Ասուլիս Կրթության, գիտության, մշակույթի և սպորտի նախարարությունում

«Այս օրենքը հայոց լեզվի մասին չէ». ԿԳՄՍ–ում մեկնաբանել են աղմուկ հանած նախագիծը

66
(Թարմացված է 14:38 09.12.2020)
Հայաստանյան մի շարք բուհեր պահանջել են հետ կանչել օրենքի նախագիծը` դրա որոշ կետեր անընդունելի համարելով։

ԵՐԵՎԱՆ, 9 դեկտեմբերի - Sputnik. ՀՀ կրթության, գիտության, մշակույթի և սպորտի նախարարությունում հրավիրված ասուլիսի ժամանակ ԿԳՄՍ նախարարի խորհրդական Սամվել Կարաբեկյանը հերքեց, որ «Բարձրագույն կրթության և գիտության մասին» օրենքի նախագիծը հատուկ ընդունվել է ճգնաժամային պահին, երբ հանրության ուշադրությունը այլ տեղերում է։

«Հակառակը` ես կասեի, որ այս օրենքը ուշացած է։ Նրա շուրջ երկար աշխատանք է տարվել։ Նման բան չկա, որ այն հապճեպ է ներկայացվել», – ասաց Կարաբեկյանը։

Самвел Карабекян на пресс-конференции в министерстве ОНКС о проекте закона “О высшем образовании и науке” (9 декабря 2020). Еревaн
Asatur Yesayants
ԿԳՄՍ նախարարի խորհրդական Սամվել Կարաբեկյան

Նշենք, որ մի շարք բուհեր` ներառյալ Երևանի պետական համալսարանը և Երևանի պետական բժշկական համալսարանը, պահանջել էին հետ կանչել օրենքի նախագիծը` դրա որոշ կետեր անընդունելի համարելով։ Մասնավորապես` ԵՊՀ հայոց լեզվի ամբիոնը դեմ էր արտահայտվել 2021-2022 ուստարվա ընդունելության քննությունների առարկայական ցանկում «Հայոց լեզու և գրականություն» առարկան բուհերի կամ դիմորդի ընտրությանը թողնելը։ Սրան արձագանքելով` Կարաբեկյանն ասաց, որ բուհերում դասավանդման լեզուն շարունակում է մնալ հայերենը։

«Այս օրենքը հայոց լեզվի մասին չէ, այն առարկաների ընտրության ազատության մասին է, այն բուհերի ինքնավարության մասին է։ Դասավանդման լեզուն հայկական բուհերում շարունակում է մնալ հայերենը։ Եթե դուք կարծում եք, որ պետք է հայոց լեզվի մասին որոշում կայացնի ոչ թե բուհը, այլ օրենքը, գուցե այդպես բոլոր առարկաներն էլ օրենքո՞վ որոշվեն։ Ինձ համար անհասկանալի է դա։ Առարկայի մասին որոշումը կայացնում է բուհը, այն էլ` ոչ թե ընդհանուր, այլ կոնկրետ ամբիոնը, կոնկրետ ծրագրի ղեկավարը», – ասաց ԿԳՄՍ նախարարի խորհրդականը։

Բարձրագույն և հետբուհական մասնագիտական կրթության վարչության պետ Ռոբերտ Սուքիասյանն էլ ասաց, որ օրենքը ոչ թե սահմանափակելու, այլ ընդլայնելու է բուհերի ինքնավարությունը։

Բժշկական համալսարանը կոչ է անում հետ կանչել բարձրագույն կրթության մասին օրենքի նախագիծը

«Նիդեռլանդներում, Իսպանիայում ներդրված է այս մեխանիզմը։ Բուհը չորս ուղղություններով` կազմակերպչական, ֆինանսական, մարդկային ռեսուրսների և ակադեմիական ուղղություններով պետք է ինքնավար և անկախ լինի։ Այս օրենքի նախագիծը մի քանի քայլով մոտեցնելու է բուհերի լրիվ ինքնավարությանը», – ասաց Սուքիասյանը։

