Մանդարին

Ի՞նչ է տեղի ունենում օրգանիզմում, երբ մանդարին ենք ուտում

2266
(Թարմացված է 20:21 25.12.2020)
Ամենատոնական և վիտամիններով հարուստ մրգի օգուտներն ու վնասները՝ Sputnik-ի նախատոնական հատուկ հոդվածում։

Մշտադալար բույսի պտուղները՝ մանդարինները, առաջին անգամ հայտնվել են Չինաստանում, այնուհետև տարածվել բոլոր եվրոպացիների սեղաններին։

Հետաքրքիր է, որ ժամանակի ընթացքում գունեղ և հյութեղ մրգի հետ կապված առանձին ավանդույթ է ձևավորվել։ Չինաստանում ամեն տարի Ամանորին հյուրերը տանտերերին երկու մանդարին են բերում, իսկ դուրս գալիս փոխարենը երկու այլ մանդարին են ստանում։ Դա համարվում է բարգավաճում և հարստություն մաղթելու յուրօրինակ տարբերակ։

Եվ ուրեմն ո՞րն է «մոգական» և յուրաքանչյուր ամանորյա սեղանի մրգի օգուտն ու վնասը՝ կարդացեք Sputnik-ի հատուկ հոդվածում։

«Բարի» մանդարինը

Մանդարինները մեծ քանակությամբ օգտակար թթուներ են պարունակում և իսկական բնական հակաօքսիդանտներ թաքցնում։ Ձմռանը ցիտրուսները լրացնում են վիտամինների պակասն ու ամրացնում իմունիտետը՝ շնորհիվ ասկորբինաթթվի մեծ չափաբաժնի։

Մանդարինն անփոխարինելի օգնական է մրսածության դեմ պայքարում․ կեղևը հեշտությամբ հեղուկացնում է լորձը և թեթևացնում հազի նոպաները։ Բացի այդ, այս միրգը հիանալի ջերմիջեցնող է, արագացնում է ոչ միայն մրսածության, այլև գրիպի բուժումը։

Մանդարինի յուղը հայտնի է լիցքաթափող և հանգստացնող ազդեցությամբ, վերացնում է սթրեսը, լավացնում քունը և ընդհանուր առմամբ օրգանիզմի ինքնազգացողությունը։

Սխտորի օգուտն ու վնասը. ինչ է տեղի ունենում օրգանիզմում, երբ սխտոր ենք ուտում

Եվ չնայած շաքարի բավական լուրջ քանակին` մանդարինն օգնում է քաշի նվազեցմանը և ցածր կալորիականություն ունեն։ Բջջանյութն ու պեկտինը խթանում են մարսողական գործընթացներն ու նյութափոխանակությունը։

Ի՞նչ է տեղի ունենում օրգանիզմում, երբ սունկ ենք ուտում

«Չար» մանդարինը

Ինչպես և բոլոր ցիտրուսները, մանդարինը ևս կարող է ալերգիա առաջացնել։ Պետք է սահմանափակել դրա քանակը, չի կարելի մանդարին տալ մինչև երեք տարեկան երեխաներին։

Միրգը կարող է գրգռել ստամոքսը, ուստի ստամոքսի խոց, բարձր թթվայնություն կամ գաստրիտ ունեցողներին խորհուրդ չի տրվում մանդարին ուտել։

Ցավոք, այս մրգի մասին պետք է մոռանան նաև նրանք, ովքեր տառապում են հեպատիտով, լեղապարկ ու երիկամի հետ կապված խնդիրներ ունեն, այն կարող է վնասել լյարդը։

Զգույշ պետք է լինեն նաև բոլոր նրանք, ովքեր հետևում են սննդակարգին․ գունեղ ու հյութեղ մանդարինը գրգռում է ախորժակը։ Հենց այդ պատճառով մանդարին պետք է ուտել ոչ թե սոված փորին, այլ կուշտ ճաշից կամ ընթրիքից հետո։

