Հասմիկ Պողոսյան

ԱՕԿՍ–ի շենքի գործով մեղադրանք է առաջադրվել Հասմիկ Պողոսյանին և Արմեն Սմբատյանին

262
(Թարմացված է 17:46 24.12.2020)
Մշակույթի նախկին նախարարը հետախուզման մեջ է, իսկ Արմեն Սմբատյանը 20 մլն դրամ գրավի դիմաց ազատ է արձակվել։

ԵՐԵՎԱՆ, 24 դեկտեմբերի – Sputnik. ՀՀ քննչական կոմիտեն տեղեկացնում է, որ պաշտոնեական լիազորությունները չարաշահելու, փողերի լվացման համար որպես մեղադրյալ է նեգրավվել ՀՀ մշակույթի նախկին նախարար Հասմիկ Պողոսյանը։ Նրա հանդեպ հետախուզում է հայտարարվել։ Մեղադրանք է առաջադրվել նաև Իսրայելում Հայաստանի նախկին դեսպան Արմեն Սմբատյանին։ Տեղեկությունը հայտնում է ՀՀ քննչական կոմիտեի մամուլի ծառայությունը։ 

«Հ.Պ.-ն 2006թ. զբաղեցրել է ՀՀ մշակույթի և երիտասարդության հարցերի նախարարի պաշտոնը և հանդիսացել «Արտասահմանյան երկրների հետ մշակութային համագործակցության հայկական հասարակական կազմակերպության» փոխնախագահը։ ՀԿ-ին անհատույց օգտագործման իրավունքով տրամադրված` Երևանի Աբովյան 3 հասցեում գտնվող և ՀՀ հողային օրենսգրքի 60-րդ հոդվածի սահմանափակումների ցանկում ընդգրկված հողամասը ՀԿ նախագահ, իսկ այնուհետև Իսրայելում ՀՀ դեսպան Ա.Ս-ի օժանդակությամբ դարձրել է ՀԿ–ի սեփականությունը»,–նշված է հաղորագրության մեջ։

Այնուհետև 201մլն դրամ գնահատված արժեքով շենքը և հողամասը, որպես ավանդ, ներդրել են նշված ՀԿ–ի խորհրդի որոշմամբ հիմնադրված ՍՊԸ կապիտալում` ավանդի չափով ավելացնելով կանոնադրական կապիտալը։ Դրանից հետո այն դարձրել են նշված ՍՊԸ սեփականություն և, նպատակ ունենալով իրականացնել հանցավոր ճանապարհով ստացված գույքի փոխանցում, ՍՊԸ 100 տոկոս բաժնեմասը 550 000 դոլարով ձևական գործարքի միջոցով օտարել են օֆշորում՝ Բրիտանական Վիրջինյան կղզիներում գրանցված, Հ.Պ-ի բարեկամին պատկանող ընկերությանը։ Նրանք այդկերպ փորձել են բարդ հանցավոր սխեմայով օրինականացնել հանցավոր ճանապարհով ստացված գույքը:

Ձեռք բերված ապացույցների հիման վրա Հասմիկ Պողոսյանը որպես մեղադրյալ է ներգրավվել ՀՀ քրեական օրենսգրքի 308-րդ հոդվածի (պաշտոնեական լիազորությունները չարաշահելը) 2-րդ մասով և ՀՀ քրեական օրենսգրքի 190-րդ հոդվածի (հանցավոր ճանապարհով ստացված գույքն օրինականացնելը (փողերի լվացումը)) 3-րդ մասի 1-ին կետով: Նրա նկատմամբ հայտարարվել է հետախուզում:

Իսկ ՀԿ նախագահ, Իսրայելում ՀՀ նախկին դեսպանին մեղադրանք է առաջադրվել 38-308-րդ հոդվածի (պաշտոնեական լիազորությունները չարաշահելուն օժանդակելը) 2-րդ մասով: Նրա նկատմամբ որպես խափանման միջոց է ընտրվել գրավը՝ 20մլն դրամի չափով:

Հիշեցնենք, որ Աբովյան 3-ում գտնվում է Արտասահմանյան երկրների հետ մշակութային կապերի հայկական կազմակերպության՝ նախկին ԱՕԿՍ-ի շենքը. այն համարվում է պատմամշակութային հուշարձան։

«Բյութի օֆ Արմենիա» տուրիստական գործակալության տնօրենի նկատմամբ հետախուզում է հայտարարվել

