Արխիվային լուսանկար

Ի՞նչ խմել առավոտյան. դիետոլոգների խորհուրդներն օրն առողջ սկսելու համար

4034
(Թարմացված է 00:44 08.01.2021)
Մասնագետները խորհուրդ են տալիս առավոտը սկսել այնպիսի ըմպելիքներով, որոնք ոչ միայն ջերմացնում են, առույգացնում, այլև օգտակար վիտամիններ, միկրոտարրեր են պարունակում, բարձրացնում օրգանիզմի դիմադրողականությունը։

Հայաստանցիների մեծ մասն առավոտը սկսում է մեկ գավաթ սուրճով։ Սա արդեն սովորույթ է, բայց հարց է, թե այն ինչքանով է օգտակար։ Ինչպե՞ս և ինչո՞վ սկսել առավոտը։ Խորհրդակցելով դիետոլոգների հետ՝ ՌԻԱ Նովոստին հոդված է պատրաստել և կազմել ձմեռային առավոտների լավագույն ըմպելիքների եռյակը։

Գլինտվեյն

Հայտնի ըմպելիքի ոչ ալկոհոլային տարբերակը պատրաստում են որևէ հյութով` սովորաբար բալի (կարմիր գինու փոխարեն) կամ էլ խաղողի (սպիտակ գինու փոխարեն)։ Հյութին ավելացնում են տարատեսակ մրգեր՝ նարինջ, կիտրոն, խնձոր, նաև համեմունքներ՝ մշկընկույզ, մեխակ, դարչին, կոճապղպեղ։

Դիետոլոգ Մարգարիտա Կորոլյովան նշում է, որ գլինտվեյն կարելի է պատրաստել ցանկացած հյութով։ Դա անհատական մոտեցում է՝ հաշվի առնելով օրգանիզմի պահանջներն ու կարիքները. չէ՞ որ յուրաքանչյուր հյութ իր օգտակար բաղադրիչներն ունի և շաքարի տարբերվող չափաքանակը։

«Ածխաջրածնի նյութափոխանակության խնդիրներ ունեցողների համար խաղողի հյութը հարմար չէ, քանի որ այն պարունակում է մեծ քանակությամբ շաքար։ Նռան հյութը հիանալի ընտրություն է. այն թույլ կտա ստանալ և՛ վիտամիններ, և՛ հանքանյութեր, և՛ հակաօքսիդանտներ, և՛ կենսաբանորեն ակտիվ բաղադրիչներ»,- նշում է բժշկուհին և հավելում, որ հյութը ոչ միայն կտաքացնի, այլև կթարմացնի։

Ի՞նչ է կատարվում օրգանիզմում, երբ միս ենք ուտում

Սակայն, ըստ դիետոլոգների, ամենագլխավորն ու օգտակարը գլինտվեյնի բաղադրության մեջ համեմունքներն են։ Դարչինը, մեխակը, կոճապղպեղը տաքացնում են, լայնացնում անոթները։ Դրանք հանգստացնում են, կարգավորում արյան ճնշումը, խթանում արյան շրջանառությունը, տաքացնում են։

«Շատերը նույն նպատակների համար ալկոհոլ են օգտագործում՝ հանգստանալու, անոթները լայնացնելու համար: Բայց դուք կարող եք հասնել նույն ազդեցությանն առողջության համար ավելի անվտանգ ձևով՝ ավելացնելով «ջերմացնող» համեմունքներ»,– նշում է դիետոլոգ Սերգեյ Օբլոժկոն։

Նրա խոսքով՝ մյուս բաղադրիչները՝ միրգ, հատապտուղ, ավելի երկրորդական դեր ունեն՝ հիմնականում համն են ավելացնում։
Ինչ վերաբերում է ալկոհոլային գլինտվեյնին, ապա կարմիր գինու մեջ պարունակվող բաղադրիչները նպաստում են օրգանիզմի դետոքսիկացմանը, նպաստում օրգանիզմում կուտակված տոքսինների՝ թունավոր նյութերի դուրսբերմանը։

Որպես կանոն, գլինտվեյնի պատրաստման համար օգտագործում են չոր գինի՝ սպիրտի ոչ բարձր պարունակությամբ (մինչև 13%)։ Թեպետ գլինտվեյնի կալորիականությունը բարձր չէ, բայց այն մեծացնում է ախորժակը, ուստի ավելորդ սնունդ ուտելու վտանգ կա:

