Հայ գերիները վերադառնում են Հայաստան. 14 դեկտեմբերի, 2020

«Բոլորը բոլորի դիմաց» սկզբունք գոյություն չունի. Ադրբեջանը թաքցնում է ակնհայտ փաստերը

520
(Թարմացված է 20:16 19.12.2020)
Գերիների փոխանակման առաջին փուլը իրավական բնույթի բազմաթիվ հարցեր է առաջացրել։ Մարդու իրավունքների եվրոպական դատարան Հայաստանից ներկայացվող գանգատները համալրվել են հայերի նկատմամբ ադրբեջանցիների անմարդկային վերաբերմունքի նոր փաստերով։

ԵՐԵՎԱՆ, 19 դեկտեմբերի - Sputnik, Նելլի Դանիելյան. Մարդու իրավունքների եվրոպական դատարանում ՀՀ Սահմանադրական դատարանի նախագահի ու դատավորների ներկայացուցիչ Սիրանույշ Սահակյանի դիտարկմամբ, գերիների փոխանակման`«բոլորը բոլորի դիմաց» սկզբունքը ձևական է և իրականում չի գործում։

Կողմերի միջև չկա փոխվստահություն, գերիների ու պատանդների տվյալները հրապարակայնացված չեն, մինչ օրս չի հայտարարվել անգամ, թե որ կողմում քանի գերեվարված անձ է պահվում ներկա պահին։

«Կողմերը պետք է հրապարակեին գերիների, պատանդների ցուցակները, որից հետո, եթե անճշտություններ լինեին, դրանց մասին պետք է պարզաբանումներ ներկայացվեին։ Բայց դա տեղի չունեցավ, և մենք այս պահին էլ չունենք տվյալներ, թե քանի հայ է շարունակում մնալ Ադրբեջանում գերության մեջ և հակառակը»,– ասաց Սահակյանը։

Նրա խոսքով, անգամ դիակների որոնողական աշխատանքների իրականացման համար Ադրբեջանը, չնայած ստանձնած պարտավորություններին, անհրաժեշտ պայմաններ չի ստեղծվում։

«Ադրբեջանի պարագայում մենք ունենք շատ հստակ ապացուցված 100–տոկոսանոց գործեր, որոնք վկայում են գերեվարման հանգամանքի, անձանց ողջ լինելու ու նաև որոշակի ժամանակից հետո բանտերում գտնվելու մասին։ Բայց Ադրբեջանի իշխանությունները մինչև օրս դրանք չեն հաստատում»,– հայտնեց Սահակյանը։

Նրա դիտարկմամբ, քաղաքական պայմանավորվածություններ ձեռք բերելիս անհրաժեշտ վստահության մթնոլորտը չի եղել, երաշխիքներ չեն ստեղծվել, որ դրանք չեն չարաշահվի։ Արդյունքում իրական գերիները մնում են Ադրբեջանում, իսկ Հայաստանում գտնվող ադրբեջանցի մարդասպան–հանցագործները գերիների անվան տակ վերադառնում են իրենց երկիր։

Ընդ որում, Սիրանուշ Սահակյանը կիսում է այն տեսակետը, որ այս փոխանակումը իրավական բնույթի բազմաթիվ հարցեր է առաջացրել։

Сирануш Саакян на пресс-конференции в мультимедийном пресс-центре Sputnik (26 июля 2019). Еревaн
© Sputnik / Aram Nersesyan
Սիրանույշ Սահակյան

«Իրավական տեսանկյունից խնդրահարույց է, եթե դատապարտյալը հանձնվում է այլ նպատակով, քան այդ երկրում պատժի հետագա կրումն է։ Կյանքի իրավունքի պաշտպանությունը ենթադրում է ոչ միայն հանցագործության բացահայտում, այլև դրա համար մեղավոր անձանց պատժի անխուսափելիության սկզբունքի կիրառում։ Եվ եթե որևէ դատարան դրա համար նախատեսել է պատիժ, ապա այն ենթակա է կատարման։ Իհարկե, կան պատժից ազատելու միջոցներ, օրինակ` պայմանական վաղաժամկետ ազատումը, որը հստակ հիմքեր ունի, կամ առողջական խնդիրներով ազատումը։ Բայց մենք չունենք դեպքեր, երբ անձին պարզապես կարելի է ազատել»,– ասաց Սահակյանը։

