Արխիվային լուսանկար

Մենք իշխանության չենք ձգտում. Սեյրան Օհանյանը միացել է ընդդիմության հանրահավաքին

140
(Թարմացված է 19:45 23.12.2020)
ՀՀ պաշտպանության նախկին նախարարը հանրավահաքում հայտարարեց, որ ինքն անձամբ պաշտպանում է Վազգեն Մանուկյանի թեկնածությունը։

ԵՐԵՎԱՆ, 23 դեկտեմբերի - Sputnik. ՀՀ պաշտպանության նախկին նախարար Սեյրան Օհանյանը պատիվ է համարում ընդդիմության հանրահավաքին մասնակցելը։ Այս մասին նա հայտարարեց այսօր հանրավահաքում ունեցած իր ելույթում` հավելելով, որ ինքն անձամբ պաշտպանում է Վազգեն Մանուկյանի թեկնածությունը։

Օհանյանը հայտարարեց, որ իր նպատակն իշխանությունը չէ, ինչպես հաճախ ներկայացվում է։

«Մենք իշխանության չենք ձգտում։ Եթե նույնիսկ այս ժամանակավոր կառավարությունը գա իշխանության, որևէ հետապնդում չի իրականացնելու։ Եթե դուք, անփորձ լինելով, բազմաթիվ թերություններ եք թույլ տալիս, փորձառու մարդիկ, գալով իշխանության, անկասկած մանրակրկիտ զննելու են նաև իրենց կատարած թերույուններն ու իրենց պատվի համար այդ թերությունները թույլ չեն տալու»,– ասաց Օհանյանը։

Նախկին նախարարը հայտարարեց, որ անգրագետ կառավարումն է հանգեցրել պատերազմում պարտության, ու հիմա պարտությունը շարունակվում է նաև այլ ասպարեզներում։ Հետևաբար, նրա խոսքով, միայն պատերազմի պարտությունը չէ, որ իրենց ստիպում է պայքարել իշխանության դեմ, այլ ընդհանուր ապաշնորհ կառավարումը։

«Ինձ համար միանշանակ ամենագերագույն հրամանատարը մեր ժողովուրդն է եղել, մեր պետականությամբ ու այն գործունեությամբ, որով մենք պետք է արժանի ու զարգացած ապագա ունենանք»,– ասաց Օհանյանը։

Վրաններ, կարտոֆիլի պլեճ, ձյուն. ընդդիմադիրները գիշերել են հրապարակում. տեսանյութ

Նախկին նախարարը նշեց, որ այսօր չի խոսելու պատերազմի ընթացքի ու հետևանքների մասին։

«Պատերազմի ելքը, ձախողումներն ակնհայտ են այն ստորագրված փաստաթղթով, որը մեզ համար շատ վատ փաստաթուղթ է։ Եվ այդ փաստաթղթի հետևանքով ստեղծված իրավիճակից դուրս գալու համար մենք մեծ ջանքեր պետք է ներդնենք, որպեսզի կարողանան մեր պետության և՛ առօրյան, և՛ հետագա զարգացումն ապահովել»,– ասաց նա։

Օհանյանը նաև շեշտեց, որ սեպտեմբերի 27-ին սանձազերծված պատերազմում հայոց բանակը, գեներալները, հրամանատարներն ու զինվորները չեն պարտվել։ Ըստ նրա` պարտվել է իշխանությունը` իր անգրագետ կազմակերպած գործողություններով, առկա ռազմաքաղաքական իրադրությունը, ուժերն ու միջոցները ոչ ճիշտ գնահատելու պատճառով։

«Մենք ունեցել ենք առաջին գծում 283 կմ կահավորված ինժեներական սարքավորումներ, և միայն երկու վայրում, մոտավորապես 20 կմ–ում է եղել ճեղքվածք, մխրճում հակառակորդի կողմից։ Եվ ես համոզված եմ, որ մենք կարող էին այնպես անել, որ այդ հատվածում հակառակորդը չկարողանա  խորանալ, հատկապես` լեռնաանտառային պայմաններում»,– ասաց Օհանյանը։

Նախկին նախարարը հայտարարեց, որ պետական համակարգում աշխատանքի մեծ փորձ ունի ու խոստացավ այսուհետ կա՛մ նմանատիպ հավաքներում, կա՛մ սոցիալական կայքերում կիսել իր դիրքորոշումը հանրության հետ։

«Ես կուսակցության անդամ չեմ, բայց ուզում եմ, որ քաղաքական իշխանության փոփոխություն լինի»,– ասաց նա` հավելելով, որ 2018թ–ին էլ փոփոխություններին կողմ է եղել` հավատալով, որ դրանք բերելու են նոր զարգացումների։