Ի՞նչ է կատարվում օրգանիզմում, երբ հոն ենք ուտում

2266
թեգերը:
օրգանիզմ, մանդարին
Ըստ թեմայի
Ի՞նչ է կատարվում օրգանիզմում, երբ կարմիր հաղարջ ենք ուտում
Ի՞նչ է կատարվում օրգանիզմում, երբ կոկռոշ եք ուտում
Ի՞նչ է կատարվում օրգանիզմում, երբ կարմիր բողկ ենք ուտում
Ի՞նչ է կատարվում օրգանիզմում, երբ միս ենք ուտում
Արխիվային լուսանկար

Վայոց Ձորի մարզում երկրաշարժ է եղել

82
(Թարմացված է 22:46 18.01.2021)
ՀՀ ԱԻՆ–ից տեղեկացնում են, որ երկրաշարժի էպիկենտրոնը եղել է Վայոց Ձորի մարզի Ջերմուկ քաղաքից 10 կմ դեպի արևմուտք։

ԵՐԵՎԱՆ, 18 հունվարի – Sputnik. Հայաստանի տարածքում այսօր` հունվարի 18-ին, տեղական ժամանակով ժամը 18:12-ին (Գրինվիչի ժամանակով ժամը 14:12-ին) երկրաշարժ է եղել, որը զգացվել է Վայոց Ձորի մարզի Հերհեր և Կարմրաշեն գյուղերում՝ 2-3 բալ ուժգնությամբ: Տեղեկությունը հայտնում է ՀՀ ԱԻՆ մամուլի ծառայությունը։

«ՀՀ ԱԻՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 39.80⁰ և արևելյան երկայնության 45.55⁰ աշխարհագրական կոորդինատներով՝ Հայաստան, Վայոց Ձորի մարզի Ջերմուկ քաղաքից 10 կմ արևմուտք, օջախի 10 կմ խորությամբ, 1.9 մագնիտուդով երկրաշարժ»,–նշված է ԱԻՆ հաղորդագրության մեջ:

Նշվում է, որ էպիկենտրոնային գոտում ստորգետնյա ցնցման ուժգնությունը կազմել է 2-3 բալ:

Երկրաշարժի հետևանքով բնակապահովման ծրագիրն ավարտվում է, բայց ավելի քան 7200 տնակ դեռ կա

82
թեգերը:
Ջերմուկ, Վայոց Ձոր, Երկրաշարժ
Ըստ թեմայի
Թուրքիայում երկրաշարժ է տեղի ունեցել
Ինչ տեսք ունի Խորվաթիան ավերիչ երկրաշարժից հետո. լուսանկարներ
Ադրբեջանի սահմանամերձ շրջաններում երկրաշարժ է գրանցվել
Արխիվային լուսանկար

Երևանն ու Թբիլիսին վերջապես կսկսեն «Բարեկամության կամրջի» շինարարությունը

364
(Թարմացված է 22:19 18.01.2021)
Կամրջի կառուցման պայմանագրային արժեքը մոտ 8 325 000 եվրո է։ Գումարի 50 տոկոսը կմարի հայկական կողմը, 50 տոկոսը՝ վրացականը։

ԵՐԵՎԱՆ, 18 հունվարի – Sputnik. Հայկական կողմն իր տարածքում «Բարեկամության կամրջի» շինարարությունը կսկսի Վրաստանի գործընկերների հետ ժամկետները համաձայնեցնելուց մեկ կամ երկու ամիս հետո։ Տեղեկությունը Sputnik Արմենիայի թղթակցին հայտնեցին ՀՀ տարածքային կառավարման և ենթակառուցվածքների նախարարության ճանապարհային վարչությունում։

