Գոռ Բաբայան

Թե ինչպես կամավորական Բաբայանը փրկվեց ականի պայթյունից, երբ պատերազմը վերջացել էր

597
(Թարմացված է 20:31 27.12.2020)
Կամավորական Գոռ Բաբայանը արցախյան առաջնագիծ էր մեկնել հոկտեմբերի սկզբին։ Պատերազմի ընթացքում երկու անգամ բախտը բերել է՝ փրկվել է, բայց երկրորդ անգամ ոտքն է կորցրել։ Sputnik Արմենիայի թղթակիցներն այցելել են Գոռին «Մուրացան» զինվորական հոսպիտալում։

Լաուրա Սարգսյան, Sputnik Արմենիա

Մուրացան փողոցում գտնվող Կենտրոնական կլինիկական զինվորական հոսպիտալի հիվանդասենյակներից մեկում աղմկոտ է, դուռը՝ կիսաբաց. հիվանդասենյակում գտնվողները սպասում են մեզ։ Ծեծում ենք կիսաբաց դուռը, հազիվ լսելի տկտկոցին սենյակից արձագանքում է տղամարդու ձայնը, որին բոլորը «կամանդիր» են անվանում։

Командир добровольческого отряда Рафаэль Аветисян в центральном клиническом военном госпитале
© Sputnik / Aram Nersesyan
Ռաֆայել Ավետիսյան

«Մտեք, այստեղ բոլորն իմոնք են»,-ասում է հրամանատար Ռաֆայել Ավետիսյանը և ձեռքերով ցույց տալիս պալատում պառկած վիրավոր զինվորներին։

Հրամանատարը պարզաբանում է, որ իրենք բոլորը միասին են կռվել Արցախում և պայքարել են յուրաքանչյուր սանտիմետրի համար։ Նա ցույց է տալիս դռնից հաշված երրորդ մահճակալին պառկած երիտասարդին։

«Սա էլ Գոռ Բաբայանը, մականունը՝ Կյաժ»,-ասում է հրամանատարն ու նշում՝ այդպես են անվանել մազերի գույնի պատճառով։

Կամավորականները խախտել են նախագահի հրամանն ու արժանացել նախագահի պարգևներին

Պատերազմի սկզբում 27-ամյա Գոռը Ռուսաստանի քաղաքներից մեկում էր՝ մեկնել էր գումար վաստակելու։ Հոկտեմբերի 1-ին արդեն հասավ Երևան, իսկ հոկտեմբերի 3-ին կամավորական ջոկատի կազմում մեկնեց Հադրութ։ Իր կյանքում Գոռը երկու դրվագ է շրջադարձային համարում։

«Կյանքիս ամենախոշոր մարտը հենց Հադրութում էր, հոկտեմբերի կեսերին։ Մենք ավելի քան հինգ ժամ կռվեցինք անմարդկային պայմաններում։ Մոտ երեք օր կարողացանք դիմակայել թշնամու գրոհներին»,-հիշում է Գոռը։

Նրա խոսքով՝ հետո բեկում տեղի ունեցավ, թշնամին կարողացավ ճեղքել պաշտպանությունը և առաջ շարժվել։ Իսկ նոյեմբերի 9-ն արդեն Գոռը դիմավորեց Շուշիի մոտ։

Доброволец Гор Бабаян в центральном клиническом военном госпитале
© Sputnik / Aram Nersesyan
Գոռ Բաբայան

Հրադադարի ռեժիմ հայտարարվելուց հետո Գոռն իր մարտական ընկերների հետ շարունակում էր մնալ Արցախում, մասնակցում էր նոր դիրքերի ձևավորվմանը։ Նոյեմբերի 20-ի վաղ առավոտյան ընկերոջ հետ միասին դուրս եկավ հետախուզության Կարմիր Շուկա գյուղի մերձակայքում։ Պատմում է, որ ի սկզբանե նախատեսվում էր, որ կվերադառնան նույն ճանապարհով, որով գնացել են։ Սակայն հակառակորդը նկատեց նրանց, և ստիպված եղան շեղվել ճանապարհից։ Հենց այդ ժամանակ էլ Գոռը ոտքը դրեց ականին։ Ընկերը նույնպես ոտքի վիրավորում ստացավ։

