Լիլիթ Բաբասյան

Ո՞ր ժամին է պետք քնել նիհարելու համար. խորհուրդ է տալիս Լիլիթ Բաբասյանը

565
(Թարմացված է 17:39 08.01.2021)
Հայտնի սննդաբանի խոսքով` եթե ցանկանում եք նիհարել, կարևոր են ոչ միայն սպորտն ու սննդակարգը, այլև քնելը:

ԵՐԵՎԱՆ, 9 հունվարի - Sputnik. Ճանաչված սննդաբան Լիլիթ Բաբասյանը (Բասյան) Instagatm-ի իր էջում մի քանի խորհուրդ է տվել բոլոր նրանց, ովքեր ուզում են նիհարել` այդ համատեքստում ընդգծելով քնի կարևորությունը։

«Առողջ մարդու քունը պետք է լինի 6-8 ժամ: Քունը կարևոր դեր է խաղում հետևյալ հորմոնների դեպքում` սերոտոնին, մելատոնին, լեպտին և գրելին։ Այս հորմոնները պատասխանատու են քաղցի և հագեցվածության զգացողության համար։ Անքնությունը հանգեցնում է սթրեսի։ Այս դեպքում խոսքը կորտիզոլի ՝ սթրեսի հորմոնի մասին է: Քնի հետ կապված խնդիրները խթանում են կորտիզոլի արտադրությունը, որը խանգարում է ոչ միայն քաշի կորստին, այլև մկանների ավելացմանը: Այն խթանում է սպիտակուցների տարրալուծումը և բարձրացնում արյան մեջ գլյուկոզի մակարդակը»,–գրել է Բաբասյանը: ⠀

Ինչ ուտել նիհարելու համար․ դիետիկ նախաճաշի 5 բաղադրատոմս

Նրա խոսքով` եթե մարդը նիհարում է, ապա ցանկալի չէ քնել ժամը 23.00-ից ուշ, այլապես կզրկվի առավելագույն ճարպ այրող հորմոններից:

Սուրճի օգնությամբ նիհարելը վտանգավոր է. սննդաբանը բացատրում է` ինչու

«Եթե ցանկանում եք նիհարել, կարևոր են ոչ միայն սպորտը և սննդակարգը, այլև քնելը: Վատ քունն ազդում է նաև մոտիվացիայի վրա. քնի խանգարումն իրականում թուլացնում է ուղեղի ճակատային ակտիվությունը, որը պատասխանատու է որոշումներ կայացնելու և ինքնատիրապետման համար: Բացի այդ, ուսումնասիրությունները ցույց են տվել, որ քնի պակասը կարող է մեծացնել ձեր կախվածությունը կալորիական, ածխաջրերով և ճարպերով հարուստ սննդամթերքներից»,–ընդգծել է սննդաբանը:

Посмотреть эту публикацию в Instagram

Публикация от Lilit Basyan Oganesian (@lilitbasyan)

Նշենք, որ Լիլիթը շատ ակտիվ է սոցցանցերում։ Նա հաճախ է ցուցադրում իր այն հաճախորդների արդյունքները, որոնք կարճ ժամանակում ազատվում են ավելորդ քաշից։ Սննդաբանը նաև կազմակերպում է ավելորդ քաշից ազատվելու անվճար մարաթոններ, որոնց ընթացքում տալիս է հեշտ և անցնցում նիհարելու ավելի քան 14 օրվա սննդակարգ, իսկ հաղթող մասնակիցները ստանում են սննդաբանի ծառայության անվճար փաթեթներ։

Սննդաբանը նշել է այն մթերքը, որն անհրաժեշտ է բոլոր նիհարողներին

565
թեգերը:
քուն, նիհարել, Լիլիթ Բաբասյան, Հայաստան
Ըստ թեմայի
Մթերքներ, առանց որոնց անհնար է նիհարել. սննդաբանի խորհուրդները
«Զրոյական» կալորիականություն ունեցող մթերքներ. կարելի է նաև ճիշտ սնվելով նիհարել
Վայելիր ու մնա նիհար․ 3 դիետիկ քաղցրավենիք, որոնք չեն գիրացնի ձեզ
Բեռնաթափման օրեր. ինչպես մեկ օրում մաքրել օրգանիզմը և նիհարել
Պատվո պահակախումբ. 13 հունվարի, 2020

