6 տարի անց Գյումրիում կրկին բացվեցին Ավետիսյանների տան դռները

6 տարի անց Գյումրիում կրկին բացվեցին Ավետիսյանների տան դռները. հարազատները պահանջներ ունեն

1680
(Թարմացված է 15:13 13.01.2021)
Ավետիսյանների հարազատները դատավարության ընթացքից դժգոհ են։ Նրանք խոսեցին իրենց պահանջների մասին։

ԵՐԵՎԱՆ, 12 հունվարի – Sputnik, Արմենուհի Մխոյան. Գյումրիում Ավետիսյանների ընտանիքի անդամների սպանությունից 6 տարի անց, այսօր` հունվարի 12–ին, կրկին բացվեցին նրանց տան դռները։

Հիշեցնենք, որ 2015թ-ի հունվարի 12–ին Գյումրիում սպանվել էր մի ամբողջ ընտանիք։ Տան ամենակրտսերը` կես տարեկան երեխան, մահացել էր մեկ շաբաթ անց հիվանդանոցում։ Հանցագործության կասկածանքով նույն օրը ձերբակալվել էր ռուս պայմանագրային զինծառայող Վալերի Պերմյակովը: Նա փորձել էր անցնել Թուրքիայի տարածք, բայց ռուս սահմանապահները նրան հայտնաբերել էին հենց սահմանին:

Лусине Аветисян у портретов членов семьи Аветисянов, убитых 6 лет назад (12 января 2021). Гюмри
© Sputnik / Armenuhi Mkhoyan
6 տարի անց Գյումրիում կրկին բացվեցին Ավետիսյանների տան դռները

Ավետիսյանների դուստրերը վստահեցնում են՝ սպանդից այսքան տարի անց էլ ժամանակը չի մեղմել ցավը։ Հարազատները հստակ պահանջներ ունեն իշխանություններից, դրանք են`գործի վերաբացում, քննության ՄԻԵԴ տեղափոխում և ֆինանսական աջակցություն՝ ծնողների տան վերանորոգման համար։

Նախկին դատախազը հույս ունի, որ Պերմյակովը կկրի ամբողջ պատիժը

Ավետիսյանների դուստրը՝ Լուսինե Ավետիսյանը, չկարողանալով զսպել արցունքները, լրագրողներին ասաց․ «Դատաքննության ընթացքից գոհ չենք։ Պերմյակովը մենակ չէր կարող լինել։ Ինձ թվում է` ամբողջ աշխարհում մարդ կգտնվի, որ մեզ ֆինանսապես կօգնի` հասնենք Եվրոպա, որ գործն անձամբ մեր ձեռքով տանք Եվրադատարան»,-ասում է նա և ավելացնում, որ այսօր մենակ են մնացել, որովհետև երկրում իշխանություն չկա։

Ворота дома семьи Аветисянов, убитых 6 лет назад (12 января 2021). Гюмри
© Sputnik / Armenuhi Mkhoyan
6 տարի անց Գյումրիում կրկին բացվեցին Ավետիսյանների տան դռները

Եվ չնայած Վալերի Պերմյակովը վաղուց  իր պատիժն է կրում, սակայն հարազատներն ուզում են, որ բացահայտվի այս գործի մութ անկյունը, պարզվի, թե ով է սրա հետևում թաքնված, քանի՞ հոգի է մտել Ավետիսյանների տուն։

Ավետիսյանների տան տղամարդիկ արթուն են եղել և փորձել են ինչ-որ գործողություններ անել

Լուսինե Ավետիսյանը նշեց, որ փաստաբաններն ասել են, որ գործն ուղարկվել է Մարդու իրավունքների եվրոպական դատարան։ «Ասել են՝ 5 տարվա ընթացքում ձեզ պատասխան կտան, բայց արդեն 4 տարին լրացել է, ու ոչ մի բան։ Փաստաբաններին դիմում ենք, ասում են՝ եթե նորություն եղավ, մենք ձեզ կզանգենք։Համոզված չենք, որ գործը հասել է Եվրոպական դատարան և ընդունվել է վարույթ։ Թող թուղթ ցույց տան, որ գործն ընթացքի մեջ է»,-ասում են նրանք։

Родственницы убитой 6 лет назад в Гюмри семьи Аветисянов Лусине Аветисян (слева) и Анаит Коштоян требуют возобновления дела и просят финансовой помощи для ремонта квартиры (12 января 2021). Гюмри
© Sputnik / Armenuhi Mkhoyan
Ավետիսյանների հարազատները

