Տոնածառ

Երեխաները մեղավոր չեն. հոգեբանը բացատրել է, թե ինչու է կարևոր տանը տոնածառ զարդարելը

293
Sputnik Արմենիան զրուցել է հոգեբանի հետ, պարզելու համար՝ պե՞տք է արդյոք ընտանեկան միջավայրում նշել Նոր տարին, և ինչպես է երկրի վիճակն անդրադառնում երեխաների վրա։

ԵՐԵՎԱՆ, 30 դեկտեմբերի – Sputnik, Նանա Մարտիրոսյան․ Ամանորյա տոներն այս տարի Հայաստանում սովորականի պես չեն անցնի․գլխավոր տոնածառը չի զարդարի Հանրապետության հրապարակը, քաղաքում տոնական միջոցառումներ և զարդարանքներ նույնպես չեն լինի։

Դա ոչ միանշանակ արձագանք է առաջացրել հայ հասարակության շրջանում, քանի որ քաղաքացիների մի մասը կարծում է, որ այնուամենայնիվ չարժե երեխաներին զրկել տոնից, իսկ մյուս մասը վստահ է` իշխանությունների ընդունած որոշումը տեղին է։

Sputnik Արմենիան զրուցել է հոգեբան Աննա Գալստյանի հետ՝ հասկանալու համար, թե ինչպես է սգի մթնոլորտն անդրադառնում երեխաների հոգեբանական վիճակի վրա, և արժե՞ արդյոք ընտանեկան միջավայրում տոնել Ամանորը։

Հոգեբանը ծնողներին միանշանակ խորհուրդ տվեց տանը տոնածառ զարդարել և երեխաների համար տոն կազմակերպել՝ չնայած ճնշված վիճակին և երկրում տիրող տխուր մթնոլորտին։

Մանուկները հիմնականում զգացմունքներով են առաջնորդվում, ուստի տոնական օրերին առավել կարևոր է նրանց մի փոքր ուրախության և երջանկության զգացողություն պարգևել՝ ավելի լավ ապագայի վստահություն ներշնչելու համար․չէ՞ որ Նոր տարվան բոլորն են սպասում։ Այս համատեքստում հոգեբանն օրինակ բերեց երկու մայրերի, որոնցից մեկը ցրտին երեխային հագցնում է, կերակրում, անում բոլոր անհրաժեշտ քայլերը, իսկ երկրորդը նրա համար թանկարժեք խաղալիքներ, գեղեցիկ հագուստ է գնում, մի խոսքով՝ անում է այն ամենը, ինչ երեխան է ուզում ։ Եվ չնայած  առաջինի հոգածությունն ադեկվատ մայրական արձագանքի տեսք ունի, երկրորդի երեխան այնուամենայնիվ ավելի երջանիկ կլինի։

«Տարին բարդ էր։ Երեխաներն առանց այդ էլ սթրես են ապրել։ Երկրում լարված իրավիճակը, բազմաթիվ կորուստների սուգը, մեծերի տրամադրությունն ազդում է փոքրերի վրա և ճնշում նրանց։ Ճիշտ չէ երեխաներին թախիծի մեջ ընկղմելը։ Այս օրերին նրանք համեղ ուտելիքների են սպասում, նվերների ու զարդարված տոնածառի։ Կարելի է ընտանեկան տոն սարքել՝ առանց ավելորդությունների, որպեսզի երեխայի ամանորյա սպասումներն արդարացվեն»,-ասաց Գալստյանը։

Հոգեբանն ընդգծեց, որ տոնը հատկապես պետք է մարտական գործողություններում զոհվածների և տուժածների երեխաներին, քանի որ այդ ընտանիքներում ցավն ու սուգը առանց այդ էլ շատ են։ Հասկանալի պատճառներով տանը այդ երեխաների համար տոնածառ չեն զարդարի, բայց կարելի է նրանց հանդեսների կամ ամանորյա ներկայացումների տանել, անպայման նվերներ տալ։

Պուտինը շնորհավորել է Ռոբերտ Քոչարյանին Ամանորի և սուրբծննդյան տոների կապակցությամբ

Գալստյանը կարծում է, որ կառավարությունն ուղղակի պարտավոր է այդ երեխաներին ամանորյա հեքիաթ և պաշտպանվածության զգացողություն պարգևել։

