Դավիթ Սահակյան

Մոր երազը և անտառում 70 օր թաքնված Դավիթի ցանկությունը. հնարավոր է` էլի կան ողջ մնացածներ

3077
(Թարմացված է 14:05 22.12.2020)
Անհետ կորած համարվող և ողջ գտնված Դավիթ Սահակյանի մայրը` Ալինա Եգորովան, դեռ չի գրկել տղային։ Ստեփանակերտի հիվանդանոցում գտնվող Դավիթի հետ մայրը միայն հեռախոսով է խոսել. տղան խնդրել է իր համար որոշ բաներ ուղարկել։ 

ԵՐԵՎԱՆ, 21 դեկտեմբերի – Sputnik. 70 օր անհետ կորած համարվող և այժմ Ստեփանակերտի հիվանդանոցում գտնվող Դավիթ Սահակյանի մայրը` Ալինա Եգորովան, տղայի վերադարձի օրը երազ է տեսել` Դավիթը եկել էր տուն և սկսել իր նոութբուքով աշխատել։

Մայրական բնազդը չի խաբել տիկին Ալինային. նույն օրը հայտնի է դարձել բարի լուրը` 70 օր անհետ կորած Դավիթին ու նրա 5 ընկերներին գտել են անտառներում։

«Չեմ չափազանցնում, բայց միշտ իմացել եմ, որ տղաս ողջ է, վերադառնալու է։ Ես դա զգում էի, ու ուրիշ որևէ միտք չեմ ունեցել։ Անկեղծ ասած` այդ օրերին երազներ շատ էի տեսնում ու տանջվում. տեսնում էի, որ տղաս սոված է` ճաշ է ուզում, կամ էլ ջրի կարիք ունի... Սակայն վերադառնալու օրն առաջին անգամ տեսա, որ Դավիթս տուն է եկել»,– Sputnik Արմենիայի հետ զրույցում ուրախ ձայնով պատմեց տիկին Ալինան։

Պատմում է, որ երբ զանգել ու հայտնել են տղայի ողջ լինելու լուրը, ուրախությունից երկար ժամանակ չի կարողացել եղել ուշքի գալ, հետո մի քանի ժամ միայն հեռախոսազանգերի է պատասխանել։

Մայրն, ի դեպ, տղային դեռ չի տեսել, քանի որ Դավիթը Ստեփանակերտի հիվանդանոցում է, իսկ ինքը` Երևանում։ Տիկին Ալինան, սակայն, քիչ առաջ է հեռախոսով խոսել Դավիթի հետ։ Ասում է` տղայի ձայնն ընդհանրապես չի փոխվել։ Մոր հետ զրույցում Դավիթն ասել է` ողջ գտնված 6 զինվորներից միայն ինքն է վիրավոր։ Նա պատմել է նաև, որ մյուսների ոտքերն են ցրտահարված և ցավում, չեն կարողանում նորմալ քայլել։

Դավիթը դեռ 70 օր առաջ է հրազենային վնասվածք ստացել ուսի շրջանում. ձեռքը համարյա չի զգում, միայն մատներն է կարողանում մի փոքր շարժել։ Նրան առաջիկայում պետք է վիրահատեն։ Տիկին Ալինան ասում է` երբ երեկ առաջին անգամ խոսել է տղայի հետ, նա մանդարին է ուզել։

«Էնպես չի, որ տղաս մանդարին շատ է սիրում, բայց ասաց` մամ, մանդարին եմ ուզում ու իմ կիթառը։ Այսօր Դավիթս ասաց, որ բազմաթիվ անծանոթ մարդիկ են իրեն տեսակցել ու քաղցրավենիք, մրգեր տարել` այդ թվում մանդարին։ Հիվանդանոցի բուժքույրերը նույնպես լավ են նայում մեր տղաներին` նրանք էլ են համեղ բաներ տարել»,–ասաց տիկին Ալինան` հավելելով, որ տղայի տրամադրությունը շատ բարձր է, անգամ հումորներ է անում։