Ավելի քան մեկ ժամ Գոռը պառկած մնաց ականապատ դաշտում, ոտքի՝ ծնկից ներքև հատվածն արդեն չկար։ «Ժգուտով» կապեց ու սկսեց սպասել։ Օգնության հասավ հրամանատարը՝ Ռաֆայելը։

Գոռը հիշում է՝ այն, ինչ արեց «կամանդիրը», սակրավորն էլ չէր համարձակվի անել։ Վտանգելով կյանքը, նա մտավ ականապատ դաշտ։

Մի րոպե լռելուց հետո Գոռը մահճակալի կողքի սեղանիկի դարակից շրջանակով լուսանկար է հանում։ Լուսանկարում Գոռն է և նրան գրկած հրամանատարը։ Նրանք և այս պատմությունն իմացող տղաները լուսանկարն անվանում են «կյանքի համար երկու ուժեղների պայքարի մարմնացում»։

«Գոռը շատ ուժեղ է, երբ ես նրան գտա, մի ձեռքով ամբողջ ուժով ձգում էր «ժգուտը»։ Ես նրան ասացի, որ պետք է օգնի ինձ, թե չէ երկուսս էլ կմեռնենք։ Մենք կարողացանք»,-ասում է զրույցին միացած Ռաֆայելը։

Հետո արդեն Ստեփանակերտի հիվանդանոցն էր և տեղափոխությունը Երևան։ Գոռը դեռ վերականգնման երկար ճանապարհ պետք է անցնի, դրանից հետո միայն հնարավոր կլինի պրոթեզավորվել։

Վերևներից ասել են՝ ադրբեջանցիների հետ ինքներդ բանակցենք. շրջափակումից դուրս եկած կամավոր

Գոռը մեծ ծրագրեր ունի․ ոտքի կանգնելուն պես մտադիր է ամուսնանալ սիրած աղջկա հետ, որը նրան սպասել է ամբողջ պատերազմի ընթացքում։ Բայց Գոռի գլխավոր ցանկությունը եղբորից՝ Դավիթից լուր ստանալն է, որը անհետ կորածների ցուցակում է։

Սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։ Նոյեմբերի 9-ին ՀՀ վարչապետ Նիկոլ Փաշինյանի, ՌԴ նախագահ Վլադիմիր Պուտինի ու Ադրբեջանի նախագահ Իլհամ Ալիևի միջև ստորագրված հայտարարության համաձայն` ռազմական գործողությունները դադարեցվեցին։ 

597
թեգերը:
հոսպիտալ, ական, կամավոր, Արցախյան պատերազմ
Ըստ թեմայի
Ո՞վ է պահպանում մեր դիրքերը Դավիթ Բեկ գյուղի մոտ. նոր սահմանի և սահմանապահի լուսանկարները
Հետպատերազմյան իրավիճակի «հմայքը». այս իշխանությունը կարո՞ղ է որակապես նոր բանակ ստեղծել
Կապանի քաղաքապետն առաջարկում է զենք կրելու թույլտվություն տալ Սյունիքի բնակիչներին
Գագրինան ու Իսխակովը

Գագարինայի նախկին ամուսինը հիշել է իր հայկական արմատներն ու հրապարակել Արարատի լուսանկարը

36
(Թարմացված է 00:26 28.01.2021)
Դմիտրի Իսխակովը պատմել է իր երազանքի, Հայաստան կատարած առաջին այցի ու թբիլիսահայ մոր մասին։

ԵՐԵՎԱՆ, 27 հունվարի – Sputnik. Երգչուհի Պոլինա Գագարինայի նախկին ամուսինը` հայտնի դիզայներ, լուսանկարիչ Դմիտրի Իսխակովը հիշել է իր հայկական արմատներն ու Instagram–ում հրապարակել Արարատ լեռան լուսանկարը։

«Մորս ազգանունը Սիմոնյան է, ծնվել ու մեծացել է Թբիլիսիում։ Իմ երակներով հայի արյուն է հոսում։ Երբ առաջին անգամ եղա այնտեղ, այնպիսի զգացողություն էր, որ ամեն բան շատ հարազատ է, ջերմ, սրտանց», – գրել է նա։