Роберт Сукиасян на пресс-конференции в министерстве ОНКС о проекте закона “О высшем образовании и науке” (9 декабря 2020). Еревaн
Asatur Yesayants
Բարձրագույն և հետբուհական մասնագիտական կրթության վարչության պետ Ռոբերտ Սուքիասյան

Նա նաև ասաց, որ օրենքի համաձայն` հնարավոր կլինի կրթաթոշակներ սահմանել ընդունելության քննություններին բարձր գնահատականներ ստացած, բայց վճարովի համակարգ անցած ուսանողների համար։

Նշենք` նախապես ասվել էր, որ ասուլիսին ներկա կլինի նաև փոխնախարար Արթուր Մարտիրոսյանը, սակայն նա բացակայում էր։

«Բարձրագույն կրթության և գիտության մասին» ՀՀ օրենքի նախագիծը, որի փոփոխության վերաբերյալ բազմաթիվ առաջարկներ են հնչել, 2020 թ. դեկտեմբերի 3-ին որպես անհետաձգելի և չզեկուցվող հարց ընդգրկվել է ՀՀ կառավարության օրակարգում և հավանության արժանացել: Օրենքի նախագիծը շուրջ մեկ տարի է` շրջանառվում է, և այն բավականին քննադատության էր արժանացել։

Հայոց լեզվին սպառնո՞ւմ է լատիներենի ճակատագիրը, կամ ինչպե՞ս պահպանել մայրենին

66
թեգերը:
Հայոց լեզու, բուհ, Կրթության, գիտության, մշակույթի և սպորտի նախարարություն (ԿԳՄՍ), Նախագահ
Ըստ թեմայի
Անգիր անելն այս տարի չի օգնել. դիմորդների 20 տոկոսը կտրվել է հայոց լեզվի քննությունից
Հայոց լեզուն հայտնվել է Ռուսաստանում ամենապահանջված լեզուների տասնյակում
Լազարյանների դպրոցը Մոսկվայում. հայոց լեզու սովորելը պարտադիր է
Արխիվային լուսանկար

«Զվարթնոց» օդանավակայանում հայտնաբերվել է գումարով և ոսկյա իրերով պայուսակ

28
(Թարմացված է 15:39 30.07.2021)
Օդանավակայանի ավիացիոն անվտանգության ծառայության աշխատակիցն ուղևորի պայուսակը հայտնաբերելուց հետո հանձնել է կորած և գտնված իրերի բաժին։

ԵՐԵՎԱՆ, 30 հուլիսի – Sputnik. Երևանի «Զվարթնոց» օդանավակայանում հայտնաբերվել է գումարով և ոսկյա իրերով պայուսակ։ Տեղեկությունը Facebook–ի էջում հայտնում է «Արմենիա» միջազգային օդանավակայաններ» ՓԲԸ-ն։ 

«Նախօրեին Մոսկվայից Երևանի «Զվարթնոց» միջազգային օդանավակայան ժամանած ուղևորը պարզել է, որ կորցրել է պայուսակը: Օդանավակայանի ավիացիոն անվտանգության ծառայության աշխատակիցն ուղևորի պայուսակը հայտնաբերելուց հետո, որտեղ եղել են գումար, ոսկյա իրեր, հեռախոս և այլ իրեր, ըստ ընթացակարգի, հանձնել է կորած և գտնված իրերի բաժին»,–նշված է գրառման մեջ։

Ուղևորն իր շնորհակալությունն է հայտնել ավիացիոն անվտանգության ծառայության աշխատակցին՝ կորցրած պայուսակն ամբողջ պարունակությամբ հայտնաբերելու համար:

Հիշեցնենք, որ մայիսի 18-ին նույնպես «Զվարթնոց» օդանավակայանի ավիացիոն անվտանգության ծառայության աշխատակիցը ոսկյա իրերով և գումարով պայուսակ էր հայտնաբերել։

Նշենք, որ նման դեպքեր օդանավակայանում հաճախ են լինում, երբ աշխատակիցները խոշոր գումարով պայուսակ են գտնում և փոխանցում կորած իրերի բաժին։