 «Պատերազմում զոհվածների երեխաներին ամանորյա հեքիաթն ավելի անհրաժեշտ է, քան մյուսներին։ Նրանք առանց այդ էլ մեծ ցավ են վերապրել։ Սթրեսը հանելու համար նրանց հետ պետք է աշխատել։ Իհարկե, դա կարող են անել հոգեբանները՝ որևէ խաղային կամ արտ-թերապիայի միջոցով, բայց նման իրավիճակներում առաջին հերթին պետք է աշխատել ծնողների և ընտանիքի անդամների հետ։ Միայն երեխաների հետ փոխգործակցությունը ցանկալի արդյունքի չի հանգեցնի»,-կարծում է Գալստյանը։

Փորձագետը հարազատներին խորհուրդ է տալիս երեխաներին պատմել պատերազմի ու դրա հետևանքների մասին։  Բացատրել, որ շատ տարիներ առաջ մենք հաղթել ենք պատերազմը, խոսել մեր ժողովրդի ձեռքբերումների, պատմության լուսավոր էջերի, նշանակալի մարդկանց մասին։ Ասել, որ մենք դեռ շատ հաղթանակներ կունենանք, և դրա համար պետք է ավելի ուժեղ ու խելացի դառնանք։

Նրա խոսքով՝ կարևոր է, որպեսզի ամուսիններին կորցրած կանայք վերապրեն իրենց սուգը, դուրս հանեն զգացմունքները, այլապես դա կարող է ագրեսիայի վերածվել։ Երեխաներին չի կարելի լիովին պատսպարել վշտից, բայց կարևոր է, որպեսզի այդ «հաղորդակցումը» շատ երկար ու չափազանց էմոցիոնալ չլինի։ Իսկ ծնողի մահվան մասին պետք է առավելագույն նրբանկատությամբ հայտնել։ Եթե երեխան դեռ փոքր է, ցանկալի է մահվան սահմանում տալ, օրինակ՝ «գնաց ուրիշ աշխարհ»։ Բայց դա պետք է այնպես անել, որպեսզի երեխայի մոտ սպասման զգացում ի հայտ չգա։

Գալստյանը նաև խորհուրդ է տալիս մինչև որոշակի տարիքը պահպանել Ձմեռ պապի մասին հեքիաթը, քանի որ նրան հավատալը երեխաներին թույլ է տալիս ավելի բարի լինել ու հավատալ հրաշքների։ Դրա հետ մեկտեղ նա կոչ է անում երեխաներին չսպառնալ զրկել նվերից, եթե իրենց վատ պահեն։ , Երբ երեխան սկսում է կասկածել Ձմեռ պապի գոյությանը, փորձագետը նաև խորհուրդ է տալիս նրան պատմել ճշմարտությունը, բայց այնպես, որպեսզի հրաշքների հանդեպ հավատը չկորի։

Առանց երգ ու պարի, բայց Ձմեռ պապով․ Ամանորին հայաստանյան հանգստավայրերում ազատ տեղ չկա

«Կատարվածի համար երեխաները մեղավոր չեն։ Պետք չէ նրանց զրկել տոնից, հեքիաթից և ապագայի դրական սպասումներից»,-եզրափակեց նա։

Նշենք, որ Երևանի քաղաքապետարանը որոշել է չզարդարել երկրի գլխավոր տոնածառը, քանի որ Հայաստանի բազմաթիվ ընտանիքներում Արցախյան պատերազմի հետևանքով զոհեր կան, և ժողովուրդը սգում է նրանց մահը։ Որոշվել է նաև չզարդարել քաղաքը։ Սակայն, ինչպես և միշտ, թատրոնների մեծ մասում մանկական հանդեսներ և ամանորյա ներկայացումներ կկազմակերպվեն։

293
թեգերը:
տոն, երեխա, տոնածառ, Ամանոր
Ըստ թեմայի
Գյումրիում էլ տոնածառ չեն դնի, միակ զարդարանքը կլինի գրությունը
Ստեփանակերտում տեղադրված տոնածառն ապամոնտաժվեց․ մարդիկ չեն ուզում տեսնել Աննա Հակոբյանին
Վերնիսաժ

Ամենևին ոչ տոնական Վերնիսաժ, կամ ինչով է ապրում Երևանի ամենակոլորիտային տոնավաճառը