Ցանկանո՞ւմ ես ծառայել Զինված ուժերի պատվո պահակային վաշտում․ դիմելու ժամանակն է

8
(Թարմացված է 17:26 18.01.2021)
Պատվո պահակային վաշտում ծառայելու համար զորակոչիկները պետք է դիմեն առաջիկա 12 օրերի ընթացքում։

ԵՐԵՎԱՆ, 18 հունվարի – Sputnik. Ձմեռային զորակոչի շրջանակներում զորակոչիկներին ՀՀ ԶՈւ ուժերի պատվո պահակային վաշտում զինվորական ծառայության նշանակելու նպատակով իրականացվելու է ընտրություն: Տեղեկությունը հայտնում է ՀՀ պաշտպանության նախարարության մամուլի ծառայությունը։ Նշվում է, որ ընտրությունն անցկացվելու է փետրվարի 2-ին և 3-ին N զորամասի տարածքում։

«Զինված ուժերի պատվո պահակային վաշտում ծառայել ցանկացող զորակոչիկները մինչև հունվարի 30-ը կարող են դիմել ՀՀ ՊՆ զորակոչային և զորահավաքային համալրման ծառայության տարածքային ստորաբաժանումներ (զինկոմիսարիատներ)»,- նշված է հաղորդագրության մեջ։

Հավելենք, որ պատվո պահակախմբում ծառայելու համար զորակոչիկի հասակը պետք է լինի 180-ից 190 սմ, դեմքի և մարմնի երևացող այլ հատվածներում չպետք է լինեն դաջվածքներ և սպիներ, մարմնի զանգվածի ու հասակի հարաբերակցությունը պետք է կանոնավոր լինի։

Ընտրությունը կատարելիս հաշվի են առնում նաև գեղեցիկ և համաչափ դիմագծերը, առանց որևէ շտկման և գունային ճիշտ զգացողությամբ տեսողությունը, ոչ պակաս, քան 6 մետր հեռավորության վրա շշուկային խոսքն ընկալելու կարողությունը:

8
թեգերը:
զորակոչ, Զինվոր, Բանակ
Ըստ թեմայի
Նոր ստատուս քվո` նոր իրավիճակ, կամ ամփոփենք մոսկովյան բանակցությունների արդյունքները
ՀՀ բանակի համար նախատեսված համազգեստը Թուրքիայում չի կարվում
Հայաստանն ամենից վեր է, կամ ով չի ուզում կերակրել սեփական բանակին, կկերակրի օտարի բանակին
Անահետ Ավանեսյան

Անահիտ Ավանեսյանը նշանակվեց առողջապահության նախարար

63
(Թարմացված է 17:29 18.01.2021)
ՀՀ նախագահ Արմեն Սարգսյանը վարչապետի առաջարկությամբ արդեն ստորագրել է նշանակման հրամանագիրը։

ԵՐԵՎԱՆ, 18 հունվարի – Sputnik. ՀՀ նախագահ Արմեն Սարգսյանի հրամանագրով՝ Անահիտ Ավանեսյանը նշանակվեց ՀՀ առողջապահության նախարար։ Տեղեկությունը հրապարակել է նախագահի մամուլի ծառայությունը։

«Հիմք ընդունելով վարչապետի առաջարկությունը` համաձայն Սահմանադրության 131-րդ հոդվածի, ինչպես նաև «Կառավարության կառուցվածքի և գործունեության մասին» օրենքի 5-րդ հոդվածի 1-ին մասի, Անահիտ Ավանեսյանին նշանակել առողջապահության նախարար»,- նշված է հրամանագրում։

Հիշեցնենք, որ մինչ այս Անահիտ Ավանեսյանը զբաղեցնում էր առողջապահության նախարարի առաջին տեղակալի պաշտոնը։

