Ցլի տարում սուտը ջրի երես դուրս կգա. աստղաբանը խորհուրդներ է տալիս հայերին
(Թարմացված է 22:35 31.12.2020)
Աստղաբանի կարծիքով՝ հայերը 2021 թվականին կարող են դուրս գալ այս բարդ իրավիճակից։ Դրա համար միայն մեկ բան է պետք։ Աստղաբան-էզոթերիկ Գուրգեն Հովհաննիսյանը վստահեցնում է, որ 2021 թվականը կպահպանի փոփոխությունների միտումը։ Sputnik Արմենիայի հետ զրույցում նա ասաց, որ փոփոխությունները կվերաբերեն ամբողջ մարդկությանը։
Ի՞նչ պետք է անի Հայաստանը
Հովհաննիսյանի կարծիքով` այսօրվա բարդ իրավիճակում Հայաստանի գլխավոր խնդիրը մեկն է` կարողանալ գիտելիքի նոր մակարդակի հասնել։
Նրա խոսքով` եվրոպական բազում պետություններ իրենց պատմության կրիտիկական պահերին առանձնահատուկ ուշադրություն են դարձրել կրթությանը, գիտությանն ու արվեստին՝ իրենց մրցակցին հասնելու ու զարգացման նոր մակարդակի բարձրանալու համար։
Բացի այդ, երկիրը պետք է տնտեսության նոր ճյուղեր զարգացնի, որոնք կկարողանան ընդհանուր բարեկեցություն ապահովել, նաև պետք է արտասահմանցի մասնագետների ներգրավել։
Ոչ մեկի տանը Նոր տարի չնշվեց, էրեխեքը նվեր չուզեցին. նրանց մաղթանքը պատերազմ տեսածներին
«Կարևոր է հիշել, որ եկող տարում երկու տասնամյակի հիմք է դրվում, ուստի, չնայած անհաջողություններին, չի կարելի սպասման մեջ մնալ։ Պետք է գործել հիմա ու այստեղ՝ ուշադրություն չդարձնելով ճգնաժամին ու խնդիրներին։ Հենց այդ դեպքում մենք շատ շուտ որակական փոփոխություններ կտեսնենք։ Արևելքում ասում են, որ տվյալ պահին կերտվում է և՛ անցյալը, և՛ ապագան։ Անհրաժեշտ է օգտագործել այդ պահը», - ավելացնում է աստղագետը։
Քաղաքականություն
Քաղաքականության ոլորտում բացահայտումների տարի է լինելու։ Թաքնված ամեն բան բացահայտվելու է։ Սուտը ջրի երես է դուրս գալու, ինչպես եղավ այս տարի։
©
Sputnik / Aram Nersesyan
«Եկող տարի ժողովրդին խաբելը հեշտ չի լինի։ Անհնար կլինի ստել ու չբացահայտվել։ Դա կարելի է երկնքի նվերը համարել», - ասում է Հովհաննիսյանը։
Նրա խոսքով՝ հայերին ուզում են ներշնչել, որ իրենք պառակտված են, բայց այդպես չէ։ Իրականում դա միայն տեղեկատվական պատերազմի հոգեբանական ասպեկտի հերթական տարր է։
Աստղաբանը մարդկանց հորդորում է միմյանց չդիտարկել որպես տարբեր ճամբարների ներկայացուցիչներ։
Սոցիալական ոլորտ
Շատերը կառչել են հնից ու դիմադրում են նորին։ Էզոթերիկի կարծիքով՝ մտածողության սահմանափակությունը կարող է բացասական հետևանքներ ունենալ։
Շատ բան կախված է նրանից՝ որքան արագ կկարողանանք ձերբազատվել հին սովորություններից, նախապաշարմունքներից, բարդույթներից ու այն ամենից, ինչը ճնշում է մեզ։
Անհրաժեշտ է զարգացնել մտքի ճկունությունը, երբեմն չմոռանալ, որ պետք է կենտրոնանալ հոգևոր զարգացման վրա։ Չպետք է վախենալ հարմարավետության գոտուց դուրս գալուց։
©
Sputnik / Asatur Yesayants