54
Կանանց միջազգային տոնի՝ մարտի 8-ի նախօրեին Sputnik Արմենիայի թղթակիցն այցելել է երևանցիների սիրած տոնավաճառն ու զրուցել վաճառողների հետ

Վերնիսաժում նախատոնական իրարանցում չի նկատվում։ Անցորդները թռուցիկ նայում են վաճառասեղաններին ու գրեթե կանգ չեն առնում։ Վաճառողներն էլ հավաքվում են խմբերով՝ ջերմանալով գարնանային արևի ճառագայթների տակ ու տարբեր թեմաներ քննարկում։ Վաճառասեղանին մոտեցող գնորդին տեսնելով՝ անմիջապես գալիս ու սկսում են ներկայացնել ապրանքը։

Кожаные сумки на ереванской ярмарке Вернисаж в преддверии восьмого марта
© Sputnik / Aram Nersesyan
Վերնիսաժ

«Առանց զբոսաշրջիկների Վերնիսաժն իրեն նման չէ։ Տեղացիներն ամեն ինչի գինը գիտեն, պատկերացնում են, թե ինչ են ուզում, րոպեների ընթացքում գնում ու հեռանում են։ Իսկ զբոսաշրջիկները երկար են ընտրում, գեղեցիկ առևտուր են անում, փորձում խորամանկել, իսկ եթե նրանց թվում է, թե ստացվել է, թեյավճար են թողնում։ Նրանց շնորհիվ մենք մարքեթինգային հնարքներ ու մի քանի լեզու ենք սովորել», - ասում է պայուսակներ վաճառող տղամարդը։

Ювелирные украшения на ереванской ярмарке Вернисаж в преддверии восьмого марта
© Sputnik / Aram Nersesyan
Վերնիսաժ

Այստեղ կարելի է արծաթյա զարդեր, կաշվե իրեր, հյուսած պայուսակներ, մետաքսյա շարֆեր, խեցեղեն, կավից ու փայտից պատրաստված հուշանվերներ և շատ այլ բաներ գտնել։ Մարտի 8-ի նախօրեին առավել մարդաշատ են, այսպես կոչված, «կանանց» շարքերը։ Ընդ որում այստեղ գնորդները ոչ միայն տղամարդիկ են, այլև կանայք։ Ճիշտ է, գնման ձևն ակնհայտ տարբերվում է։  Կանայք հիմնականում ըստ գնի են նվեր ընտրում, 6-30 դոլար միջին արժողությամբ, իսկ տղամարդիկ փորձում են որևէ օրիգինալ բան գտնել, տոն օրերին էլ գինը նրանց համար էական չէ։ 

«Հավանաբար միայն հայ կանայք են միմյանց նվեր գնում մարտի 8-ին։ Նրանք ընտրում են այնպիսի իրեր, որոնք իրենց գնից ավելի թանկ տեսք ունեն։ Տղամարդիկ էլ մեծ զարդեր, բնական քարեր ու ձեռագործ հավաքածուներ են նախընտրում», - պատմում է ոսկերչական իրեր վաճառողը։

Кулоны Древо жизни на ереванской ярмарке Вернисаж в преддверии восьмого марта
© Sputnik / Aram Nersesyan
Վերնիսաժ

Նա բացահայտում է վաճառողների գաղտնիքը․ սկզբում առաջարկում են ամենաթանկ ապրանքը, այնուհետև աստիճանաբար անցնում էժանին։ Եթե մարդը գործի գիտակ է, նախևառաջ նրան վարպետների գործեր են առաջարկում։ Նման հաճախորդներին դեմքով են ճանաչում և փոքր զեղչեր անում։ Իսկ եթե հաճախորդը խորհրդի կարիք ունի՝ ինչ ընտրել զարդի հետ, նրան խորհուրդ են տալիս այցելել ձեռագործ պայուսակների և շարֆերի տաղավար։

Текстиль с разнообразным принтом на ереванской ярмарке Вернисаж в преддверии восьмого марта
© Sputnik / Aram Nersesyan
Վերնիսաժ