Նա մասնագիտությամբ իրավաբան է, Երևանի պետական համալսարանում ստացել է քաղաքացիական իրավունքի մագիստրոսի կոչում, ապա Հայաստանի ամերիկյան համալսարանում՝ իրավունքի մագիստրոսի կոչում։ Փաստաբանների պալատի անդամ է։

Աշխատել է ՀՀ արտաքին գործերի նախարարության իրավաբանական վարչությունում, ապա Պետական ռեզերվների գործակալությանը իրավախորհրդատվություն է մատուցել:

Նիկոլ Փաշինյանը նոր օգնական ունի

Շուրջ 10 տարի եղել է «Դեմոկրատիան այսօր» ՀԿ-ի իրավախորհրդատուն:

2014-2015 թվականներին «Արֆարմացիա» ՓԲԸ-ում եղել է ադմինիստրատիվ գծով տնօրեն, մինչև 2016 թվականը` կազմակերպության գլխավոր տնօրեն:

2017-2018 թվականներին եղել է «Աբովյան 39» ՍՊԸ տնօրենը, միաժամանակ՝ «Արֆարմացիա» ՓԲԸ խորհրդի անդամ:

Հավելենք, որ «Արմֆարմացիա»-ն ՀՀ ամենահին դեղագործական ընկերությունն է, այն դեղեր, բժշկական և հիգիենայի պարագաներ է մատակարարում հիվանդանոցներին, պոլիկլինիկաներին, ամբուլատորիաներին, դեղերի մեծածախ և մանրածախ գործունեություն իրականացնող կազմակերպություններին:

Արսեն Թորոսյանը հրաժարվում է պաշտոնից

63
թեգերը:
ՀՀ Առողջապահության նախարարություն, Անահիտ Ավանեսյան, Նախարար
Ըստ թեմայի
Դավիթ Սանասարյանը ՊՎԾ պետի պաշտոնից ազատվելու դիմում է գրել
Թորոսյանը շարունակում է կատարել իր պարտականությունները. խոսնակը` նրա հրաժարականի մասին
Ունեմ անհամաձայնություններ. «Իմ քայլը» հիմնադրամի գործադիր տնօրենն ազատման դիմում է գրել
Շիրակի մարզպետ Տիգրան Պետրոսյանը պաշտոնից ազատման դիմում է ներկայացրել
Էդուարդ Աղաջանյան

Էդուարդ Աղաջանյանն ազատվեց պաշտոնից, նրան կփոխարինի Արսեն Թորոսյանը

52
(Թարմացված է 17:26 18.01.2021)
Նիկոլ Փաշինյանը որոշել է, որ իր աշխատակազմը պետք է ղեկավարի ՀՀ առողջապահության նախկին նախարարը։

ԵՐԵՎԱՆ, 18 հունվարի – Sputnik. Էդուարդ Աղաջանյանն ազատվել է Հայաստանի Հանրապետության վարչապետի աշխատակազմի ղեկավարի պաշտոնից։ Նիկոլ Փաշինյանը ստորագրել է որոշումը։

Փաշինյանի մեկ այլ որոշմամբ` վարչապետի աշխատակազմի ղեկավար է նշանակվել է Արսեն Թորոսյանը։

Հիշեցնենք` այսօր հայտնի դարձավ, որ ՀՀ առողջապահության նախարար Արսեն Թորոսյանը պաշտոնից ազատվելու դիմում է ներկայացրել։ Նրա փոխարեն նշանակվել է Անահիտ Ավանեսյանը։

52
թեգերը:
Արսեն Թորոսյան, Էդուարդ Աղաջանյան, Հայաստան
Ըստ թեմայի
Երևանի Կենտրոն վարչական շրջանի նախկին ղեկավարը նոր պաշտոն է ստացել
Փոխվարչապետի աշխատակազմի նախկին ղեկավարը նոր պաշտոն է ստացել
Շիրակի մարզպետ Տիգրան Պետրոսյանը պաշտոնից ազատման դիմում է ներկայացրել