ԵՐԵՎԱՆ, 27 դեկտեմբերի - Sputnik. Շատ կարևոր է հասկանալ, թե ինչու է տեղի ունեցել մեր պարտությունը, ասել էՀՀ  վարչապետ Նիկոլ Փաշինյանը Պետրոս Ղազարյանի հետ Հանրայինով հեռարձակվող հարցազրույցի ժամանակ։

© Photo : Facebook / Screenshot / Nikol Pashinyan / Նիկոլ Փաշինյան

Ինչու ընդդիմադիրները չեն պահանջում արտահերթ խորհրդարանական ընտրություններ. Փաշինյան

«Օրինակ երկու օր առաջ, ես հանդիպել եմ առաջնագծից վերադարձած քաղաքացիների հետ, որոնք պատմում են դրվագներ, որոնց էությունը պետք է պարզաբանվի։ Պատմում են, թե ինչպես ջոկատը գնացել և փորձել է սպառված զենք–զինամթերքը համալրել և տալիս են կոնկրետ անձի անուն, որը հրաժարվել է իրենց զենք տալ, և իրենք ստիպված են եղել կոտրել զինամթերքի պահեստի դռները զինվելու համար, տեսնելով, որ այդ պահեստը լիքն է անհրաժեշտ զենք–զինամթերքով»,-ասել է նա։

Ըստ Փաշինյանի՝ եթե դա հաստատվի՝ պարտության դրվագներից մեկն է, և պետք է հասկանալ, թե ինչի է դա տեղի ունեցել։

«Ես կարող եմ վստահ լինել մի բանում, որ դա վկայություն է այն մասին, որ պահեստը լեփ–լեցուն է եղել զինամթերքով և կոնկրետ անձ կողպել է պահեստի դռները»,-ասել է նա ու հավելել, որ ինքը կարևոր և պարտավորված է համարում, որ այս պատերազմի մասին ամբողջ ճշմարտությունը հայտնի դառնա, որովհետև ամեն անգամ ի հայտ են գալիս դրվագներ, որոնք մանրամասն պարզաբանման կարիք ունեն։

Ընդդիմությունը պահանջում է վարչապետի հրաժարականից հետո միայն անցկացնել ընտրություններ

«Ես հիմա չեմ կարող դատավճիռ կայացնել, հնարավոր է ինչ–որ բան այնպես չի ասվում կամ իրականությունը մի փոքր այլ է եղել, բայց պետք է պարզաբանվի։ Կան տասնյակ վկայություններ այն մասին, թե ինչպես մարդիկ, այդ թվում բարձրաստիճան, դեռևս հայկական վերահսկողության տակ գտնվող բնակավայրերից ընդհուպ հանել են փողոցի լուսավորությունը, ասելով, որ սա պետք է հավաքենք, մեզ հետ տանենք, և հնչում են կոնկրետ անուններ։ Ես չգիտեմ, կարող է սուտ են ասում, զրպարտում են, բայց պետք է սահմանվի, նշեմ, որ մարդիկ կան, որոնք կապ ունեն ընդդիմության հետ»,-նշել է Փաշինյանը։

Նրա խոսքով՝ ի վերջո նախընտրական քարոզարշավը հնարավորություն է, որ բոլորը կանգնեն ժողովրդի առաջ, մեղադրանքները բարձրաձայնեն, ապացույցները ներկայացնեն, և մարդիկ էլ կատարեն իշխանության տնօրինողի իրենց դերը։

«Ոչ մի ադրբեջանցի Հայաստանի Հանրապետության սահմանից ներս չի մտել։ Մի կողմից ասում են՝ չկան սահմաններ, մյուս կողմից ասում են՝ ադրբեջանցիներն ազատ ելումուտ են անում Հայաստանի սահմաններում. ո՞ր սահմանը նկատի ունեն։ Ամենակարևոր փաստարկներից մեկն այն է, որ մեզ ուղղված շատ մեղադրանքներ իրար բացառող են»,-ասել է Նիկոլ Փաշինյանը։

© Sputnik / Aram Nersesyan

Կապանի քաղաքապետն առաջարկում է զենք կրելու թույլտվություն տալ Սյունիքի բնակիչներին