Գերիների հարցը հանգուցալուծված չէ. Ադրբեջանի հետ բանակցություններ են տարվում

Մեր զրուցակցի դիտարկմամբ, Հայաստանը կարող էր Ադրբեջանի քաղաքացիներին հանձնել Ադրբեջանին` ԱՊՀ շրջանակներում քրեական ոլորտում համագործակցության կոնվենցիաների հիման վրա` այնտեղ պատիժը կրելու պայմանով։ Մինչդեռ, այս դեպքում նրանց հանձնումը, Սիրանուշ Սահակյանի մեկնաբանմամբ, առաջին հերթին խախտում է հենց տուժողների իրավունքները` անկախ այն հանգամանքից, որ հայկական կողմը հայտարարում է, թե տուժողների հարազատները համաձայնել են՝ հանուն գերության մեջ գտնվող հայ երիտասարդների փրկության:

«Այստեղ այնքան էլ նշանակություն չունի տուժողների դիրքորոշումը, քանի որ մենք ունենք դատարան։ Դատարանն է վերականգնել սոցիալական արդարությունը` սահմանելով համարժեք պատիժ։ Իսկ երբ այդ պատիժը շրջանցվում է, մենք նաև սոցիալական արդարության խնդրին ենք բախվում»,– ասաց նա։

Ինչ վերաբերում է Հայաստան վերադարձած գերիներին, Սիրանուշ Սահակյանը հայտնեց, որ գերեվարման ընթացքում նրանց նկատմամբ կատարված մարդու իրավունքների կոպտագույն խախտումներն արձանագրվել ու արձանագրվում են։

Արձանագրումներից զատ իրավաբանները նաև հետամուտ են լինելու, որ տուժողները բարոյական ու նյութական փոխհատուցում ստանան իրենց կրած ֆիզիկական ու հոգեկան վնասների դիմաց։

Մարդու իրավունքների եվրոպական դատարան Հայաստանից ներկայացվող գանգատներն օրեցօր ավելանում են, համալրվում հայերի նկատմամբ ադրբեջանցիների անմարդկային վերաբերմունքի նոր փաստերով։

520
թեգերը:
Ադրբեջան, Հայաստան, գերի, Մարդու Իրավունքների Եվրոպական դատարան (ՄԻԵԴ)
թեմա:
Իրադրությունը Հայաստանում և Արցախում հայտարարության ստորագրումից հետո (814)
Ըստ թեմայի
Ադրբեջանի կամայականության պատճառով հայ գերիների վերադարձը ձգձգվում է և բարդանում
Օնիկ Գասպարյանը մեկնում է Արցախ` շիրակցի գերիների հարցով Մուրադովի հետ հանդիպման. մարզպետ
Երևանն ու Բաքուն շարունակում են գերիների փոխանակման գործընթացը. ՌԴ ԱԳՆ ներկայացուցիչ
ԵՊՀ

Ինչո՞ւ է կառավարությունը շտապում. ԵՊՀ-ն դատարանում կվիճարկի հապճեպ ընդունված որոշումը

95
ԵՊՀ–ում չեն պատրաստվում բուհի ինքնավարության դեմ կառավարության քայլն անպատասխան թողնել։ Գևորգ Էմին-Տերյանը հայտնում է` դատական հայցեր կլինեն։

ԵՐԵՎԱՆ, 5 մայիսի- Sputnik. Կառավարության թիվ մեկ խնդիրը բուհերի նկատմամբ լիարժեք վերահսկողություն սահմանելն է և բուհական ինքնավարության ոչնչացումը։ Sputnik Արմենիայի հետ զրույցում նման կարծիք հայտնեց Երևանի պետական համալսարանի մամուլի խոսնակ Գևորգ Էմին-Տերյանը` անդրադառնալով կառավարության կողմից երեկ ընդունած որոշմանը։

Ըստ կառավարության ընդունած որոշման` հաստատվել է պետական բուհերի կառավարման խորհուրդների ձևավորման կարգը փոփոխելու վերաբերյալ նախագիծը։ Այսպիսով, կառավարման խորհուրդների անդամների թիվը 32-ից հասցվել է 20-ի, որից 55 տոկոսին նշանակելու է կառավարությունը, 10 տոկոսին՝ ԿԳՄՍ-ն, հաջորդ 10 տոկոսին՝ բուհի պրոֆեսորադասախոսական կազմը, իսկ վերջին 25 տոկոսին էլ՝ ուսանողական կազմը։ Հավելենք` «Բարձրագույն կրթության և գիտության մասին» օրենքի փոփոխությունների նախագիծը, որտեղ նշված էր նաև այս հարցը, ՀՀ նախագահը չէր ստորագրել և ՍԴ էր ուղարկել։

