ԵՐԵՎԱՆ, 24 նոյեմբերի - Sputnik. Երևան քաղաքի 2020 թվականի բյուջեի վարչական մասի պահուստային ֆոնդից 100 մլն դրամ կհատկացվի Արցախի Հանրապետության մայրաքաղաք Ստեփանակերտին։
Այս մասին որոշումն ընդունվեց այսօր Երևանի ավագանու նիստում։
Երևանի բյուջեում փոփոխություն կատարելու առաջարկը ներկայացրեց Երևանի փոխքաղաքապետ Սերգեյ Ներսիսյանը։
«Առաջարկում ենք 100 մլն դրամ փոխանցել Ստեփանակերտին`կապիտալ բնույթի աշխատանքների իրականացման նպատակով՝ բյուջետային ծախսերի տնտեսագիտական դասակարգման «Այլ կապիտալ դրամաշնորհներ համայնքներին» հոդվածով»,– ասաց նա։
Նշենք, որ Երևան քաղաքի 2020 թվականի բյուջեով այդ 100 մլն դրամը պետք է ծախսվեր Երևանում Ամանորյա տոնական միջոցառումների կազմակերպման համար։
Ստեփանակերտում կրկին պայթյուններ կլսվեն. «Սմերչի» հրթիռներ են գտել
Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։ Նոյեմբերի 9-ին ՀՀ վարչապետ Նիկոլ Փաշինյանի, ՌԴ նախագահ Վլադիմիր Պուտինի ու Ադրբեջանի նախագահ Իլհամ Ալիևի միջև ստորագրված հայտարարության համաձայն, ռազմական գործողությունները դադարեցվեցին։
Վերջին տվյալներով` քաղաքացիական անձանց շրջանում կա 50 զոհ ու 148 վիրավոր։ Տեղահանվածների թիվը 100-120 հազար է, գրեթե 17 հազար շենք-շինություն էլ մասնակի կամ ամբողջապես ոչնչացվել է։
Ինչո՞ւ են ադրբեջանցիներն ուրախացել․ ռուսական խաղաղապահների հրամանատարի կենսագրությունը
