Նիկոլ Փաշինյան. արխիվային լուսանկար

Ծուռ հայելիների թագավորություն. հոգեբանը մեկնաբանում է վարչապետի գործողությունները

4334
(Թարմացված է 15:27 05.01.2021)
Հոգեբան Կարինե Նալչաջյանը մամուլի ասուլիսում ներկայացրել է ՀՀ վարչապետ Նիկոլ Փաշինյանի հոգեբանական կերպարն ու ըստ դրա` վերլուծել նրա գործողությունները:

ԵՐԵՎԱՆ, 5 հունվարի – Sputnik. Եթե Փաշինյանն ունենար պարկեշտության մի փոքր նշույլ, նա պիտի բացեր իր անցյալ տարվա ուղերձը, վերհիշեր իր տված խոստումներն ու այս տարվա ուղերձում ասեր՝ ներողություն, ես չկարողացա դա անել: Այսօր մամուլի ասուլիսի ժամանակ վերլուծելով Հայաստանում ստեղծված իրավիճակն ու ՀՀ վարապետ Նիկոլ Փաշինյանի գործողությունները, նման հայտարարություն արեց հոգեբան Կարինե Նալչաջյանը:

«Սա ինչի՞ մասին է վկայում. որ մարդը չունի պատասխանատվության զգացում: Այսինքն՝ Եթե նույնիսկ առօրյայում ինչ-որ մեկին խոստում ես տալիս ու չես կարողանում խոստումդ կատարել, դու պիտի ընդունես դա, ասես՝ ներողություն, ես չկարողացա»,- ասաց Նալչաջյանը:

Փոխարենը, նրա դիտարկմամբ, ՀՀ վարչապետն այս տարվա ուղերձում մարդկանց նոր խոստում է տալիս՝ 2021 թ.-ին երջանկություն մաղթելով:

Անդրադառնալով Նիկոլ Փաշինյանի հոդվածին՝ հոգեբանը նշեց, որ այն ընթերցելով, ինքն իրեն «ծուռ հայելիների թագավորությունում» է զգացել:

«Այս տարի երջանկությունը լինելու է այն, որ փակվելու է դեպի Սյունիք ճանապարհը։ Դա միակ ճանապարհն է, կյանքի ճանապարհը: Տեսե՛ք, ինչ է ավերում մարդը: Արդեն մինչև Նժդեհ է գնացել–ավերում: Ոչ միայն մեր այսօրվա հերոսների արածը, այլև Լեռնահայաստանը, որ Նժդեհը փրկեց: Վերանում է մեր երկիրը: Հետո մի օր էլ կասեն՝ դե, գիտեք, ցավոտ բան է, բայց թուրքն արդեն Երևան է հասել»,- ասաց հոգեբանը:

Մասնագետն ուշադրություն է հրավիրում այն փաստի վրա, որ Սյունիքի գյուղերը հանձնելով թշնամուն, Փաշինյանը խոսում է անվտանգության մասին՝ ներկայացնելով, որ այդ ամենն արվում է Հայաստանի և հայաստանցիների անվտանգությունն ապահովելու համար:

«Այսինքն՝ Կապանը հարվածի համար ամենահարմար հեռավորության վրա է, բայց մեզ ասում են՝ դա անվտանգության համար է: Աբսուրդի աշխարհում ենք ապրում, ծուռ հայելիների թագավորության»,- նկատեց հոգեբանը:

Կարինե Նալչաջյանը նաև քաղաքացիներին կոչ արեց Նիկոլ Փաշինյանի գործողությունները չմեկնաբանել հոգեկան ինչ-որ հիվանդությամբ կամ այլ շեղումներով: Նրա համոզմամբ` Փաշինյանն ամեն ինչ անում է միանգամայն սթափ ուղեղով:

«Մարդը սթափ ուղեղով, մտածված ծրագիր է իրականցնում: Որ խնդիրներ կան, դա փաստ է: Մարդու այս տեսակը ցանկացած հասարակության մեջ 3% է լինում՝ խղճի զգացում, մեղքի զգացում չի ունենում: Այսպիսի մարդիկ ստախոսության վիրտուոզներ են: Անգամ կարող են մոլորության մեջ գցել այն մարդկանց, որոնք իրենցից սուտ սպասում են»,- ասաց հոգեբանը։

Նշենք, որ նոյեմբերի 9-ի եռակողմ հայտարարությունից հետո սահմանային իրավիճակը փոխվել է ոչ միայն Արցախում, այլև ՀՀ մարզերում։ ՀՀ պաշտպանության նախարարությունը դեկտեմբերի 20–ին տեղեկացրեց, որ ռուս սահմանապահ ուժեր կտեղակայվեն Սյունիքի մարզի Գորիս-Կապան ավտոճանապարհի 21 կիլոմետրանոց հատվածի վիճարկելի տեղերում։