Կակաո

Կաթ, կակաոյի փոշի և ցանկության դեպքում՝ մի քիչ շաքար. ահա կատարյալ ու ամենահամեղ կակաոյի բաղադրատոմսը։ Ու այս պարզ բաղադրությունը մեծ քանակությամբ օգտակար նյութեր և վիտամիններ է պարունակում։

«Այս ըմպելիքի բաղադրության մեջ կան վիտամիններ, միկրոտարրեր, հանքային նյութեր, շատ հակաօքսիդանտներ»,- նշում է դիետոլոգ Կորոլյովան։

Նրա խոսքով՝ կակաոն պարունակում է վիտամիններ A, E, K, ինչպես նաև B խմբի վիտամիններ, որոնք մեծ նշանակություն ունեն նյութափոխանակության համար, իմունախթանող ազդեցություն ունեն։

Բացի այդ, կակաոն պարունակում է կալցիում և ֆոսֆոր, ինչը կարևոր է մանկական օրգանիզմի համար, հատկապես` ոսկրային զարգվածի ճիշտ ձևավորման։ Իսկ կալիումն էլ օգտակար է անոթային համակարգի համար։ Բացի այս ամենից, կաթի մեջ բավական շատ ճարպեր և միկրոտարրեր են, որոնք օգտակար են երիտասարդ օրգանիզմի աճի և զարգացման համար:

Ի՞նչ է կատարվում օրգանիզմում, երբ կարմիր բողկ ենք ուտում

Կակաոն նաև ավելի քիչ կոֆեին է պարունակում, քան թեյը և սուրճը, ուստի այն կարող են խմել երեք տարեկանից սկսած երեխաները, ինչպես նաև արյան ճնշման և սրտի ռիթմի խնդիրներ ունեցող մարդիկ։

Այս հրաշք ըմպելիքը բարձրացնում է նաև օրգանիզմի տոնուսը։

«Բարձրանում է ընդհանուր աշխատունակությունը, տրամադրությունը, բարելավվում է հիշողությունը, ուշադրության կենտրոնացումը»,- նշում է դիետոլոգը։

Նա հավելում է, որ բոլոր այս դրական նկարագրությունների կողքին՝ կակաոն նաև հագեցնող է։

Բնականաբար, մասնագետները զգուշացնում են, որ այս բոլոր օգտակար հատկությունները կան միայն բնական կակաոյի փոշու մեջ։ Իսկ ոչ օրգանական ճանապարհով, անհասկանալի նյութերից ստացված կակաոն, ընդհակառակը, կարող է վնասել և առաջացնել ալերգիա:

Իսկ ինչ վերաբերում է կակաոյի «հավատարիմ ընկերոջը»՝ տաք շոկոադին, ապա դիետոլոգ Օբլոժկոն խորհուրդ է տալիս զգույշ լինել. 100 գրամը 500 կալորիա է պարունակում։

«Եթե մարդը սպորտով է զբաղվում, դահուկներով սահում է կամ ամբողջ օրը զբոսնում, ապա այս խմիչքը ուժ կտա մինչև մարզվելը, դրա ընթացքում կամ հետո: Բայց բազմոցին նստած` ավելի լավ է այն չխմել», - ասում է մասնագետը։

Չիչխանով թեյ

Ձմեռային առավոտվա «սուպեր ըմպելիքների» եռյակը եզափակում է չիչխանով թեյը։ Չիչխանի պտուղներ, տաք ջուր կամ թեյ, ցանկության դեպքում՝ համեմունքներ, և վիտամինները պատրաստ են։ Այս ըմպելիքը բարձրացնում է իմունիտետն, ինչն այդքան կարևոր է ձմռան ամիսներին։

Դիետոլոգները խորհուրդ են տալիս սառեցնել չիչխանն ու ձմռանն այն օգտագործել մրգի, բանջարեղենի վիտամինային պակասը լրացնելու համար։

«Կարևոր է չիչխանը շատ չեռացնել, այդ դեպքում այն կլինի C վիտամինի «չեմպիոն»։ Իսկ C -ն, ապացուցված է, որ նպաստում է իմունիտետին, ինչն այքան անհրաժեշտ է հիմա»,- ընդգծում է Օբլոժկոն։