Վարչապետի ներկայացմամբ՝ Հայաստանն անկախություն է ստացել որոշակի տարածքում, և եթե հարցեր կան այդ մասին, ինքը վկայակոչել է 2010 թվականի ընդունված ՀՀ տարածքային բաժանման մասին օրենքը, որով ասվում է, որ Սյունիքի մարզի Որոտան գյուղը սահմանակցում է Ադրբեջանի հետ, ու այսօր տեղի է ունեցել այն, ինչը նկարագրված է այդ օրենքի մեջ։

Այն միջոցները, որ ձեռնարկվել են, ձեռնարկվել են Սյունիքի անվտանգությունը պահելու համար։ Ձեռնարկված միջոցի էությունն այն է, որ վերահսկողության տակ գտնվող գոտին համընկնի ՀԱՊԿ պատասխանատվության գոտում գտնվող տարածքների հետ, ասել է Փաշինյանը։

Նա ընդգծեց, որ Սյունիքի մարզի սահմանամերձ գյուղերի այն բնակիչներին, որոնք ստիպված կլքեն իրենց տունը, կառավարությունը կսահմանի և կվճարի անհրաժեշտ փոխհատուցումներ, որոնք առնվազն կրկնակի կգերազանցեն իրենց կրած վնասի չափը։

ԵՐԵՎԱՆ, 25 հունվարի – Sputnik. ՀՀ առողջապահության նախարարությունը Pfizer դեղագործական ընկերության կողմից արտադրվող կորոնավիրուսային հիվանդության (COVID-19) դեմ պատվաստանյութ ձեռք բերելու նպատակով բանակցություններ չի տանում։ Տեղեկությունը հայտնել է ՀՀ առողջապահության նախարարությունը՝ պատասխանելով Sputnik Արմենիայի գրավոր հարցմանը։

Գերատեսչությունում նշել են նաև, որ այդ ընկերության պատվաստանյութով Իսրայելում COVID-19-ի դեմ պատվաստված բնակչության մոտ առաջացած կողմնակի ազդեցությունների, մասնավորապես կաթվածի ախտանշանների մասին առողջապահության նախարարությունը պաշտոնական տեղեկություն չունի։

Միաժամանակ նախարարությունում հրաժարվել են պարզաբանել՝ ում հետ են բանակցություններ տարվում պատվաստանյութ ձեռք բերելու նպատակով։

© AFP 2020 / KENZO TRIBOUILLARD

Իսրայելում «Pfizer» պատվաստանյութի ներարկումից հետո 13 մարդ դիմային կաթված են ստացել

Նշենք`հունվարի 20-ին հայտնի էր դարձել, որ ՀՀ առողջապահության նախարարությունը որոշում է կայացրել կորոնավիրուսի դեմ պատվաստանյութ գնել AstraZeneca բրիտանա–շվեդական ընկերությունից։ Այն հասանելի կլինի արդեն այս տարվա մարտից ու նախատեսված է բնակչության 3%-ի համար։

1-ին փուլում կպատվաստվեն տարեցների խնամքի կենտրոնների բնակիչները և աշխատակիցները, բուժաշխատողները, սոցիալական խնամքի կենտրոնների աշխատակիցները, 65 տարեկան և բարձր տարիքի անձինք, 16-ից 64 տարեկան խրոնիկ հիվանդները:

Հաջորդ փուլում կպատվաստվեն դասախոսները, ուսուցիչները, արտակարգ իրավիճակների նախարարության աշխատակիցները, զինծառայողները, արդարադատության ոլորտի աշխատակիցները, հանրային տրանսպորտի աշխատակիցները, պետական ծառայողները:

Պուտինն ասաց` ինչու մինչ այժմ չի պատվաստվել կորոնավիրուսի դեմ

ԱՆ հիվանդությունների վերահսկման և կանխարգելման ազգային կենտրոնի գլխավոր տնօրենի տեղակալ, իմունականխարգելման ազգային ծրագրի ղեկավար Գայանե Սահակյանը հայտնել էր, որ հայկական կողմը կորոնավիրուսի դեմ չորս տեսակի (այդ թվում՝ ռուսական) հնարավոր մատակարարումների մասին բանակցություններ է տանում։ Նախատեսվում է պատվաստանյութ գնել Հայաստանի բնակչության 10%-ի՝ միայն ռիսկային խմբերի համար։

Հիշեցնենք՝ Հայաստանը որպես օգնություն ստացել է ռուսական «Սպուտնիկ V»-ի մի փոքր խմբաքանակ։ Դրանով պատվաստվել է նույնիսկ առողջապահության նախկին նախարար Արսեն Թորոսյանը։