Դեկտեմբերի 24-ին ՀՀ կառավարության նիստում ՀՀ վարչապետ Նիկոլ Փաշինյանը հայտարարեց, որ այն, ինչ իրականացվում է Սյունիքի սահմաններին, չի կարելի համարել դեմարկացիա կամ դելիմիտացիա։ Նրա խոսքով` տեղի է ունենում սահմանային որոշակի կետերի տեղորոշում, որի նպատակն է անվտանգության ապահովումը։

Դեկտեմբերի 29–ին ադրբեջանցիները Շուռնուխի բնակիչներին 1 օր ժամանակ տվեցին գյուղի կեսը, այսինքն 12 տները ազատելու համար։ Շուռնուխի գյուղապետ Հակոբ Արշակյանը Sputnik Արմենիայի հետ զրույցում ասաց, որ այդ մեկօրյա ժամկետը Մոսկվայի միջամտությամբ վերացել է։ Նրա խոսքով` տոների հետ կապված` մինչև հունվարի 2-3-ը մարդիկ կմնան իրենց տներում։ Հունվարի 2-ին նա Facebook-ի ուղիղ եթերում հայտնեց, որ ադրբեջանցիները մտել են Շուռնուխ և գյուղացիներին մինչև ամսի 5-ը ժամանակ են տվել։

Գորիսի փոխքաղաքապետ Մենուա Հովսեփյանը հունվարի 4–ին Sputnik Արմենիային հայտնեց, որ Շուռնուխի ներքևի հատվածի 12 տներն արդեն հանձնվել են ադրբեջանցիներին։

4334
թեգերը:
Արցախ, Սյունիք, հոգեբան, Կարինե Նալչաջյան, Նիկոլ Փաշինյան
Ըստ թեմայի
«Իր երեսին ասել եմ». ի՞նչ են քննարկել Գագիկ Ծառուկյանն ու Նիկոլ Փաշինյանը
Սյունիքում ունենք անվտանգային հիմնահարց. հայ–ռուսական հարաբերություններն ու Փաշինյանը
«Ես իմն ասացի, նա` իրենը». Մարուքյան–Փաշինյան հանդիպումն ավարտվեց
Այսօր Մուրադովն ավելի շատ իշխանություն ունի, քան Նիկոլ Փաշինյանը. Շարմազանով
«Ռոսիա» ավիաընկերության ինքնաթիռը «Զվարթնոց» օդանավակայանում

Հայաստանն և Ռուսաստանը կվերացնեն ելքի և մուտքի փոխադարձ արգելքները. Մհեր Գրիգորյան

61
(Թարմացված է 21:13 20.01.2021)
Մհեր Գրիգորյանի խոսքով` կստեղծվի մի համակարգ, և անձը թեստ հանձնելուց հետո կստանա սահմանը հատելու կանաչ լույս թե՛ Հայաստանում, թե՛ Ռուսաստանում:

ԵՐԵՎԱՆ, 20 հունվարի - Sputnik. Հայաստանի և Ռուսաստանի կառավարությունները կվերացնեն փոխադարձ ելքի և մուտքի՝ կորոնավիրուսի համավարակով պայմանավորված խոչընդոտները: Ազգային ժողովում կառավարության անդամների հետ հարցուպատասխանի ժամանակ ասաց փոխվարչապետ Մհեր Գրիգորյանը։

«Լուսավոր Հայաստան» խմբակցության անդամ Սարիկ Մինասյանը հետաքրքրվեց, թե արդյո՞ք ՀՀ կառավարությունն ինչ–որ քայլեր է իրականացնում, որպեսզի ՌԴ–ի հետ սահմանները բացվեն, քանի որ գաղտնիք չէ, որ արտագնա աշխատանքի ամենաշատը հենց այնտեղ են գնում։

«Մենք փորձում էինք ԵԱՏՄ շրջանակում այդ խնդիրը լուծել, սակայն չհաջողվեց։ Դրանից հետո ռուսական կողմի հետ նախաձեռնել ենք հարցի մի լուծում, որը հնարավորություն է տալիս ազատ սահմանի սկզբունք դնել բոլոր մեր այն հայրենակիցների համար, որոնք ունեն թեստավորման արդյունքներ կամ հիվանդացել և արդեն լավացել են»,–ասաց փոխվարչապետը։

Նա նշեց, որ ՀՀ կառավարությունն այդ մասին 2020-ի դեկտեմբերի 27-ին արդեն իսկ որոշումն ընդունել է, հիմա սպասում են նման որոշման ՌԴ-ից, որից հետո այդ մեխանիզմը կսկսի աշխատել։ Գրիգորյանի խոսքով` կստեղծվի մի համակարգ, և անձը թեստ հանձնելուց հետո կստանա սահմանը հատելու կանաչ լույս թե՛ Հայաստանում, թե՛ Ռուսաստանում:

Ռուսաստանը սեպտեմբերի 1-ից կբացի սահմանը Հայաստանի համար

Նա հույս հայտնեց, որ վերոհիշյալ համակարգը կաշխատի, ու մեր հայրենակիցները հնարավորություն կստանան առանց որևէ սահմանափակումների հատել սահմանը։

61
թեգերը:
Սահման, արգելք, Ռուսաստան, Հայաստան
Ըստ թեմայի
Հայաստանում ովքեր ու երբ առաջնահերթ կպատվաստվեն կորոնավիրուսի դեմ. ԱՆ-ն տեղեկացնում է
Իրանի ԱԳ նախարարը պատրաստվում է այցելել Հայաստան, Ռուսաստան Վրաստան և Ադրբեջան
Հայաստանի և Ռուսաստանի փոխարտգործնախարարները քննարկել  են անվտանգության հետ կապված հարցեր
Արխիվային լուսանկար

Հայաստանում ովքեր ու երբ առաջնահերթ կպատվաստվեն կորոնավիրուսի դեմ. ԱՆ-ն տեղեկացնում է

82
(Թարմացված է 19:56 20.01.2021)
Որոշվել է չմերժել «AstraZeneca» ընկերության պատվաստանյութի ձեռքբերումը` նախատեսված բնակչության 3%-ի համար։

Կայացել է «Իմունականխարգելման հարցերով հանրապետական խորհրդատվական փորձագիտական հանձնաժողովի» հերթական նիստը, որի ընթացքում քննարկվել են կորոնավիրուսային հիվանդության (COVID-19) դեմ պատվաստումների ռիսկի խմբերի առաջնահերթությունները և «COVAX FACILTY» նախաձեռնության երկրորդ պատուհանի ընթացքում COVID-19-ի դեմ պատվաստանյութերի ձեռքբերման հնարավորություններն ու առաջարկները: Տեղեկությունը հայտնում են ՀՀ առողջապահության նախարարությունից։

Հանձնաժողովը քննարկել է COVID-19-ի դեմ պատվաստումների ռիսկի խմբերի առաջնահերթությունների որոշման հարցը՝ հաշվի առնելով տարբեր երկրներում այս ուղղությամբ կիրառվող սկզբունքները, ինչպես նաև այս հիվանդության համաճարակաբանական օրինաչափությունները:

Ամփոփելով հանձնաժողովի անդամների և նիստին հրավիրված փորձագետների կարծիքները` հանձնաժողովն առաջարկել է COVID-19-ի դեմ պատվաստումներն իրականացնել փուլային՝ սահմանելով ռիսկի խմբերի հետևյալ առաջնահերթությունը.

1-ին փուլում կպատվաստվեն տարեցների խնամքի կենտրոնների բնակիչները և աշխատակիցները, բուժաշխատողները, սոցիալական խնամքի կենտրոնների աշխատակիցները, 65 տարեկան և բարձր տարիքի անձինք, 16-ից 64 տարեկան քրոնիկ հիվանդները:

Հաջորդ փուլում կպատվաստվեն դասախոսները, ուսուցիչները, արտակարգ իրավիճակների նախարարության աշխատակիցները, զինծառայողները, արդարադատության ոլորտի աշխատակիցները, հանրային տրանսպորտի աշխատակիցները, պետական ծառայողները:

Հանձնաժողովը քննարկել է նաև «COVAX FACILTY» նախաձեռնության շրջանակներում երկրորդ պատուհանի ընթացքում առաջարկված COVID-19-ի դեմ «AstraZeneca» ընկերության պատվաստանյութի ձեռքբերման հնարավորությունը: Որոշվել է չմերժել «AstraZeneca» ընկերության պատվաստանյութի ձեռքբերումը` նախատեսված բնակչության 3%-ի համար՝ հաշվի առնելով հնարավորինս վաղ ժամկետում հասանելիությունը (2021 թվականի մարտ) և արժեքի մատչելիությունը:

Կորոնավիրուսը տարածվում է. Արցախի մի քանի համայնքներում ելումուտը սահմանափակվում է

Նախարարությունից տեղեկացնում են, որ Միացյալ Թագավորության «AstraZeneca» ընկերության COVID-19-ի դեմ պատվաստանյութը կլինիկական փորձարկումների բոլոր փուլերում բավարարել է պատվաստանյութերի անվտանգությանը և արդյունավետությանը ներկայացվող պահանջները և Առողջապահության համաշխարհային կազմակերպության կողմից ստացել է արտակարգ իրավիճակներում կիրառման թույլտվություն:

82
թեգերը:
պատվաստումներ, Հայաստան, կորոնավիրուս
Ըստ թեմայի
Պուտինն ասել է, որ կորոնավիրուսի դեմ ռուսական պատվաստանյութն ամենալավն է աշխարհում
Արցախում ռուս խաղաղապահներին պատվաստում են կորոնավիրուսի դեմ
ԱՀԿ-ն կորոնավիրուսից մահացության նոր ռեկորդ է արձանագրել