Փոխարենը, նրա խոսքով, տեսանք քաղաքական շանտաժներ, հետապնդումներ, խմբային, կլանային նպատակների իրականացում։

«Ինձ հետ միասին 16 հոգի էլ կար». Սեյրան Օհանյանը պատմել է` իրականում ինչ էր անում Շուշիում

«Ձախողեցինք արտաքին քաղաքականությունը, «խնամի, ծանոթ, բարեկամ» գաղափարով նշանակումներն այս ժամանակահատվածում ավելացել են, աննպատակ, անփորձ մարդկանց նշանակումներն ավելացել են այս 2.5 տարվա ընթացքում... Չեն կարող մանրախնդիր մարդիկ լինել իշխանության մեջ»,– ասաց նա։

Հավելենք, որ ընդդիմադիր Հայրենիքի փրկության շարժումը դեկտեմբերի 21-ից հանրահավաքներ ու բողոքի ակցիաներ է անցկացնում Հանրապետության հրապարակում՝ պահանջելով Նիկոլ Փաշինյանի հրաժարականը։ Երեկվանից հրապարակում նաև նստացույց է՝ նույն պահանջով։ Ցուցարարները գիշերել են վրաններում։

140
թեգերը:
ընդդիմություն, հանրահավաք, Սեյրան Օհանյան
թեմա:
Իրադրությունը Հայաստանում և Արցախում հայտարարության ստորագրումից հետո (814)
Ըստ թեմայի
Շուշիի անկման պատճառներից մեկը հակառակորդի թվային առավելությունն է եղել. Սեյրան Օհանյան
Բաքուն գեներալ Սեյրան Օհանյանին մեղադրում է ցեղասպանության համար
Իմքայլականը կասկածի տակ է դնում իր տարիքից մեծ զինվորական փորձ ունեցողի վաստակը. Օհանյան
Արամ MP3

Արամ MP3-ն ու Գուրգեն Դաբաղյանը ներկայացրել են «Թամզարայի» իրենց տարբերակը. տեսանյութ

79
(Թարմացված է 12:50 08.03.2021)
Երկու ժամ է, ինչ ստեղծագործությունը հայտնվել է YouTube-ում և արդեն ավելի քան 4000 դիտում ունի։

ԵՐԵՎԱՆ, 8 մարտի - Sputnik. Արամ MP3-ն ու Գուրգեն Դաբաղյանը նոր մեկնաբանությամբ են ներկայացրել ժողովրդական «Թամզարա» ստեղծագործությունը:

Հանրության դատին ներկայացրած ստեղծագործության գործիքավորումն իրականացրել է Նիկ Եգիբյանը, իսկ տեսահոլովակի անիմացիայի հեղինակն Արամայիս Հայրապետյանն է:

Ստեղծագործությունը երկու ժամ է, ինչ հայտնվել է YouTube-ում և արդեն ավելի քան 4000 դիտում ունի։

Դե պարի քոչարի. Արամ MP3-ի չելենջին միացել են հայեր աշխարհի տարբեր մասերից

Նշենք, որ «Թամզարան» Սուքիաս Էփրիկյանի «Պատկերազարդ բնաշխարհիկ բառարանում» հանդիպում է որպես հայկական բնակավայրի անվանում: Ըստ Կոմիտասի՝ «Թամզարան» հարսանեկան երգ-պար է, որտեղ գլխավոր դերը վերապահվել է գյովնդբաշուն (պարագլուխ) ու նրա օգնականին: Իսկ հարսն անպայման կանգնում էր քավորի` կնքահոր կողքը: Այժմ «Թամզարան» կորցրել է իր երբեմնի ծիսական նշանակությունը և կատարվում է գրեթե բոլոր համայնքային միջոցառումների ու խնջույքների ժամանակ:

Աշոտ Ղազարյանի թոռնուհին հիացրեց «Ну-ка все вместе!» շոուի ժյուրիին. տեսանյութ

 

79
թեգերը:
երգ, Արամ MP3, Գուրգեն Դաբաղյան
Ըստ թեմայի
16–ամյա երգիչ Գարիկ Զաբելյանը փայլեց «Ну-ка все вместе» վոկալային շոուի ժամանակ
Նոր ձևաչափ, նոր կանոններ. հայտնի են «Եվրատեսիլ 2021» երգի մրցույթի անցկացման պահանջները
«Ի սրտե». Ավետ Բարսեղյանը Ռիտա Սարգսյանի հիշատակին նվիրված երգ է գրել. տեսանյութ
Թունել

