատեքստում դատախազությունն ուշադրության է արժանացրել 15 հազար դոլարի «հնարավոր չարաշահումը»։

Ավելին, նա նշում է, որ կրթության նախարարության կողմից ծրագիրը կասեցնելու որոշման հետևանքով է փոշիացվել այդ ամբողջ գումարով ձեռք բերված եզակի կրթական արդյունքը և համոզված է` վաղ թե ուշ դատախազությունը ստիպված կլինի դրան իրավական գնահատական տալ։

Հիշեցնենք, որ «Կրթության գերազանցության ազգային ծրագիրի» մեկնարկը տրվել է 2014 թվականին, երբ «Այբ» կրթական հիմնադրամը, համագործակցելով Քեմբրիջի համալսարանի Քեմբրիջի գնահատման և միջազգային կրթության կենտրոնի և Լոնդոնի համալսարանական քոլեջի Կրթության ինստիտուտի հետ, սկսել է տասնամյա լայնածավալ կրթական նախաձեռնություն։

«Այբ» դպրոցի շուրջ կրքերը չեն հանդարտվում. Դավիթ Յանը պատասխանեց կրթության նախարարին

Դրա նպատակն է Հայաստանում ստեղծել միջազգայնորեն մրցունակ այլընտրանքային դպրոցական կրթական ծրագիր և ստեղծել համաշխարհային դասավանդման լավագույն փորձով ու գիտելիքներով զինված ուսուցիչների համայնք:

61
թեգերը:
Քրեական գործ, ՀՀ դատախազություն, «Այբ» կրթական հիմնադրամ
Ըստ թեմայի
ՀՀ նախագահ. Մեր երազանքն է Հայաստանում խթանել տեխնոլոգիական բարձրագույն կրթությունը
Դավիթ Սանասարյանը հիշեց անմեղության կանխավարկածի մասին. ինչպես ասում են` բարև ձեզ
Հայ ռոբոտները կնվաճեն Հնդկաստանը
Ձերբակալություն

Զոհված զինվորի ծնողներից խաբեությամբ գումար հափշտակած անձը ձերբակալվել է

54
(Թարմացված է 20:20 15.01.2021)
Հրազդանի բնակիչ մի տղամարդ տեղեկացրել էր, որ հոկտեմբերի 1-ից որդուց լուր չեն ունեցել, շուրջ երկու ամիս առաջ էլ կինն ինչ-որ տեղից տեղեկացել է, թե որդին գտնվում է գերության մեջ։

ԵՐԵՎԱՆ, 15 հունվարի - Sputnik. Հունվարի 13-ին, ժամը 22.05-ին, ահազանգով մեկնած ոստիկանության Հրազդանի բաժնի օպերատիվ խմբին հաղորդում էր տվել Հրազդանի բնակիչ մի տղամարդ`տեղեկացնելով, որ հոկտեմբերի 1-ից որդուց լուր չեն ունեցել, շուրջ երկու ամիս առաջ էլ կինն ինչ-որ տեղից տեղեկացել է, թե որդին գտնվում է գերության մեջ։ Այս մասին հաղորդագրություն է տարածել ՀՀ ոստիկանության լրատվական ծառայությունը։ 

«Ոմն Հարութ կնոջը խոստացել էր գումարի դիմաց որդուն գերությունից ազատել, սակայն խաբեությամբ, իրենց վստահությունը չարաշահելով՝ երկու ամսվա ընթացքում տիրացել է տերմինալով իրեն փոխանցած մեկուկես միլիոն դրամին։ Տղամարդը վերջնականապես համոզվել է, որ իրենց խաբում են, երբ ստացել է որդու զոհվելու լուրը:

Դեպքի առթիվ հարուցվել է քրեական գործ»,-հայտնում են ոստիկանությունից։

Ձեռնարկված ծավալուն օպերատիվ-հետախուզական միջոցառումների արդյունքում Հրազդանի ոստիկաններին հաջողվել է պարզել Հարութի ինքնությունը։

Նա հայտնաբերվել և ձերբակալվել է։ Կատարվում է նախաքննություն:

Բելգիայի իրավապահների կողմից հետախուզվողը բերման է ենթարկվել «Զվարթնոց» օդանավակայանից