«ԵՊՀ-ում հիմա հիմնականում տարակուսանք է տիրում, քանի որ նման բան սպասելի չէր` նույնիսկ կառավարության նիստ չի գումարվել։ Այս հապճեպությունը բազմաթիվ հարցեր է առաջացնում։ Սա նման է երեխայի հետ շախմատ խաղալուն, երբ նա հաղթել չի կարողանում և ամենակարևոր ֆիգուրը` թագուհին, վերցնում է տախտակի վրայից»,–ասաց Էմին–Տերյանը։

Նրա խոսքով` երբ «Բարձրագույն կրթության և գիտության մասին» օրենքը քննարկվում էր և դրույթների հակասահմանադրականության մասին էր խոսվում, ԿԳՄՍ նախարար Վահրամ Դումանյանը պնդում էր, որ պետք է տեսնել բարեփոխման հնարավորությունները, այլ ոչ թե կենտրոնանալ մի քանի դրույթների վրա։ Էմին-Ըստ Էմին Տերյանի` պարզվեց, որ նախարարը ստում էր։

Նա նկատում է` սա արդեն 4-5-րդ դեպքն է, որ կառավարությունը «հարձակվում» է բուհերի վրա։ Օրինակ` երբ որոշել էին օրենքում փոփոխություն կատարել և սահմանվել էր, որ պարտադիր չէ ռեկտորը համապատասխանի բուհի կանոնադրական պահանջներին` լինի դոկտոր–պրոֆեսոր և այլն։

ԵՊՀ–ում, սակայն, չեն պատրաստվում հենց այսպես թողել իրավիճակը. Էմին-Տերյանը հայտնեց, որ  դեռ վերջնական չի կարող ասել` ինչ որոշման կգան բուհում, սակայն առկա քննարկումներից կարելի է ենթադրել, որ դատական հայցեր կլինեն, կվիճարկեն որոշումը։

ԵՊՀ-ն այս պահին շատ ավելի վատ վիճակում է, քան մինչև հեղափոխությունը. Սերոբ Խաչատրյան

«Շատ տարօրինակ է, որ 3 տարի է բուհը գտնվում էր տուրբուլենտ վիճակում և հիմա ոտուձեռ են ընկել, արագ հարցեր են լուծում։ Ըստ երևույթին, հասկացել են, որ համալսարանի գլխին կախված է լուծարման վտանգը, քանի որ ըստ Հիմնադրամների մասին օրենքի` եթե 6 ամիս կառավարող մարմիններ չեն ձևավորվում, հիմնադրամը լուծարվում է։ Կամ էլ գուցե պատկան մարմինները ձևացնում են, թե իբր անհանգստացած են բուհի բնականոն գործունեության խաթարմամբ և փորձում են իրենց վրայից հանել այդ մեղքը»,–ասաց Էմին–Տերյանը։

Անդրադառնալով ԵՊՀ–ի հոգաբարձուների խորհրդի նիստերի կայացման տապալման խնդրին` նա նշեց, որ վիճելի է հարցը` բուհն ունի՞ հոգաբարձուների խորհուրդ, թե ոչ։ Էմին-Տերյանը պարզաբանեց` հարցն այն է, որ հոգաբարձուների խորհրդի անդամների կեսը դիմում է գրել ԵՊՀ կանոնադրության խախտմամբ, այսինքն` դրանք գրել են ՀՀ վարչապետի անունով, այնինչ պետք է հոգաբարձուների խորհրդին դիմեին։  Ուստի, հիմա պարզ չէ` հին խորհուրդը կշարունակի՞ իր աշխատանքները, թե՞ նորը կձևավորվի։

«Ակնհայտ է, որ նախարարի ուղղորդմամբ ամեն ինչ արվեց հոգաբարձուների խորհուրդը տապալելու համար։ Կարծում եմ` սա լիազորությունների չարաշահում է, քանի որ նախարարն իրավունք չունի ձախողել բուհի աշխատանքը»,–ասաց Էմին–Տերյանը։

