Ռուզանի և Հայկազի հարսանիքը

Պատերազմից հետո սեր կա. արցախցի Հայկազի ու Ռուզանի հարսանիքը` ժամանակավոր կացարանում

3174
(Թարմացված է 15:28 07.12.2020)
Երկու միայնակ արցախցիներ էլ խաչեղբոր և հարսնաքրոջ դերում են. կացարանի պատասխանատուն հույս ունի՝ հաջորդ հարսանիքը նրանցն է լինելու։

ԵՐԵՎԱՆ, 6 դեկտեմբերի - Sputnik. Գրեթե մեկշաբաթյա տառապանքներից հետո արցախցի Հայկազին հաջողվեց նվաճել Ռուզանի սիրտը։ Պատերազմի արհավիրքից մազապուրծ մարդիկ հայաստանյան կացարաններից մեկում որոշեցին այս դառն օրերը մի քիչ քաղցրացնել միասին։ Ու անգամ ֆորսմաժորային իրավիճակը չի խանգարում երկու օրում «հայկական ադաթներով» հարսանիք կազմակերպել՝ հարսին իր սենյակից հանդիսավոր կերպով փեսայի սենյակ ճանապարհելու համար։

Հայկազը տարիներ առաջ ամուսնացած եղել է, հիմա ամուսնալուծված է։ Տասը տարուց ավելի Քաշաթաղի Իշխանաձոր գյուղում էր ապրում։ Պատերազմը ստիպեց միայնակ լինելուց բացի նաև փախստական դառնալ։ Ռուզանն էլ մոտ տասնհինգ օր է, ինչ կացարանում է. եկել է Ստեփանակերտից։ Մի որդի ունի, ամուսին չունի։

Свадьба Айказа и Рузанны
© Photo : provided by Lilia Abrahamyan
Ռուզանի և Հայկազի հարսանիքը

Զույգի ստեղծման «մեղավորը» Վանաձորում գտնվող կացարաններից մեկի ղեկավարն է՝ Լիլյա Աբրահամյանը։ Այն շենքը, որն այսօր հարյուր հիսուն արցախցիների համար տուն է դարձել, նախկինում Վանաձորի մանկատունն էր, Լիլյան էլ՝ մանկատան տնօրենը։ Այն ժամանակ այս շենքում ապրում էին առանց ծնողական խնամքի մնացած փոքրիկները, այսօր՝ անտուն մնացած արցախցիները։ Լիլյան իրենց հյուրընկալ հարկի տակ ապաստանած արցախցիների մասին խոսում ու պատմում է մայրական պատասխանատվությամբ։ 

«Օրհնություն քաոսի ժամանակ». հունական կայքի անդրադարձը խրամատի հայկական հարսանիքին

«Ռուզանը ճաշարանում երբ հաց էր ուտում, Հայկազը միշտ գնում, կողքին նստում էր։ Մյուսները նախանձով էին նայում։ Մի օր էլ Հայկազը եկավ, թե ոնց անենք, ինչ անենք։ Դե, սկսեցինք մենք էլ աշխատել, մի քիչ էլ Ռուզանին համոզեցինք, անգամ ասացինք՝ գնա, ընտրիր, թե որ սենյակում կուզեք ապրել։ Հետո էլ եկավ, թե ինձ երկու ժամ ժամանակ տվեք, մտածեմ։ Հայկազն էլ դռան մոտ անհանգիստ այս ու այն կողմ էր գնում՝ մտածմունքների մեջ»,- համով-հոտով պատմում է Լիլյան։

Свадьба Айказа и Рузанны
© Photo : provided by Lilia Abrahamyan
Ռուզանի և Հայկազի հարսանիքը

Ասում է՝ ժամեր անց երկուսով մոտս եկան, թե` որոշել ենք ամուսնանալ։ Ուրախացել են, ոգևորվել ու որոշել հարսի և փեսայի համար տեղը տեղին հարսանիք կազմակերպել։

Լիլյան շտապել է Facebook-ի իր էջում տեղադրել սիրահարների համատեղ լուսանկարը, գրել սպասվող հարսանիքի մասին և կոչ արել օգնել կազմակերպչական հարցերում։ Մարդիկ պատերազմից հետո ծնված սիրո հանդեպ անտարբեր չեն մնացել։ Կարճ ժամանակ անց թե՛ հարսի շոր է գտնվել, թե՛ ծաղկեփունջ, թե՛ մատանիներ ու հարսանեկան տորթ, անգամ՝ օժիտ։   

«Հարսանիքի նախորդ օրը Հայկազին ասացի՝ ո՞նց ես, ասաց՝ «օդերում։ Ռուզանն էլ ասաց՝ տղան դեմ չէ, ասում է՝ «хороший мужик»,- ուրախ նշում է Լիլյան։      