54
թեգերը:
խաբեություն, գերի, Զինվոր, Պատերազմ
Ըստ թեմայի
«Ի՞նչ պիտի անեմ, պոստեր եմ գնալու». Քաջարանի քաղաքապետը չի կալանավորվի
Փոխգնդապետի սխալ հրամանի հետևանքով 18 զինվոր է զոհվել. նա կալանավորված է
Հայ գերիների մի մասը Բաքվում կալանավորված է. Ալիևը նրանց անվանել է «ահաբեկիչներ»
Կառլեն Խաչատրյան

Ինչո՞վ է զբաղված ՏՄՊՊՀ-ն և ինչո՞ւ դեղատներն անբարեխիղճ գործելաոճի համար չեն պատժվում

0
Տնտեսագետ Կառլեն Խաչատրյանը Sputnik Արմենիայի եթերում թվարկել է այն հնարավոր գործոնները, որոնք ձևավորում են դեղորայքի շուկայում գների թռիչքային աճը։
«Դեղորայքի թանկացման հարցում էական նշանակություն ունի դոլարի արժեվորումը, սակայն չեմ բացառում նաև սպեկուլյատիվ գործոնները». Կառլեն Խաչատրյան

Դեղորայքի գների բարձրացման հարցում էական նշանակություն ունի դոլարի արժեվորումը, սակայն, չի բացառվում, որ գործ ունենք նաև գերիշխող դիրքի չարաշահման ու սպեկուլյատիվ գործոնների հետ։ Sputnik Արմենիայի հետ զրույցում նման կարծիք հայտնեց տնտեսագետ Կառլեն Խաչատրյանը` մեկնաբանելով մամուլում տարածված տեղեկությունները, թե դեղերի շուկան դուրս է եկել վերահսկողությունից, իսկ դեղատները նման անբարեխիղճ գործելաոճի համար չեն պատժվում։

«Վերջին 2 ամիսների ընթացքում դոլարը մոտ 10 տոկոսով է արժեվորվել, սակայն այն դեպքերում, երբ քաղաքացիները հանդիպում են 65-70 տոկոսով դեղերի գնի բարձրացման, թանկացումը միայն դոլարի փոխարժեքով չի կարելի պայմանավորել»,- ասաց նա։

Հայաստանում դեղորայքի շուկայում առկա չարաշահումների ուսումնասիրությամբ զբաղվում է ՏՄՊՊՀ-ն, որն, ըստ Խաչատրյանի, վերջին 2.5 տարում այնքան էլ բարեխիղճ չի գործում։

«Վերջին 2-2.5 տարիների ընթացքում պետական որևէ մարմին իր գործառույթները պատշաճ մակարդակով չի իրականացնում կամ կադրային բավարար ներուժ չկա, ղեկավար անձնակազմը պատրաստ չէ, պահանջկոտ չէ, դրա համար էլ այս իրավիճակում ենք»,- նշեց տնտեսագետը։

Նրա համոզմամբ, եթե ոլորտի համար պատասխանատու հանձնաժողովը տարբեր պատճառաբանություններով մեկնաբանություններ չի ներկայացնում կամ փորձում է իր գործառույթները չկատարելը քողարկել «ուսումնասիրություններն ընթացքի մեջ» են պատճառաբանությամբ, դա ոչ այլ ինչ է, եթե ոչ անկարողության ու անգործության ուղղակի հետևանք։

«Հույս չունենաք, որ լավ ենք ապրելու». Վազգեն Մանուկյանը Գյումրիում է

Նշենք, որ այսօր «Ժողովուրդ» թերթը գրել էր, որ դեղատները անբարեխիղճ գործելաոճի համար չեն պատժվում, իսկ ՀՀ տնտեսական մրցակցության պաշտպանության պետական հանձնաժողովը վստահեցնում է, որ դեղերի շրջանառության ոլորտն ուսումնասիրում են:

0
թեգերը:
գին, Կառլեն Խաչատրյան, Տնտեսական մրցակցության պաշտպանության պետական հանձնաժողով (ՏՄՊՊՀ), Դեղ
Ըստ թեմայի
«Ասաց՝ մամ, ծաղկեպսակը դու սարքի». Եռաբլուրում ծաղիկները ձյունից շատ էին ու անիմաստ թանկ
Գնաճը մինչև ո՞ւր կհասնի. էկոնոմիկայի նախարարը վստահեցնում է` մենք դեռ լավ վիճակում ենք
Գները նվազեցրել և բարձրացրել են. ձվի շուկայում գործող 7 ընկերություն է տուգանվել