Շինարարական աշխատանքները պետք է սկսվեին 2019թ․-ի սեպտեմբերին և արդեն 2021թ․-ի աշնանը Դեբեդ գետի վրայով՝ Հայաստան-Վրաստան սահմանին, պետք է կառուցված լիներ «Բարեկամության կամուրջը»։ Նախորդ տարի նախագծի իրականացումը հետաձգվեց տեխնիկական պատճառներով։ Նախագծի իրականացման նոր ժամկետները 2020 թ․-ի փետրվարի 12-ին Թբիլիսիում քննարկվել են Հայաստանի տարածքային կառավարման և ենթակառուցվածքների նախարար Սուրեն Պապիկյանի և Վրաստանի տարածքային զարգացման և ենթակառուցվածքների նախարար Մայա Ցքիթաշվիլիի հանդիպման ընթացքում։

Հայկական կողմը նախատեսում էր շինարարությունը սկսել նախորդ տարի, սակայն այստեղ արդեն ժամկետների վրա ազդեցություն ունեցան մի շարք գործոններ․ կորոնավիրուսի համավարակի հետ կապված համաճարակային իրավիճակը, երկրների օրենսդրական հակասություններն ու Հայաստանում ռազմական դրությունը։

Մեքենաների զննումը` 5 րոպե. շները և կինոլոգները հսկողություն են իրականացնում Բագրատաշենում

Ինչպես Sputnik Արմենիային հայտնեցին տարածքային կառավարման և ենթակառուցվածքների նախարարության ճանապարհային վարչությունից, «Սադախլո-Բագրատաշեն» սահմանային անցակետի տարածքում Դեբեդ գետի վրայով «Բարեկամության կամուրջ» երկկողմանի նախագծի իրականացումը նախաշինարարական փուլում է։

«Իրականացվում են շինարարական ճամբարի և դրա ենթակառուցվածքների կազմակերպման աշխատանքները‚ կատարվում են հողային աշխատանքներ»,-նշեցին վարչությունում։

Կամրջի կառուցման պայմանագրային արժեքը մոտ 8 325 000 եվրո է։ Կամրջի կառուցման համար անհրաժեշտ գումարի 50 տոկոսը կմարի հայկական կողմը, 50 տոկոսը՝ վրացականը։

Կառուցվելու է երկու առանձին կամուրջ՝ իրարից 1մ հեռավորությամբ: Երկու կամուրջների ընդհանուր լայնությունը կազմելու է 24.7մ, յուրաքանչյուրինը՝ 11.85մ: Կամուրջն ունենալու է մոտ 32 մետրանոց 5 թռիչք և մոտեցնող ճանապարհներ։ Լինելու է արտաքին լուսավորություն և ջրահեռացման համակարգ:

Նշենք, որ «Բարեկամության կամուրջ» ծրագրի մասին հայտարարվել էր դեռս 2013թ․-ին և նախատեսվում էր այն շահագործման հանձնել մինչև 2016թ․-ի վերջը։ Ժամկետը մի քանի անգամ հետաձգվել է։ Հայտարարվել էր միջազգային տենդեր, որում հաղթել է իրանական ընկերությունը։

2018թ․-ի վերջին կապալառուն համաձայնագիր ստորագրեց վրացական և հայկական կողմերի հետ։ Երկու կողմերի ներկայացուցիչներն էլ ընկերության նախագիծը լավագույնը համարեցին ինչպես իրականացման, այնպես էլ ֆինանսական տեսանկյունից։ Արդյունքում Հայաստանում և Վրաստանում ձևավորվեցին հանձնաժողովներ, որոնք ուսումնասիրում էին այս նախագիծը (յուրաքանչյուրն իր կողմից)։

Հայաստանը Վրաստանին կապող բարեկամության կամուրջը վստահեցին Իրանին

364
թեգերը:
կամուրջ, Հայաստան, Վրաստանի Հանրապետություն, Դեբեդ
Ըստ թեմայի
Հայտնի է դարձել` երբ կմեկնարկի «Բարեկամության կամուրջ» հայ-վրացական նախագիծը
«Բարեկամության կամուրջ». ո՞վ կլինի շինարարը
Հայաստանի և Վրաստանի «Բարեկամության կամուրջը» կկառուցվի 2 տարում
«Բարեկամության կամուրջ» Հայաստանի ու Վրաստանի միջև կկառուցվի, բայց հետո
«Բարեկամության կամուրջ» հայ-վրացական սահմանին. ինչն է խանգարում է ծրագրի մեկնարկին