Դիլիջանի թունելում երթևեկության խոչընդոտ է առաջացել. բեռնատարի կցորդ է փչացել

43
(Թարմացված է 13:24 08.03.2021)
«Ճանապարհային դեպարտամենտը» վարորդներին հորդորում է զգոն լինել Դիլիջանի թունելի հատվածում։

ԵՐԵՎԱՆ, 8 մարտի - Sputnik. Դիլիջանի թունելում կցորդի անսարքության պատճառով առաջացել է երթևեկության խոչընդոտ։ Տեղեկությունը հայտնում է ՏԿԵՆ «Ճանապարհային դեպարտամենտը։

Ողբերգական ավտովթար Երևանի Հալաբյան փողոցում. վարորդն ու ուղևորը մահացել են

«Թունելը սպասարկող ընկերության անձնակազմն իրականացնում է երթևեկության կազմակերպման աշխատանքներ, մինչև խնդրի կարգավորումը։ Հորդորում ենք վարորդներին տվյալ հատվածում լինել զգոն և պահպանել երթևեկության կանոնները»,–նշված է հաղորդագրության մեջ։

«Ճանապարհային դեպարտամենտն» ավելի վաղ տեղեկացրել էր, որ մարտի 8-ին՝ ժամը 10։30-ի դրությամբ, Թալինի, Արթիկի, Ախուրյանի, Աշոցքի, Աբովյանի, Հրազդանի, Սևանի, Իջևանի, Նոյեմբերյանի, Բերդի, Թումանյանի, Սպիտակի, Դիլիջանի, Գավառի, Ապարանի, Վանաձորի, Տաշիրի տարածաշրջաններում թույլ ձյուն է տեղում։

Դիլիջանի ոլորանները և Վարդենյաց լեռնանցքը փակ են կցորդիչով տրանսպորտային միջոցների համար։ Գորիսի տարածաշրջանի ավտոճանապարհներին մառախուղ է, տեսանելիությունը՝ 30 մետր։

Միջպետական և հանրապետական նշանակության մյուս ավտոճանապարհները բաց են։

Խոշոր վթար Սամարայի մոտակայքում. 7 մարդ է մահացել, հայտնի են դեպքի մանրամասները

43
թեգերը:
երթևեկություն, բեռնատար, Դիլիջանի թունել, Հայաստան
Օլիվիե Դասսո

Ուղղաթիռի կործանման հետևանքով մահացել է ֆրանսիացի միլիարդատեր Օլիվիե Դասսոն

12
(Թարմացված է 13:23 08.03.2021)
Օլիվիե Դասսոն հայտնի ավիաարդյունաբերողների ընտանիքից էր։ Նրա հետ մահացել է նաև ուղղաթիռի օդաչուն։

ԵՐԵՎԱՆ, 8 մարտի – Sputnik. Ֆրանսիացի քաղաքական գործիչ և միլիարդատեր Օլիվիե Դասսոն մահացել է Նորմանդիայում՝ Ֆրանսիայի հյուսիս-արևմուտքում, մասնավոր ուղղաթիռի կործանման պատճառով։ Տեղեկությունը հայտնում է ՌԻԱ Նովոստին։

Նշվում է, որ երեկ ուղղաթիռն ընկել է Նորմանդիայի Տուկ կոմունայում։ Բացի «Հանրապետականներ» կուսակցության ներկայացուցչից, կործանման պատճառով մահացել է նաև օդաչուն։

Խոշոր վթար Սամարայի մոտակայքում. 7 մարդ է մահացել, հայտնի են դեպքի մանրամասները

Քաղաքական գործչի մահվանն արդեն արձագանքել է Ֆրանսիայի նախագահ Էմանուել Մակրոնը, որը գրառում է արել Twitter-ում։

«Օլիվիե Դասսոն սիրում էր Ֆրանսիան։ Խոշոր գործարար, տարածքային պատգամավոր, Ռազմաօդային ուժերի պահեստային հրամանատար․ ամբողջ կյանքի ընթացքում նա չի դադարել ծառայել մեր երկրին»,-գրել է Մակրոնը։

​Դասսոն 69 տարեկան էր։ Նա հայտնի ավիաարդյունաբերողների ընտանիքից էր` «Dassault Group»-ի՝ 2018թ․-ի մայիսին մահացած ղեկավար Սերժ Դասոյին որդին։ Նրա կարողությունը գնահատվում է 5 միլիարդ եվրո։

Միլիարդատեր Ջեֆ Բեզոսի նախկին կինն ամուսնացել է

12
թեգերը:
Մահ, միլիարդատեր, ուղղաթիռ, Ֆրանսիա