Ոստիկաններ

«Ընդամենը 6000 մարդ է Փաշինյանին դեմ». վարչապետի աջակիցները ցույց են անում

537
(Թարմացված է 18:11 08.12.2020)
Հայկ Ստեփանյանի խոսքով` վարչապետի աջակիցները մտադրված չեն բախումներ ստեղծել ընդդիմության հետ։

ԵՐԵՎԱՆ, 8 դեկտեմբերի - Sputnik. Մոտ հարյուր մարդ Երևանի Հանրապետության հրապարակում հավաքվել են` աջակցելու վարչապետ Նիկոլ Փաշինյանին։ Նրանց շարքերում է նաև «Հեղափոխության պահապաններ» նախաձեռնությունը։

Նրա անդամներից Հայկ Ստեփանյանը լրագրողների հետ զրույցում ասաց, որ վարչապետի աջակիցները մտադրված չեն բախումներ ստեղծել ընդդիմության հետ։

«Մենք հիմա պոստերից իջել ենք և թույլ չենք տա, որ այլևս կառավարության շենք ջարդվի։ Բայց սա խաղաղ հավաք է, մեր կռիվը այստեղ չէ, սահմանին է», – ասաց Ստեփանյանը։

Նրա խոսքով` ժողովրդի շրջանում վարչապետի հրաժարականի պահանջ չկա։

Նիկոլ Փաշինյանի հրաժարականը պահանջողները փորձում են փակել Երևանի փողոցները

«Ընդամենը 6000 մարդ է Փաշինյանին դեմ, այդ ընդդիմադիր կուսակցությունները` իրենց մարդկանցով», – ասաց ցույցի մասնակիցներից մեկը։

Հիշեցնենք, որ վարչապետի հրաժարականի պահանջով բողոքի ակցիաները սկսվել են Արցախի վերաբերյալ նոյեմբերի 9-ին եռակողմ հայտարարության ստորագրումից հետո։

Այսօր Նիկոլ Փաշինյանի հրաժարականի հորդոր-պահանջով հանդես են եկել Ամենայն հայոց կաթողիկոս Գարեգին Բ-ն ու Մեծն Տան Կիլիկիո կաթողիկոս Արամ Առաջինը։

537
թեգերը:
ընդդիմություն, Իշխանություն, Բողոքի ակցիա, Նիկոլ Փաշինյան, Հայկ Ստեփանյան
Ըստ թեմայի
«Փաշինյանը պետք է գնա, ցանկացած բանական մարդ պահանջում է նրա հրաժարականը». Քոչարյան
Վտանգված է Հայաստանի ինքնիշխանությունը. 150 փաստաբաններ պահանջում են Փաշինյանի հրաժարականը
Սպիտակի համայնքապետարանը միացել է վարչապետ Փաշինյանի հրաժարականի պահանջին
Արմեն Չարչյան

Սա քաղաքական տեռոր է․ Արմեն Չարչյանը՝ իր դեմ հարուցված քրեական գործի մասին

0
«Իզմիրլյան» ԲԿ-ի ղեկավարը հավատում է արդարադատությանն ու համոզված է, որ դատարանը ճիշտ վճիռ կկայացնի։

ԵՐԵՎԱՆ, 22 հունիսի - Sputnik․ «Իզմիրլյան» բժշկական կենտրոնի ղեկավար Արմեն Չարչյանը հավատում է, որ դատարանն արդար վճիռ կկայացնի իր դեմ հարուցված քրեական գործով։ Պրոֆեսոր Չարչյանը վստահ է, որ մեղադրանքը «քաղաքական տեռորի» մաս է։ Հիշեցնենք, որ պրոֆեսոր Չարչյանը ՀՀ երկրորդ նախագահ Ռոբերտ Քոչարյանի գլխավորած «Հայաստան» դաշինքի անդամ ու պատգամավորության թեկնածու է։

