Արխիվային լուսանկար

Տարվա առաջին միասնական աղոթքը իմաստուն և աստվածավախ առաջնորդ ունենալու համար էր

1310
(Թարմացված է 13:50 03.01.2021)
Հոգևորականի խոսքով՝ իշխանության ձգտելը վատ բան չէ, բայց կարևոր է այն, թե արդյո՞ք բարի են այն երազանքները, որոնք ցանկանում են կյանքի կոչել իշխանության գալով։

ԵՐԵՎԱՆ, 3 հունվարի - Sputnik. Էջմիածնի Սուրբ Գայանե եկեղեցում վեհափառ հայրապետի` Գարեգին Բ–ի մասնակցությամբ տարվա առաջին պատարագը մատուցվեց։ Արարողությունից հետո պատարագիչ հոգևորականը դիմեց հավատավոր ժողովրդին՝ խոսելով իշխանության մասին։

«Այս աշխարհում մարդկության համար ամենացանկալի, ամենաերազելի, ամենաղձալի իրողությունն իշխանությունն է, իշխանություն ունենալն է։ Վա՞տ է իշխանություն ունենալը։ Իհարկե ոչ»,- նշեց նա։

Նա շեշտեց՝ իշխանությունը մի գործիք է, որով մենք փորձում ենք գաղափարից դեպի իրականություն, դեպի նյութականը բերել մեր տեսիլքները, երազանքները։ Կարևորն այն է, թե արդյո՞ք բարի են մեր երազանքներն ու տեսիլքները, որոնք փորձում ենք կյանքի կոչել։

Նա մեջբերեց ռուս գրող Ֆյոդոր Դոստոևսկու խոսքերը. «Իշխանությունը կարող է փրկել աշխարհը, իշխանությունը կարող է փրկել երկրները, սակայն այն բարի՞ է, թե՞ ոչ»։

«Երբ մենք նայում ենք մեր ողջ պատմությանը, համաշխարհային պատմությանը, տեսնում ենք, որ այն իշխանության պայքար է՝ գաղափարախոսությունների, իշխանությունների պայքար է, և այս պայքարը գնում է ամբողջ աշխարհում։ Սակայն մենք, ցավոք սրտի, տեսնում ենք, որ մարդիկ իշխանության են ձգտում ոչ թե նրա համար, որպեսզի ավելի լավը դարձնեն մեր այս կյանքը, այլ որպեսզի բավարարեն իրենց ցանկությունները, հաճույքները»,- նշեց հոգևորականը։

Նա մատնանշեց, որ մենք այսօր ականատես ենք լինում, թե ինչպես են իշխանության եկած մարդիկ սանձազերծում պատերազմներ և դրանք անվանում «հանուն խաղաղության», մարդկանց տնանկ են դարձնում, թալանում և հայտարարում` «հանուն հավասարության և բարօրորության է դա», մարդիկ բռնանում են իրենց եղբայրների իրավունքի վրա և արդարանում, թե «նրանց ազատությունն են պաշտպանում» և իրենց հռչակում են բարերաներ, այս երկրի խաղաղարարներ։

Հոգևորականի խոսքով՝ այդ մարդիկ չեն ցանկանում, որ իրենց որպես ընծա տրված իշխանության շնորհիվ իրենց քույրերն ու եղբայրներն ավելի լավ ապրեն, աշխարհն ավելի լավը դառնա։

«Նրանք ուզում են, որ մենք տեսնենք իրենց աչքերով, լսենք իրենց ականջներով, խոսենք այն, ինչ իրենք են ուզում և անենք այն, ինչ իրենց կամքն է մեզ թելադրում։ Սակայն այս իրողությունը քրիստոնեության համար խորթ է։ Եվ ահա այս իշխանության այլասերված օրինակն ունենալով էր, որ առաքյալները եկան և Քրիստոսին հարցրին՝ ո՞վ է իրենցից ավագն ու ո՞վ պետք է առաջնորդ լինի։ Քրիստոսն ասաց՝ ով ուզում է ավագը լինել, պետք է կրտսերը լինի և ով առաջնորդ է, պետք է ծառա լինի»։

Հոգևորականի խոսքով՝ ճշմարիտ իշխանության հենց այս բանաձևն է, որը Տերը մեզ տվեց։ Սա կրոնական ճշմարտություն չէ, այլ ապրված իրողություն։

Ինչու ընդդիմությանը չհաջողվեց շատ հարցերում հասնել հաջողության. քաղտեխնոլոգի դիտարկումները

Նա շեշտեց՝ այսօր, երբ մեր երկիրը ցավերի և դժբախտության մեջ է, երբ մեր երկրում տիրում է հուսահատության ոգին, մենք իրապես սիրո, խնամքի և պատասխանատվության կարիք ունենք։ Մենք պետք է շտապենք օգնության, պատասխանատու լինենք մեկմեկու հանդեպ։