Կարո ջան, չմտածես, կարևորը` ողջ ես. հայտնի լուսանկարի հերոսի պատմությունը

Իսկ ինչ վերաբերում է կիթառին, ապա Դավիթն ինքնուս է նվագում։ Ընկերներով խումբ էին ստեղծել, անգամ երկու համերգ են տվել փաբերում, բայց քանի որ Դավիթը նկարվել այնքան էլ չի սիրում, որևէ ձայնագրություն չկա նրա կատարմամբ։

Տիկին Ալինան պատմեց նաև, որ իրենք երկքաղաքացի են` նաև Ռուսաստանի անձնագիր ունեն։ Ընտանիքը Ռուսաստանից Հայաստան է տեղափոխվել 5 տարի առաջ։ Դավիթն ընտրելու հնարավորություն է ունեցել` կամ 1 տարով ծառայել ՌԴ–ում, կամ էլ 2 տարի` հայրենիքում։ Տղան ընտրել է երկրորդ ճանապարհը և, ինչպես մայրն է ասում, գիտակցելով մեկնել ծառայության։

Մինչ ծառայության մեկնելը Դավիթն Արցախում չէր էլ եղել։ 8 օրվա ծառայող է եղել (Ջաբրայիլում), երբ պատերազմը սկսվել է։ Կռվի օրերին նրանց մարտական դիրքեր են տարել, իսկ հոկտեմբերի 8-ին` Հադրութ տեղափոխել։ Մոր հետ վերջին անգամ հոկտեմբերի 15-ին էր խոսել հեռախոսով։

Անհետ կորած համարվող 6 զինծառայողի ողջ են գտել. Արցախի նախագահի ուրախ լուրը

Բոլոր այս օրերին տղաները Վանք գյուղի տներից մեկի նկուղում են թաքնված եղել, ապրել այնտեղ եղած սննդով։ Խմբից, ցավոք, կորուստներ էլ են ունեցել` երկու ծանր վիրավոր զինծառայող նկուղում արնաքամ են եղել, մահացել։ Նրանց թաղել են տան բակում, իսկ գրպաններում երկտող են դրել, թե ովքեր են թաղվածները, որպեսզի հետագայում ընտանիքի անդամները կարողանան գտնել նրանց։

Այդ զինվորների աճյունները նույնպես օրերս գտել են։ Հարութը մորը պատմել է նաև, որ իրենց խումբը 2 մասի է բաժանվել և հնարավոր է` էլի ողջ մնացածներ կան։ Ավելին, տիկին Ալինան պնդում է` նոյեմբերի 23-ին այդ խմբի տղաներից մեկը` Հարութը, ինչ–որ կերպ կարողացել է զանգել 911 և ասել, որ թաքնված են, օգնության կարիք ունեն։

«Ոչ մի գործուն քայլ մինչ օրս չի արվել մեր տղաներին գտնելու համար։ Ավելին, անգամ հիմա, երբ տղայիս գտել են, ուզում էի Ստեփանակերտ գնալ, ինչի համար դիմել էի ՊՆ–ին։ Ինձ պատասխանեցին, որ չունեն նման ծառայություն և չեն կարող ինձ օգնել Ստեփանակերտ հասնելու համար։ Ինչ ասեմ...»,–նշեց տիկին Ալինան։

Նա այժմ սպասում է բժիշկների որոշմանը` Դավիթին Երևանո՞ւմ, թե Ստեփանակերտում պետք է վիրահատեն, որպեսզի իր անելիքը որոշի։ Կնոջ միակ երազանքն այժմ տղային գրկելն է։

Ի դեպ, Դավիթը 5 տարի «Թումոյում» է սովորել` ռոբոտաշինությամբ զբաղվել։ Ավելին, ինֆորմատիկայից օլիմպիադաների է մասնակցել ու հաղթել։ Դրա շնորհիվ Երևանի պետական մանկավարժական համալսարան է ընդունվել ուսման վարձի 50 տոկոս զեղչով։

