Ոստիկանությունը Երևանում հատուկ օպերացիա է իրականացրել. հանցավոր խումբը վնասազերծված է
(Թարմացված է 13:54 04.12.2020)
Բերման ենթարկելու ընթացքում խմբի անդամներից մեկը սպառնացել է, որ իր մոտ եղած նռնակով կպայթեցնի բոլորին։ Բայց ոստիկանության ծառայողներին հաջողվել է վնասազերծել նրան։
ԵՐԵՎԱՆ, 4 դեկտեմբերի - Sputnik. Դեկտեմբերի 3-ին ոստիկանությունը հատուկ օպերացիա է իրականացրել Երևանում, արդյունքում կան բերման ենթարկվածներ։ Sputnik Արմենիայի հետ զրույցում տեղեկությունը հաստատեցին ՀՀ ոստիկանության լրատվության և հասրակայնության հետ կապերի վարչությունից:
Ըստ հաստատված տեղեկությունների` երեկ գողություն է կատարվել Երևանի Սայաթ–Նովա փողոցում գտնվող «Հերմիտաժ» խանութից։
Ոստիկանության լրատվական ծառայությունից Sputnik Արմենիային հայտնեցին, որ դեկտեմբերի 3-ին` ժամը 6։05-ին, ահազանգ է ստացվել, որ միացել է «Հերմիտաժ» խանութի ձայնային ազդանշանը։ Դրան հաջորդել է երկրորդ ահազանգն այն մասին, որ խանութից անհայտ անձինք հափշտակել են օծանելիքներ և խնամքի միջոցներ։
Նույն դեպքի մասին shamshyan.com-ը հայտնում է, որ դեկտեմբերի 3–ի ցերեկը ոստիկանությունը գողություն կատարելու կասկածանքով բերման է ենթարկել «Արմավիր» քրեակատարողական հիմնարկում հաշվառված 28-ամյա Խաչիկ Դարբինյանին, 18-ամյա Էդուարդ Գրիգորյանին, 23-ամյա Ալիկ Ադյանին և 20-ամյա Տիգրան Մանուկյանին:
Երեխաների առուվաճառք կատարելու համար ՀՀ–ում հանցավոր խումբ է ստեղծվել. նոր բացահայտումներ
Բերման ենթարկելու ընթացքում Տիգրան Մանուկյանը սպառնացել է, որ իր մոտ եղած «ՌԳԴ-5» տիպի նռնակով կպայթեցնի բոլորին։ Բայց ոստիկանության ծառայողներին հաջողվել է վնասազերծել նրա մոտ եղած նռնակը։ Բերման ենթարկվածներից մեկի մոտ նաև ատրճանակ է հայտնաբերվել։
Նշված փաստով ՀՀ քրեական օրենսգրքի 316–րդ հոդվածի (Իշխանության ներկայացուցչի նկատմամբ բռնություն գործադրելը) 1-ին մասի հատկանիշներով հարուցվել է քրեական գործ։
Է․ Գրիգորյանը, Ա․ Ադյանը բաց են թողնվել, իսկ Խ․ Դարբինյանն ու Տ․ Մանուկյանը ձերբակալվել են։
«Իմ հայ թագուհի Քորթնի Քարդաշյան». Քիմը շնորհավորել է քրոջ ծննդյան տոնը. լուսանկարներ
ԵՐԵՎԱՆ, 18 ապրիլի – Sputnik. Ամերիկահայ հեռուստաաստղ Քիմ Քարդաշյանը յուրահատուկ կերպով է շնորհավորել ավագ քրոջը` Քորթնի Քարդաշյանին ծննդյան օրվա առթիվ։ Նա Քորթնիի հետ տարբեր ժամանակներում արված լուսանկարներ է հրապարակել, որոնց մեջ կա նաև Հայաստան կատարած այցը։