28
թեգերը:
«Զվարթնոց» օդանավակայան, պայուսակ, Ոսկի, փող
Ըստ թեմայի
«Զվարթնոցի» աշխատակիցը ոսկյա իրերով և գումարով պայուսակ է հայտնաբերել
«Զվարթնոց» օդանավակայանում նորից պայուսակ են գտել` 4000 դոլարով
«Զվարթնոց» օդանավակայանում թանկարժեք իրերով պայուսակ է գտնվել
Արխիվային լուսանկար

Արցախից ծանր գանգուղեղային վնասվածքով Երևան է տեղափոխվել 3-ամյա երեխա

30
(Թարմացված է 15:22 30.07.2021)
Ներկա պահին երեխայի վիճակի մեջ դրական տեղաշարժ կա, սկսել է ինքնուրույն շնչել։

ԵՐԵՎԱՆ, 30 հուլիսի - Sputnik. Արցախից ծանր գանգուղեղային վնասվածքով Երևանի «Սուրբ Աստվածամայր» ԲԿ է տեղափոխվել 3-ամյա երեխա: Տեղեկությունը Facebook–ի էջում հայտնում է ԲԿ–ի մամուլի ծառայությունը։

Նշվում է, որ փոքրիկը նախ տեղափոխվել է Ստեփանակերտի հիվանդանոց, որտեղ նրան ցուցաբերվել է առաջին բուժօգնություն, ապա վիճակը կայունացնելուց հետո ռեանիմոբիլով տեղափոխվել է Գորիս։ Գորիսում փոքրիկին սանավիացիայով դիմավորել ու Երևան են հասցրել «Սուրբ Աստվածամայր» ԲԿ-ի բժիշկները:

«Վիճակը ընդունման պահին գնահատվում էր ծանր, միացված էր արհեստական շնչառության սարք: Ներկա պահին վիճակի մեջ դրական տեղաշարժ կա, գիտակցությունը տեղն է, սկսել է շնչել ինքնուրույն»,–նշված է հաղորդագրության մեջ:

Դեպքի առնչությամբ այս պահին այլ մանրամասներ չեն հաղորդվում։ Հայտնի չէ, թե երեխան ինչից է տուժել։

12 երեխա աղիքային սուր վարակի ախտանիշով տեղափոխվել է Գորիսի ԲԿ

30
թեգերը:
Արցախ, երեխա, հիվանդանոց
Ըստ թեմայի
Վթար Կոտայքի մարզում. ծնողներն ու նրանց 3 անչափահաս երեխաները հիվանդանոցում են
Նովոկուզնեցկում թոշակառուն բռնել է պատուհանից ընկնող երեխային. տեսանյութ
Խոշոր ավտովթար Արարատի մարզում. տուժածների թվում երեխաներ կան
Եվրախորհրդարան

Ներխուժել են ու անպատասխանատու արտահայտություններ են անում. ԵԽ–ում դատապարտել են Բաքվին

0
(Թարմացված է 15:40 30.07.2021)
ԵԽ պատգամավորները նշել են, որ սահմանի շուրջ հնարավոր տարաձայնությունները պետք է լուծվեն գործընթացի շրջանակներում բանակցությունների և սահմանազատման միջոցով, այլ ոչ թե ուժի կիրառման և միակողմանի գործողությունների։

ԵՐԵՎԱՆ, 30 հուլիսի – Sputnik. Եվրոպական խորհրդարանի երեք պատգամավոր` Հարավային Կովկասի հետ կապերի պատվիրակության նախագահ Մարինա Կալյուրանդտը, Հայաստանի գծով զեկուցող, պատգամավոր Անդրեյ Կովաչևը և Ադրբեջանի գծով զեկուցող, պատգամավոր Ժելյանա Զովկոն, հայտարարությամբ են հանդես եկել, որում անդրադարձել են հայ–ադրբեջանական սահմանին տիրող իրադրությանը։