Շարֆեր վաճառող կինը պատմում է, որ հիմնականում դրանք նախընտրում են կանայք։ Նրանք երկար ընտրում են, հարցնում պատրաստման տեխնոլոգիան, երբեմն նույնիսկ զանգահարում ու խորհուրդ են հարցնում ընկերուհիներից։ Իսկ տղամարդիկ պայուսակներ ու դրամապանակներ են նախընտրում, բերում են կնոջը, որպեսզի նա անձամբ իր համար որևէ բան ընտրի։ Շատ դեպքեր են եղել, երբ ընտանեկան զույգը սկսել է վիճել և արդյունքում ոչինչ չի գնել։ Եղել են նաև դեպքեր, երբ տղամարդը զայրացել ու միանգամից մի քանի պայուսակ է գնել՝ ծանոթ բոլոր կանանց համար, բացի կնոջից։

- Իսկ ձեզ կանանց տոնին նվերներ նվիրո՞ւմ են։

- Շարֆեր՝ ոչ բայց զարդեր երբեմն նվիրում են։

- Այստեղի վարպետների՞ գործեր են։

- Այո, երբ կրում եմ, նրանք ճանաչում են իրենց գործերը։

Ювелирные украшения на ереванской ярмарке Вернисаж в преддверии восьмого марта
© Sputnik / Aram Nersesyan
Վերնիսաժ

Իսկ Անահիտը, որը իր պատրաստած զարդերն է վաճառում, պատմում է, որ հաճախ իրեն ծաղիկներ էին նվիրում, և նա որոշեց դրանք օգտագործել իր աշխատանքներում։  Նրա հաճախորդները հիմնականում կանայք են։ Աղջիկներն իրենց մայրիկներին ու տատիկներին մեծ կախազարդեր են նվիրում, իսկ իրենց՝ նուրբ ծաղիկներով ականջօղեր։ Հայ կանայք նախընտրում են նուրբ գույներ ու իրենց հայտնի ծաղիկներ։

«Այս ծաղիկները երբեք չեն թոռոմի։ Ամեն անգամ կանայք այս զարդերը կրելիս կհիշեն ինձ և նրան, ով  իրենց նվիրել է։ Մի՞թե հրաշք չէ», - ասում է նա ժպիտով։

Глиняная посуда на ереванской ярмарке Вернисаж в преддверии восьмого марта
© Sputnik / Aram Nersesyan
Վերնիսաժ

Հարևան վաճառասեղանի վաճառողն արագ միանում է զրույցին ու ասում, որ հրաշքն այն է, երբ կավի փոքր կտորից թեթև բաժակ է ստացվում, որից ամեն առավոտ կարելի է համեղ սուրճ խմել ու դրական հույզեր ստանալ։ Նա անմիջապես հիշում է, որ իր բաժակները գնել են տասնյակ երկրներից զբոսաշրջիկներ ու դրանցից սուրճ են խմում աշխարհի տարբեր քաղաքների բնակիչներ՝ Մոսկվայից մինչև Լոս Անջելես։ Տղամարդը պատմում է, թե ինչ սիրով է պատրաստում բաժակները, և ակամայից ուզում ես գնել նրա գոնե մեկ արտադրանք։

-Վաճառեք ինձ այդ բաժակը։

- Ինչ ես ասում, քույրիկ ջան, նվիրում եմ, շուտով մարտի 8 է։

- Չէ, այդպես չեմ վերցնի։

Торговые ларьки с ювелирными укоашениями на ереванской ярмарке Вернисаж в преддверии восьмого марта
© Sputnik / Aram Nersesyan
Վերնիսաժ

- Էդ դեպքում թող քո տղամարդը քեզ համար գնի, ես քեզ ոչինչ չեմ վաճառի։

-Մի՛ նեղացեք։

- Չեմ նեղանում, դա մարքեթինգ է, եթե այն քեզ դուր է եկել, ուրեմն դու այն կվերցնես, կգաս ու երկու հատ էլ նույնից կգնես, - ծիծաղելով ասում է վաճառողը։

- Իսկ ի՞նչ եք ձեր կնոջը նվիրելու։

- Ծաղիկներ, այսօր ադամանդի գին ունեն դրանք։

Հանկարծ տղամարդը մատնացույց է անում հուշանվերների վաճառասեղանին՝ խորհուրդ տալով անպայման այցելել ։ Նա գործընկերոջը ձայն է տալիս՝ ասելով, որ ցույց տա ինձ «այս շուկայի ամենագեղեցիկ բանը», ու աչքով անում նրան։

Сувениры и безделушки на ереванской ярмарке Вернисаж в преддверии восьмого марта
© Sputnik / Aram Nersesyan
Վերնիսաժ

