«Հետո թոռս չասի` երկու մանեթի դիմաց հողը վաճառեցիր». Շուռնուխի 12 տների հարցը պարզ չէ
(Թարմացված է 20:46 29.12.2020)
Գյուղի բնակիչներին ադրբեջանցիները 1 օր ժամանակ էին տվել` գյուղի կեսը ազատելու համար։ Շուռնուխի գյուղապետ Հակոբ Արշակյանը Sputnik Արմենիայի հետ զրույցում ասաց, որ այդ մեկօրյա ժամկետը Մոսկվայի միջամտությամբ վերացել է։ԵՐԵՎԱՆ, 29 դեկտեմբերի-Sputnik. Սյունիքի մարզի Շուռնուխ գյուղի բնակիչները մի քանի ժամ ավտոճանապարհը փակելուց հետո այն բացել են։ Հիշեցնենք, որ գյուղի բնակիչներին ադրբեջանցիները 1 օր ժամանակ էին տվել` գյուղի կեսը, այսինքն` 12 տները ազատելու համար։ Շուռնուխի գյուղապետ Հակոբ Արշակյանը Sputnik Արմենիայի հետ զրույցում ասաց, որ այդ մեկօրյա ժամկետը Մոսկվայի միջամտությամբ վերացել է։
©
Sputnik / Asatur Yesayants
«Տոների հետ կապված մինչև հունվարի 2-3-ը մարդիկ կմնան իրենց տներում։ Հետո ինչ կլինի` պարզ չի։ Եթե որոշվի, որ հողը պետք ա տան, մեկ–երկու ժամվա հարց չի լինելու։ ԱԱԾ–ն խոստացել ա, որ իրավիճակը կվերահսկվի, որ հայ սահմանապահ զորքը մինչև վերջին վայրկյանը կկանգնի գյուղացու կողքին, կլինի կազմակերպված էվակուացիա», – ասել է Արշակյանը։
Մարզպետարանը խոստացել է տրանսպորտ տրամադրել գյուղացիներին, ինչպես նաև տների համար դրամական փոխհատուցումներ տալ։
«Էսօր եկան մարզպետարանից, մեր տները նկարեցին։ Ասեցին` գումար կտրամադրեն կամ էլ գուցե տներ սարքվեն հենց գյուղի մյուս հատվածում, գուցե մարդը ուզենա իր գյուղում մնա։ Բարեգործներ են շատ խոստացել օգնել», – ասում է գյուղապետը։
Ի դեպ, նաև իր տունն է մտնում հանձնվող 12 տների մեջ։ Նա վերաբնակվել է այդ տանը 1992 թվականին, լիովին վերակառուցել այն, այգիներ ու բոստաններ ստեղծել։
«Գիտես որն ա ամենացավալին, աղջիկ ջան… Քանի միլիոն կտան, խնդիրը դա չի։ Հետո իմ թոռը ինձ չասի՝ պապի, էդ հողը վաճառեցիր երկու մանեթի դիմաց...», – ասում է նա։
Տղերք ջան, ում մոտ զենք կա, եկեք, հողը պահեք. շուռնուխցիները փակել են ճանապարհը. տեսանյութ
Նա վերահաստատեց, որ գյուղացիները, իր մարտական ընկերները, մարզից այլ քաղաքացիներ պատրաստ են զենքով պաշտպանել իրենց անվտանգությունը։
Ավելի վաղ Sputnik Արմենիայի հետ զրույցում Գորիսի փոխքաղաքապետ Մենուա Հովսեփյանը ասել էր, որ ադրբեջանցիների խոսքով` ՀՀ իշխանությունները դեռ տասը օր առաջ պետք է տեղյակ պահեին շուռնուխցիներին, որ գյուղի կեսը հանձնվում է։ Սակայն ոչ գյուղի բնակիչները, ոչ համայնքային իշխանությունները տեղյակ չեն եղել այդ մասին։
Գագարինայի նախկին ամուսինը հիշել է իր հայկական արմատներն ու հրապարակել Արարատի լուսանկարը
(Թարմացված է 00:26 28.01.2021)
Դմիտրի Իսխակովը պատմել է իր երազանքի, Հայաստան կատարած առաջին այցի ու թբիլիսահայ մոր մասին։ ԵՐԵՎԱՆ, 27 հունվարի – Sputnik. Երգչուհի Պոլինա Գագարինայի նախկին ամուսինը` հայտնի դիզայներ, լուսանկարիչ Դմիտրի Իսխակովը հիշել է իր հայկական արմատներն ու Instagram–ում հրապարակել Արարատ լեռան լուսանկարը։
«Մորս ազգանունը Սիմոնյան է, ծնվել ու մեծացել է Թբիլիսիում։ Իմ երակներով հայի արյուն է հոսում։ Երբ առաջին անգամ եղա այնտեղ, այնպիսի զգացողություն էր, որ ամեն բան շատ հարազատ է, ջերմ, սրտանց», – գրել է նա։
Իսխակովը խոստովանել է, որ առանձնահատուկ քնքշանքով է հիշում հայաստանյան ուղևորությունը։ Նա գրել է, որ վաղուց երազում է հայտնի հայերի լուսանկարների շարք անել, բայց նրանից շատերն արդեն ողջ չեն։
Посмотреть эту публикацию в Instagram
Օգտատերերից ոմանք ենթադրել են, որ նա հիմա Հայաստանում է, մյուսներն էլ պարզապես գովել են գեղեցիկ լուսանկարի համար։