Հիշեցնենք, որ ապրիլի 23-ին ԵՊՀ ռեկտորի ժամանակավոր պաշտոնակատար Գեղամ Գևորգյանը հրաժարականի դիմում էր գրել։ ԵՊՀ նախկին ռեկտոր Արամ Սիմոնյանը հրաժարական էր տվել 2019-ի մայիսի 23–ին։ Բացի այդ, արդեն որերորդ անգամ է տապալվում են բուհի հոգաբարձուների խորհրդի նիստերի կայացումը, քանի որ նախ խորհրդի անդամների բացակայության պատճառով քվորում չէր լինում, իսկ հետո մի շարք անձինք դուրս եկան խորհրդից։

95
թեգերը:
ՀՀ կառավարություն, Օրենք, Դատարան, Երևանի պետական համալսարան (ԵՊՀ), Վահրամ Դումանյան, Կրթության, գիտության, մշակույթի և սպորտի նախարարություն (ԿԳՄՍ), Հայաստան
Ըստ թեմայի
Կառավարությունը Պոլիտեխնիկի ռեկտորի պաշտոնում հաստատեց Գոռ Վարդանյանին
ԿԳՄՍ նախարարի պաշտոնակատարն էլ պատվաստվեց կորոնավիրուսի դեմ
Նախարարի պաշտոնի համար «պայքարում» է Մխիթար Հայրապետյանը. «Ժողովուրդ»
Անահիտ Ավանեսյան

Հայաստանում շուրջ 6000 անձ է պատվաստվել կորոնավիրուսի դեմ. Անահիտ Ավանեսյան

33
(Թարմացված է 18:27 05.05.2021)
Առողջապահության նախարարի պաշտոնակատարը վստահեցրեց` պատվաստվողներից որևէ մեկի մոտ անցանկալի հետևանք չի առաջացել։

ԵՐԵՎԱՆ, 5 մայիսի - Sputnik. Մայիսի 4-ի տվյալներով` Հայաստանում շուրջ 6000 անձ է պատվաստվել կորոնավիրուսի դեմ։ Այսօր Ազգային ժողովում կառավարության հետ հարցուպատասխանի ժամանակ հայտարարեց առողջապահության նախարարի պաշտոնակատար Անահիտ Ավանեսյանը։

«Իհարկե, գոհ չենք պատվաստման այն ցուցանիշներից, ինչ ունենք այս պահին, և ամեն ինչ անում ենք, որպեսզի տեմպն ավելանա։ Շուրջ 6000 պատվաստվողներից որևէ մեկի մոտ բարդություններ, անցանկալի հետևանք չի առաջացել»,–ասաց Ավանեսյանը։

Նրա խոսքով` առաջին օղակի աշխատողները պարբերաբար կապ են հաստատում պատվաստվողների հետ և նրանց առողջական վիճակի մասին տեղեկանում։

Այսօրվանից գործում են երկու շարժական կետեր` Հյուսիսային պողոտայում և մոլերում, և ցանկացողները կարող են նաև այնտեղ պատվաստվել։

Հիշեցնենք, որ Հայաստանում կորոնավիրուսով վարակվածների թիվը վերջին մեկ օրում ավելացել է 493–ով և դարձել 217 900։

33
թեգերը:
պատվաստումներ, կորոնավիրուս, Անահիտ Ավանեսյան, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
«Կորոնավիրուսի դեմ պատվաստումից հետո կար թուլություն, մկանային ցավ»․ Ավանեսյան
Խոակին Կապառոսը պատվաստվել է ռուսական «Սպուտնիկ V»–ով
ԿԳՄՍ նախարարի պաշտոնակատարն էլ պատվաստվեց կորոնավիրուսի դեմ
Արման Թաթոյան. արխիվային լուսանկար

Վազգեններին շան պես կապել ենք. Թաթոյանը ներկայացրել է հայատյացության նոր դրսևորումները

87
(Թարմացված է 00:19 06.05.2021)
Թաթոյանի այս զեկույցը կուղարկվի միջազգային կառույցներին՝ հատուկ նշումով այն մասին, որ տասնամյակներ շարունակ ադրբեջանական իշխանությունների նման հայատյաց ու թշնամանքի քարոզի քաղաքականությունն է, որ հանգեցրել է պատերազմի ընթացքում խոշտանգումների, դաժանությունների։