Բացի այդ, չիչխանը հարուստ է վիտամին A-ով, ինչպես նաև պարունակում է բետա-կարոտին, E և K։ Այս վիտամինները հայտնի են որպես «ճարպեր հալեցնող»։

Չիչխանով թեյն այնքան համեղ կարող է լինել, որ միաժամանակ և՛ թեյ լինի, և՛ թեթև աղանդեր։

Ի՞նչ է կատարվում օրգանիզմում, երբ նուռ ենք ուտում

4034
թեգերը:
սուրճ, Վիտամին C, Վիտամին D, դիետա, շոկոլադ
Ըստ թեմայի
Ի՞նչ է կատարվում օրգանիզմում, երբ սմբուկ ենք ուտում
Ի՞նչ է կատարվում օրգանիզմում, երբ կոճապղպեղ ենք կիրառում․ հայտնի մթերքի օգուտն ու վնասը
Ի՞նչ է կատարվում օրգանիզմում, երբ «շպանկա» ենք ուտում
Ի՞նչ է կատարվում օրգանիզմում, երբ մոռ եք ուտում
Արխիվային լուսանկար

Ջերմաստիճանն աստիճանաբար կնվազի 12-15 աստիճանով. եղանակի տեսություն

31
(Թարմացված է 22:34 16.01.2021)
Օդերևութաբանների կանխատեսումներով` առաջիկա օրերին ամենուրեք սպասվում են տեղումներ, օդի ջերմաստիճանն էլ կնվազի 12-15 աստիճանով։

ԵՐԵՎԱՆ, 17 հունվարի - Sputnik. Այսօր հանրապետության ամբողջ տարածքում, այդ թվում՝ մայրաքաղաք Երևանում սպասվում է առանց տեղումների եղանակ։ Տեղեկությունը հայտնում են ՀՀ ԱԻՆ «Հիդրոմետ» ծառայությունից։

Հունվարի 18-19-ը, 20-ի գիշերն ամենուրեք սպասվում են տեղումներ, լեռնային գոտում ձյան, նախալեռնային և հովտային գոտում թաց ձյան և ձնախառն անձրևի, իսկ 19-ին՝ ամենուրեք ձյան տեսքով: Հունվարի 21-ի ցերեկը սպասվում է արդեն առանց տեղումների եղանակ։

Եղանակի կանխատեսում
Եղանակի կանխատեսում

Քամին հարավային է՝ 5-8 մ /վ, առանձին վայրերում սպասվում է քամու ուժգնացում՝ 18-23 մ/վ:

Առաջիկա օրերին սպասվում է նաև ցուրտ եղանակ։ Ըստ օդերևութաբանների՝ հունվարի 19-21-ն օդի ջերմաստիճանն աստիճանաբար կնվազի 12-15 աստիճանով։

Երևանում առանց տեղումների եղանակ է սպասվում հունվարի 20-ի ցերեկը, 21-ին: Իսկ հունվարի 18-19-ը, 20-ի գիշերը ժամանակ առ ժամանակ սպասվում են տեղումներ, 19-ին՝ ձյան տեսքով։

Ծրագրեր են սկսվել Արցախի վերահսկողությունից դուրս մնացած համայնքների բնակիչների համար

Մայրաքաղաքում հունվարի 17-ի ցերեկը սպասվում է +7...+9, երեկոյան՝ +3... +5 աստիճան ջերմություն։

31
թեգերը:
Երևան, եղանակ, Արցախ, Հայաստան
թեմա:
Եղանակը Հայաստանում
Ըստ թեմայի
Կորոնավիրուսը տարածվում է. Արցախի մի քանի համայնքներում ելումուտը սահմանափակվում է
Հավատարիմ մնալով սեփական ժողովրդին, կամ թե ինչ կնկարեր Այվազովսկին հայկական գինու շշի վրա
Ռուսաստանում կսկսվի COVID-19-ի դեմ զանգվածային պատվաստումը
ԱԱԾ շենք

Ակնհայտ սուտ է. ԱԱԾ-ն հերքում է Միքայել Մինասյանի մեղադրանքներն Արարատ Միրզոյանի հասցեին

312
(Թարմացված է 00:09 17.01.2021)
ԱԱԾ-ն զգուշացնում է, որ քրեադատավարական կառուցակարգեր են գործադրվելու Մինասյանի հրապարակման հիման վրա։