Մոտենում ենք ու նկատում ծածկի տակ կախված հրեշտակներին։ Մինչդեռ հիանում ենք նրանցով՝ վաճառողը գտնում ու մեզ է պարզում կանաչ զգեստով գանգրահեր հրեշտակին։

- Ձեզ է նման, - ասում է վաճառողը։

Մենք սկսում ենք ծիծաղել, իսկ տղամարդիկ պահը բաց չեն թողնում ու շնորհավորում են գալիք տոնի կապակցությամբ։ Մենք հեռանում ենք։ Բայց թվում է, թե տոնավաճառը բազմամարդ ու ավելի ուրախ է դառնում։

  • Վերնիսաժը մարտի 8-ի նախօրեին
    Վերնիսաժը մարտի 8-ի նախօրեին
    © Sputnik / Aram Nersesyan
  • Վերնիսաժը մարտի 8-ի նախօրեին
    Վերնիսաժը մարտի 8-ի նախօրեին
    © Sputnik / Aram Nersesyan
  • Վերնիսաժը մարտի 8-ի նախօրեին
    Վերնիսաժը մարտի 8-ի նախօրեին
    © Sputnik / Aram Nersesyan
  • Վերնիսաժը մարտի 8-ի նախօրեին
    Վերնիսաժը մարտի 8-ի նախօրեին
    © Sputnik / Aram Nersesyan
  • Վերնիսաժը մարտի 8-ի նախօրեին
    Վերնիսաժը մարտի 8-ի նախօրեին
    © Sputnik / Aram Nersesyan
  • Վերնիսաժը մարտի 8-ի նախօրեին
    Վերնիսաժը մարտի 8-ի նախօրեին
    © Sputnik / Aram Nersesyan
  • Վերնիսաժը մարտի 8-ի նախօրեին
    Վերնիսաժը մարտի 8-ի նախօրեին
    © Sputnik / Aram Nersesyan
  • Վերնիսաժը մարտի 8-ի նախօրեին
    Վերնիսաժը մարտի 8-ի նախօրեին
    © Sputnik / Aram Nersesyan
  • Վերնիսաժը մարտի 8-ի նախօրեին
    Վերնիսաժը մարտի 8-ի նախօրեին
    © Sputnik / Aram Nersesyan
  • Վերնիսաժը մարտի 8-ի նախօրեին
    Վերնիսաժը մարտի 8-ի նախօրեին
    © Sputnik / Andranik Ghazaryan
1 / 10
© Sputnik / Aram Nersesyan
Վերնիսաժը մարտի 8-ի նախօրեին
54
թեգերը:
Մարտի 8, Վերնիսաժ, տոնավաճառ
Տատյանա Բրուխունովա

«Ո՜նց եք ինձ զզվեցրել»․ Տատյանա Բրուխունովայի հետևորդներին շարունակում է դուր չգալ նրա ոճը

44
(Թարմացված է 14:58 07.03.2021)
Օգտատերերից մեկը գրել է, որ Տատյանային այդ ոճը չի սազում և նա այդպես հետաքրքիր չէ. ավելի շատ տնային տնտեսուհու է նման։

ԵՐԵՎԱՆ, 7 մարտի – Sputnik. Երգիծաբան Եվգենի Պետրոսյանի երիտասարդ կինը ՝ Տատյանա Բրուխունովան, կրկին բուռն քննարկումների կիզակետում է հայտնվել։ Գաղտնիք չէ, որ նրան հաճախ են քննադատում իր ոճի համար, պիտակավորելով, որ տարեց կնոջ պես է հագնվում։

Այս անգամ Տատյանայի նյարդերը տեղի են տվել, երբ կարդացել է հերթական քննադատող մեկնաբանությունը։

Նշենք, որ երգիծաբանի կինը Instagram–ում նոր լուսանկար է հրապարակել գեղարվեստի թանգարան կատարած այցելությունից։

Օգտատերերից մեկը գրել է, որ Տատյանային այդ ոճը չի սազում և նա այդպես հետաքրքիր չէ. ավելի շատ տնային տնտեսուհու է նման։

Բրուխունովան բավաանին սուր է արձագանքել մեկնաբանությանը։ Նա գրել է, որ հոգնել է «բազմոցային ոճաբաններից»։