ԵՐԵՎԱՆ, 5 մայիսի  - Sputnik. «Սպանված հայ զինվորների և շղթայված գերիների պուրակ Բաքվում. մարդկային տառապանքների թանգարան և ռասիզմի խթանում»։ ՀՀ մարդու իրավունքների պաշտպանն այսպես է վերնագրել իր նոր արտահերթ զեկույցը (անգլերենով): Տեղեկությունը ՀՀ ՄԻՊ Արման Թաթոյանը հրապարակել է Facebook–ի իր էջում։

Բաքվում ոչ միայն հայ զինվորների սաղավարտներն են. գերիների ու պուրակի հարցերը՝ ԵԽԽՎ–ում

Այս զեկույցն այն մասին է, թե ինչ ազդեցություն է ունեցել 2021 թվականի ապրիլի 12-ին Բաքվում բացված, այսպես կոչված «Ռազմավարի պուրակը» ադրբեջանական ընկալումներում:

Թաթոյանը ներկայացրել է ադրբեջանականդ ընկալումների մի քանի օրինակ։

  • Վազգեններին շան պես կապել են, որ չփախչեն:
  •  Շնորհակալություն այն մարդկանց, ովքեր աշխատել, պատրաստել են այս մոդելները: Ստորներին, անամոթներին, անբարոյականներին, դավաճաններին, խորամանկներին, դահիճներին բնորոշ բոլոր գծերը ամենայն ճշգրտությամբ պատկերել են:
  • Ռազմական ավարի պուրակը ռևանշիստների համար խրատ է, դաս, հերթական «Երկաթե բռունցքի» մասին նախազգուշացում է:
  • Հաջորդ կանգառը՝ Երևան, Զանգեզուր, Գյոյչա (Սևան):
  •  Ցանկանում եմ, որ այս ավարի ու մոդելների ցուցադրությունը երկարաժամկետ լինի, որովհետև ապագա սերունդը պետք է ճանաչի ազգի թշնամուն և ատելությամբ հիշի:
  • Ընկերներ, ասեք տեսնեմ այս մոդելների վրա անամոթների աչքերը ինչ էլ մեծ են: Կեցցեն ստեղծողները: Կարծես անօդաչուի գալուց են վախենում: Երկրորդ մոդելի դեպքում մեր պարոն Նախագահի իրավացի խոսքն է. «Ի՞նչ եք առնետի պես թաքնվել այստեղ-այնտեղ» և այլն:

«Այս զեկույցում տեղ են գտել կոնկրետ օգտատերերի, այդ թվում` հանրային գործիչների խոսքերը: Այն կոնկրետ ապացույցներով` տեսանյութերով ու լուսանկարներով ցույց է տալիս, որ պուրակը հայատյացության և թշնամանքի գեներացիայի հերթական աղբյուրն է, որ ունի պետական բացահայտ հովանավորչություն»,–գրել է Թաթոյանը:

Հայաստանի մարդու իրավունքների պաշտպանի այս զեկույցը կուղարկվի միջազգային կառույցներին՝ հատուկ նշումով այն մասին, որ տասնամյակներ շարունակ ադրբեջանական իշխանությունների նման հայատյաց ու թշնամանքի քարոզի քաղաքականությունն է, որ հանգեցրել է պատերազմի ընթացքում խոշտանգումների, դաժանությունների, իսկ այժմ բացարձակ խաթարում են խաղաղությունն ու համերաշխությունը տարածաշրջանում:

Հիշեցնենք` Բաքվում բացվել է ավար վերցված հայկական զրահատեխնիկայի «պուրակ», որը տեղակայվել է հինգ հեկտար տարածքում։ Ըստ ադրբեջանական լրատվամիջոցների` այգու մուտքի մոտ կարելի է տեսնել ադրբեջանական բանակի կողմից վերցված ավելի քան 2000 ավտոմեքենաների համարանիշներ, ինչպես նաև բազմաթիվ սաղավարտներ։ Տարածքում կան նաև հայ զինվորների մանեկեններ։

87
թեգերը:
Բաքու, պուրակ, զինծառայող, միջազգային կառույցներ, Ադրբեջան, Հայաստան, Արման Թաթոյան, ՀՀ ՄԻՊ
Ըստ թեմայի
«Նորոգման աշխատանքների» քողի տակ Ադրբեջանն աղավաղում է Շուշիի Ղազանչեցոցը. Արցախի ՄԻՊ
Գլխատումներ, մահացածների նկատմամբ անարգանք․ ՄԻՊ-ը 297 տեսանյութ ու լուսանկար է վերլուծել
ՄԻՊ ներկայացուցիչներն այցելել են գերությունից վերադարձած անձանց