Արսեն Վարդանյանն աշխատանքի պահին

«Արի պոնչո էնեմ». «Գյումրիկը» ժպիտներ է պարգևում

514
(Թարմացված է 16:44 07.01.2021)
Մարդուկները տարբեր են թե՛ բնավորությամբ, թե՛ արտաքինով. միայն մեկ ընդհանուր բան ունեն՝ բարի են ու բոլորին ժպիտ են պարգևում։

Արսեն Վարդանյանը, որ ավելի շատ հայտնի է որպես Շիրակի Բազե, Արցախ կամավոր էր մեկնել, վերադառնալուց հետո որոշել էր՝ պատերազմի ցավը մոռանալու համար պետք է աշխատել, մի բան ստեղծել, որ Գյումրի եկած հյուրը ցանկանա քաղաքից մի պատառ իր հետ տանել:

Детская игрушка Гюмрик (5 января 2021). Гюмри
© Sputnik / Armenuhi Mkhoyan
«Գյումրիկ»-ներ

Ընկերների հետ ստեղծած հոլին՝ «Գյումրվա ֆռիկին», «Տեյմորտակին» արդեն այլընտրանք կա՝ «Գյումրիկը»: Գաղափարն Արցախից է իր հետ բերել ու խնդրել Սյուզաննա Իգիթյանին փայտե կտորներով մարդուկին կենդանություն տալ, բայց այնպես, որ «մարդկանց սրտով լինի»:

Պատերազմի ու ստացած վերքերի մասին խոսել չի սիրում, ասում է. «Վերքերը կլավանան, բայց սրտի ցավն ավելի դժվար է բուժվում: Պատերազմից հետո ինձ ապրեցնողը հենց «Գյումրիկն» է»,- ծիծաղում է Արսենը: «Մարդիկ հիմա նոր իմաստի ու նոր սկզբի կարիքն ունեն, պետք կրկին սովորենք ոտքի կանգնել»,-ասում է Արսենը:

Со-автор детской игрушки Гюмрик Сюзанна Игитян
© Photo : provided by Syuzanna Igityan
Սյուզաննա Իգիթյան

Զենքը փոխարինելով փայտամշակման գործիքներով, սկսել է փայտե մարդուկներ պատրաստել, որոնց կենդանություն է տալիս Սյուզաննայի վրձինը: «Ամեն անգամ, դեմքը նկարելուց առաջ, մտածում եմ՝ այնպես անել, որ մարդիկ ասեն՝ վա՜խ, ինչ լավն է… կուզեմ իմը լինի: Ինչպես Գյումրին, այնպես էլ «Գյումրիկին» չսիրել չի լինի»,-ասում է Սյուզաննան՝ ավելացնելով, որ ամենաերկարը «մտածելու ժամանակ» հենց առաջին մարդուկը տվեց, դրանից հետո ամեն մարդուկ ասես ինքն է պարտադրում իր բնավորությունը, իսկ «խոսելու» համար երբեմն օգնության են հասնում նաև նրանք, ովքեր պատրաստ են այդ մարդուկը գնել:

«Ֆռիկի պես դեռ շատ չի ճամփորդել, միայն Հայաստանի մեջ, բայց հուսով ենք համավարակի ավարտից հետո «Գյումրիկն» էլ ամբողջ աշխարհով կշրջագայի»,-ասում է Արսենը:

Детская игрушка Гюмрик (5 января 2021). Гюмри
© Sputnik / Armenuhi Mkhoyan
«Արի պոնչո էնեմ». «Գյումրիկը» ժպիտներ է պարգևում

«Արի պոնչը էնեմ», «Դու անփոխարինելի ես» ու նմանատիպ այլ գրություններով մարդուկները տարբեր են թե՛ բնավորությամբ, թե՛ արտաքինով. միայն մեկ ընդհանուր բան ունեն՝ բարի են ու բոլորին ժպիտ են պարգևում:

Տրամադրություն ու բարություն փոխանցող մարդուկին ոչ միայն տանը կամ մեքենայի մեջ ունենալ, այլ նաև հարազատին ու սիրելիին նվիրել արդեն շատերն են ցանկանում:

514
թեգերը:
խաղալիք, Գյումրի
Ըստ թեմայի
Վերևներից ասել են՝ ադրբեջանցիների հետ ինքներդ բանակցենք. շրջափակումից դուրս եկած կամավոր
1989-ին Նոր տարի չնշվեց, էրեխեքը նվեր չուզեցին. նրանց մաղթանքը պատերազմ տեսածներին
Առանց Ձմեռ պապի ու տոնածառի. արցախցի շատ փոքիկներ այս տարի զրկված են Ամանորից
Գագրինան ու Իսխակովը

