Արխիվային լուսանկար

Անհնազանդության ակցիաներ. անհետ կորածների ու գերիների ծնողները փակում են Երևանի փողոցները

117
(Թարմացված է 18:30 24.12.2020)
Ակցիայի կազմակերպիչներից Սերգո Գալստյանը լրագրողների հետ զրույցում հայտարարեց, որ ակցիան քաղաքական չէ։ Իրենք ուզում են հասկանալ` ունե՞ն պետություն, թե՞ ոչ։

ԵՐԵՎԱՆ, 24 դեկտեմբերի – Sputnik. Երևանում այս պահին անհնազանդության ակցիա է իրականացվում, որի մասնակիցները բեռնատար ավտոմեքենաներով փակել են Բաղրամյան պողոտա–Պռոշյան փողոց խաչմերուկը։

Երթևեկությունն այդ հատվածում ներկա պահին կաթվածահար է։ Ոստիկանները բանակցում են ակցիայի կազմակերպիչների հետ` հորդորելով նրանց բացել ճանապարհը։

Ակցիայի կազմակերպիչներից Սերգո Գալստյանը լրագրողների հետ զրույցում հայտարարաեց, որ ակցիան քաղաքական կամ կուսակցական չէ։

Ակցիայի մասնակիցներն անհետ կորած ու գերեվարված զինծառայողների ծնողներն են։

«Ես որոնում եմ իմ եղբոր որդուն։ Բայց դա կապ չունի, բոլորն էլ մեր երեխաներն են։ Մենք գործ չունենք ո՛չ 17 կուսակցությունների հետ, ո՛չ 20 կուսակցությունների։ Մենք ուզում ենք հասկանալ` ունե՞նք մենք պետություն, թե՞ ոչ»,–ասաց նա։

6 ընկերներով էինք, ինչ էլ լիներ` պիտի միասին փրկվեինք. 70 օր անհետ կորածների պատմությունը

Գալստյանը հայտարարեց, որ բացի ԱՀ արտակարգ իրավիճակների ծառայությունից, որևէ այլ պետական մարմնից որևէ իրական աշխատանք չեն տեսել։

«Թող որևէ մեկը չփորձի քաղաքականացնել մեր ակցիան։ Մենք ծնողներ ենք, որոնք ուզում են գտնել իրենց երեխաներին։ Սա միայն մեր երեխեքի հարցը չի, բոլորիս երեխեքի հարցն է, մեր պետության, մեր պետականության հարցն է»,– ասաց անհետ կորած զինվորի հորեղբայրը։

Ակցիայի մասնակից ծնողները, նրա խոսքով, պահանջում են, որ իշխանությունը Արդբեջանում պահվող գերիների հստակ թիվ հրապարակի։

Հիշեցնենք` սեպտեմբերի 27-ին Ադրբեջանը ռազմական գործողություններ էր սկսել Արցախում, որոնք դադարեցվեցին նոյեմբերի 9-ին Ռուսաստանի, Հայաստանի և Ադրբեջանի առաջնորդներ Վլադիմիր Պուտինի, Նիկոլ Փաշինյանի ու Իլհամ Ալիևի ստորագրած հայտարարությունից հետո։

Անհետ կորածների ծնողները ներխուժեցին ՊՆ շենք. տեսանյութ

Պատերազմի ընթացքում զոհվածների վերջնական թիվը դեռ հայտնի չէ։ Արցախի պաշտպանության նախարարությունն այս պահի դրությամբ ավելի քան 1800 անուն է հրապարակել, դեկտեմբերի 11-ի դրությամբ դատաբժշկական փորձաքննության է ենթարկել 2996 զոհվածի մարմին, բայց դատագենետիկական հետազոտության արդյունքում նույնականացվել են նրանցից միայն 302–ի մարմինները։

Անհետ կորածների հստակ թիվը հայտնի չէ։ Նրանց հարազատները պարբերաբար բողոքի ակցիաներ են անում ՀՀ կառավարության ու ՊՆ–ի մոտ` պահանջելով, որ պատկան մարմինները տեղեկություններ հայտնեն իրենց զինվորների մասին։