Կացարանի մյուս բնակիչներին էլ են երջանիկ. անգամ խաչեղբոր և հարսնաքրոջ ընտրությունը պատահական չի եղել։       

«Սերգեյն ու Էմոն են, որովհետև Սերգեյն էլ Էմոյին է ուզում, տեսնենք, թե ինչպես է ստացվում, դեռ համոզելու գործընթացի մեջ ենք»,–ասում է Լիլյան։

Свадьба Айказа и Рузанны
© Photo : provided by Lilia Abrahamyan
Ռուզանի և Հայկազի հարսանիքը

Հարսանիքն այսօր` դեկտեմբերի 6-ին է նշանակվել։ Այս օրն առանց այն էլ կացարանի բնակիչների համար իրադարձություններով լի էր՝ առավոտյան առաջնագծից վերադարձած զինվորի համար մատաղ պետք է անեին, հետո՝ ծննդյան օր նշեին, տոնական օրվա եզրափակումն էլ դարձավ նորապսակներին երջանկություն ցանկանալը։

Առաջնագծից ուղիղ եկեղեցի. Ադրբեջանի սանձազերծած պատերազմին ի պատասխան հարսանիք ենք անում

Արդեն մի մեծ ընտանիք են դարձել, որտեղ շատերն իրենց հստակ դերն ունեն՝ խոհարար, խոհանոցի մաքրության պատասխանատու, պահեստապետ և այլն։ Ասում է՝ նրանք, ովքեր հետ են գնում Արցախ, կարոտով զանգահարում են ու վերադառնալ ցանկանում։ Այս կացարանում ապրում են բազմազավակ ընտանիքներ, բայց ամենամեծ թիվը կազմում են միայնակ ծերերը։ Լիլյան խոստովանում է՝ բոլորը գիտեն տատիկ-պապիկների նկատմամբ իր, այսպես ասած, թուլության մասին. նրանց առանձնակի հոգատարությամբ ու սիրով է շրջապատում։

Свадьба Айказа и Рузанны
© Photo : provided by Lilia Abrahamyan
Ռուզանի և Հայկազի հարսանիքը

«Ով եկել է` որոշել եմ ամուսնացնել։ Օրինակ` մի պապիկ ունեինք, հավանել էր մոտակա խանութում աշխատող մի կնոջ։ Ամբողջ թաղամասը խառնեցինք, ուսումնասիրեցինք։ Ուզում էինք հասկանալ, թե ով է այս տատիկը։ Վերջում պարզվեց՝ ամուսնացած է։ Հիմա մեր պապիկը շատ տխուր է, փնտրտուքների մեջ է։ Որտեղ տեսնում ենք միայնակ կին կա, ուղարկում ենք, տեսնենք՝ ոնց ենք պսակում»,- ասում է Լիլյան ու շեշտում՝ իր մոտ միայնակ մարդ չի մնալու։

Свадьба Айказа и Рузанны
© Photo : provided by Lilia Abrahamyan
Ռուզանի և Հայկազի հարսանիքը

Բացատրում է՝ դժվար է միայնակ լինելը, հիմա ինքն ամեն ինչ փորձում է կազմակերպել՝ հագուստը լվացվում է և այլն, բայց նրանց վաղվա օրվա մասին է մտածում։ Դժվարություններն ավելի արագ կարելի է հաղթահարել ոչ թե մենակ, այլ երկուսով։ Անկեղծանում է՝ երբ տեղեկանում է, որ նոր մարդկանց են իրենց կացարան ուղարկելու, առաջին հերթին խնդրում է նրանց մասին տվյալներ ուղարկել։ Կարևորում է, որ նախկին մանկատան հարկի տակ ստեղծված մեծ արցախյան ընտանիքի համերաշխությունը չխաթարվի, շարունակեն սիրով ու միասին նշել ծննդյան օրեր, մկրտության արարողություններ անցկացնեն, և, ի վերջո, հարսանիքներ անեն։

Свадьба Айказа и Рузанны
© Photo : provided by Lilia Abrahamyan
Ռուզանի և Հայկազի հարսանիքը
3174
թեգերը:
հարսանիք, Վանաձոր, բնակիչ, Արցախ
Ըստ թեմայի
«Ընկնում ենք, բայց չենք ծնկում», կամ պատերազմի օգնության ծրագրերը վերածվում են ստարտափերի
Արցախցիները տուն են վերադառնում, իսկ այլևս տուն չունեցողները՝ բարի ճանապարհ մաղթում նրանց
Արցախի կորստով ՀՀ–ում արշավային հայտնի ուղղությունները վտանգավոր կամ անհնար են դառնում
Ավտոբուս