Գագարինայի նախկին ամուսինը հիշել է իր հայկական արմատներն ու հրապարակել Արարատի լուսանկարը

28
(Թարմացված է 00:26 28.01.2021)
Դմիտրի Իսխակովը պատմել է իր երազանքի, Հայաստան կատարած առաջին այցի ու թբիլիսահայ մոր մասին։

ԵՐԵՎԱՆ, 27 հունվարի – Sputnik. Երգչուհի Պոլինա Գագարինայի նախկին ամուսինը` հայտնի դիզայներ, լուսանկարիչ Դմիտրի Իսխակովը հիշել է իր հայկական արմատներն ու Instagram–ում հրապարակել Արարատ լեռան լուսանկարը։

«Մորս ազգանունը Սիմոնյան է, ծնվել ու մեծացել է Թբիլիսիում։ Իմ երակներով հայի արյուն է հոսում։ Երբ առաջին անգամ եղա այնտեղ, այնպիսի զգացողություն էր, որ ամեն բան շատ հարազատ է, ջերմ, սրտանց», – գրել է նա։

Իսխակովը խոստովանել է, որ առանձնահատուկ քնքշանքով է հիշում հայաստանյան ուղևորությունը։ Նա գրել է, որ վաղուց երազում է հայտնի հայերի լուսանկարների շարք անել, բայց նրանից շատերն արդեն ողջ չեն։

Посмотреть эту публикацию в Instagram

Публикация от Дмитрий Исхаков (@isxakov)

Օգտատերերից ոմանք ենթադրել են, որ նա հիմա Հայաստանում է, մյուսներն էլ պարզապես գովել են գեղեցիկ լուսանկարի համար։

Հիշեցնենք, որ լուսանկարիչն ու փոփ–երգչուհին ամուսնացել էին 2014 թվականին։ Գագարինան Պյոտր Կիսլովի հետ ամուսնությունից արդեն մեկ երեխա ուներ, 2017 թվականին ծնվեց Պոլինայի ու Դմիտրիի դուստրը։ Անցած տարվա գարնանը ԶԼՄ–ները սկսեցին գրել, որ ռուսական շոու բիզնեսի ամենահայտնի զույգերից մեկը ամուսնալուծության շեմին է, սակայն նրանք չէին մեկնաբանում այդ լուրը։ Ավելի ուշ Դմիտրի Իսխակովը հաստատեց, որ իրենք առանձին են ապրում։

Պոլինա Գագարինայի նախկին ամուսինը հրապարակել է նոր ընկերուհու մերկ լուսանկարը

28
թեգերը:
Պոլինա Գագարինա, Արարատ լեռ, Հայաստան
Ըստ թեմայի
Օլգա Բուզովան ցույց է տվել Դավիթ Մանուկյանի հետ հարաբերությունների «կեղտոտ» կողմը
Դիզայներ Արտաշես Օհանյանը 4 զգեստ է ստեղծել Օլգա Բուզովայի համար
Երգչուհի Լոլիտան 6–րդ անգամ է ամուսնացել
Ինքնաթիռ

«Աերոֆլոտը» մեկ ամսով չեղարկել է Մոսկվա–Երևան չվերթերը

250
(Թարմացված է 21:22 27.01.2021)
Ավիաընկերությունը որոշել է չեղարկել միջազգային չվերթերը. պատճառը կորոնավիրուսային իրավիճակով պայմանավորված սահմանափակումներն են։

ԵՐԵՎԱՆ, 27 հունվարի - Sputnik. «Աերոֆլոտ» ավիաընկերությունը չեղարկել է միջազգային կանոնավոր չվերթերը, որոնք նախատեսված էին մարտին և ապրիլին։ Տեղեկությունը հայտնում է ՌԻԱ Նովոստին՝ հղում անելով ընկերությանը:

Ըստ հաղորդագրության` մարտի 28-ից ապրիլի 30-ը չեղյալ են հայտարարվել Մոսկվայից մի շարք քաղաքներ, այդ թվում ՝ Մոսկվա– Երևան չվերթերը։

Նշվում է, որ որոշումը կայացվել է կորոնավիրուսի պատճառով կիրառվող սահմանափակումների երկարաձգման կապակցությամբ:

Ավելի վաղ հայտնի էր դարձել, որ ԵԱՏՄ երկրների քաղաքացիները, որոնք որոշել են մեկնել Ռուսաստան, փետրվարի 1-ից մարտի 1-ը ներառյալ կարող են Հայաստանից և Բելառուսից ՌԴ հասնել օդային ճանապարհով`«Ճամփորդում եմ առանց COVID-19–ի» բջջային հավելվածի միջոցով կորոնավիրուսի թեստի բացասական արդյունքը ներկայացնելու դեպքում: Համապատասխան փոփոխությունը մտցվել է ՌԴ կառավարության` 2020 թվականի մարտի 16-ի որոշման մեջ:

Հիշեցնենք, որ Հայաստանի և Ռուսաստանի միջև ավիահաղորդակցությունը դադարեցվել էր անցյալ տարվա մարտին կորոնավիրուսի համավարակի պատճառով։

250
թեգերը:
չվերթ, Մոսկվա, Ռուսաստան, Հայաստան
Ըստ թեմայի
Վերսկսվել են Սանկտ Պետերբուրգ - Երևան - Սանկտ Պետերբուրգ երթուղով չվերթերը
Վրաստանը փետրվարի 1-ից կվերականգնի կանոնավոր ավիահաղորդակցությունը
Հայաստանի քաղաքացիների համար Ռուսաստանը բացում է օդային սահմանը, բայց կա մեկ պայման
Второй президент Республики Армения Роберт Кочарян в гостях у Sputnik Армения

«Մասնակցելու ենք և կրելու ենք». Քոչարյանը կմասնակցի արտահերթ ընտրություններին

41
(Թարմացված է 01:27 28.01.2021)
Ինչ վերաբերում է Փաշինյանի հրաժարականը պահանջող քաղաքական ուժերին, երկրորդ նախագահը շեշտեց, որ կիսում է նրանց դիրքորոշումը ՀՀ ժամանակավոր կառավարություն ստեղծելու մասին:

ԵՐԵՎԱՆ, 28 հունվարի - Sputnik. ՀՀ երկրորդ նախագահ Ռոբերտ Քոչարյանը կմասնակցի առաջիկա արտահերթ ընտրություններին՝ իր քաղաքական թիմով:
Այս մասին նա հայտարարեց այսօր հայաստանյան մի քանի կայքերին տված հարցազրույցում:

«Մասնակցելու ենք և կրելու ենք»,- ասաց Քոչարյանը՝ հավելելով, որ դրա համար ունի քաղաքական թիմ, հետևորդներ ու անհրաժեշտ գործիքակազմ:

Իսկ թե ինչու մինչև հիմա ակտիվություն չի դրսևորել ՀՀ գործող իշխանոթյան դեմ այքարում, Քոչարյանը մեկնաբանեց նրանով, որ չի ցանկացել իշխանությունների հնարավորություն տալ իր վերադարձով վախեցնել թիմակիցներին:

«Ես ինձ հեռու պահեցի այդ գործընթացներից, որ իմ գործոնը չօգտագործվի այդ 20-30 պատգամավորներին վախեցնելու համար»,- ասաց Քոչարյանը:

Ինչ վերաբերում է Փաշինյանի հրաժարականը պահանջող քաղաքական ուժերին, երկրորդ նախագահը շեշտեց, որ կիսում է նրանց դիրքորոշումը ՀՀ ժամանակավոր կառավարություն ստեղծելու ու արտահերթ ընտրություններ կազմակերպելու առումով, հատկապես, որ ժամանակավոր կառավարության ղեկավարը չի մասնակցելու ընտրություններին՝ հնարավոր չարաշահումներ թույլ չտալու համար:

Ի՞նչ մտավախություններ ունի Ռոբերտ Քոչարյանը ճանապարհների ապաշրջափակման հեռանկարից

Նշենք, որ նոյեմբերի 9–ի եռակողմ հայտարարությունից հետո Հայաստանի ընդդիմադիր կուսակցությունները պահանջում են վարչապետ Նիկոլ Փաշինյանի հրաժարականը։ Նրանք ժամանակավոր` ազգային համաձայնության կառավարության վարչապետի միասնական թեկնածու են առաջարկում Վազգեն Մանուկյանին։

Արցախում ամեն օր նոր տարածքային կորուստներ են գրանցվում. Քոչարյան

Իշխանությունը, սակայն, այդ տարբերակին համաձայն չէ։ Նրանք առաջարկում են միանգամից գնալ արտահերթ խորհրդարանական ընտրությունների։

41
թեգերը:
ընդդիմություն, Հայաստան, Ազգային ժողովի ընտրություններ, Ընտրություններ, Ռոբերտ Քոչարյան
Ըստ թեմայի
Եթե ՀՀ վարչապետը լիներ թուրքական գործակալ, կաներ այն ամենը, ինչ արվել է. Ռոբերտ Քոչարյան
Ինչու էր թշնամին խնայում Արցախի նախագահի նստավայրը. Քոչարյանն իր վարկածը ներկայացրեց
Ռուսաստանի գործընկեր ու դաշնակից երկրից Հայաստանը վերածվել է ՌԴ–ի պրոտեկտորատի. Քոչարյան