Հիշեցնենք, որ 70 օր կապի դուրս չեկած 6 զինվորներ երեկ ողջ են գտնվել ու հիվանդանոց տեղափոխվել։ Նրանք են`

Այվազյան Արսեն Կարենի,

Սահակյան Դավիթ Գեղամի,

Ստեփանյան Նիկոլայ Սեյրանի,

Հարությունյան Արթուր Գարիկի,

Արմաղանյան Արման Արշակի,

Թումանյան Ռուսլան Սարգսի։

Նա չէր հավատում, որ Ջաբրայիլի մարտից հետո կյանք կա. վիրավոր Սեյրանը նոր հրաշքի է սպասում

3077
թեգերը:
Դավիթ Սահակյան, անհետ կորած
Ըստ թեմայի
«Ասացին՝ վրիպակ է, սխալ տեղ են տարել տղերքին». անհետ կորածների ծնողները պատասխան են ուզում
«Ոնց էլ լինի` անուններ կտա». անհետ կորած զինվորներից մեկը գերիների խմբի հետ վերադարձել է
Անհետ կորածների վերաբերյալ մինչ օրս 485 դիմում է եղել. ՌԴ ՊՆ
Արխիվային լուսանկար

242 նոր դեպք, 11 մահ` մեկ օրում. կորոնավիրուսային հիվանդության ընթացքը Հայաստանում

39
(Թարմացված է 11:43 28.01.2021)
Հիվանդությունների վերահսկման և կանխարգելման ազգային կենտրոնը հրապարակել է Հայաստանում կորոնավիրուսային վարակի վերաբերյալ վերջին մեկ օրվա տվյալները:

ԵՐԵՎԱՆ, 28 հունվարի - Sputnik. Հայաստանում կորոնավիրուսով վարակվածների թիվը վերջին մեկ օրում ավելացել է 242–ով և դարձել 166669։ Տեղեկությունը հայտնում է Հիվանդությունների վերահսկման և կանխարգելման ազգային կենտրոնը:

Այս պահին փաստացի բուժում է ստանում 6195 մարդ (-362), կատարվել է 643606 թեստավորում (+1980), առողջացել են վարակվածներից 156645-ը (+592)։ Գրանցվել է մահվան 3067 դեպք (+11)։ Կորոնավիրուսով վարակված, բայց այլ պատճառով մահացածների թիվը վերջին մեկ օրում ավելացել է 1-ով և դարձել 762։

Հիշեցնենք` 2020թ.–ի մարտի 16–ից Հայաստանում արտակարգ դրություն էր սահմանված, որը մի քանի անգամ երկարաձգվեց և տևեց մինչև սեպտեմբերի 11–ը։ Երկարաձգված արտակարգ դրության պայմանները որոշակի փոփոխությունների ենթարկվեցին։

Տնտեսական շատ գործունեություններ թույլատրվեցին, բայց սահմանվեցին պարտադիր պահանջներ։

Հանրային բաց տարածքներում դիմակ դնելը պարտադիր էր։ Դիմակ կարող էին չդնել միայն մինչև 6 տարեկան երեխաները, հեծանիվ վարողները, ֆիզիկական վարժություններ անողները և խրոնիկ շնչառական հիվանդություններ ու սրտային անբավարարություն ունեցողները։

2020թ.–ի սեպտեմբերի 11–ին ՀՀ կառավարությունը որոշեց, որ երկրում սեպտեմբերի 12–ից մինչև 2021թ.–ի հունվարի 11–ը կգործի կարանտինի ռեժիմ։ Որոշ սահմանափակումներ մեղմացվեցին, բայց հասարակական վայրերում դիմակ դնելու պահանջը շարունակեց գործել։

Ռասան ու կորոնավիրուսը. սևամորթ հիվանդների մոտ մահացության վտանգն ավելի բա՞րձր է

Հաշվի առնելով կորոնավիրուսի 3–րդ ալիքի գոյությունն աշխարհում և այն փաստը, որ Հայաստանում վարակակիրների թիվը շարունակում է բարձր մնալ` 2021թ.–ի հունվարի 11–ին ՀՀ կառավարությունը որոշեց երկրում կարանտինային ռեժիմը երկարաձգել ևս 6 ամսով։ Այն կտևի մինչև 2021թ.–ի հուլիսի 11–ը։