«Պետք է գլոբալ, համամարդկային մտածողություն ունենալ։ Հատկապես հիմա, երբ մեզ համար շատ դժվար է։ Միաժամանակ չպետք է անհաջողությունների մեղքը բարդել ուրիշների վրա, առաջ գնալու համար անհրաժեշտ է գիտակցել սեփական սխալները», - ասում է Հովհաննիսյանն ու վստահեցնում, որ նման մոտեցումն անպայման իր պտուղները կբերի եկող տարում։
Աստղաբանը հայրենակիցներին կոչ է անում չտրվել վախին ու խուճապին, քանի որ դրանք քայքայում են առողջությունն ու մտածելակերպը։
Կորոնավիրուսի «ապագան»
Հովհաննիսյանի կարծիքով՝ համավարակի շուրջ խուճապն ուռճացված է։
«Ամենայն հավանականությամբ եկող տարվա ապրիլին այդ հարցում հստակություն կլինի», - ասում է նա։
Էզոթերիկը կարծում է, որ գարնանը բոլոր սահմանափակումները վերացնելու հնարավորություն կստեղծվի։ Իսկ առողջությունը պահպանելու համար պետք է առողջ ապրելակերտ վարել։
Հայերիս վրա նահանջ տարիները լավ չեն գալիս, գրանցվել են ամենաողբերգական դեպքերը. Մեսրոբյան
Գագարինայի նախկին ամուսինը հիշել է իր հայկական արմատներն ու հրապարակել Արարատի լուսանկարը
(Թարմացված է 00:26 28.01.2021)
Դմիտրի Իսխակովը պատմել է իր երազանքի, Հայաստան կատարած առաջին այցի ու թբիլիսահայ մոր մասին։ ԵՐԵՎԱՆ, 27 հունվարի – Sputnik. Երգչուհի Պոլինա Գագարինայի նախկին ամուսինը` հայտնի դիզայներ, լուսանկարիչ Դմիտրի Իսխակովը հիշել է իր հայկական արմատներն ու Instagram–ում հրապարակել Արարատ լեռան լուսանկարը։
«Մորս ազգանունը Սիմոնյան է, ծնվել ու մեծացել է Թբիլիսիում։ Իմ երակներով հայի արյուն է հոսում։ Երբ առաջին անգամ եղա այնտեղ, այնպիսի զգացողություն էր, որ ամեն բան շատ հարազատ է, ջերմ, սրտանց», – գրել է նա։
Իսխակովը խոստովանել է, որ առանձնահատուկ քնքշանքով է հիշում հայաստանյան ուղևորությունը։ Նա գրել է, որ վաղուց երազում է հայտնի հայերի լուսանկարների շարք անել, բայց նրանից շատերն արդեն ողջ չեն։
Посмотреть эту публикацию в Instagram
Օգտատերերից ոմանք ենթադրել են, որ նա հիմա Հայաստանում է, մյուսներն էլ պարզապես գովել են գեղեցիկ լուսանկարի համար։
Հիշեցնենք, որ լուսանկարիչն ու փոփ–երգչուհին ամուսնացել էին 2014 թվականին։ Գագարինան Պյոտր Կիսլովի հետ ամուսնությունից արդեն մեկ երեխա ուներ, 2017 թվականին ծնվեց Պոլինայի ու Դմիտրիի դուստրը։ Անցած տարվա գարնանը ԶԼՄ–ները սկսեցին գրել, որ ռուսական շոու բիզնեսի ամենահայտնի զույգերից մեկը ամուսնալուծության շեմին է, սակայն նրանք չէին մեկնաբանում այդ լուրը։ Ավելի ուշ Դմիտրի Իսխակովը հաստատեց, որ իրենք առանձին են ապրում։
Պոլինա Գագարինայի նախկին ամուսինը հրապարակել է նոր ընկերուհու մերկ լուսանկարը
«Աերոֆլոտը» մեկ ամսով չեղարկել է Մոսկվա–Երևան չվերթերը
(Թարմացված է 21:22 27.01.2021)
Ավիաընկերությունը որոշել է չեղարկել միջազգային չվերթերը. պատճառը կորոնավիրուսային իրավիճակով պայմանավորված սահմանափակումներն են։ԵՐԵՎԱՆ, 27 հունվարի - Sputnik. «Աերոֆլոտ» ավիաընկերությունը չեղարկել է միջազգային կանոնավոր չվերթերը, որոնք նախատեսված էին մարտին և ապրիլին։ Տեղեկությունը հայտնում է ՌԻԱ Նովոստին՝ հղում անելով ընկերությանը:
©
Sputnik / Asatur Yesayants
