Անհետ կորածների ծնողները հանդիպում են պահանջում Փաշինյանի հետ

«Էդ երեխաներին բերել են Հայաստան, ու հիմա նրանք ոչ մի տեղ չկան». անհետ կորածների ծնողներ

1612
(Թարմացված է 15:26 05.01.2021)
Զինծառայողների ծնողները հայտարարում են, որ իրենց երեխաները կորել են Հայաստանի բուժհիմնարկներից:

ԵՐԵՎԱՆ, 5 հունվարի – Sputnik. Անհետ կորած զինծառայողների ծնողները սպասում են առողջապահության նախարարի պատասխանին ու հանդիպում պահանջում ՀՀ վարչապետ Նիկոլ Փաշինյանի հետ:

Այս պահանջով նրանք այս պահին բողոքի ակցիա են իրականացնում Հանրապետության հրապարակում` ՀՀ կառավարության շենքի դիմաց:

«Մեր պահանջը հետևյալն է. առողջապահության նախարարը պետք է գա ու պատասխան տա, թե ինչպես է ստացվել, որ ծնողներին ցույց են տվել տեսանյութ, որտեղ նրանց երեխաները գտնվում են վերակենդանացման բաժանմունքում, իսկ հիմա նրանք չկան: Էդ երեխաներին բերել են Հայաստան ու հիմա այդ երեխաները չկան: Ոչ մի հիվանդանոցում չկան»,- ասաց ակցիային մասնակցող ծնողներից մեկը:

Նա նաև հայտնեց, որ արդեն մեկ շաբաթ է, ինչ իրենք փնտրում են իրենց երեխաներին ՀՀ բուժհաստատություններում: Նրա խոսքով` այսօր որոնումներին, վարչապետ Փաշինյանի հրահանգով միացել են նաև ԱԱԾ աշխատակիցները:

«Այս երեխային Գորիսում են նկարել: Նույնիսկ նկարողին են գտել: Բայց էդ երեխեն չկա»,- ասաց նա` հեռախոսով ցույց տալով բուժհահստատությունում արված զինվորներից մեկի լուսանկարը:

Ծնողները հանդիպում են պահանջում ՀՀ վարչապետ Նիկոլ Փաշինյանի հետ: Ակցիայի մասնակիցները հիշեցնում են, որ Փաշինյանը դեռ դեկտեմբերի 29-ին է հրահանգել գտնել երեխաներին: Բայց մեկ շաբաթ անց ոչինչ չի արվել:

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։ Նոյեմբերի 9-ին ՀՀ վարչապետ Նիկոլ Փաշինյանի, ՌԴ նախագահ Վլադիմիր Պուտինի ու Ադրբեջանի նախագահ Իլհամ Ալիևի միջև ստորագրված հայտարարության համաձայն` ռազմական գործողությունները դադարեցվեցին։ 

Անհետ կորածների, գերիների ու վիրավորների թվի մասին պաշտոնական տվյալներ չկան։

Ինչո՞ւ են ադրբեջանցիներն ուրախացել․ ռուսական խաղաղապահների հրամանատարի կենսագրությունը

1612
թեգերը:
Պատերազմ, Արցախ, կառավարություն, Բողոքի ակցիա, ծնող, անհետ կորած
Ըստ թեմայի
ՀՀ-ի և Ադրբեջանի ԱԱԾ տնօրենները գերիներին և անհետ կորածներին վերաբերող հարցեր են քննարկել
«Ոչ մի պատասխան չստացա». անհետ կորած զինվորի հարազատը` Փաշինյանի հետ հանդիպման մասին
Անհետ կորածների «թեժ գծին» ռուս խաղաղապահները 559 դիմում են ստացվել
Անհետ կորած ու գտնված 6 զինծառայողներից 5-ը տեղափոխվել են Այրվածքաբանության կենտրոն
Երևան

Մեկ օր էլ ձյուն չի տեղա. եղանակի տեսություն

9
(Թարմացված է 16:37 27.01.2021)
Օդերևութաբանները ներկայացրել են առաջիկա օրերի եղանակային կանխատեսումներն ամբողջ հանրապետության համար։

ԵՐԵՎԱՆ, 28 հունվարի – Sputnik. Հանրապետության տարածքում հունվարի 28-ին, 30-ի ցերեկը, 31-ին, փետրվարի 1-ին սպասվում է առանց տեղումների եղանակ։ Հունվարի 29-ին, 30-ի գիշերը շրջանների զգալի մասում սպասվում են տեղումներ:

«Սարեր են խոստացել, բայց չեն արել». ինչո՞ւ որոշ հեռուստաընկերություններ զրկվեցին եթերից

Տեղեկությունը հայտնում է ՀՀ ԱԻՆ «Հիդրոմետ» ծառայությունը և հավելում, որ քամին հարավ-արևմտյան է` 5-10 մ/վ արագությամբ:

Օդի ջերմաստիճանը հունվարի 28-30-ն աստիճանաբար կբարձրանա 5-6 աստիճանով։

Եղանակի կանխատեսում
Եղանակի կանխատեսում

Երևան քաղաքում ևս հունվարի 28-ին, 30-ի ցերեկը, 31-ին, փետրվարի 1-ին սպասվում է առանց տեղումների եղանակ։ Հունվարի 29-ին, 30-ի գիշերը սպասվում են տեղումներ:

Մայրաքաղաքում հունվարի 28–ի գիշերը կլինի 5-7 աստիճան ցուրտ, իսկ ցերեկային ժամերին կգրանցվի +1....+3 աստիճան։

Պատերազմում վիրավորում ստացած քաղաքացիները կես միլիոն դրամ աջակցություն կստանան

9
թեգերը:
Արցախ, ձյուն, Երևան, Հայաստան, եղանակ
թեմա:
Եղանակը Հայաստանում
Գագրինան ու Իսխակովը

Գագարինայի նախկին ամուսինը հիշել է իր հայկական արմատներն ու հրապարակել Արարատի լուսանկարը

83
(Թարմացված է 00:26 28.01.2021)
Դմիտրի Իսխակովը պատմել է իր երազանքի, Հայաստան կատարած առաջին այցի ու թբիլիսահայ մոր մասին։

ԵՐԵՎԱՆ, 27 հունվարի – Sputnik. Երգչուհի Պոլինա Գագարինայի նախկին ամուսինը` հայտնի դիզայներ, լուսանկարիչ Դմիտրի Իսխակովը հիշել է իր հայկական արմատներն ու Instagram–ում հրապարակել Արարատ լեռան լուսանկարը։

«Մորս ազգանունը Սիմոնյան է, ծնվել ու մեծացել է Թբիլիսիում։ Իմ երակներով հայի արյուն է հոսում։ Երբ առաջին անգամ եղա այնտեղ, այնպիսի զգացողություն էր, որ ամեն բան շատ հարազատ է, ջերմ, սրտանց», – գրել է նա։

Իսխակովը խոստովանել է, որ առանձնահատուկ քնքշանքով է հիշում հայաստանյան ուղևորությունը։ Նա գրել է, որ վաղուց երազում է հայտնի հայերի լուսանկարների շարք անել, բայց նրանից շատերն արդեն ողջ չեն։

Посмотреть эту публикацию в Instagram

Публикация от Дмитрий Исхаков (@isxakov)

Օգտատերերից ոմանք ենթադրել են, որ նա հիմա Հայաստանում է, մյուսներն էլ պարզապես գովել են գեղեցիկ լուսանկարի համար։

Հիշեցնենք, որ լուսանկարիչն ու փոփ–երգչուհին ամուսնացել էին 2014 թվականին։ Գագարինան Պյոտր Կիսլովի հետ ամուսնությունից արդեն մեկ երեխա ուներ, 2017 թվականին ծնվեց Պոլինայի ու Դմիտրիի դուստրը։ Անցած տարվա գարնանը ԶԼՄ–ները սկսեցին գրել, որ ռուսական շոու բիզնեսի ամենահայտնի զույգերից մեկը ամուսնալուծության շեմին է, սակայն նրանք չէին մեկնաբանում այդ լուրը։ Ավելի ուշ Դմիտրի Իսխակովը հաստատեց, որ իրենք առանձին են ապրում։

Պոլինա Գագարինայի նախկին ամուսինը հրապարակել է նոր ընկերուհու մերկ լուսանկարը

83
թեգերը:
Պոլինա Գագարինա, Արարատ լեռ, Հայաստան
Ըստ թեմայի
Օլգա Բուզովան ցույց է տվել Դավիթ Մանուկյանի հետ հարաբերությունների «կեղտոտ» կողմը
Դիզայներ Արտաշես Օհանյանը 4 զգեստ է ստեղծել Օլգա Բուզովայի համար
Երգչուհի Լոլիտան 6–րդ անգամ է ամուսնացել