Դուստրերի մյուս խնդրանքը հայրական տան վերանորոգումն է. ավելի քան 6 տարի փակ դռան ու խոնավության պատճառով ոչ միայն տան տանիքն է վթարային դարձել, այլ նաև հատակը։  «Այդքան խնդրեցինք` այս տունը վերանորոգեն, որ կարողանանք մեր էրեխեքի ձեռքերը բռնած մտնենք, ասենք, որ սա իրենց տատիկ–պապիկի տունն է։ Այն ժամանակ իշխանություններն ասում էին՝ մեր կողքին կանգնած են։ Ուզում ենք, որ մեր տունը դառնա առաջվանը...»,-ասում է Ավետիսյանների մյուս դուստրը` Անահիտ Կոշտոյանն ու ավելացնում՝ վարչապետ Փաշինյանին նամակ են գրել՝ իրենց ընդունելու խնդրանքով, սակայն մերժում են ստացել։

Обветшалый пол в квартире семьи Аветисянов, убитых 6 лет назад (12 января 2021). Гюмри
© Sputnik / Armenuhi Mkhoyan
6 տարի անց Գյումրիում կրկին բացվեցին Ավետիսյանների տան դռները

Նշենք, որ Դատարանը Ավետիսյանների ընտանիքի սպանության մեջ մեղադրվող Գյումրիում տեղակայված ռուսական 102-րդ ռազմակայանի զինծառայող Վալերի Պերմյակովին դատապարտեց ցմահ ազատազրկման՝ ապացուցված համարելով մեղադրանքը և համադրելով Քրեական օրենսգրքի 104 հոդվածի 2-րդ մասի 1-ին, 5-րդ և 8-րդ կետերով (երկու կամ ավելի անձանց սպանությունը` առանձին դաժանությամբ, շահադիտական դրդումներով, պատվերով, ինչպես նաև զուգորդված՝ շորթմամբ, ավազակությամբ կամ բանդիտիզմով), 175 հոդվածի 2-րդ մասի 3-րդ, 4-րդ կետերով (ավազակային հարձակում, որը կատարվել է բնակարան, պահեստարան կամ շինություն ապօրինի մուտք գործելով, զենքի կամ որպես զենք օգտագործվող այլ առարկաների գործադրմամբ) և 34-329 հոդվածի առաջին մասով (պետական սահմանի ապօրինի հատման փորձ) նախատեսված պատժաչափերը:

Фотографии в квартире семьи Аветисянов, убитых 6 лет назад (12 января 2021). Гюмри
© Sputnik / Armenuhi Mkhoyan
6 տարի անց Գյումրիում կրկին բացվեցին Ավետիսյանների տան դռները

Ցմահ պատժի մեջ համադրվում է նաև ռուսական կողմի գործով 10 տարվա ազատազրկման պատիժը՝ Ռուսաստանի Դաշնության քրեական օրենսգրքի երեք հոդվածների` 338 հոդվածի 2 կետի, 226 հոդվածի 3-րդ կետի «գ» ենթակետի եւ 222 հոդվածի առաջին կետի պահանջներով:

Портреты членов семьи Аветисянов, убитых 6 лет назад (12 января 2021). Гюмри
© Sputnik / Armenuhi Mkhoyan
6 տարի անց Գյումրիում կրկին բացվեցին Ավետիսյանների տան դռները

Շիրակի մարզի ընդհանուր իրավասության առաջին ատյանի դատարանի 2016 թվականի օգոստոսի 23-ի դատավճռի կատարուﬓ ապահովելու գործընթացի շրջանակներում «Պատժի հետագա կրման համար ազատազրկման դատապարտվածներին փոխանցելու մասին» 1998թ. Մոսկվայի կոնվենցիայով սահմանված կարգով Վ. Պերմյակովի փոխանցումը Ռուսաստանի Դաշնություն իրականացվել է 2017թ. մայիսի 18-ին:

1680
թեգերը:
Սպանություն, ընտանիք, Վալերի Պերմյակով, Գյումրու 102–րդ ռազմաբազա, Գյումրի
Ըստ թեմայի
Պերմյակովը չգնաց Ավետիսյանների տուն. «Չեմ կարող, չեմ ուզում»
Բացառիկ կադրեր Ավետիսյանների տնից
Գյումրիում 3 տարի առաջ սպանված Ավետիսյանների դուստրն աղջիկ է ունեցել. նա կկրի փոքրիկ Հասմիկի անունը
Գագրինան ու Իսխակովը

Գագարինայի նախկին ամուսինը հիշել է իր հայկական արմատներն ու հրապարակել Արարատի լուսանկարը