Գարնան առաջին օրվանից 99 համարի երթուղին Երևանում կսկսի գործել նոր ավտոբուսներով

173
(Թարմացված է 16:46 28.02.2021)
Վարորդները լինելու են հատուկ համազգեստով, ղեկին չեն ծխելու և հեռախոսով չեն խոսելու։

ԵՐԵՎԱՆ, 28 փետրվարի – Sputnik․ Մարտի 1-ից մայրաքաղաքային 99 համարի երթուղին կգործի 13 նոր ավտոբուսներով։ Տեղեկությունը Facebook-ի իր էջում հայտնում է քաղաքապետի մամուլի խոսնակ Հակոբ Կարապետյանը։

Երթուղին սկսվելու է ՀԱԹ Բաբաջանյան փողոցից, անցնելու է քաղաքի կենտրոնով դեպի Քանաքեռ-Զեյթուն։ Երթուղու վերջնակետը Ուռուցքաբանության կենտրոնի մոտ է։ Ավտոբուսներն աշխատելու են առավոտյան 07.15-ից մինչև 23.00։

Քաղաքապետի մամուլի խոսնակը նաև մի քանի «կանոններ» է հիշեցրել, որոնք կարևոր են երթուղու նոր ավտոբուսներից օգտվելու համար։

Հայկ Մարությանը կոմպոզիտոր Վլադիլեն Բալյանին է հանձնել Երևանի պատվավոր քաղաքացու կոչում

«Պետք է վճարել նստելիս։ Մետաղադրամ ընդունող սարքը «վերցնում է» միայն 100 դրամանոցներ։ Եթե չունեք 100 դրամանոց, վարորդը սկզբնական շրջանում կարող է մանրել, բայց խիստ ցանկալի է ունենալ 100-դրամանոցը։ Շուտով կունենանք նաև էլեկտրոնային վճարման համակարգ»,- նշում է Կարապետյանը։

Նրա խոսքով՝ ավտոբուսի սրահը տեսահսկվում է՝ ուղևորների և առհասարակ երթևեկության անվտանգության նկատառումներով։

Մասնավոր մանկապարտեզների և դպրոցների գլխին սուր է կախված. փակման վտանգ` հանուն բյուջեի

Հատուկ կանոններ են սահմանված նաև վարորդների համար․ նրանք լինելու են համապատասխան համազգեստով, հրահանգավորված են երևեկության ընթացքում չծխելու և հեռախոսով չխոսելու պահանջի մասին։

Երևանի մետրոպոլիտենի համար դրենաժային թունել կկառուցվի

173
թեգերը:
ավտոբուս, Երևան, Հայաստան
Նարեկացու հիշատակի օրվա կապակցությամբ Վատիկանում պատարագ է մատուցվել

Նարեկացու հիշատակի օրվա կապակցությամբ Վատիկանում պատարագ է մատուցվել. լուսանկարներ

34
(Թարմացված է 13:36 28.02.2021)
Պատարագից հետո Վատիկանի այգիներում դեռևս 2018թ․-ին վեր խոյացած Նարեկացու արձանի մոտ էկումենիկ աղոթք է հնչել։

ԵՐԵՎԱՆ, 287 փետրվարի – Sputnik. Վատիկանի Սուրբ Պետրոսի տաճարում երեկ` փետրվարի 27-ին, տեղի է ունեցել Գրիգոր Նարեկացու հիշատակի օրվան նվիրված պատարագ` Սուրբ Աթոռի Արևելյան եկեղեցիների միաբանության պրեֆեկտ Լեոնարդո Կարդինալ Սանդրիի նախագահությամբ։ Տեղեկությունը հայտնում է Սուրբ Աթոռում Հայաստանի դեսպանությունը։

Պատարագին հետևել է էկումենիկ աղոթք՝ Վատիկանի այգիներում դեռևս 2018թ․-ին վեր խոյացած Նարեկացու արձանի մոտ, որին ներկա են գտնվել նաև Սուրբ Աթոռի Քրիստոնեական միության խթանման քահանայապետական խորհրդի նախագահ Կուրտ Կարդինալ Կոխը, պաշտոնատար անձիք, օտարերկրյա դեսպաններ, ԶԼՄ-ների ու հասարակական կառույցների ներկայացուցիչներ։

ՀՀ դեսպան Կարեն Նազարյանն իր ելույթի ընթացքում անդրադառնալով Նարեկացու հոգևոր-գրական ժառանգությանը` նշել է, որ Հռոմեական գլխավոր օրացույցում Ս․ Գրիգոր Նարեկացու հիշատակի օրը ներառելու Ֆրանցիսկոս պապի վերջերս կայացրած որոշումը գալիս է փաստելու հայաստանյայց ու կաթոլիկ քույր եկեղեցիների միջև շարունակական սերտացման, ինչպես նաև Հայաստանի ու Սուրբ Աթոռի միջև զարգացող հարաբերությունների մասին։

