Արխիվային լուսանկար

«Փոս են փորել, թաղել ու տեղը չեն ասում». ծնողները պահանջում են իշխանության պատասխանը

3623
(Թարմացված է 14:57 08.01.2021)
Բողոքի ակցիայի մասնակիցները հանդիպում են պահանջում ՀՀ վարչապետ Նիկոլ Փաշինյանի հետ՝ իրենց բարձրացրած հարցերի պատասխաններն ստանալու համար:

ԵՐԵՎԱՆ, 5 հունվարի – Sputnik. Բաքվի բերդում շուրջ 800 հայ գերի է պահվում: Այս մասին այսօր Հանրապետության հրապարակում` ՀՀ կառավարության շենքի դիմաց իրականացվող բողոքի ակցիայի ժամանակ հայտարարեց անհետ կորած զինծառայողներից մեկի ծնողը:

Նրա խոսքով` իրենք հանդիպել են Հայաստան վերադարձած բոլոր գերիների հետ՝ նրանցից իրենց որիդիների մասին տեղեկություններ իմանալու հույսով:

«3 հարկ է եղել, 2 կորպուս, ամեն խցում՝ 6 հոգի: Բացի այդ, երեխեքին աչքերը փակած տարել են, արյան անալիզ են վերցրել: Երեխեքը տեսել են, որ թղթի վրա համարակալված է: Իրենց տեսածով որ հաշվում ենք, գալիս, 800-ն անցնում է»,- ասաց ակցիայի մասնակից Ռոման Գևորգյանը:

Իրենց տեղեկություններով` Ջաբրայիլի տարածքում հարյուրավոր զոհեր ու գերեվարվածներ են եղել: Բայց տղամարդը հայտնեց, որ անձամբ է մասնակցել որոնողական աշխատանքներին ու դիակներ չեն հայտնաբերվել:

«Թուրքի ասածից մենք հասկացանք, որ ողջ մնացածներին գերի են տարել, մահացածներին էլ ուղղակի փոս են փորել, թաղել ու տեղը չեն ասում: Մենք ուզում ենք` տեղն իմանանք, գնանք, մեր երեխեքին հանենք, բերենք»,- ասաց ծնողներից մեկը:

Ծնողները պահանջում են, որ ՀՀ իշխանությունները ՌԴ նախագահի միջնորդությամբ Ադրբեջանի իշխանությւնների հետ ճշտեն, թե իրականում քանի հայ զինվոր կա Բաքվում ու բանակցեն նրանց վերադարձնելու համար:

Բողոքի ակցիայի մասնակիցները հանդիպում են պահանջում ՀՀ վարչապետ Նիկոլ Փաշինյանի հետ՝ իրենց բարձրացրած հարցերի պատասխաններն ստանալու համար:

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։ Նոյեմբերի 9-ին ՀՀ վարչապետ Նիկոլ Փաշինյանի, ՌԴ նախագահ Վլադիմիր Պուտինի ու Ադրբեջանի նախագահ Իլհամ Ալիևի միջև ստորագրված հայտարարության համաձայն` ռազմական գործողությունները դադարեցվեցին։

Անհետ կորածների, գերիների ու վիրավորների թվի մասին պաշտոնական տվյալներ չկան։

Ինչո՞ւ են ադրբեջանցիներն ուրախացել․ ռուսական խաղաղապահների հրամանատարի կենսագրությունը

3623
թեգերը:
Բողոքի ակցիա, ծնող, անհետ կորած, գերի
Ըստ թեմայի
Ակնկալում ենք կոնկրետ պատասխաններ. անհետ կորած զինվորների ծնողներին կընդունի վարչապետը
6 ընկերներով էինք, ինչ էլ լիներ` պիտի միասին փրկվեինք. 70 օր անհետ կորածների պատմությունը
Անհնազանդության ակցիաներ. անհետ կորածների ու գերիների ծնողները փակում են Երևանի փողոցները
Օրացույց

Ամանորյա տոնական օրերը կկրճատվե՞ն. էկոնոմիկայի նախարարությունը նախագիծ է ներկայացրել