Իսխակովը խոստովանել է, որ առանձնահատուկ քնքշանքով է հիշում հայաստանյան ուղևորությունը։ Նա գրել է, որ վաղուց երազում է հայտնի հայերի լուսանկարների շարք անել, բայց նրանից շատերն արդեն ողջ չեն։

Посмотреть эту публикацию в Instagram

Публикация от Дмитрий Исхаков (@isxakov)

Օգտատերերից ոմանք ենթադրել են, որ նա հիմա Հայաստանում է, մյուսներն էլ պարզապես գովել են գեղեցիկ լուսանկարի համար։

Հիշեցնենք, որ լուսանկարիչն ու փոփ–երգչուհին ամուսնացել էին 2014 թվականին։ Գագարինան Պյոտր Կիսլովի հետ ամուսնությունից արդեն մեկ երեխա ուներ, 2017 թվականին ծնվեց Պոլինայի ու Դմիտրիի դուստրը։ Անցած տարվա գարնանը ԶԼՄ–ները սկսեցին գրել, որ ռուսական շոու բիզնեսի ամենահայտնի զույգերից մեկը ամուսնալուծության շեմին է, սակայն նրանք չէին մեկնաբանում այդ լուրը։ Ավելի ուշ Դմիտրի Իսխակովը հաստատեց, որ իրենք առանձին են ապրում։

Պոլինա Գագարինայի նախկին ամուսինը հրապարակել է նոր ընկերուհու մերկ լուսանկարը

36
թեգերը:
Պոլինա Գագարինա, Արարատ լեռ, Հայաստան
Ըստ թեմայի
Օլգա Բուզովան ցույց է տվել Դավիթ Մանուկյանի հետ հարաբերությունների «կեղտոտ» կողմը
Դիզայներ Արտաշես Օհանյանը 4 զգեստ է ստեղծել Օլգա Բուզովայի համար
Երգչուհի Լոլիտան 6–րդ անգամ է ամուսնացել
Ինքնաթիռ

«Աերոֆլոտը» մեկ ամսով չեղարկել է Մոսկվա–Երևան չվերթերը

258
(Թարմացված է 21:22 27.01.2021)
Ավիաընկերությունը որոշել է չեղարկել միջազգային չվերթերը. պատճառը կորոնավիրուսային իրավիճակով պայմանավորված սահմանափակումներն են։

ԵՐԵՎԱՆ, 27 հունվարի - Sputnik. «Աերոֆլոտ» ավիաընկերությունը չեղարկել է միջազգային կանոնավոր չվերթերը, որոնք նախատեսված էին մարտին և ապրիլին։ Տեղեկությունը հայտնում է ՌԻԱ Նովոստին՝ հղում անելով ընկերությանը:

Ըստ հաղորդագրության` մարտի 28-ից ապրիլի 30-ը չեղյալ են հայտարարվել Մոսկվայից մի շարք քաղաքներ, այդ թվում ՝ Մոսկվա– Երևան չվերթերը։

Նշվում է, որ որոշումը կայացվել է կորոնավիրուսի պատճառով կիրառվող սահմանափակումների երկարաձգման կապակցությամբ:

Ավելի վաղ հայտնի էր դարձել, որ ԵԱՏՄ երկրների քաղաքացիները, որոնք որոշել են մեկնել Ռուսաստան, փետրվարի 1-ից մարտի 1-ը ներառյալ կարող են Հայաստանից և Բելառուսից ՌԴ հասնել օդային ճանապարհով`«Ճամփորդում եմ առանց COVID-19–ի» բջջային հավելվածի միջոցով կորոնավիրուսի թեստի բացասական արդյունքը ներկայացնելու դեպքում: Համապատասխան փոփոխությունը մտցվել է ՌԴ կառավարության` 2020 թվականի մարտի 16-ի որոշման մեջ:

Հիշեցնենք, որ Հայաստանի և Ռուսաստանի միջև ավիահաղորդակցությունը դադարեցվել էր անցյալ տարվա մարտին կորոնավիրուսի համավարակի պատճառով։