«Հեշտ է սիրել հզոր, ամուր, հարուստ հայրենիք, որովհետև այդ ժամանակ հայրենիքը քո կարիք չունի, այդ ժամանակ դու շատ քիչ բան կարող ես անել հայրենիքիդ համար։ Սակայն ճշմարտությամբ հայրենիքը քո կարիքն այնժամ ունի, երբ մերժված է, ապականված է, մոռացված է և անարգված։ Այսօր, սիրելի եղբայրներ և քույրեր, մեր հայրենիքը մեր կարիքն ունի»,- նշեց նա ու կոչ արեց միավորել ուժերը՝ դուրս բերելու հայրենիքն այս դժվարությունից։

Հոգևորականը կոչ արեց հավատավոր ժողովրդին` միասնական աղոթք բարձրացնել առ Աստված, որ նա պարգևի մեզ իմաստուն, աստվածավախ, ծառայասեր առաջնորդներ, «որոնք նախապես կգիտակցեն մեր ազգի շահը, ինչ է իսկապես ուզում այս երկիրն ու հավատավոր ժողովուրդը, և կառաջնորդնե մեզ խաղաղության և աստվածասիրության ճանապարհով»։

Հիշեցնենք՝ տեր Սահակ քահանա Գալստյանը Facebook-ի իր էջում գրառում էր կատարել՝ կոչ անելով հունվարի 3-ին` առավոտյան 9:30-ին, հավաքվել Էջմիածնում՝ Գարեգին Բ Ամենայն հայոց կաթողիկոսին գահընկեց անելու համար բողոքի ցույց անցկացնելու նպատակով։ Դրան ի պատասխան տարբեր քաղաքացիներ, հասարակական, քաղաքական գործիչներ կոչ էին արել միավորվել բողոքի ցույցը խափանելու և եկեղեցին պաշտպանելու համար։ Այսօր վաղ առավոտից Էջմիածնի Սուրբ Գայանե եկեղեցու մոտ մեծ թվով քաղաքացիներ են հավաքվել՝ ի պաշտպանություն հայ առաքելական եկեղեցու և ի աջակցություն ամենայն հայոց կաթողիկոսի։

Պատարագին մասնակցելու նպատակով Սուրբ Գայանե եկեղեցի ժամանած վեհափառ հայրապետը դեպի եկեղեցի քայլեց քաղաքացիների ուղեկցությամբ՝ օրհնություն բաժանելով հավաքվածներին։

1310
թեգերը:
Մայր Աթոռ Սուրբ Էջմիածին, աղոթք, Իշխանություն, Ամենայն Հայոց կաթողիկոս Գարեգին Բ
Ըստ թեմայի
Երկնառաք աղոթք. Սրբազանը. Օրվա կադր
Միասնական աղոթք հանուն հաղթանակի ու խաղաղության. խոսուն լուսանկարներ
«Երանի տղերքին, որ զոհվեցին ու սա չտեսան». արցունքներ, աղոթք ու մկրտություն Դադիվանքում
Ապուր

Համեղ ու օրիգինալ. Երևանում ո՞ր ռեստորաններ են արտասովոր ապուրներ մատուցում

4
(Թարմացված է 10:03 17.01.2021)
Գաղտնի լոլիկով կրեմ-ապուրից, որը մենյուում նշված չէ, մինչև թթվաշ ավանդական նռանե․Sputnik Style-ը պարզել է, թե Երևանում որտեղ են մատուցում լավագույն ապուրները։

 

Խաշը, սպասն ու ավելուկապուրը մեր մանկության ապուրներն են։ Նշանավոր ռեստորանների շեֆ-խոհարարները դժվար թե կարողանան դրանք ավելի լավ պատրաստել, քան մեր մայրիկներն ու տատիկները։ Ուստի նրանց թողնենք ամբողջ ընտանիքի համար դրանք պատրաստելու բացառիկ իրավունքը և այլընտրանքային տարբերակներ փնտրենք։

Ռեստորան Gallia

Պուշկինի 40

Պարտադիր փորձեք սոյայի սոուսով սնկապուրը։ Ձեզ կմատուցեն տավարի մսի կտորներով, մարինացված վարունգով և շամպինյոններով ափսե։ Հենց ձեր աչքի առաջ մատուցողը բաղադրիչների վրա կլցնի բուրավետ, տաք արգանակը։ Մեղրահամեմունքային բույրն անտարբեր չի թողնի և կկշտացնի առնվազն չորս ժամով։

Грибной суп с соевым соусом
© Photo : Виктория Писаренко
Սնկով ապուր

Ռեստորան Sorriso Gelato

Հյուսիսային պողոտա 10/5

Այստեղ մատուցում են հիանալի հավով նյոկկի։ Բաղադրությունը պարզ է․բանջարեղեն, հավի կրծքամիս, իտալական խմորագնդիկներ և սերուցքային սոուս։ Այս ուտեստը տիպիկ ամերիկյան է, բայց մի պտղունց իտալական ավանդույթներով համեմված։ Ոչ մեծ գումարով կարելի է կուշտ և համեղ ուտել, իսկ գլխավորը՝ տաքանալ։