117
թեգերը:
Երևան, փողոց, անհետ կորած, գերի
Ըստ թեմայի
«Ոնց էլ լինի` անուններ կտա». անհետ կորած զինվորներից մեկը գերիների խմբի հետ վերադարձել է
Անհետ կորածներին փնտրող խմբերի թիվն ավելացվել է, 6000 պայթունավտանգ առարկա է վնասազերծվել
Քաղաքացիական 60 անձ զոհվել է. Բեգլարյանն ասաց` 40 անհետ կորածներից մի մասին էլ սպանել են
Արխիվային լուսանկար

Հայաստանում ովքեր ու երբ առաջնահերթ կպատվաստվեն կորոնավիրուսի դեմ. ԱՆ-ն տեղեկացնում է

76
(Թարմացված է 19:56 20.01.2021)
Որոշվել է չմերժել «AstraZeneca» ընկերության պատվաստանյութի ձեռքբերումը` նախատեսված բնակչության 3%-ի համար։

Կայացել է «Իմունականխարգելման հարցերով հանրապետական խորհրդատվական փորձագիտական հանձնաժողովի» հերթական նիստը, որի ընթացքում քննարկվել են կորոնավիրուսային հիվանդության (COVID-19) դեմ պատվաստումների ռիսկի խմբերի առաջնահերթությունները և «COVAX FACILTY» նախաձեռնության երկրորդ պատուհանի ընթացքում COVID-19-ի դեմ պատվաստանյութերի ձեռքբերման հնարավորություններն ու առաջարկները: Տեղեկությունը հայտնում են ՀՀ առողջապահության նախարարությունից։

Հանձնաժողովը քննարկել է COVID-19-ի դեմ պատվաստումների ռիսկի խմբերի առաջնահերթությունների որոշման հարցը՝ հաշվի առնելով տարբեր երկրներում այս ուղղությամբ կիրառվող սկզբունքները, ինչպես նաև այս հիվանդության համաճարակաբանական օրինաչափությունները:

Ամփոփելով հանձնաժողովի անդամների և նիստին հրավիրված փորձագետների կարծիքները` հանձնաժողովն առաջարկել է COVID-19-ի դեմ պատվաստումներն իրականացնել փուլային՝ սահմանելով ռիսկի խմբերի հետևյալ առաջնահերթությունը.

1-ին փուլում կպատվաստվեն տարեցների խնամքի կենտրոնների բնակիչները և աշխատակիցները, բուժաշխատողները, սոցիալական խնամքի կենտրոնների աշխատակիցները, 65 տարեկան և բարձր տարիքի անձինք, 16-ից 64 տարեկան քրոնիկ հիվանդները:

Հաջորդ փուլում կպատվաստվեն դասախոսները, ուսուցիչները, արտակարգ իրավիճակների նախարարության աշխատակիցները, զինծառայողները, արդարադատության ոլորտի աշխատակիցները, հանրային տրանսպորտի աշխատակիցները, պետական ծառայողները:

Հանձնաժողովը քննարկել է նաև «COVAX FACILTY» նախաձեռնության շրջանակներում երկրորդ պատուհանի ընթացքում առաջարկված COVID-19-ի դեմ «AstraZeneca» ընկերության պատվաստանյութի ձեռքբերման հնարավորությունը: Որոշվել է չմերժել «AstraZeneca» ընկերության պատվաստանյութի ձեռքբերումը` նախատեսված բնակչության 3%-ի համար՝ հաշվի առնելով հնարավորինս վաղ ժամկետում հասանելիությունը (2021 թվականի մարտ) և արժեքի մատչելիությունը:

Կորոնավիրուսը տարածվում է. Արցախի մի քանի համայնքներում ելումուտը սահմանափակվում է