Ըստ հաղորդագրության` մարտի 28-ից ապրիլի 30-ը չեղյալ են հայտարարվել Մոսկվայից մի շարք քաղաքներ, այդ թվում ՝ Մոսկվա– Երևան չվերթերը։
Նշվում է, որ որոշումը կայացվել է կորոնավիրուսի պատճառով կիրառվող սահմանափակումների երկարաձգման կապակցությամբ:
Ավելի վաղ հայտնի էր դարձել, որ ԵԱՏՄ երկրների քաղաքացիները, որոնք որոշել են մեկնել Ռուսաստան, փետրվարի 1-ից մարտի 1-ը ներառյալ կարող են Հայաստանից և Բելառուսից ՌԴ հասնել օդային ճանապարհով`«Ճամփորդում եմ առանց COVID-19–ի» բջջային հավելվածի միջոցով կորոնավիրուսի թեստի բացասական արդյունքը ներկայացնելու դեպքում: Համապատասխան փոփոխությունը մտցվել է ՌԴ կառավարության` 2020 թվականի մարտի 16-ի որոշման մեջ:
Հիշեցնենք, որ Հայաստանի և Ռուսաստանի միջև ավիահաղորդակցությունը դադարեցվել էր անցյալ տարվա մարտին կորոնավիրուսի համավարակի պատճառով։
«Մասնակցելու ենք և կրելու ենք». Քոչարյանը կմասնակցի արտահերթ ընտրություններին
(Թարմացված է 01:27 28.01.2021)
Ինչ վերաբերում է Փաշինյանի հրաժարականը պահանջող քաղաքական ուժերին, երկրորդ նախագահը շեշտեց, որ կիսում է նրանց դիրքորոշումը ՀՀ ժամանակավոր կառավարություն ստեղծելու մասին:ԵՐԵՎԱՆ, 28 հունվարի - Sputnik. ՀՀ երկրորդ նախագահ Ռոբերտ Քոչարյանը կմասնակցի առաջիկա արտահերթ ընտրություններին՝ իր քաղաքական թիմով:
Այս մասին նա հայտարարեց այսօր հայաստանյան մի քանի կայքերին տված հարցազրույցում:
«Մասնակցելու ենք և կրելու ենք»,- ասաց Քոչարյանը՝ հավելելով, որ դրա համար ունի քաղաքական թիմ, հետևորդներ ու անհրաժեշտ գործիքակազմ:
©
Sputnik / Asatur Yesayants
Իսկ թե ինչու մինչև հիմա ակտիվություն չի դրսևորել ՀՀ գործող իշխանոթյան դեմ այքարում, Քոչարյանը մեկնաբանեց նրանով, որ չի ցանկացել իշխանությունների հնարավորություն տալ իր վերադարձով վախեցնել թիմակիցներին:
«Ես ինձ հեռու պահեցի այդ գործընթացներից, որ իմ գործոնը չօգտագործվի այդ 20-30 պատգամավորներին վախեցնելու համար»,- ասաց Քոչարյանը:
Ինչ վերաբերում է Փաշինյանի հրաժարականը պահանջող քաղաքական ուժերին, երկրորդ նախագահը շեշտեց, որ կիսում է նրանց դիրքորոշումը ՀՀ ժամանակավոր կառավարություն ստեղծելու ու արտահերթ ընտրություններ կազմակերպելու առումով, հատկապես, որ ժամանակավոր կառավարության ղեկավարը չի մասնակցելու ընտրություններին՝ հնարավոր չարաշահումներ թույլ չտալու համար:
Ի՞նչ մտավախություններ ունի Ռոբերտ Քոչարյանը ճանապարհների ապաշրջափակման հեռանկարից
Նշենք, որ նոյեմբերի 9–ի եռակողմ հայտարարությունից հետո Հայաստանի ընդդիմադիր կուսակցությունները պահանջում են վարչապետ Նիկոլ Փաշինյանի հրաժարականը։ Նրանք ժամանակավոր` ազգային համաձայնության կառավարության վարչապետի միասնական թեկնածու են առաջարկում Վազգեն Մանուկյանին։
Արցախում ամեն օր նոր տարածքային կորուստներ են գրանցվում. Քոչարյան
Իշխանությունը, սակայն, այդ տարբերակին համաձայն չէ։ Նրանք առաջարկում են միանգամից գնալ արտահերթ խորհրդարանական ընտրությունների։