258
թեգերը:
չվերթ, Մոսկվա, Ռուսաստան, Հայաստան
Ըստ թեմայի
Վերսկսվել են Սանկտ Պետերբուրգ - Երևան - Սանկտ Պետերբուրգ երթուղով չվերթերը
Վրաստանը փետրվարի 1-ից կվերականգնի կանոնավոր ավիահաղորդակցությունը
Հայաստանի քաղաքացիների համար Ռուսաստանը բացում է օդային սահմանը, բայց կա մեկ պայման
Второй президент Республики Армения Роберт Кочарян в гостях у Sputnik Армения

«Մասնակցելու ենք և կրելու ենք». Քոչարյանը կմասնակցի արտահերթ ընտրություններին

66
(Թարմացված է 01:27 28.01.2021)
Ինչ վերաբերում է Փաշինյանի հրաժարականը պահանջող քաղաքական ուժերին, երկրորդ նախագահը շեշտեց, որ կիսում է նրանց դիրքորոշումը ՀՀ ժամանակավոր կառավարություն ստեղծելու մասին:

ԵՐԵՎԱՆ, 28 հունվարի - Sputnik. ՀՀ երկրորդ նախագահ Ռոբերտ Քոչարյանը կմասնակցի առաջիկա արտահերթ ընտրություններին՝ իր քաղաքական թիմով:
Այս մասին նա հայտարարեց այսօր հայաստանյան մի քանի կայքերին տված հարցազրույցում:

«Մասնակցելու ենք և կրելու ենք»,- ասաց Քոչարյանը՝ հավելելով, որ դրա համար ունի քաղաքական թիմ, հետևորդներ ու անհրաժեշտ գործիքակազմ:

Իսկ թե ինչու մինչև հիմա ակտիվություն չի դրսևորել ՀՀ գործող իշխանոթյան դեմ այքարում, Քոչարյանը մեկնաբանեց նրանով, որ չի ցանկացել իշխանությունների հնարավորություն տալ իր վերադարձով վախեցնել թիմակիցներին:

«Ես ինձ հեռու պահեցի այդ գործընթացներից, որ իմ գործոնը չօգտագործվի այդ 20-30 պատգամավորներին վախեցնելու համար»,- ասաց Քոչարյանը:

Ինչ վերաբերում է Փաշինյանի հրաժարականը պահանջող քաղաքական ուժերին, երկրորդ նախագահը շեշտեց, որ կիսում է նրանց դիրքորոշումը ՀՀ ժամանակավոր կառավարություն ստեղծելու ու արտահերթ ընտրություններ կազմակերպելու առումով, հատկապես, որ ժամանակավոր կառավարության ղեկավարը չի մասնակցելու ընտրություններին՝ հնարավոր չարաշահումներ թույլ չտալու համար:

Ի՞նչ մտավախություններ ունի Ռոբերտ Քոչարյանը ճանապարհների ապաշրջափակման հեռանկարից

Նշենք, որ նոյեմբերի 9–ի եռակողմ հայտարարությունից հետո Հայաստանի ընդդիմադիր կուսակցությունները պահանջում են վարչապետ Նիկոլ Փաշինյանի հրաժարականը։ Նրանք ժամանակավոր` ազգային համաձայնության կառավարության վարչապետի միասնական թեկնածու են առաջարկում Վազգեն Մանուկյանին։

Արցախում ամեն օր նոր տարածքային կորուստներ են գրանցվում. Քոչարյան

Իշխանությունը, սակայն, այդ տարբերակին համաձայն չէ։ Նրանք առաջարկում են միանգամից գնալ արտահերթ խորհրդարանական ընտրությունների։

66
թեգերը:
ընդդիմություն, Հայաստան, Ազգային ժողովի ընտրություններ, Ընտրություններ, Ռոբերտ Քոչարյան
Ըստ թեմայի
Եթե ՀՀ վարչապետը լիներ թուրքական գործակալ, կաներ այն ամենը, ինչ արվել է. Ռոբերտ Քոչարյան
Ինչու էր թշնամին խնայում Արցախի նախագահի նստավայրը. Քոչարյանն իր վարկածը ներկայացրեց
Ռուսաստանի գործընկեր ու դաշնակից երկրից Հայաստանը վերածվել է ՌԴ–ի պրոտեկտորատի. Քոչարյան