Այրվող աթոռ․ նկարիչ Ռուբեն Մալայանը յուրահատուկ պերֆորմանս է կազմակերպել
(Թարմացված է 11:13 17.12.2020)
Արվեստագետն իր նախաձեռնությունն անվանել է «Making of Հայրենիք» («Հայրենիք ստեղծելով»)։ Կադրերում երևում է նաև #ArtsakhStrong գրությունը։ ԵՐԵՎԱՆ, 17 դեկտեմբերի – Sputnik. Նկարիչ և դիզայներ Ռուբեն Մալայանը յուրահատուկ պերֆորմանս է նախաձեռնել և այրվող աթոռի պատկերով սև ու սպիտակ լուսանկար հրապարակել համացանցում։ Լուսանկարի վրա խոսուն գրություն է՝ «Հայրենիք»։
Նա նաև այրվող աթոռով տեսագրություն է հրապարակել Facebook-ում և իր պերֆորմանսն անվանել «Making of Հայրենիք» («Հայրենիք ստեղծելով»)։ Այնտեղ հայտնվում է նաև #ArtsakhStrong հեշթեգը, որն արցախյան երկրորդ պատերազմի կարգախոսներից է, նշանակում է՝ «Արցախն ուժեղ է»։
«Կարծում եմ՝ այրվող աթոռն ամենից լավ է խորհրդանշում երկրում տեղի ունեցող իրադարձությունները», - ասաց Մալայանը Sputnik Արմենիային։
Նա պաստառը պատրաստել է լուսանկարիչ Վահագն Ստեփանյանի հետ։
Մտահաղացումը որոշ ժամանակ առաջ է ծագել, իսկ դրա իրականացմանը նպաստել է վերջին օրերի մառախլապատ եղանակը։
Նկարիչը պատրաստվում է հնարավորինս տարածել պաստառը, որպեսզի մարդիկ մտածեն երկրում տեղի ունեցող իրադարձությունների մասին։
Հիշեցնենք, որ նոյեմբերի 9-ին Արցախում հրադադար հաստատելու վերաբերյալ եռակողմ հայտարարության ստորագրումից հետո Հայաստանում բողոքի ակցիաներ են սկսվել։ Երթերի ու հանրահավաքների մասնակիցները պահանջում են ՀՀ վարչապետ Նիկոլ Փաշինյանի հրաժարականը։
Ընդդիմադիր կուսակցությունները ստեղծել են Հայրենիքի փրկության շարժում ու վարչապետի միասնական թեկնածու առաջադրել Հանրային խորհրդի նախկին նախագահ Վազգեն Մանուկյանին։
Նիկոլ Փաշինյանի հրաժարականը պահանջող ընդդիմադիր ուժերի տված վերջնաժամկետի (դեկտեմբերի 8, ժամը 12.00) ավարտից հետո ՀՅԴ ԳՄ ներկայացուցիչ Իշխան Սաղաթելյանը ուղիղ եթերում հայտնեց, որ Հայրենիքի փրկություն շարժումը սկսում է խաղաղ անհնազանդության ամենօրյա ակցիաներ իրականացնել։
Գարիկ Մարտիրոսյանի կինը գովազդել է հայ նկարչին. լուսանկարներ
(Թարմացված է 23:43 13.04.2021)
Ժաննան իր հետևորդներին պատմել է Հայաստանի և հայ նկարչի մասին և կոչ արել մարդկանց գնալ նրա ցուցահանդեսին։ԵՐԵՎԱՆ, 13 ապրիլի - Sputnik․ Հայտնի հումորիստ Գարիկ Մարտիրոսյանի կինը՝ Ժաննա Լևինան, իր Instagram-ում գովազդել է հայ նկարիչ Ռաֆայել Մեգալին։
View this post on Instagram
«Հայաստանը ոչ միայն գեղեցիկ, հյուրընկալ երկիր է, այլև հարուստ։ Երկիրը հարուստ է տաղանդներով և շնորհներով։ Նրանցից մեկն արդեն ամբողջ աշխարհում հայտնի նկարիչ Ռաֆայել Մեգալն է», - մակագրել է նա իր հրապարակված լուսանկարներն ու տեսանյութերը։
Լևինան պատմել է Մոսկվայում բացված Մեգալի ցուցահանդեսի իր տպավորությունների մասին՝ կոչ անելով օգտատերերին գնալ ու տեսնել նրա նկարները։
View this post on Instagram
«Մեծ բավականություն ստացանք ՝ ընկնելով նրա գունագեղ, արտահայտիչ, հագեցած, հյութեղ աշխարհի մեջ», - գրել է նա:
Հիշեցնենք, որ Ժաննա Լևինան և Գարիկ Մարտիրոսյանը միասին են արդեն ավելի քան 20 տարի։ Նրանք ամուսնացել են 1998 թվականին։ 2004-ի ամռան վերջին զույգը դուստր է ունեցել, նրան անվանել են Ժասմին: Իսկ 2009-ի հոկտեմբերին նրանք ունեցան որդի, նրա անունը Դանիել է:
«Ինձ համար մեկ էր...». Ժաննա Լևինան խոսել է Գարիկ Մարտիրոսյանի հանդեպ իր սիրո մասին
«Տանը մենակ» ֆիլմի աստղ Մակոլեյ Կալինը հայր է դարձել
(Թարմացված է 23:07 13.04.2021)
Երեխային անվանակոչել են Դակոտա՝ Կալկինի քրոջ պատվի, որը երիտասարդ տարիքում է մահացել։
ԵՐԵՎԱՆ, 13 ապրիլի - Sputnik․ «Տանը մենակ» ֆիլմի աստղ ամերիկացի դերասան Մակոլեյ Կալինն առաջին անգամ հայր է դարձել։ Այս մասին տեղեկացնում է Mood Magazine-ը։
View this post on Instagram