«Ծնունդդ շնորհավոր, իմ հայ թագուհի Քորթնի Քարդաշյան։ Մոլորակի այն մարդն ես, ում ես շատ երկար ժամանակ է ինչ ճանաչում եմ։ Քո նմանը չկա։ Դու միշտ գիտես ինչ ես ուզում այս կյանքում, և երբեք չես համապատասխանում ուրիշների իդեալներին, ես այնքան եմ հիանումքեզնով: Դու միշտ ճշտի կողմից ես և դարձել ես լավագույն հոգեթերապևտը, որի մասին կարող է երազել ցանկացած աղջիկ։ Ես սիրելու եմ քեզ մինչև վերջին շունչս։ Քեզ լավագույն տարեդարձն եմ մաղթում, դու արժանի ես այս ամենին»,– գրել է Քիմը։
Նշենք, որ այսօր Քորթնին նշում է իր ծննդյան 42–րդ տարեդարձը։ Նա Instagram-ում հրապարակել է նախօրեին իր նոր ընկերոջ՝ ամերիկացի երաժիշտ Թրևիս Բարքերի մատուցած օրիգինալ անակնկալը և երկրպագուներին ցույց տվել տան անկյունում կակաչների ահռելի փունջն ու առաստաղից թելով կախված բազմաթիվ գարդենիաները։
Նշենք, որ վերջերս հայտնի դարձավ, որ Քորթնին նոր ընտրյալ ունի։ Օրեր առաջ նա հանգստյան օրերն անցկացրել էր Թրևիս Բարքերի հետ։
Ընտանեկան հանգստից լուսանկարներ են հրապարակել ինչպես Քորթնի Քարդաշյանը, այնպես էլ հայտնի երաժիշտը։
Նշենք, որ Քորթնին նախկինում հանդիպում էր Սքոթ Դիսիքի հետ, որից ունի 3 երեխա, իսկ Բարքերն իր նախորդ ամուսնությունից մեկ դուստր և մեկ որդի ունի։ Զույգն իր ժամանակի զգալի մասն անց է կացնում երեխաների հետ։
«Ամենաթույն մորաքույրը»․ Քիմ Քարդաշյանն ու զարմիկը խախտել են Քորթնիի սահմանած «կանոնները»
թեգերը:
Վանդալիզմ Նոր Երզնկա համայնքում. խաչքարեր են ջարդել. լուսանկարներ
(Թարմացված է 20:12 18.04.2021)
Պատմական միջավայրի պահպանության մարզային ծառայության պատասխանատուները վանդալիզմի փաստն արձանագրելուց հետո համապատասխան միջոցներ են ձեռնարկել։ԵՐԵՎԱՆ, 18 ապրիլի – Sputnik. ՀՀ Կոտայքի մարզի Նոր Երզնկա համայնքում գտնվող խաչքարերից երկուսը ջարդել են։ Տեղեկությունը Facebook–ի իր էջում հայտնում է ՀՀ ԿԳՄՍՆ Պահպանության ծառայություն ՊՈԱԿ-ը։
««Պահպանության ծառայություն» ՊՈԱԿ-ի Պատմական միջավայրի պահպանության (ՊՄՊ) Կոտայքի մարզային ծառայության աշխատակիցը, հուշարձանների տարածք կատարած հերթական շրջայցի ժամանակ, վանդալիզմի դեպք է արձանագրել։ Նոր Երզնկա համայնքում գտնվող խաչքարերից երկուսը ջարդված են եղել», – նշված է հաղորդագրության մեջ։
Մարզային ծառայության պատասխանատուները փաստն արձանագրելուց հետո համապատասխան միջոցներ են ձեռնարկել, չնայած խաչքարերն ընդգրկված չեն ո'չ նորահայտ հուշարձանների, և ո'չ էլ հուշարձանների պետական ցուցակում, և չեն գտնվում կազմակերպության պահպանության ներքո։
Վանդալիզմ Երևանում. Կոմիտասի անվան պանթեոնից գողացել են Շուշանիկ Կուրղինյանի կիսանդրին