ԵՐԵՎԱՆ, 6 դեկտեմբերի - Sputnik. Ձերբակալվել է Facebook սոցիալական ցանցում արցախցիների, նաև մի շարք քաղաքական գործիչների նկատմամբ բռնության կոչեր հնչեցրած անձը։ Տեղեկությունը հայտնում է ՀՀ գլխավոր դատախազի խորհրդական Գոռ Աբրահամյանը Facebook-ի իր էջում։

© Photo / official site of the Prime minister of RA

Ատելության խոսքը պետք է բացառել. Փաշինյանը պնդում է, որ իր գրառման մեջ բռնության կոչ չկա

Խոսքը վերաբերում է նոյեմբերի 13-ին օգտատերերից մեկի հրապարակած տեսանյութին, որում ավտոմեքենայի սրահում գտնվող 4 անձանցից մեկը բռնություն գործադրելու հրապարակային կոչեր է հնչեցնում մի քանի քաղաքական գործիչների, ինչպես նաև արցախցիների նկատմամբ։ Բռնության կոչերը զուգակցվում են վերջիններիս հասցեին վիրավորական արտահայտություններով:

Աբրահամյանի տեղեկացմամբ՝ տեսաուղերձն արձանագրվել էր ՀՀ գլխավոր դատախազությունում ԶԼՄ-ների և սոցիալական ցանցերի մշտադիտարկման արդյունքում։ Բացի այդ, դրա վերաբերյալ ստացվել էին ՀՀ գլխավոր դատախազին հասցեագրված մի շարք դիմումներ, այդ թվում՝ ՀՀ ԱԺ մարդու իրավունքների պաշտպանության և հանրային հարցերի մշտական հանձնաժողովի նախագահ Նաիրա Զոհրաբյանի կողմից։

Թաթոյանը Զոհրաբյանին և Գորգիսյանին կոչ է արել անթույլատրելի բառեր չօգտագործել

«Նկատի առնելով, որ նյութերի նախապատրաստմամբ ձեռք էին բերվել մի խումբ անձանց կողմից նախնական համաձայնությամբ բռնություն գործադրելու հրապարակային կոչեր անելու, բռնությունը հրապարակայնորեն արդարացնելու հանցավոր արարքների հատկանիշներ պարունակող տվյալներ, ՀՀ ոստիկանության Երևան քաղաքի վարչության շտաբի հետաքննության բաժնում դեկտեմբերի 2-ին հարուցվել էր քրեական գործ՝ ՀՀ քրեական օրենսգրքի 226.2-րդ հոդվածի 2-րդ մասի 1-ին կետով (Բռնություն գործադրելու հրապարակային կոչերը, բռնությունը հրապարակայնորեն արդարացնելը կամ քարոզելը,-խմբ.)»,- նշված է հաղորդագրության մեջ։

Քրեական գործն ուղարկվել է ՀՀ քննչական կոմիտե՝ նախաքննություն կատարելու համար:

Նշվում է, որ բռնության, բռնության գործադրումն արդարացնող և ատելության շեշտադրումներով կոչեր անող անձը նշված հանցավոր արաքը կատարելու կասկածանքով ձերբակալվել է: Քննությունը շարունակվում է:

Դատախազությունը նախազգուշացնում է՝ նման երևույթներն արժանանալու են խիստ իրավական գնահատականների:

Հանրահավաքի մասնակիցները երթով շարժվել են դեպի գլխավոր դատախազություն ու ԱԳՆ

ԵՐԵՎԱՆ, 5 մարտի – Sputnik, Արմենուհի Մխոյան. Շիրակի մարզի գերեվարված զինվորների ծնողներն այսօր կրկին փակել են մարզպետարանի մուտքը: Sputnik Արմենիայի Գյումրու թղթակիցը հաղորդում է, որ գերեվարվածների ծնողները թույլ չեն տվել, որ որևէ աշխատակից ներս մտնի:

Пресс-служба МИД РФ

Զախարովան խորհուրդ է տվել գերիների թվի հարցով դիմել ոչ թե իրեն, այլ Երևանին և Բաքվին

Նրանք, սակայն,  հրաժարվում են պատասխանել լրագրողների հարցերին: Նշում են, որ լուսաբանման ենթակա ասելիք այս պահին չունեն:

Նմանատիպ ակցիա ծնողները կազմակերպել էին նաև մարտի 3-ին և ասել, որ նոր հանդիպում են պահանջում ՀՀ վարչապետ Նիկոլ Փաշինյանի հետ և վերջնական ու հստակ պատասխան, թե երբ են իրենց որդիները վերադառնալու:

Մարտի 3-ին, սակայն, նրանք աշխատակիցների ելումուտը չէին արգելել:

Հիշեցնենք` 2020–ի դեկտեմբերի 16-ին հայտնի դարձավ, որ Հադրութի Հին Թաղեր և Խծաբերդ գյուղերի ուղղությամբ տեղակայված մի քանի մարտական դիրքերից 62 զինծառայող են գերեվարվել, բոլորը` Շիրակի մարզից։

Հունվարի 28–ին նրանցից հինգը վերադարձել են հայրենիք, իսկ 3-ը հեռախոսով զրուցել են ծնողների հետ։