ԵՐԵՎԱՆ, 1 հունվարի – Sputnik. Գորիսի փոխքաղաքապետ Իրինա Յոլյանը Նոր տարվա առաջին օրը լավ լուր է հայտնել` Գորիսում այս տարվա առաջին ծնունդը հերոս Արթուր Հովհաննիսյանի որդին է։
«Առավոտյան զանգ ստացա, որ էլի պիտի խառներ ուրախությունն ու հոգու ցավը։ Արթուրի մարմինը դեկտեմբերի 30-ին էին հողին հանձնել։ Պատերազմի օրերին Արթուրը կնոջն ասել էր` եթե չգամ, տղայիս իմ անունով կկոչես։ Փոքրիկ Արթուրն այս գիշեր լույս աշխարհ է եկել։ Նորածին փոքրիկի տատիկն էր զանգել` հուզմունքն ու ուրախությունը կիսելու»,–ֆեյսբուքյան իր էջում գրել է Յոլյանը։
Նա հայտնել է նաև, որ մայրիկի լարված վիճակից մի փոքր առողջական խնդիրներ կան, և նրան կտեղափոխեն Երևան։ Յոլյանը փոքրիկին ու մայրիկին առողջություն, ուժ և համբերություն է մաղթել` ասելով, որ մնացած հարցերը կփորձեն կարգավորել։
Հիշեցնենք, որ պատերազմի ընթացքում Սյունիքը 169 զոհ է ունեցել։ Ցավոք, կան նաև անհետ կորածներ։
Չհասցրեց անգամ նորածնին տեսնել. զոհվել է «Մարտական խաչի» արժանացած Միհրան Ավդալյանը