«Մենք ցավում ենք Գեղարքունիքում հուլիսի 28-ին երեք հայ զինծառայողների զոհվելու համար։ Խորին ցավակցություն ենք հայտնում նրանց ընտանիքներին: Ցավոք, սա վերջին ամիսներին տեղի ունեցած միջադեպերից մեկն է` ներառյալ միջպետական սահմանի խախտումները, որոնք սկսվել են մայիսի 12-ին ադրբեջանական զորքերի` Հայաստանի տարածք ներխուժելով: Անհանգստացնող էր նաև Նախիջևանի հետ սահմանին փոխհրաձգությունը, որի հետևանքով ևս մեկ հայ զինվոր էր զոհվել», – ասված է հայտարարությունում։

Պատգամավորները երկու կողմերին կոչ են արել խստորեն պահպանել հրադադարի ռեժիմը և զերծ մնալ ցանկացած սադրանքներից։ Նրանք նշել են, որ սահմանի շուրջ հնարավոր տարաձայնությունները պետք է լուծվեն բանակցությունների և սահմանազատման միջոցով, ոչ թե ուժի կիրառման և միակողմանի գործողությունների։

«Բոլոր ուժերը պետք է նահանջեն մինչև մայիսի 12-ը զբաղեցրած դիրքեր` համապատասխան կրակի դադարեցման մասին եռակողմ հայտարարության», – ասված է հայտարարության մեջ։

Նաև նշվում է, որ իրավիճակը թուլացնելու համար չափազանց կարևոր է, որ վերանա հրահրիչ հռետորաբանությունը։

«Այս համատեքստում մենք դատապարտում ենք մասնավորապես Ադրբեջանի ներկայացուցիչների վերջին հայտարարությունները։ Այսպես կոչված «Արևմտյան Զանգեզուր» և Հայաստանի Հանրապետության տարածքը «ադրբեջանցիների նախնիների երկիր» արտահայտությունները չափազանց անպատասխանատու են և սպառնում են է՛լ ավելի քայքայել տարածաշրջանային անվտանգությունը», – նշված է հայտարարության մեջ։

Պատգամավորները հիշեցնում են երկու կողմերի փոխվստահության ամրապնդման միջոցներին աջակցելու ԵՄ պարտավորությունը, ինչպես նաև ցանկացած հարցը բանակցային սեղանի շուրջ քննարկելու կարևորությունը` ներառյալ Լեռնային Ղարաբաղի կարգավիճակի քննարկումը։

Հիշեցնենք` հուլիսի 28-ին ադրբեջանական ԶՈւ ստորաբաժանումները հերթական անգամ դիմել էին սադրանքի և խախտել հրադադարը հայ-ադրբեջանական սահմանի հյուսիսարևելյան հատվածում: Հայաստանն ու Ադրբեջանը համաձայնել էին Մոսկվայի միջնորդությամբ դադարեցնել կրակը։

Ադրբեջանական ստորաբաժանումները, տալով կորուստներ, հետ են շպրտվել. ՊՆ

Հայկական կողմն ունի երեք զոհ, հինգ վիրավոր։

Հուլիսի 29-ին` ժամը 03:00-ի սահմանում, հայ-ադրբեջանական սահմանի Գեղարքունիքի հատվածում, Քարվաճառի ուղղությամբ ադրբեջանական ԶՈւ ստորաբաժանումները, խախտելով նախորդ օրը ձեռք բերված` կրակի դադարեցման վերաբերյալ պայմանավորվածությունը, կրկին դիմել էին սադրանքի ու կրակ բացել հայկական դիրքերի ուղղությամբ։

Հայ-ադրբեջանական սահմանի Գեղարքունիքի հատվածում արձանագրվել են ԱԹՍ-ների՝ ՀՀ օդային տարած մուտք գործելու փորձեր։

Այսօր` հուլիսի 30–ին, Խոցվել է Ադրբեջանի ԶՈւ սպառազինության մեջ գտնվող «Aerostar» տիպի ԱԹՍ, որի բեկորներն ընկել են Գեղարքունիքի մարզի Վանեվան գյուղից 3.5 կիլոմետր դեպի հյուսիս։

0
թեգերը:
Հայաստան, Ադրբեջան