Նախարարությունից տեղեկացնում են, որ Միացյալ Թագավորության «AstraZeneca» ընկերության COVID-19-ի դեմ պատվաստանյութը կլինիկական փորձարկումների բոլոր փուլերում բավարարել է պատվաստանյութերի անվտանգությանը և արդյունավետությանը ներկայացվող պահանջները և Առողջապահության համաշխարհային կազմակերպության կողմից ստացել է արտակարգ իրավիճակներում կիրառման թույլտվություն:

76
թեգերը:
պատվաստումներ, Հայաստան, կորոնավիրուս
Ըստ թեմայի
Պուտինն ասել է, որ կորոնավիրուսի դեմ ռուսական պատվաստանյութն ամենալավն է աշխարհում
Արցախում ռուս խաղաղապահներին պատվաստում են կորոնավիրուսի դեմ
ԱՀԿ-ն կորոնավիրուսից մահացության նոր ռեկորդ է արձանագրել
Տիգրանաշեն. 11 հունվարի, 2021

«Հերիք է ասեք Շուռնուխ». Փաշինյանը չասաց` Տիգրանաշենին սպառնո՞ւմ է Շուռնուխի ճակատագիրը

35
(Թարմացված է 20:11 20.01.2021)
Նիկոլ Փաշինյանը հարցնում է` ինչո՞ւ ԱԺ ամբիոնից որևէ մեկը հարց չի բարձրացնում ՝ Արծվաշեն գյուղի հետ ի՞նչ է լինելու:

ԵՐԵՎԱՆ, 20 հունվարի - Sputnik. ՀՀ վարչապետ Նիկոլ Փաշինյանն Ազգային ժողովում հարցուպատասխանի ժամանակ խուսափեց հստակ պատասխանել ԲՀԿ–ական պատգամավոր Իվետա Տոնոյանի այն հարցին, թե արդյո՞ք Տիգրանաշենին սպառնում է նույն ճակատագիրը, որը բաժին հասավ Շուռնուխ և Որոտան համայնքներին:

«Երբեմն տպավորություն է ստեղծվում` ասվում են բաներ, որոնց բովանդակության նպատակը պետք է շատ լուրջ հասկանալ։ Շուռնուխի ճակատագիրը որոշել եք դուք՝ 2010 թվականին «Վարչատարածքային բաժանման մասին» օրենքին կողմ քվեարկելով: Այն ժամանակ, որ ընդունում էիք այս օրենքը, դրա մասին չէի՞ք մտածում»,–ասաց Փաշինյանը։

Նա նշեց, որ հակամարտությունը դեռ լուծված չէ, և կան բազմաթիվ հարցեր, որոնք լուծված չեն։ Փաշինյանը հարցրեց, թե ինչո՞ւ ԱԺ ամբիոնից որևէ մեկը հարց չի բարձրացնում ՝ Արծվաշեն գյուղի հետ ի՞նչ է լինելու:

«Հերիք է ասեք՝ Շուռնուխ, Շուռնուխ։ Դուք եք որոշել, որ ճանապարհից այն կողմ Ադրբեջանն է։ Է, կողմ չքվեարկեիք»,–հավելեց նա։

Փաշինյանն ասաց` Տավուշի, Սյունիքի, Վայոց ձորի մարզերում կան տարածքներ, որոնք մինչ օրս գտնվում են ադրբեջանական վերահսկողության ներքո. ինչո՞ւ նման հարցեր չեն բարձրացնում։

Նշենք, որ նոյեմբերի 9-ի եռաոկղմ հայտարարությունից հետո սահմանային իրավիճակը փոխվել է ոչ միայն Արցախում, այլև ՀՀ մարզերում։ ՀՀ պաշտպանության նախարարությունը դեկտեմբերի 20–ին տեղեկացրեց, որ ռուս սահմանապահ ուժեր կտեղակայվեն Սյունիքի մարզի Գորիս-Կապան ավտոճանապարհի 21 կիլոմետրանոց հատվածի վիճարկելի տեղերում։

Դեկտեմբերի 24-ին ՀՀ կառավարության նիստում ՀՀ վարչապետ Նիկոլ Փաշինյանը հայտարարեց, որ այն, ինչ իրականացվում է Սյունիքի սահմաններին, չի կարելի համարել դեմարկացիա կամ դելիմիտացիա։ Նրա խոսքով` տեղի է ունենում սահմանային որոշակի կետերի տեղորոշում, որի նպատակն է անվտանգության ապահովումը։