39
թեգերը:
հիվանդ, համավարակ, Հայաստան, կորոնավիրուս
թեմա:
Կորոնավիրուսը Հայաստանում և Արցախում
Ըստ թեմայի
Հայտնի է` որ ըմպելիքն է ժամանակավորապես «քնեցում» կորոնավիրուսը
Նիդեռլանդներում կորոնավիրուսային միջոցառումների դեմ բողոքի հետևանքները` լուսանկարներում
Վրաստանի արտգործնախարարը վարակվել է կորոնավիրուսով
Սերժ Սարգսյանը Եռաբլուրում. 31 դեկտեմբերի, 2020

«Դու չե´ս պարտվել. քեզ դավել են». Սերժ Սարգսյանը ուղերձ է հղել Բանակի օրվա առթիվ

77
(Թարմացված է 11:44 28.01.2021)
ՀՀ երրորդ նախագահն ընդգծել է, որ մեր ճանապարհը, որքան էլ դժվարին ու ականապատ լինի՝ ներսից թե դրսից, անցնելու ենք միասին՝ միմյանց ապավինելով, հաղթահարելով բոլոր դժվարությունները:

ԵՐԵՎԱՆ, 28 հունվարի - Sputnik. ՀՀ երրորդ նախագահ Սերժ Սարգսյանը ուղերձ է հղել Բանակի օրվա առթիվ, հայտնում են ՀՀ երրորդ նախագահի գրասենյակից։

«Հայո՛ց բանակ, մեր սիրելի’ զավակ, Քո ծննդյան օրը մեր ժողովրդի նվիրական տոներից մեկն է, որ մշտապես նշել ենք բերկրանքով: Այսօր, սակայն, տրամադրությունն այլ է՝ բոլորս տրտմած ենք, վշտակիր՝ մեր Հայրենիքի մի հատվածի կորստյան, մեր նահատակների համար և մտահոգված` մեր պետության ու ազգի ապագայով: Ծնողը, սակայն, ոչ մի պարագայում իր զավակին չի ուրանում և հատկապես դժվար պահին միայնակ չի թողնում: Մեր ժողովուրդն իր զավակին մեծացրել է զրկանքների գնով, անասելի փորձությունների ենթարկվելով և հայրենանվեր զավակ է դաստիարակել:Ուստի, այսօր անվարան ասում եմ՝ շնորհավոր օրդ, Հայո՛ց բանակ»,–նշել է Սարգսյանը:

ՀՀ երրորդ նախագահը նշել է, որ Հայոց բանակի ձևավորման ու կայացման ակունքներում կանգնած իր մարտական ընկերների և զինակիցների անունից ասում է, որ բանակը չի պարտվել։

«Դու չե´ս պարտվել, ես քեզ լավ եմ ճանաչում. քեզ դավել են, թիկունքից հարվածել, ծանր վիրավորել են, իսկ մինչ այդ՝ վերջին տարիներին ամեն ինչ արել վարկաբեկելու և թուլացնելու համար, բայց դու անմնացորդ կատարել ես քո պարտքը: Եվ այսօր հազարավոր ծնողներ քո սխրագործություններից դրվագներ են պատմում՝ այդպես էլ չպատկերացնելով, թե ով և որտեղ քեզ մոլորեցրեց ու ծուղակը գցեց:

Թշնամին, որ մշտապես քեզնից վախեցել է, լավ գիտի, թե ինչ նենգ միջոցներով է իր նպատակին հասել: Դու նույն ուժեղն ես, և թող ոչ ոք չհոխորտա, թե քեզ հաղթել է: Քո բազկի ուժը դեռ ցույց ես տալու և վերհիշեցնես թշնամուն իր ոչ հեռավոր ամոթալի անցյալը: Դու եղել և մնում ես մեր անկախ պետականության առանցքը, մեր ժողովրդի, Արցախի մեր քույրերի ու եղբայրների անվտանգության երաշխավորը»,–նշել է նա:

Սարգսյանն ընդգծել է, որ մեր ճանապարհը, որքան էլ դժվարին ու ականապատ լինի՝ ներսից թե դրսից, անցնելու ենք միասին՝ միմյանց ապավինելով, հաղթահարելով բոլոր դժվարությունները:

Հունվարի 28–ին ՀՀ ԶՈւ–ն նշում է իր կազմավորման 29-ամյակը։ 1992թ. հունվարի 28-ին կառավարությունը ընդունեց «Հայաստանի Հանրապետության Պաշտպանության նախարարության մասին» պատմական որոշում` դրանով իսկ իրավականորեն ազդարարելով Հայոց Ազգային բանակի ստեղծումը:

Հայոց բանակի ստեղծման օրն այս տարի կնշվի առանց ավանդական մեծ հանդիսությունների։ ՀՀ պաշտպանության նախարարությունից ավելի վաղ տեղեկացրել էին, որ հունվարի 28-ին նախատեսված չեն մեծ տոնակատարություններ, համերգներ։ Սակայն փոքրիկ միջոցառումներ կլինեն երկրի բոլոր զորամասերում։

77
Կաթողիկոսն ու վարչապետը

Հայ առաքելական եկեղեցին շարունակում է պահանջել Փաշինյանի հրաժարականը

0
(Թարմացված է 11:34 28.01.2021)
Ամենայն հայոց կաթողիկոսը «Եռաբլուր» զինվորական պանթեոնում լրագրողների հետ զրույցում վերահաստատեց եկեղեցու դիրքորոշումը։

ԵՐԵՎԱՆ, 28 հունվարի – Sputnik. Երկիրը երբեք նման ծանր վիճակում, չի եղել։ Այսօր «Եռաբլուր» զինվորական պանթեոնում լրագրողներին ասաց Ն.Ս.Օ.Տ.Տ. Գարեգին Բ Ամենայն հայոց կաթողիկոսը։

«Երկիրը երբեք նման ծանր վիճակում, չի եղել, հայրենիքի նման կորուստ երբեք չենք ունեցել, երկիրը երբեք նման վտանգների առջև կանգնած չի եղել։ Անորոշությունը վաղվա օրվա նկատմամբ երբեք այսքան տագնապեցնող չի եղել մեր ժողովրդի համար։ Եվ այս կացության մեջ եկեղեցին, բնական է, իր առաքելության մեջ պիտի գտնվեր և իր խոսքը պիտի ասեր»,– ասաց կաթողիկոսը` պատասխանելով Հայ առաքելական եկեղեցու` քաղաքական պահանջներ ու մասնավորապես ՀՀ վարչապետի հրաժարականի պահանջ բարձրացնելու հարցին։

Վեհափառը շեշտեց` Նիկոլ Փաշինյանի հրաժարականի պահանջի հարցում եկեղեցու դիրքորոշումը չի փոխվել։

Հիշեցնենք` դեկտեմբերի 8-ին Գարեգին Բ–ն ուղերձ հղեց` հայտնելով, որ հանդիպել է Փաշինյանի հետ ու հորդորել, որ վայր դնի լիազորությունները։

Ավելի վաղ հայտնել էինք, որ Ն.Ս.Օ.Տ.Տ. Արամ Ա կաթողիկոսը նույնպես դիմել է Փաշինյանին` հորդորելով հրաժարվել վարչապետի պաշտոնից։

0
թեգերը:
Ամենայն Հայոց կաթողիկոս Գարեգին Բ, Նիկոլ Փաշինյան, Հայաստան
Ըստ թեմայի
Նիկոլ Փաշինյանը Տիգրան Ավինյանին Սյունիք է գործուղում
Նիկոլ Փաշինյանն այցելել է Եռաբլուր
«Պարոն Փաշինյան, Շուշին, ըստ Ձեզ, ադրբեջանակա՞ն է». վարչապետը բառացի մեջբերում պահանջեց