«Ինձ առաջադրված է մեղադրանք, որը ինձ համար բացարձակ անհասկանալի է, ըստ իս՝ այդ մեղադրանքի մեջ որևէ հանցակազմ չկա, և այն կրում է խիստ քաղաքական բնույթ ու քաղաքական տեռոր է»,- դատարանի մուտքի մոտ լրագրողների հետ զրույցում նշեց բժիշկ Չարչյանը։

0
Կաշառք

Պատգամավորի թեկնածուն կալանավորվել է ընտրակաշառք տալու համար․ ՀՔԾ

45
(Թարմացված է 16:42 22.06.2021)
Իրավապահները փորձում են բացահայտել ընտրակաշառք բաժանելու հանցավոր սխեմայում ներգրավված բոլոր անձանց։

ԵՐԵՎԱՆ, 22 հունիսի - Sputnik․ Պատգամավորի թեկնածուն կալանավորվել է ընտրակաշառք տալու և խոստանալու մեղադրանքով։ Հատուկ քննչական ծառայության լրատվության բաժինը տեղեկացնում է, որ դատարանն այսօր բավարարել է քննիչի միջնորդությունը՝ որպես խափանման միջոց կալանավորումն ընտրելու վերաբերյալ։

«2021 թվականի հունիսի 20-ին նշանակված ՀՀ ԱԺ արտահերթ ընտրություններին մասնակցելու և կուսակցությունների դաշինքի օգտին կողմ քվեարկելու համար ՀՀ Վայոց Ձորի մարզի Եղեգնաձոր քաղաքում մի խումբ անձանց կողմից ընտրողներին անձամբ և միջնորդների միջոցով կաշառք բաժանելու դեպքերով հիմնավորվել է, որ կուսակցությունների դաշինքի պատգամավորության թեկնածու Գ.Ս.-ն, մի խումբ անձանց հետ նախնական համաձայնությամբ, երկու և ավելի անձանց առաջարկել և տվել է 20.000-ից 30.000 ՀՀ դրամ գումարի չափով կաշառք` կուսակցությունների դաշինքի օգտին կողմ քվեարկելու համար»,- նշված է հաղորդագրության մեջ։

Այսպիսով` Գ.Ս.-ին մեղադրանք է առաջադրվել ՀՀ քրեական օրենսգրքի 154.2-րդ հոդվածի 4-րդ մասի 1-ին և 2-րդ կետերով (ընտրակաշառք տալը):

ՀՔԾ-ն Ազգային անվտանգության ծառայության հետ համատեղ ձեռնարկում է անհրաժեշտ գործողություններ` բոլոր հանգամանքները և ընտրակաշառք բաժանելու հանցավոր սխեմայում ներգրավված բոլոր անձանց ինքնությունը բացահայտելու ուղղությամբ:

Դաշինքի թեկնածուն կձերբակալվի․ նա Վայոց Ձորում կաշառք է բաժանել քաղաքացիներին

Նշենք, որ օրեր առաջ հունիսի 19-ին «Պատիվ ունեմ» դաշինքի ներկայացուցիչ Արսեն Բաբայանը Facebook–ի իր էջում գրել է, որ ձերբակալվել է իրենց դաշինքի պատգամավորության թեկնածու Գոռ Սեդրակյանը։

45
թեգերը:
Հատուկ քննչական ծառայություն (ՀՔԾ), թեկնածու, Կաշառք, Ազգային ժողովի ընտրություններ, Հայաստան
թեմա:
ԱԺ արտահերթ ընտրություններ 2021
Ըստ թեմայի
Քաղաքացիների ծայրահեղ հակադիր կարծիքները ընտրությունների արդյունքների մասին. տեսանյութ
Մոսկվան ակնկալում է, որ ընտրությունների արդյունքները կնպաստեն ՀՀ-ի զարգացմանը. Զախարովա
Իշխանությունն ընտրություններում կիրառեց «նորերն ընդդեմ հների» ռազմավարությունը. Մարկեդոնով