61
(Թարմացված է 16:31 21.01.2021)
Ներկայումս ՀՀ քաղաքացուն տրամադրվող վճարվող ոչ աշխատանքային օրերի թիվը գերազանցում է շատ զարգացած և առավել ևս զարգացող երկրներում առկա վճարվող ոչ աշխատանքային օրերի թվին։

ԵՐԵՎԱՆ, 21 հունվարի — Sputnik. ՀՀ էկոնոմիկայի նախարարությունը «Հայաuտանի Հանրապետության տոների և հիշատակի oրերի մաuին» օրենքում փոփոխություններ կատարելու մասին նախագիծ է ներկայացրել քննարկման։

Այն հրապարակվել է իրավական ակտերի նախագծերի հրապարակման միասնական կայքում։

Դրանով առաջարկվում է դեկտեմբերի 31-ը, հունվարի 3-ը, 4-ը, 5-ը և 7-ը սահմանել աշխատանքային օրեր:

«Համաձայն Աշխատանքային օրենսգրքի 159-րդ հոդվածի 1-ին մասի՝ ամենամյա նվազագույն արձակուրդի տևողությունը հնգօրյա աշխատանքային շաբաթվա դեպքում 20 աշխատանքային օր է, իսկ վեցօրյա աշխատանքային շաբաթվա դեպքում՝ 24 աշխատանքային օր։

Ներկայումս ՀՀ քաղաքացուն տրամադրվող վճարվող ոչ աշխատանքային օրերի թիվը գերազանցում է շատ զարգացած և առավել ևս զարգացող երկրներում առկա վճարվող ոչ աշխատանքային օրերի թվին»,–ասված է նախագծում։

Մասնավորեցվում է, որ տոն և հանգստյան օրերը, պայմանավորված ոչ աշխատանքային լինելու հանգամանքով, իրենց ազդեցություն են թողնում ինչպես համախառն ներքին արդյունքի, այնպես էլ տնտեսության հիմնական ոլորտների արտադրանքի (ծառայությունների) թողարկման ծավալների վրա, արտաքին տնտեսական գործունեության (արտահանման և ներմուծման ծավալներ) իրականացման վրա, ինչպես նաև տեղական և օտարերկյա գործընկեր կազմակերպությունների հետ պայմանագրային հարաբերությունների իրականացման վրա։

«Նշվում է նաև, թե տնտեսության հիմնական ճյուղերի (արդյունաբերություն, գյուղատնտեսություն, շինարարություն, առևտուր և ծառայություններ) 2015-2020թթ․ հունվար ամսվա և համախառն ներքին արդյունքի 2015-2019թ․թ․ 1-ին եռամսյակի տվյալների հիման վրա հաշվարկվել է նշված ցուցանիշների միջին օրական թողարկման ծավալը, որի հիման վրա հաշվարկվել է լրացուցիչ 5 աշխատանքային օրերի գնահատվող թողարկման ծավալները»,–հիմնավորվում է նախագիծը։

Պատերազմից հետո բոլոր օրերն էլ նույնն են. քաղաքացիները` Ամանորի ու Հին նոր տարվա մասին

Այսպիսով՝ առաջարկվում է հունվարի 1-ը, 2-ը և 6-ը համարել ոչ աշխատանքային օրեր, հունվարի 1-ին ու 2-ին նշել Ամանորը, 6-ին՝ Սուրբ Ծնունդը, իսկ դեկտեմբերի 31-ը, հունվարի 3-ը, 4-ը, 5-ը և 7-ը սահմանել աշխատանքային օրեր։

Հիշեցնենք, որ ՀՀ նախկին վարչապետ Կարեն Կարապետյանը դեռևս 2017 թ–ին առաջարկում էր կրճատել ամանորյա ոչ աշխատանքային օրերը։ Նախատեսվում էր 2018թ.–ից տոնական ոչ աշխատանքային օրերի ցանկից հանել հունվարի 3-ը, 4-ն ու 5-ը։