Նազարյանի խոսքով` հայ ժողովուրդն իր հազարամյա պատմության ընթացքում երբեք չի ընկրկել իրեն պարտադրված պատերազմների, հարևանների ագրեսիայի, ջարդերի, ցեղասպանության ու այլ զրկանքների առջև, վեր է հառել և շարունակել է հավատարիմ մնալ քրիստոնեական ու համամարդկային իդեալներին։

«Խաղաղության վարդապետի» (ինչպես ավելի վաղ Նարեկացուն անվանել էր Հռոմի պապը) օրվա առթիվ ՀՀ դեսպանն ընդգծել է ազգային ու գլոբալ մակարդակներում խաղաղության քաղաքակրթություն կերտելու եկեղեցու ու միջազգային հանրության ջանքերին սատարելու անհրաժեշտությունը։

Հիշատակի այս արարողությունները կազմակերպել էին Սուրբ Աթոռի Արևելյան եկեղեցիների միաբանությունը, Քրիստոնեական միասնության խթանման Քահանայապետական խորհուրդը՝ Սուրբ Աթոռում ՀՀ դեսպանության հետ համագործակցաբար ու վերջինիս նախաձեռնությամբ։ Արարողություններին մասնակցել են նաև Մխիթարյան միաբանության քահանայապետական պատվիրակ Լևոն արք. Զեքիյանը, Մայր աթոռ Սբ. Էջմիածնի ներկայացուցիչ Խաժակ արք. Պարսամյանը, Քահանայապետական Լևոնյան հայ վարժարանի տնօրեն Նարեկ վրդ․ Նամոյանը, հայ կաթողիկե քույրերը, հայ առաքելական ու կաթողիկե եկեղեցիների հոգևորականներն ու հայ համայնքի ներկայացուցիչները։

34
թեգերը:
աղոթք, պատարագ, Գրիգոր Նարեկացի, Վատիկան
Ըստ թեմայի
Ինչպես փրկվեց Դադիվանքը. տեր Վահրամը հայտնել է` քանի եկեղեցի է մնացել թշնամու կողմում
Գումար կհատկացվի Ստեփանակերտից Արցախի եկեղեցիներ տրանսպորտ ապահովելու համար. Հարությունյան
Վիգեն Ավետիսի «Հայոց մայր» հուշարձանը ցուցադրվում է Տոսկանայում
ՃՏՊ, արխիվային լուսանկար

Վրաերթ Արարատի մարզում. տղամարդը մի քանի մետր շպրտվել է ու տեղում մահացել

0
(Թարմացված է 00:19 01.03.2021)
Վարորդը փախուստի չի դիմել, փորձել է օգնություն ցուցաբերել վրաերթի ենթարկված տղամարդուն։

ԵՐԵՎԱՆ, 28 փետրվարի – Sputnik. Այսօր՝ փետրվարի 28-ին, մահվան ելքով վրաերթ է տեղի ունեցել Արարատի մարզում: Ժամը 20:30–ի սահմանում Նիզամի գյուղի բնակիչ, 38-ամյա Էդուարդ Աբրահամյանը՝ Նիզամի գյուղի կենտրոնական փողոցում իր վարած «Mercedes» մակնիշի ավտոմեքենայով վրաերթի է ենթարկել համագյուղացուն` 76-ամյա Միրզա Աբրամովին: Տեղեկությունը հայտնում է shamshyan.com–ը։

Ըստ կայքի` վարորդը փախուստի չի դիմել, փորձել է օգնություն ցուցաբերել վրաերթի ենթարկվածին, սակայն վերջինս, որ հարվածից մի քանի մետր շպրտվել է, տեղում մահացել է:

Սպանություն Լոռիում. 35–ամյա տղամարդը մահացել է մինչև հիվանդանոց հասնելը

Փաստի առթիվ հարուցվել է քրեական գործ ՀՀ ՔՕ 242 հոդվածի 2-րդ մասի հատկանիշներով:

Քննիչի հանձնարարականով ավտոմեքենան տեղափոխվել է ոստիկանության Մասիսի բաժնի պահպանվող հատուկ տարածք:

Փարաքար-Մուսալեռ ավտոճանապարհին բախվել են «Mazda»-ն և «Honda Elison»-ը․ կա զոհ

0
թեգերը:
վարորդ, Մահ, Վրաերթ, Արարատի մարզ, Հայաստան
Ըստ թեմայի
Երկու անգամ նույն տունն է մտել գողության համար, Սևանի ոստիկանները բռնել են դեպքի վայրում
Հրդեհ Աբովյան քաղաքում. այրված կրպակում դիակ են հայտնաբերել
Նուբարաշենի գերեզմանները թալանել են. ոստիկանները հայտնաբերել են գողերին