Суп ньокки с курицей
© Photo : Виктория Писаренко
Հավով նյոկկի

Ի դեպ, ինստա-էսթետների համար․Sorriso Gelato-ում ինտերիերը և ուտեստների մատուցումը «արժանի» են մի քանի storie-ի։

Սրճարան N’Joy 

Ղազար Փարպեցի 4

Եթե սիրում եք ծովամթերք, համարձակորեն գնացեք այս սրճարանը ծովախեցգետնով լոլիկի կրեմ-ապուր փորձելու։ Ուտեստի համը նման է գասպաչոյին, միայն թե բավականին աղի է։ Ուշադրություն դարձրեք, որ տվյալ կերակրատեսակը մենյուում չկա։Բայց եթե նախապես զանգահարեք ու պատվիրեք այս ապուրը, խոհարարներն ուրախությամբ կպատրաստեն այն։

Ռեստորան Lavash

Թումանյան 21

Կողբացի 30

Ավանդական խոհանոցը գնահատողների համար հիանալի տեղ է։ Այստեղ շատ համեղ նռանե են մատուցում․տավարի փափկամիս, բրինձ, ոլոռ, բազուկի տերևներ և նռան հյութ՝ ահա ավանդական հայկական ապուրի բաղադրիչները։ Քաղցրաթթվաշ համը դուր կգա ոչ բոլորին և ոչ անմիջապես, այն բավականին առանձնահատուկ է։

Суп нране
© Photo : Виктория Писаренко
Նռանե

Վերջին օրիգինալ տարբերակը մանթապուրն է։ Արևելյան Հայաստանում այս ուտեստը քչերն են փորձել՝ այն հատուկ է արևմտահայկական խոհանոցին։ Խիտ արգանակի խառնուրդը տավարի մսով մանթեի(կամ մանթիի), հունական յոգուրտի և սումախի հետ բավականին թթվաշ համ ունի։ Այսպիսի ապուրից հետո ցանկություն ես ունենում փաթաթվել տաք ծածկոցով և լսել Փոլ Բաղդալյանի երգերը։

4
թեգերը:
Ռեստորան, ապուր, Երևան
Արխիվային լուսանկար

Ջերմաստիճանն աստիճանաբար կնվազի 12-15 աստիճանով. եղանակի տեսություն

55
(Թարմացված է 22:34 16.01.2021)
Օդերևութաբանների կանխատեսումներով` առաջիկա օրերին ամենուրեք սպասվում են տեղումներ, օդի ջերմաստիճանն էլ կնվազի 12-15 աստիճանով։

ԵՐԵՎԱՆ, 17 հունվարի - Sputnik. Այսօր հանրապետության ամբողջ տարածքում, այդ թվում՝ մայրաքաղաք Երևանում սպասվում է առանց տեղումների եղանակ։ Տեղեկությունը հայտնում են ՀՀ ԱԻՆ «Հիդրոմետ» ծառայությունից։

Հունվարի 18-19-ը, 20-ի գիշերն ամենուրեք սպասվում են տեղումներ, լեռնային գոտում ձյան, նախալեռնային և հովտային գոտում թաց ձյան և ձնախառն անձրևի, իսկ 19-ին՝ ամենուրեք ձյան տեսքով: Հունվարի 21-ի ցերեկը սպասվում է արդեն առանց տեղումների եղանակ։

Եղանակի կանխատեսում
Եղանակի կանխատեսում

Քամին հարավային է՝ 5-8 մ /վ, առանձին վայրերում սպասվում է քամու ուժգնացում՝ 18-23 մ/վ:

Առաջիկա օրերին սպասվում է նաև ցուրտ եղանակ։ Ըստ օդերևութաբանների՝ հունվարի 19-21-ն օդի ջերմաստիճանն աստիճանաբար կնվազի 12-15 աստիճանով։

Երևանում առանց տեղումների եղանակ է սպասվում հունվարի 20-ի ցերեկը, 21-ին: Իսկ հունվարի 18-19-ը, 20-ի գիշերը ժամանակ առ ժամանակ սպասվում են տեղումներ, 19-ին՝ ձյան տեսքով։

Ծրագրեր են սկսվել Արցախի վերահսկողությունից դուրս մնացած համայնքների բնակիչների համար

Մայրաքաղաքում հունվարի 17-ի ցերեկը սպասվում է +7...+9, երեկոյան՝ +3... +5 աստիճան ջերմություն։

55
թեգերը:
Երևան, եղանակ, Արցախ, Հայաստան
թեմա:
Եղանակը Հայաստանում
Ըստ թեմայի
Կորոնավիրուսը տարածվում է. Արցախի մի քանի համայնքներում ելումուտը սահմանափակվում է
Հավատարիմ մնալով սեփական ժողովրդին, կամ թե ինչ կնկարեր Այվազովսկին հայկական գինու շշի վրա
Ռուսաստանում կսկսվի COVID-19-ի դեմ զանգվածային պատվաստումը