40-ամյա Կալկինն ու նրա կինը՝ 33-ամյա դերասանուհի Բրենդա Սոնգը որդի են ունեցել։ Երեխային անվանակոչել են Դակոտա՝ Կալկինի քրոջ պատվին, որը երիտասարդ տարիքում է մահացել։ Դակոտա Կալկինը մահացել է 29 տարեկանում, ավտոմեքենան նրա վրաերթի է ենթարկել հետիոնտային անցումի վրա։
Կալկինն ու Սոնգը հանդիպել են մի քանի տարի առաջ Թաիլանդում՝ նկարահանումների ժամանակ, և շատ ժամանակ չանցած` սկսել միասին ապրել։
View this post on Instagram
«Տանը մենակ» ֆիլմի աստղը շատ դժվար ժամանակներ է ունեցել։ Ընդամենը 10 տարեկան հասակում համաշխարհային հռչակ ձեռք բերելուց հետո նրա մոտ սկսել են հոգեբանական խնդիրներ։
Մակոլեյը պատանի տարիքից սկսել է ալկոհոլ ու թմրանյութեր օգտագործել։ 2012-ին ավագ քրոջ մահը և ընկերուհու՝ դերասանուհի Միլա Կունիսի հետ բաժանումը նրան հասցրել էին ինքնասպանության փորձի։
Սակայն այժմ դերասանը վերականագնվում է և փորձում ամուր ընտանիք ստեղծել։
Նոնսենս է. կարո՞ղ էր արդյոք հետպատերազմական շրջանում նվազել գործազուրկների թիվը
(Թարմացված է 00:02 14.04.2021)
Հայաստանի գործատուների հանրապետական միության նախագահ Գագիկ Մակարյանը Sputnik Արմենիայի հետ զրույցում անդրադարձել է 2020 թվականի վերջին եռամսյակում աշխատաշուկայում գործազրկության նվազման ցուցանիշներին, որոնք օրերս հրապարակել է ԱՎԾ-ն։ «Գործազրկության թվի նվազման ցուցանիշը չի արտահայտում աշխատաշուկայի իրական վիճակը». Մակարյան
Տնտեսական ճգնաժամի և հետպատերազմական շրջանում 2020 թվականի չորրորդ եռամսյակում Հայաստանում գործազրկության թվի աննախադեպ նվազումը չի արտահայտում աշխատաշուկայի իրական վիճակը։ Sputnik Արմենիայի հետ զրույցում նման կարծիք հայտնեց Հայաստանի գործատուների հանրապետական միության նախագահ Գագիկ Մակարյանը` մեկնաբանելով ԱՎԾ հրապարակած վիճակագրական տվյալները։
Վիճակագրության համաձայն` աշխատաշուկայում գործազրկության 2020 թվականի վերջին եռամսյակի ցուցանիշների համաձայն` 2020թ.-ի երրորդ եռամսյակում Հայաստանում գործազրկության ցուցանիշը կազմել է 227.000 մարդ, իսկ չորրորդ եռամսյակում` 185.000 մարդ։
Դա նշանակում է, որ 2020-ի վերջին 3 ամիսներին Հայաստանում գործազրկության թիվը կրճատվել է 42.000-ով, ինչը համավարակի և պատերազմի հետևանքով տնտեսական ճգնաժամի մեջ հայտնված տնտեսության դեպքում նոնսենս է։
Մակարյանն այս ամենը բացատրում է մի քանի գործոնով` պատերազմում զոհված կամ լուրջ վիրավորում ստացած քաղաքացիներին, որոնք ունեցել են այս կամ այն աշխատանքը, գործատուները փոխարինել են նոր մարդկանց աշխատանքի ընդունելով։ Քիչ թիվ չեն կազմում նաև համավարակի հետևանքով մահացածները։
«Հակառակ դեպքում ես այսօր չէի գա». ԿԲ փոխնախագահը վստահեցրել է` գնաճը կառավարելի է
«Կորոնավիրուսի պատճառով մահացածների մի մասը կարիքավոր են, բայց այդ մոտ 4500 մահացածների մեջ եղել են նաև աշխատող քաղաքացիներ, որոնց աշխատաշուկայում նոր կադրերով են փոխարինել»,- նշեց Մակարյանը։
©
Sputnik / Hayk Petrosyan
Գործազրկության ցուցանիշի նման անկումը կարող է պայմանավորված լինել նաև երկրում ստեղծված սոցիալ-հոգեբանական պատճառներով, երբ մարդիկ կամ տրամադրություն չեն ունեցել պատասխանել հարցումներին, կամ այնքան էլ ճիշտ չեն պատասխանել դրանց։
Բացի այդ, ըստ աշխատաշուկայի միջազգային մեթոդաբանության` եթե քաղաքացին հարցումն իրականացնելու պահին վերջին երկու շաբաթներին աշխատանք չի փնտրել, ապա նա գործազուրկ չի համարվում։
Նշենք, որ օրերս ՀՀ ԱՎԾ-ն հրապարակած տեղեկությունների համաձայն` 2020 թվականի վերջին եռամսյակում գործազրկության ցուցանիշը զգալի նվազել է` հասնելով 16 տոկոսի, այն դեպքում, երբ 2019-ին` աճող տնտեսության պարագայում, ունեցել ենք 17.1 տոկոսանոց ցուցանիշ։
Գնաճը մինչև ո՞ւր կհասնի. էկոնոմիկայի նախարարը վստահեցնում է` մենք դեռ լավ վիճակում ենք