Պարենային ինքնաբավության խնդիրն Արցախում դժվար թե լուծվի առկա հողատարածքներով. Ավետիսյան

0
(Թարմացված է 23:51 18.01.2021)
«Ամբերդ» հետազոտական կենտրոնի ավագ փորձագետ, տնտեսագիտության դոկտոր, պրոֆեսոր Սամվել Ավետիսյանը Sputnik Արմենիայի հետ զրույցի ընթացքում խոսել է պարենային անվտանգության խնդիրների մասին, որոնք ավելի ցցուն են դարձել արցախյան պատերազմից հետո։

Սամվել Ավետիսյանի դիտարկմամբ` պարենային անվտանգությունը դարձել է ամենակարևոր հիմնախնդիրներից մեկը, և Հայաստանին պատուհասած երկու արհավիրքները` համավարակն ու պատերազմն էական ազդեցություն են թողել պարենային անվտանգության վրա։

«Սկզբում կորոնավիրուսը խաթարեց հասարակական կյանքի ռիթմը, իսկ հետո արցախյան պատերազմն իր հետ բերեց զգալի կորուստներ, մասնավորապես Արցախի գյուղնախարարի վկայությամբ` հողատարածքների 75 տոկոսն անցավ թշնամուն։ Եթե հաշվի առնենք, որ Արցախում գյուղատնտեսական նշանակության հողատարածքների 90 տոկոսը դրված էր հացահատիկի ու հատիկաընդեղենային մշակաբույսերի տակ, ապա պարզ է դառնում, թե որն է կորուստի առյուծի բաժինը»,– նշեց տնտեսագետը։

Ավետիսյանը ևս մեկ անգամ հիշեցրեց, որ մեր պարենային պաշարները համալրվում էին նաև Արցախից եկած ցորենով, քանզի տարեկան ներկրվում էր 30 հազար տոննա ցորեն, 18 հազար տոննա գարի, և հիմա քիչ է ասել, որ պաշարներն այլևս չեն գա, որովհետև, Ավետիսյանի կանխատեսմամբ, կստեղծվի մի իրավիճակ, երբ ստիպված կլինենք արդեն մեր բաժնից մաս հանել Արցախի համար։

Մասնագետի համոզմամբ`պարենային ինքնաբավության խնդիրն Արցախում դժվար թե լուծվի պատերազմից հետո մնացած հողատարածքներով։ Նա անդրադարձավ Հայաստանի և Արցախի պարենային հաշվեկշռի կազմման մեթոդաբանությանը, ինչպես նաև պարենային ինքնաբավությանը միտված պետական քաղաքականությանը` խոսելով գործարարների հետ կնքվելիք ֆյուչերսային, այսինքն` ապագային միտված պայմանագրերի անհրաժեշտության մասին։

0
թեգերը:
Սամվել Ավետիսյան, Պատերազմ, կորոնավիրուս, Արցախ
թեմա:
Sputnik զրույց
Ըստ թեմայի
Երբ ուղիղ մահվան աչքերին ես նայում, կամ սարկավագ Քամալյանի պատերազմական պատմությունները
Մինչև ապրիլ բան չի փոխվի. տնտեսագետը հուշում է` ինչ է պետք անել կյանքը լավացնելու համար
«Փաշինյանը նվազագույնը 38,4 մլրդ դոլարի վնաս է հասցրել Հայաստանին». Մեսրոպ Մանուկյան
Արցախ վերադարձած ընտանիքները կշարունակեն ապահովվել պարենամթերքով և անհրաժեշտ պարագաներով