Այսինքն` ոչ աշխատանքային պիտի լինեին միայն դեկտեմբերի 31-ից հունվարի 2-ը և հունվարի 6-ը։

61
թեգերը:
Հայաստան, Արձակուրդ, տոն, Ամանոր
Տ․ Պարգև արքեպիսկոպոս Մարտիրոսյան, 6 հունվարի, 2021

Պարգև սրբազանն ազատվել է Արցախի թեմի առաջնորդի պաշտոնից

248
(Թարմացված է 15:52 21.01.2021)
Տ․ Պարգև արքեպիսկոպոս Մարտիրոսյանը նշանակվել է հատուկ հանձնարարություններով Հայրապետական նվիրակ։

ԵՐԵՎԱՆ, 21 հունվարի - Sputnik. Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի՝ hունվարի 21-ի հայրապետական տնօրինությամբ Գերաշնորհ Տ․ Պարգև արքեպիսկոպոս Մարտիրոսյանը նշանակվել է հատուկ հանձնարարություններով Հայրապետական նվիրակ՝ ազատվելով Արցախի թեմի առաջնորդի պաշտոնից։

Տեղեկությունը հայտնում են Մայր աթոռի տեղեկատվական համակարգից։

Հիշեցնենք, որ Պարգև սրբազանը 2020-ի նոյեմբերին սրտի կաթված էր ստացել, մեկնել էր ԱՄՆ՝ վիրահատության։ Հայաստան էր վերադարձել դեկտեմբերին։ 

Նա Հայ Առաքելական եկեղեցու Արցախի թեմի առաջնորդ էր նշանակվել 1989-ի մարտին։

Արցախի թեմը նոր առաջնորդ ունի

248
թեգերը:
Եկեղեցի, ազատում, Պարգև սրբազան (Արցախի թեմի առաջնորդ)
Ըստ թեմայի
Պարգև սրբազանն ԱՄՆ-ում վիրահատվել է
ԱՄՆ-ում վիրահատվելուց հետո Պարգև սրբազանը հանդիպել է հյուպատոսի հետ․ լուսանկար
Պարգև սրբազանը ռուս խաղաղապահների հրամանատարության հետ այցելել է Ամարասի վանք

Ո՞ր խնդիրն է կարևոր ու առաջնային քաղաքացիների համար. հարցախույզ Երևանում

0
Sputnik Արմենիայի անցկացրած հարցման մասնակիցների մեծ մասի համար կարևորը խաղաղությունն է, բայց ոմանք բողոքում են նաև թոշակից, մեկն էլ` գողերի առկայությունից։

Երևանում անցկացրած հարցման մասնակիցները կարծում են, որ մեր երկրի գերխնդիրն այս պահին խաղաղությունն է։

«Երկրորդ խնդիրը երևի առողջությունն է»,– ասաց մի կին։

Շատերը համամիտ էին նրա հետ, բայց հարցման մասնակից տղամարդկանցից մեկը բողոքեց իր ապրուստից, մեկը ուրիշն էլ նշեց, որ ինքը Վանաձորից է, որտեղ շատ են հանցագործությունները։

Ինչպե՞ս էիք պատկերացնում արցախյան հարցի լուծումը. հարցախույզ Երևանում

Որպեսզի իմանաք, թե մարդիկ որ խնդիրներն են կարևոր ու առաջնային համարում այս պահին, դիտեք Sputnik Արմենիայի տեսանյութը։

Եղած տեղից հազիվ ենք հասցնում, որտեղի՞ց փող խնայենք. հարցախույզ Երևանում

0
թեգերը:
Հարցում, Երևան, Հայաստան
Ըստ թեմայի
Հայաստանում ովքեր ու երբ առաջնահերթ կպատվաստվեն կորոնավիրուսի դեմ. ԱՆ-ն տեղեկացնում է
Օդային տագնապ, բնակչության պատսպարման կազմակերպում. Նոր կյանքում «արտակարգ» իրավիճակ  է
Զինհաշմանդամների համար IT ոլորտում անվճար դասընթացներ կիրականացվեն