Երևանի պետական բժշկական համալսարան

Բժշկական համալսարանը միանում է գործադուլին

82
(Թարմացված է 19:01 21.12.2020)
Համալսարանականները բոլորին կոչ են անում այս պայթունավտանգ պահին իրավիճակը սթափ գնահատել և որևէ կերպ անհամերաշխության ու պառակտման փորձեր չնախաձեռնել։

ԵՐԵՎԱՆ, 21 դեկտեմբերի - Sputnik. Երևանի պետական բժշկական համալսարանի դասախոսները, գիտնականները, պրոֆեսորները հայտարարություն են տարածել այն մասին, որ միանալու են վաղը`դեկտեմբերի 22-ին հայտարարված գործադուլին։

«Հայաստանում ստեղծված իրավիճակը ու երկրի բարոյահոգեբանական մթնոլորտը հատել է գրեթե բոլոր եզրագծերը, և իրավիճակը երկրում մնում է ծայրահեղ վտանգավոր և ճգնաժամային»,– ասված է ԵՊԲՀ-ի տարածած հայտարարության մեջ։

Համալսարանականները բոլորին կոչ են անում այս պայթունավտանգ պահին իրավիճակը սթափ գնահատել և որևէ կերպ անհամերաշխության ու պառակտման փորձեր չնախաձեռնել։

Դեկտեմբերի 12-ին բժշկական համալսարանի մի շարք աշխատակիցներ միացել էին ՀՀ-ի և Սփյուռքի ավելի քան 300 բուժաշխատողների պահաջին` ստեղծված վիճակի համար պատասխանատու անձանց հրաժարականների ու կառավարության ինքնակամ և անցնցում հեռացման մասին:

Մարզաշխարհի 35 ներկայացուցիչներ միացել են Նիկոլ Փաշինյանի հրաժարականի պահանջին

Նշենք, որ ԵՊՀ մի շարք ֆակուլտետներ ևս հայտարարել են միանում են 2020 թ. դեկտեմբերի 22-ի համազգային անհնազանդության միջոցառումներին միանալու իրենց որոշման մասին։

Համահայաստանյան գործադուլին միացել է նաև Երևանի «Մոր և մանկան առողջության պահպանման» գիտահետազոտական կենտրոնը։

82
թեգերը:
գործադուլ, Երևանի պետական բժշկական համալսարան (ԵՊԲՀ)
թեմա:
Իրադրությունը Հայաստանում և Արցախում հայտարարության ստորագրումից հետո (800)
Ըստ թեմայի
ԱԱԾ նախկին 13 բարձրաստիճան աշխատակիցներ պահանջում են իշխանությունների հրաժարականը
Ընդդիմությունը Փաշինյանի հրաժարականի պահանջով հանրահավաք սկսեց. տեսանյութ
Մոր և մանկան կենտրոնը միանալու է Փաշինյանի հրաժարականի պահանջով գործադուլին
Տեսարան Շուշիից. 3 նոյեմբերի, 2020

«Պարոն Փաշինյան, Շուշին ըստ Ձեզ, ադրբեջանակա՞ն է». վարչապետը բառացի մեջբերում պահանջեց

1
ՀՀ վարչապետ Նիկոլ Փաշինյանը ՀՀ Ազգային ժողովի նախագահ Արարատ Միրզոյանի ու բարձրաստիճան այլ պաշտոնյանների ուղեկցությամբ այցելել է «Եռաբլուր» զինվորական պանթեոն։

ԵՐԵՎԱՆ, 28 հունվարի - Sputnik. ՀՀ վարչապետ Նիկոլ Փաշինյանին Եռաբլուրում լրագրողներից մեկը հարց ուղղեց. «Պարոն Փաշինյան, Շուշին ըստ Ձեզ, ադրբեջանակա՞ն է»։

Վարչապետը ճշտեց՝ որտեղ է ինքն այդպիսի բան ասել, ու երբ լրագրողը նշեց՝ Ազգային ժողովում, պատասխանեց, որ այդ հարցին կպատասխանի ուղիղ եթերում, երբ լրագրողը թղթի վրա իրեն կփոխանցի իր խոսքերի բառացի մեջբերումը ԱԺ ելույթից։

Հնչեց նաեւ հարց՝ ռազմագերիների վերաբերյալ, որն անպատասխան մնաց։

ՀՀ վարչապետ Նիկոլ Փաշինյանը ՀՀ Ազգային ժողովի նախագահ Արարատ Միրզոյանի ու բարձրաստիճան այլ պաշտոնյանների ուղեկցությամբ այցելել է «Եռաբլուր» զինվորական պանթեոն՝ հարգանքի տուրք մատուցելու հայրենիքի պաշտպանության համար զոհվածների հիշատակին։

Նշենք, որ հունվարի 28–ին ՀՀ ԶՈւ–ն նշում է իր կազմավորման 29-ամյակը։

1
Արխիվային լուսանկար

Նիկոլ Փաշինյանն այցելել է Եռաբլուր

54
(Թարմացված է 09:30 28.01.2021)
Հայոց բանակի ստեղծման օրն այս տարի կնշվի առանց ավանդական մեծ հանդիսությունների։

ԵՐԵՎԱՆ, 28 հունվարի - Sputnik. ՀՀ վարչապետ Նիկոլ Փաշինյանը ՀՀ Ազգային ժողովի նախագահ Արարատ Միրզոյանի ու բարձրաստիճան այլ պաշտոնյանների ուղեկցությամբ քիչ առաջ այցելել է «Եռաբլուր» զինվորական պանթեոն՝ հարգանքի տուրք մատուցելու հայրենիքի պաշտպանության համար զոհվածների հիշատակին։

Հունվարի 28–ին ՀՀ ԶՈւ–ն նշում է իր կազմավորման 29-ամյակը։ 1992թ. հունվարի 28-ին կառավարությունը ընդունեց «Հայաստանի Հանրապետության Պաշտպանության նախարարության մասին» պատմական որոշում` դրանով իսկ իրավականորեն ազդարարելով Հայոց Ազգային բանակի ստեղծումը:

Հայոց բանակի ստեղծման օրն այս տարի կնշվի առանց ավանդական մեծ հանդիսությունների։ ՀՀ պաշտպանության նախարարությունից ավելի վաղ տեղեկացրել էին, որ հունվարի 28-ին նախատեսված չեն մեծ տոնակատարություններ, համերգներ։ Սակայն փոքրիկ միջոցառումներ կլինեն երկրի բոլոր զորամասերում։

54