ԱՕԿՍ-ի շենքը կառուցվել է 1915-ին՝ բժիշկ Հովհաննես Հովհաննիսյանի պատվերով։ Շենքի նախագծումն ու կառուցումն իրականացրել է Բորիս Մեհրաբյանը։ Կառուցումից հետո շենքի առաջին հարկում բացվել է Երևանի առաջին մասնավոր հիվանդանոցը՝ վիրաբուժական, ակնաբուժական գծով։ Շենքը 1944-ից է «Արտասահմանյան երկրների հետ մշակութային կապերի և բարեկամության հայկական կազմակերպության»՝ ԱՕԿՍ-ի կառույցի վերածվել։

Գագիկ Բեգլարյանի եղբոր նկատմամբ հետախուզում է հայտարարվել

262
թեգերը:
Արմեն Սմբատյան, Մեղադրանք, Նախարար
Ըստ թեմայի
Հասմիկ Պողոսյանը վերադառնում է. նա խորհուրդներ կտա նախագահին
Հայաստանում պաշտոնատար անձինք խոշոր չարաշահումներ են թույլ տվել. ինչ կապ ունի Հռոմի պապը
Ինչու է Փաշինյանը շարունակում նախկինների հակասական նախագծերը, կամ ինչ եղավ «Հին Երևանը»
Օրացույց

Ամանորյա տոնական օրերը կկրճատվե՞ն. էկոնոմիկայի նախարարությունը նախագիծ է ներկայացրել

61
(Թարմացված է 16:31 21.01.2021)
Ներկայումս ՀՀ քաղաքացուն տրամադրվող վճարվող ոչ աշխատանքային օրերի թիվը գերազանցում է շատ զարգացած և առավել ևս զարգացող երկրներում առկա վճարվող ոչ աշխատանքային օրերի թվին։

ԵՐԵՎԱՆ, 21 հունվարի — Sputnik. ՀՀ էկոնոմիկայի նախարարությունը «Հայաuտանի Հանրապետության տոների և հիշատակի oրերի մաuին» օրենքում փոփոխություններ կատարելու մասին նախագիծ է ներկայացրել քննարկման։

Այն հրապարակվել է իրավական ակտերի նախագծերի հրապարակման միասնական կայքում։

Դրանով առաջարկվում է դեկտեմբերի 31-ը, հունվարի 3-ը, 4-ը, 5-ը և 7-ը սահմանել աշխատանքային օրեր:

«Համաձայն Աշխատանքային օրենսգրքի 159-րդ հոդվածի 1-ին մասի՝ ամենամյա նվազագույն արձակուրդի տևողությունը հնգօրյա աշխատանքային շաբաթվա դեպքում 20 աշխատանքային օր է, իսկ վեցօրյա աշխատանքային շաբաթվա դեպքում՝ 24 աշխատանքային օր։

Ներկայումս ՀՀ քաղաքացուն տրամադրվող վճարվող ոչ աշխատանքային օրերի թիվը գերազանցում է շատ զարգացած և առավել ևս զարգացող երկրներում առկա վճարվող ոչ աշխատանքային օրերի թվին»,–ասված է նախագծում։

Մասնավորեցվում է, որ տոն և հանգստյան օրերը, պայմանավորված ոչ աշխատանքային լինելու հանգամանքով, իրենց ազդեցություն են թողնում ինչպես համախառն ներքին արդյունքի, այնպես էլ տնտեսության հիմնական ոլորտների արտադրանքի (ծառայությունների) թողարկման ծավալների վրա, արտաքին տնտեսական գործունեության (արտահանման և ներմուծման ծավալներ) իրականացման վրա, ինչպես նաև տեղական և օտարերկյա գործընկեր կազմակերպությունների հետ պայմանագրային հարաբերությունների իրականացման վրա։

«Նշվում է նաև, թե տնտեսության հիմնական ճյուղերի (արդյունաբերություն, գյուղատնտեսություն, շինարարություն, առևտուր և ծառայություններ) 2015-2020թթ․ հունվար ամսվա և համախառն ներքին արդյունքի 2015-2019թ․թ․ 1-ին եռամսյակի տվյալների հիման վրա հաշվարկվել է նշված ցուցանիշների միջին օրական թողարկման ծավալը, որի հիման վրա հաշվարկվել է լրացուցիչ 5 աշխատանքային օրերի գնահատվող թողարկման ծավալները»,–հիմնավորվում է նախագիծը։

Պատերազմից հետո բոլոր օրերն էլ նույնն են. քաղաքացիները` Ամանորի ու Հին նոր տարվա մասին

Այսպիսով՝ առաջարկվում է հունվարի 1-ը, 2-ը և 6-ը համարել ոչ աշխատանքային օրեր, հունվարի 1-ին ու 2-ին նշել Ամանորը, 6-ին՝ Սուրբ Ծնունդը, իսկ դեկտեմբերի 31-ը, հունվարի 3-ը, 4-ը, 5-ը և 7-ը սահմանել աշխատանքային օրեր։