75
(Թարմացված է 00:26 28.01.2021)
Դմիտրի Իսխակովը պատմել է իր երազանքի, Հայաստան կատարած առաջին այցի ու թբիլիսահայ մոր մասին։

ԵՐԵՎԱՆ, 27 հունվարի – Sputnik. Երգչուհի Պոլինա Գագարինայի նախկին ամուսինը` հայտնի դիզայներ, լուսանկարիչ Դմիտրի Իսխակովը հիշել է իր հայկական արմատներն ու Instagram–ում հրապարակել Արարատ լեռան լուսանկարը։

«Մորս ազգանունը Սիմոնյան է, ծնվել ու մեծացել է Թբիլիսիում։ Իմ երակներով հայի արյուն է հոսում։ Երբ առաջին անգամ եղա այնտեղ, այնպիսի զգացողություն էր, որ ամեն բան շատ հարազատ է, ջերմ, սրտանց», – գրել է նա։

Իսխակովը խոստովանել է, որ առանձնահատուկ քնքշանքով է հիշում հայաստանյան ուղևորությունը։ Նա գրել է, որ վաղուց երազում է հայտնի հայերի լուսանկարների շարք անել, բայց նրանից շատերն արդեն ողջ չեն։

Посмотреть эту публикацию в Instagram

Публикация от Дмитрий Исхаков (@isxakov)

Օգտատերերից ոմանք ենթադրել են, որ նա հիմա Հայաստանում է, մյուսներն էլ պարզապես գովել են գեղեցիկ լուսանկարի համար։

Հիշեցնենք, որ լուսանկարիչն ու փոփ–երգչուհին ամուսնացել էին 2014 թվականին։ Գագարինան Պյոտր Կիսլովի հետ ամուսնությունից արդեն մեկ երեխա ուներ, 2017 թվականին ծնվեց Պոլինայի ու Դմիտրիի դուստրը։ Անցած տարվա գարնանը ԶԼՄ–ները սկսեցին գրել, որ ռուսական շոու բիզնեսի ամենահայտնի զույգերից մեկը ամուսնալուծության շեմին է, սակայն նրանք չէին մեկնաբանում այդ լուրը։ Ավելի ուշ Դմիտրի Իսխակովը հաստատեց, որ իրենք առանձին են ապրում։

Պոլինա Գագարինայի նախկին ամուսինը հրապարակել է նոր ընկերուհու մերկ լուսանկարը

75
թեգերը:
Պոլինա Գագարինա, Արարատ լեռ, Հայաստան
Ըստ թեմայի
Օլգա Բուզովան ցույց է տվել Դավիթ Մանուկյանի հետ հարաբերությունների «կեղտոտ» կողմը
Դիզայներ Արտաշես Օհանյանը 4 զգեստ է ստեղծել Օլգա Բուզովայի համար
Երգչուհի Լոլիտան 6–րդ անգամ է ամուսնացել
Ինքնաթիռ

«Աերոֆլոտը» մեկ ամսով չեղարկել է Մոսկվա–Երևան չվերթերը

293
(Թարմացված է 21:22 27.01.2021)
Ավիաընկերությունը որոշել է չեղարկել միջազգային չվերթերը. պատճառը կորոնավիրուսային իրավիճակով պայմանավորված սահմանափակումներն են։

ԵՐԵՎԱՆ, 27 հունվարի - Sputnik. «Աերոֆլոտ» ավիաընկերությունը չեղարկել է միջազգային կանոնավոր չվերթերը, որոնք նախատեսված էին մարտին և ապրիլին։ Տեղեկությունը հայտնում է ՌԻԱ Նովոստին՝ հղում անելով ընկերությանը:

Ըստ հաղորդագրության` մարտի 28-ից ապրիլի 30-ը չեղյալ են հայտարարվել Մոսկվայից մի շարք քաղաքներ, այդ թվում ՝ Մոսկվա– Երևան չվերթերը։

Նշվում է, որ որոշումը կայացվել է կորոնավիրուսի պատճառով կիրառվող սահմանափակումների երկարաձգման կապակցությամբ:

Ավելի վաղ հայտնի էր դարձել, որ ԵԱՏՄ երկրների քաղաքացիները, որոնք որոշել են մեկնել Ռուսաստան, փետրվարի 1-ից մարտի 1-ը ներառյալ կարող են Հայաստանից և Բելառուսից ՌԴ հասնել օդային ճանապարհով`«Ճամփորդում եմ առանց COVID-19–ի» բջջային հավելվածի միջոցով կորոնավիրուսի թեստի բացասական արդյունքը ներկայացնելու դեպքում: Համապատասխան փոփոխությունը մտցվել է ՌԴ կառավարության` 2020 թվականի մարտի 16-ի որոշման մեջ:

Հիշեցնենք, որ Հայաստանի և Ռուսաստանի միջև ավիահաղորդակցությունը դադարեցվել էր անցյալ տարվա մարտին կորոնավիրուսի համավարակի պատճառով։

293
թեգերը:
չվերթ, Մոսկվա, Ռուսաստան, Հայաստան
Ըստ թեմայի
Վերսկսվել են Սանկտ Պետերբուրգ - Երևան - Սանկտ Պետերբուրգ երթուղով չվերթերը
Վրաստանը փետրվարի 1-ից կվերականգնի կանոնավոր ավիահաղորդակցությունը
Հայաստանի քաղաքացիների համար Ռուսաստանը բացում է օդային սահմանը, բայց կա մեկ պայման
Второй президент Республики Армения Роберт Кочарян в гостях у Sputnik Армения

«Մասնակցելու ենք և կրելու ենք». Քոչարյանը կմասնակցի արտահերթ ընտրություններին

165
(Թարմացված է 01:27 28.01.2021)
Ինչ վերաբերում է Փաշինյանի հրաժարականը պահանջող քաղաքական ուժերին, երկրորդ նախագահը շեշտեց, որ կիսում է նրանց դիրքորոշումը ՀՀ ժամանակավոր կառավարություն ստեղծելու մասին:

ԵՐԵՎԱՆ, 28 հունվարի - Sputnik. ՀՀ երկրորդ նախագահ Ռոբերտ Քոչարյանը կմասնակցի առաջիկա արտահերթ ընտրություններին՝ իր քաղաքական թիմով:
Այս մասին նա հայտարարեց այսօր հայաստանյան մի քանի կայքերին տված հարցազրույցում:

«Մասնակցելու ենք և կրելու ենք»,- ասաց Քոչարյանը՝ հավելելով, որ դրա համար ունի քաղաքական թիմ, հետևորդներ ու անհրաժեշտ գործիքակազմ:

Իսկ թե ինչու մինչև հիմա ակտիվություն չի դրսևորել ՀՀ գործող իշխանոթյան դեմ այքարում, Քոչարյանը մեկնաբանեց նրանով, որ չի ցանկացել իշխանությունների հնարավորություն տալ իր վերադարձով վախեցնել թիմակիցներին:

«Ես ինձ հեռու պահեցի այդ գործընթացներից, որ իմ գործոնը չօգտագործվի այդ 20-30 պատգամավորներին վախեցնելու համար»,- ասաց Քոչարյանը:

Ինչ վերաբերում է Փաշինյանի հրաժարականը պահանջող քաղաքական ուժերին, երկրորդ նախագահը շեշտեց, որ կիսում է նրանց դիրքորոշումը ՀՀ ժամանակավոր կառավարություն ստեղծելու ու արտահերթ ընտրություններ կազմակերպելու առումով, հատկապես, որ ժամանակավոր կառավարության ղեկավարը չի մասնակցելու ընտրություններին՝ հնարավոր չարաշահումներ թույլ չտալու համար:

Ի՞նչ մտավախություններ ունի Ռոբերտ Քոչարյանը ճանապարհների ապաշրջափակման հեռանկարից

Նշենք, որ նոյեմբերի 9–ի եռակողմ հայտարարությունից հետո Հայաստանի ընդդիմադիր կուսակցությունները պահանջում են վարչապետ Նիկոլ Փաշինյանի հրաժարականը։ Նրանք ժամանակավոր` ազգային համաձայնության կառավարության վարչապետի միասնական թեկնածու են առաջարկում Վազգեն Մանուկյանին։

Արցախում ամեն օր նոր տարածքային կորուստներ են գրանցվում. Քոչարյան

Իշխանությունը, սակայն, այդ տարբերակին համաձայն չէ։ Նրանք առաջարկում են միանգամից գնալ արտահերթ խորհրդարանական ընտրությունների։

165
թեգերը:
ընդդիմություն, Հայաստան, Ազգային ժողովի ընտրություններ, Ընտրություններ, Ռոբերտ Քոչարյան
Ըստ թեմայի
Եթե ՀՀ վարչապետը լիներ թուրքական գործակալ, կաներ այն ամենը, ինչ արվել է. Ռոբերտ Քոչարյան
Ինչու էր թշնամին խնայում Արցախի նախագահի նստավայրը. Քոչարյանն իր վարկածը ներկայացրեց
Ռուսաստանի գործընկեր ու դաշնակից երկրից Հայաստանը վերածվել է ՌԴ–ի պրոտեկտորատի. Քոչարյան