Անհեթեթ վիճակ. շուռնուխցու գոմի կեսը մնացել է հայկական, մյուս կեսը` ադրբեջանական տարածքում

Հունվարի 5-ին Շուռնուխ գյուղի 12 տներ հանձնվեցին ադրբեջանցիներին։ Գյուղի այդ հատվածում ադրբեջանական զինծառայողներ են տեղակայվել։

35
թեգերը:
Նիկոլ Փաշինյան, ԱԺ, Տիգրանաշեն, Շուռնուխ
թեմա:
Իրադրությունը Հայաստանում և Արցախում հայտարարության ստորագրումից հետո
Ըստ թեմայի
Ուշադիր եղեք՝ էրեխեքը ճանապարհը չանցնեն․ ինչպես են Շուռնուխում «դիմավորել» ադրբեջանցիներին
Ինչպե՞ս լուծել Շուռնուխի և Որոտանի խնդիրը. Մարուքյանն առաջարկ ունի
Շուռնուխցիներին խոստացել են 12 նոր տուն կառուցել գյուղում. տեսանյութ
Նիկոլ Փաշինյան

«Ուզում եք ասել` 90 տոկոս ադրբեջանական բնակչություն ունեցող Շուշին հայկակա՞ն է». Փաշինյան

0
(Թարմացված է 21:02 20.01.2021)
Նիկոլ Փաշինյանը վստահեցնում է` ավելի քիչ հողային կորուստներով պատերազմը կանգնեցնելու ոչ մի հնարավորություն չի եղել։

ԵՐԵՎԱՆ, 20 հունվարի – Sputnik. ՀՀ վարչապետ Նիկոլ Փաշինյանն այսօր Ազգային ժողովում կառավարության անդամների հետ հարցուպատասխանի ժամանակ, պատասխանելով ԲՀԿ–ական պատգամավոր Նաիրա Զոհրաբյանին, հայտարարեց, որ ոչ միայն հիմա, այլև բանակցային գործընթացի ողջ ընթացքում չի եղել քննարկման այնպիսի մի տարբերակ, որ ադրբեջանցի փախստականները Շուշի չվերադառնան։

Նաիրա Զոհրաբյանը հարցրել էր, թե կարո՞ղ ենք եզրակացնել, որ ՌԴ նախագահ Վլադիմիր Պուտինը ստել է, երբ ասել է, որ առաջարկել է հոկտեմբերի 18-ին շատ ավելի շահեկան պայմաններով կանգնեցնել պատերազմը` Շուշին թողնելով մեր վերահսկողության տակ։

«Շուշին հակամարտությունից և ազատագրումից առաջ ունեցել է 90 և ավելի տոկոս ադրբեջանական բնակչություն։  Ուզում եք ասել, որ 90 և ավելի տոկոս ադրբեջանական բնակչություն ունեցող Շուշին հայկակա՞ն է իր այդ կարգավիճակով։ Մեկ էլ ասում են, թե հայտարարել եմ` Արցախը Հայաստան է։ Եթե դուք համարում եք, որ Արցախը Հայաստան չէ, և դա ձեր դիրքորոշումն է, ուրեմն ձևակերպեք դա և պաշտոնապես արձանագրեք»,–ի պատասխան Զոհրաբյանի նշեց վարչապետը։

Նրա խոսքով` ավելի քիչ հողային կորուստներով պատերազմը կանգնեցնելու ոչ մի հնարավորություն չի եղել, դա միֆ է։ Փաշինյանի վստահեցրեց` միֆ է նաև, որ պատերազմը կանգնեցնելու ուղղությամբ քայլեր չեն ձեռնարկել։

 

0
թեգերը:
Շուշի, Նիկոլ Փաշինյան, Հայաստան
թեմա:
ՀՀ վարչապետ Նիկոլ Փաշինյան