ԵՐԵՎԱՆ, 2 դեկտեմբերի – Sputnik. Դեկտեմբերի 2-ին ՄԱԿ–ին առընթեր Ռուսաստանի մշտական ներկայացուցչությունն ու առողջապահության նախարարությունը կներկայացնեն կորոնավիրուսի դեմ «Սպուտնիկ V» ռուսական պատվաստանյութը։
«Միջոցառմանը կմասնակցեն ՌԴ առողջապահության նախարար Միխայիլ Մուրաշկոն, ՄԱԿ–ում Ռուսաստանի մշտական ներկայացուցիչ Վասիլի Նեբենզյան, «Ռուսական ուղիղ ներդրումներ» հիմնադրամի ղեկավար Կիրիլ Դմիտրիևը», – ՌԻԱ Նովոստիի հետ զրույցում հայտնել է մշտական ներկայացուցչության մամուլի քարտուղար Ֆյոդոր Ստրիժիժովսկին։
Նա հավելել է, որ «Սպուտնիկ V. պատվաստանյութ COVID-19–ի դեմ» վիրտուալ միջոցառումը կանցկացվի ՄԱԿ–ի ԳԱ հատուկ նստաշրջանի ժամանակ։ Գործակալության զրուցակիցը պարզաբանել է, որ նիստին ավելի մանրամասն տեղեկություն կներկայացվի ռուսական դեղամիջոցի մասին։
Հայաստանը հաջողության հասե՞լ է COVID-19-ի դեմ պայքարում. մասնագետի պատասխանը
Հիշեցնենք` Ռուսաստանն աշխարհում առաջինն է գրանցել COVID-19–ի դեմ պատվաստանյութը, որը ստեղծել են Գամալեայի կենտրոնը և «Ռուսական ուղիղ ներդրումներ» հիմնադրամը։ Այն ստացել է «Սպուտնիկ V» անվանումը։ Առաջին խմբաքանակն արդեն իսկ շրջանառության մեջ է դրվել և Ռուսաստանի մարզեր է մատակարարվում։
ՌԴ առողջապահության նախարարը Թորոսյանին փոխանցեց ռուսական պատվաստանյութի առաջին նմուշները