ԵՐԵՎԱՆ, 17 հունվարի - Sputnik. Հայաստանի Ազգային անվտանգության ծառայությունն արձագանքել է ՀՀ նախկին դեսպան Միքայել Մինասյանի մեղադրանքներին՝ ուղղված ԱԺ նախագահ Արարատ Միրզոյանի հասցեին։

ԱԱԾ-ն հերքում է Մինասյանի մեղադրանքներն ու ընդգծում, որ նրա «Արարատ Միրզոյանի՝ հատուկ ծառայությունների գործակալ լինելուն և տարածված այլ փաստաթղթերին վերաբերող տեղեկատվությունն ակնհայտ սուտ է ու իրականության հետ որևէ աղերս չունի»։

«ՀՀ ազգային անվտանգության ծառայությունն ինչպես տվյալ անձին, այնպես էլ համանման անթույլատրելի գործելաոճ կիրառող բոլոր անհատներին ու կազմակերպություններին կոչ է անում բացառել հանրությանն ապատեղեկատվություն հրամցնելու կամ մոլորության մեջ գցելու վարքագիծը, իսկ մեր հայրենակիցներին հորդորում՝ այս պարագայում ևս տուրք չտալ մտացածին և ստահոդ նմանօրինակ հրապարակումներին ու ապավինել Հայաստանի Հանրապետության պատկան մարմինների կողմից տրամադրվող պաշտոնական տեղեկությունների բովանդակությանը»,- նշված է հաղորդագրության մեջ։

ՀՀ ազգային անվտանգության ծառայությունը զգուշացնում է Միքայել Մինասյանին. օրենքով նախատեսված թույլատրելի գործիքակազմի կիրառմամբ գործադրվելու են քրեադատավարական կառուցակարգեր։ ԱԱԾ-ն նաև հորդորում է ցուցաբերել բացառապես իրավահպատակ վարքագիծ:

312
թեգերը:
ՀՀ ազգային անվտանգության ծառայություն. ԱԱԾ, Արարատ Միրզոյան, Միքայել Մինասյան
Ըստ թեմայի
Փաշինյանը 1.5 տարի առաջ Արցախի նախագահին պատմել է Արցախի հետ կատարվելիքի մասին. Մինասյան
Սուրեն Պապիկյանը Միքայել Մինասյանի «սուտ մատնության» հարցով դիմելու է դատախազություն
«Արարատ Միրզոյանը Թուրքիայի հատուկ ծառայությունների գործակալ է». Միքայել Մինասյան
Грузовые автомобили на обочине Военно-Грузинской дороги

ՀՀ տարածքում փակ ճանապարհներ կան. Ստեփանծմինդա-Լարս ավտոճանապարհը նույնպես փակ է

0
ԱԻՆ–ը վարորդներին խորհուրդ է տալիս երթևեկել բացառապես ձմեռային անվադողերով։ Որոշ հատվածներում ճանապարհները սառույցով են պատվել։

ԵՐԵՎԱՆ, 17 հունվարի – Sputnik. ՀՀ արտակարգ իրավիճակների նախարարությունը տեղեկացնում է, որ ՀՀ տարածքում կան փակ ավտոճանապարհներ։

Արագածոտնի մարզում «Ամբերդ» բարձր լեռնային օդերևութաբանական կայանից դեպի Ամբերդ ամրոց և դեպի Քարի լիճ տանող ավտոճանապարհները փակ են։

Վարդենյաց լեռնանցքը Գեղարքունիքի մարզի կողմից դժվարանցանելի է։ 

Արագածոտնի մարզի Ապարան քաղաքում տեղ-տեղ առկա է մերկասառույց։

 

Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսեթիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը ձնահյուսի վտանգի պատճառով փակ է բոլոր տիպի տրանսպորտային միջոցների համար, ինչպես նաև ռուսական կողմում կա կուտակված 340 բեռնատար ավտոմեքենա:

ՀՀ ԱԳՆ-ից ստացված տեղեկատվության համաձայն՝ օտարերկրացիների՝ Վրաստան մուտքն արգելող որոշումը շարունակում է ուժի մեջ մնալ։ Արգելքը չի վերաբերում բեռնափոխադրումներին:

 

0