«Ո՜նց եք ինձ զզվեցրել։ Զեր կարծիքն ինձ հետաքրքիր չէ, պահեք ձեր մեջ, համենայն դեպս, ես ձեզնից կարծիք չեմ հարցնում։ Գոնե այդ դեպքում դաստիարակված մարդու տպավորություն կթողնեք», - գրել է Տատյանան։

Նրա մեկնաբանությունը քննարկման առիթ է դարձել։ Ոման գրել են, որ օգտատերը ճիշտ է, ու նա պետք է վերանայի իր ոճը, մի մասն էլ սատարել է երգիծաբանի կնոջը, նշելով, որ նա ամեն հագուստով էլ գեղեցիկ է։

Եվգենի Պետրոսյանն առաջին ընտանեկան լուսանկարն է հրապարակել Տատյանա Բրուխունովայի հետ

Եվգենի Պետրոսյանն ու Տատյանա Բրուխունովան ամուսնացել են 2019 թվականի դեկտեմբերին։ Մինչ այդ 33 տարի Պետրոսյանն ամուսնացած է եղել իր գործընկեր Ելենա Ստեպանենկոյի հետ։ Նրանք ունեն մեկ որդի։

Նշենք, որ Եվգենի Պետրոսյանը որդուն Վահան է կոչել հոր` Վահան Պետրոսյանի պատվին։ Վահանը հումորիստի երկրորդ երեխան է, նա նաև 51 տարեկան դուստր ունի` Վիկտորինան։

«Դժվար ժամանակներ են». Պետրոսյանի կինը հերքում է փոխնակ մոր վերաբերյալ լուրերը

44
թեգերը:
Լուսանկար, Կին, Եվգենի Պետրոսյան, Տատյանա Բրուխունովա
Ըստ թեմայի
«Մոր քթից է թռած». Եվգենի Պետրոսյանի կինը որդու լուսանկարն է հրապարակել
Ուրիշ կին կա՞ կողքին․ Եվգենի Պետրոսյանը նոր օգնականի հետ է միջոցառումներին այցելում
«Սեփական պաշտպանին կարելի է լույս աշխարհ բերել». Տատյանա Բրուխունովա
Հայտնի հայեր, որոնք 2020-ին երեխա են ունեցել
«Աստղիկ» ԲԿ. արխիվային լուսանկար

Հրազենային և մարմնական վնասվածքներով 27–ամյա երիտասարդ է տեղափոխվել «Աստղիկ» ԲԿ

0
(Թարմացված է 19:21 07.03.2021)
Ձեռնարկվում են անհրաժեշտ գործողություններ՝ պարզելու համար` որտեղ և ինչ հանգամանքներում է Ա. Մուրադյանը հրազենային վնասվածք ստացել:

ԵՐԵՎԱՆ, 7 մարտի – Sputnik. Այսօր՝ մարտի 7-ին, արտակարգ դեպք է տեղի ունեցել Երևանում:  Ինչպես հայտնում է Shamshyan.com-ը, ժամը 02:00-ի սահմաններում «Աստղիկ» բժշկական կենտրոնից ոստիկանության Մալաթիայի բաժին ահազանգ է ստացվել, որ ոտքի մասում հրազենային, իսկ գլխի մասում մարմնական վնասվածքներով իրենց մոտ է տեղափոխվել մի քաղաքացի:  

Հիվանդանոց ժամանած ոստիկանները պարզել են, որ վիրավորը Երևան քաղաքի բնակիչ, 27-ամյա Ալբերտ Մուրադյանն է, որը, ըստ բժիշկների հայտարարության, այդ պահին ի վիճակի չի եղել կատարվածի մասին բացատրություն տալու:  

Փաստի առթիվ քննչական բաժնում նյութեր են նախապատրաստվում:  Գ. Շամշյանի տեղեկություններով` վիրավորը հիվանդանոց է տեղափոխվել տաքսիով, և տեղափոխողի ինքնությունը ոստիկանները պարզել են: Ձեռնարկվում են անհրաժեշտ օպերատիվ-հետախուզական և քննչական համատեղ գործողություններ՝ պարզելու համար, որտեղ և ինչ հանգամանքներում է Ա. Մուրադյանը հրազենային վնասվածք ստացել:

0
թեգերը:
կրակոց, հիվանդանոց, Վիրավոր, Երևան