Հիշեցնենք, որ ՀՀ նախկին վարչապետ Կարեն Կարապետյանը դեռևս 2017 թ–ին առաջարկում էր կրճատել ամանորյա ոչ աշխատանքային օրերը։ Նախատեսվում էր 2018թ.–ից տոնական ոչ աշխատանքային օրերի ցանկից հանել հունվարի 3-ը, 4-ն ու 5-ը։

Այսինքն` ոչ աշխատանքային պիտի լինեին միայն դեկտեմբերի 31-ից հունվարի 2-ը և հունվարի 6-ը։

61
թեգերը:
Հայաստան, Արձակուրդ, տոն, Ամանոր
Տ․ Պարգև արքեպիսկոպոս Մարտիրոսյան, 6 հունվարի, 2021

Պարգև սրբազանն ազատվել է Արցախի թեմի առաջնորդի պաշտոնից

247
(Թարմացված է 15:52 21.01.2021)
Տ․ Պարգև արքեպիսկոպոս Մարտիրոսյանը նշանակվել է հատուկ հանձնարարություններով Հայրապետական նվիրակ։

ԵՐԵՎԱՆ, 21 հունվարի - Sputnik. Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի՝ hունվարի 21-ի հայրապետական տնօրինությամբ Գերաշնորհ Տ․ Պարգև արքեպիսկոպոս Մարտիրոսյանը նշանակվել է հատուկ հանձնարարություններով Հայրապետական նվիրակ՝ ազատվելով Արցախի թեմի առաջնորդի պաշտոնից։

Տեղեկությունը հայտնում են Մայր աթոռի տեղեկատվական համակարգից։

Հիշեցնենք, որ Պարգև սրբազանը 2020-ի նոյեմբերին սրտի կաթված էր ստացել, մեկնել էր ԱՄՆ՝ վիրահատության։ Հայաստան էր վերադարձել դեկտեմբերին։ 

Նա Հայ Առաքելական եկեղեցու Արցախի թեմի առաջնորդ էր նշանակվել 1989-ի մարտին։

Արցախի թեմը նոր առաջնորդ ունի

247
թեգերը:
Եկեղեցի, ազատում, Պարգև սրբազան (Արցախի թեմի առաջնորդ)
Ըստ թեմայի
Պարգև սրբազանն ԱՄՆ-ում վիրահատվել է
ԱՄՆ-ում վիրահատվելուց հետո Պարգև սրբազանը հանդիպել է հյուպատոսի հետ․ լուսանկար
Պարգև սրբազանը ռուս խաղաղապահների հրամանատարության հետ այցելել է Ամարասի վանք

Ո՞ր խնդիրն է կարևոր ու առաջնային քաղաքացիների համար. հարցախույզ Երևանում

0
Sputnik Արմենիայի անցկացրած հարցման մասնակիցների մեծ մասի համար կարևորը խաղաղությունն է, բայց ոմանք բողոքում են նաև թոշակից, մեկն էլ` գողերի առկայությունից։

Երևանում անցկացրած հարցման մասնակիցները կարծում են, որ մեր երկրի գերխնդիրն այս պահին խաղաղությունն է։

«Երկրորդ խնդիրը երևի առողջությունն է»,– ասաց մի կին։

Շատերը համամիտ էին նրա հետ, բայց հարցման մասնակից տղամարդկանցից մեկը բողոքեց իր ապրուստից, մեկը ուրիշն էլ նշեց, որ ինքը Վանաձորից է, որտեղ շատ են հանցագործությունները։

Ինչպե՞ս էիք պատկերացնում արցախյան հարցի լուծումը. հարցախույզ Երևանում

Որպեսզի իմանաք, թե մարդիկ որ խնդիրներն են կարևոր ու առաջնային համարում այս պահին, դիտեք Sputnik Արմենիայի տեսանյութը։

Եղած տեղից հազիվ ենք հասցնում, որտեղի՞ց փող խնայենք. հարցախույզ Երևանում

0
թեգերը:
Հարցում, Երևան, Հայաստան
Ըստ թեմայի
Հայաստանում ովքեր ու երբ առաջնահերթ կպատվաստվեն կորոնավիրուսի դեմ. ԱՆ-ն տեղեկացնում է
Օդային տագնապ, բնակչության պատսպարման կազմակերպում. Նոր կյանքում «արտակարգ» իրավիճակ  է
Զինհաշմանդամների համար IT ոլորտում անվճար դասընթացներ կիրականացվեն