Հիշեցնենք, որ լուսանկարիչն ու փոփ–երգչուհին ամուսնացել էին 2014 թվականին։ Գագարինան Պյոտր Կիսլովի հետ ամուսնությունից արդեն մեկ երեխա ուներ, 2017 թվականին ծնվեց Պոլինայի ու Դմիտրիի դուստրը։ Անցած տարվա գարնանը ԶԼՄ–ները սկսեցին գրել, որ ռուսական շոու բիզնեսի ամենահայտնի զույգերից մեկը ամուսնալուծության շեմին է, սակայն նրանք չէին մեկնաբանում այդ լուրը։ Ավելի ուշ Դմիտրի Իսխակովը հաստատեց, որ իրենք առանձին են ապրում։
Պոլինա Գագարինայի նախկին ամուսինը հրապարակել է նոր ընկերուհու մերկ լուսանկարը
«Աերոֆլոտը» մեկ ամսով չեղարկել է Մոսկվա–Երևան չվերթերը
(Թարմացված է 21:22 27.01.2021)
Ավիաընկերությունը որոշել է չեղարկել միջազգային չվերթերը. պատճառը կորոնավիրուսային իրավիճակով պայմանավորված սահմանափակումներն են։ԵՐԵՎԱՆ, 27 հունվարի - Sputnik. «Աերոֆլոտ» ավիաընկերությունը չեղարկել է միջազգային կանոնավոր չվերթերը, որոնք նախատեսված էին մարտին և ապրիլին։ Տեղեկությունը հայտնում է ՌԻԱ Նովոստին՝ հղում անելով ընկերությանը:
©
Sputnik / Asatur Yesayants
Ըստ հաղորդագրության` մարտի 28-ից ապրիլի 30-ը չեղյալ են հայտարարվել Մոսկվայից մի շարք քաղաքներ, այդ թվում ՝ Մոսկվա– Երևան չվերթերը։
Նշվում է, որ որոշումը կայացվել է կորոնավիրուսի պատճառով կիրառվող սահմանափակումների երկարաձգման կապակցությամբ:
Ավելի վաղ հայտնի էր դարձել, որ ԵԱՏՄ երկրների քաղաքացիները, որոնք որոշել են մեկնել Ռուսաստան, փետրվարի 1-ից մարտի 1-ը ներառյալ կարող են Հայաստանից և Բելառուսից ՌԴ հասնել օդային ճանապարհով`«Ճամփորդում եմ առանց COVID-19–ի» բջջային հավելվածի միջոցով կորոնավիրուսի թեստի բացասական արդյունքը ներկայացնելու դեպքում: Համապատասխան փոփոխությունը մտցվել է ՌԴ կառավարության` 2020 թվականի մարտի 16-ի որոշման մեջ:
Հիշեցնենք, որ Հայաստանի և Ռուսաստանի միջև ավիահաղորդակցությունը դադարեցվել էր անցյալ տարվա մարտին կորոնավիրուսի համավարակի պատճառով։
«Մասնակցելու ենք և կրելու ենք». Քոչարյանը կմասնակցի արտահերթ ընտրություններին
(Թարմացված է 01:27 28.01.2021)
Ինչ վերաբերում է Փաշինյանի հրաժարականը պահանջող քաղաքական ուժերին, երկրորդ նախագահը շեշտեց, որ կիսում է նրանց դիրքորոշումը ՀՀ ժամանակավոր կառավարություն ստեղծելու մասին:ԵՐԵՎԱՆ, 28 հունվարի - Sputnik. ՀՀ երկրորդ նախագահ Ռոբերտ Քոչարյանը կմասնակցի առաջիկա արտահերթ ընտրություններին՝ իր քաղաքական թիմով:
Այս մասին նա հայտարարեց այսօր հայաստանյան մի քանի կայքերին տված հարցազրույցում:
«Մասնակցելու ենք և կրելու ենք»,- ասաց Քոչարյանը՝ հավելելով, որ դրա համար ունի քաղաքական թիմ, հետևորդներ ու անհրաժեշտ գործիքակազմ:
©
Sputnik / Asatur Yesayants
Իսկ թե ինչու մինչև հիմա ակտիվություն չի դրսևորել ՀՀ գործող իշխանոթյան դեմ այքարում, Քոչարյանը մեկնաբանեց նրանով, որ չի ցանկացել իշխանությունների հնարավորություն տալ իր վերադարձով վախեցնել թիմակիցներին:
«Ես ինձ հեռու պահեցի այդ գործընթացներից, որ իմ գործոնը չօգտագործվի այդ 20-30 պատգամավորներին վախեցնելու համար»,- ասաց Քոչարյանը:
Ինչ վերաբերում է Փաշինյանի հրաժարականը պահանջող քաղաքական ուժերին, երկրորդ նախագահը շեշտեց, որ կիսում է նրանց դիրքորոշումը ՀՀ ժամանակավոր կառավարություն ստեղծելու ու արտահերթ ընտրություններ կազմակերպելու առումով, հատկապես, որ ժամանակավոր կառավարության ղեկավարը չի մասնակցելու ընտրություններին՝ հնարավոր չարաշահումներ թույլ չտալու համար:
Ի՞նչ մտավախություններ ունի Ռոբերտ Քոչարյանը ճանապարհների ապաշրջափակման հեռանկարից
Նշենք, որ նոյեմբերի 9–ի եռակողմ հայտարարությունից հետո Հայաստանի ընդդիմադիր կուսակցությունները պահանջում են վարչապետ Նիկոլ Փաշինյանի հրաժարականը։ Նրանք ժամանակավոր` ազգային համաձայնության կառավարության վարչապետի միասնական թեկնածու են առաջարկում Վազգեն Մանուկյանին։
Արցախում ամեն օր նոր տարածքային կորուստներ են գրանցվում. Քոչարյան
Իշխանությունը, սակայն, այդ տարբերակին համաձայն չէ։ Նրանք առաջարկում են միանգամից գնալ արտահերթ խորհրդարանական ընտրությունների։